Livro 8, § 9 — Novo Testamento

Περὶ μὲν γὰρ τῆς διακονίας τῆς εἰς τοὺς ἁγίους περισσόν μοί ἐστιν τὸ γράφειν ὑμῖν, οἶδα γὰρ τὴν προθυμίαν ὑμῶν ἣν ὑπὲρ ὑμῶν καυχῶμαι Μακεδόσιν ὅτι Ἀχαΐα παρεσκεύασται ἀπὸ πέρυσι, καὶ τὸ ὑμῶν ζῆλος ἠρέθισε τοὺς πλείονας. ἔπεμψα δὲ τοὺς ἀδελφούς, ἵνα μὴ τὸ καύχημα ἡμῶν τὸ ὑπὲρ ὑμῶν κενωθῇ ἐν τῷ μέρει τούτῳ, ἵνα καθὼς ἔλεγον παρεσκευασμένοι ἦτε, μή πως ἐὰν ἔλθωσιν σὺν ἐμοὶ Μακεδόνες καὶ εὕρωσιν ὑμᾶς ἀπαρασκευάστους καταισχυνθῶμεν ἡμεῖς, ἵνα μὴ λέγωμεν ὑμεῖς, ἐν τῇ ὑποστάσει ταύτῃ. ἀναγκαῖον οὖν ἡγησάμην παρακαλέσαι τοὺς ἀδελφοὺς ἵνα προέλθωσιν εἰς ὑμᾶς καὶ προκαταρτίσωσι τὴν προεπηγγελμένην εὐλογίαν ὑμῶν, ταύτην ἑτοίμην εἶναι οὕτως ὡς εὐλογίαν καὶ μὴ ὡς πλεονεξίαν. Τοῦτο δέ, ὁ σπείρων φειδομένως φειδομένως καὶ θερίσει, καὶ ὁ σπείρων ἐπ’ εὐλογίαις ἐπ’ εὐλογίαις καὶ θερίσει. ἕκαστος καθὼς προῄρηται τῇ καρδίᾳ, μὴ ἐκ λύπης ἢ ἐξ ἀνάγκης· ἱλαρὸν γὰρ δότην ἀγαπᾷ ὁ θεός. δυνατεῖ δὲ ὁ θεὸς πᾶσαν χάριν περισσεῦσαι εἰς ὑμᾶς, ἵνα ἐν παντὶ πάντοτε πᾶσαν αὐτάρκειαν ἔχοντες περισσεύητε εἰς πᾶν ἔργον ἀγαθόν· καθὼς γέγραπται· Ἐσκόρπισεν, ἔδωκεν τοῖς πένησιν, ἡ δικαιοσύνη αὐτοῦ μένει εἰς τὸν αἰῶνα· ὁ δὲ ἐπιχορηγῶν σπόρον τῷ σπείροντι καὶ ἄρτον εἰς βρῶσιν χορηγήσει καὶ πληθυνεῖ τὸν σπόρον ὑμῶν καὶ αὐξήσει τὰ γενήματα τῆς δικαιοσύνης ὑμῶν· ἐν παντὶ πλουτιζόμενοι εἰς πᾶσαν ἁπλότητα, ἥτις κατεργάζεται δι’ ἡμῶν εὐχαριστίαν τῷ θεῷ ὅτι ἡ διακονία τῆς λειτουργίας ταύτης οὐ μόνον ἐστὶν προσαναπληροῦσα τὰ ὑστερήματα τῶν ἁγίων, ἀλλὰ καὶ περισσεύουσα διὰ πολλῶν εὐχαριστιῶν τῷ θεῷ διὰ τῆς δοκιμῆς τῆς διακονίας ταύτης δοξάζοντες τὸν θεὸν ἐπὶ τῇ ὑποταγῇ τῆς ὁμολογίας ὑμῶν εἰς τὸ εὐαγγέλιον τοῦ Χριστοῦ καὶ ἁπλότητι τῆς κοινωνίας εἰς αὐτοὺς καὶ εἰς πάντας, καὶ αὐτῶν δεήσει ὑπὲρ ὑμῶν ἐπιποθούντων ὑμᾶς διὰ τὴν ὑπερβάλλουσαν χάριν τοῦ θεοῦ ἐφ’ ὑμῖν. χάρις τῷ θεῷ ἐπὶ τῇ ἀνεκδιηγήτῳ αὐτοῦ δωρεᾷ.

Peri men gar tes diakonias tes eis tous hagious perisson moi estin to graphein hymin, oida gar ten prothymian hymon hen hyper hymon kauchomai Makedosin hoti Achaia pareskeuastai apo perysi, kai to hymon zelos erethise tous pleionas. epempsa de tous adelphous, hina me to kauchema hemon to hyper hymon kenothe en to merei touto, hina kathos elegon pareskeuasmenoi ete, me pos ean elthosin syn emoi Makedones kai heurosin hymas aparaskeuastous kataischynthomen hemeis, hina me legomen hymeis, en te hypostasei taute. anankaion oun hegesamen parakalesai tous adelphous hina proelthosin eis hymas kai prokatartisosi ten proepengelmenen eulogian hymon, tauten hetoimen einai houtos hos eulogian kai me hos pleonexian. Touto de, ho speiron pheidomenos pheidomenos kai therisei, kai ho speiron ep’ eulogiais ep’ eulogiais kai therisei. hekastos kathos proeretai te kardia, me ek lypes e ex anankes; hilaron gar doten agapa ho theos. dynatei de ho theos pasan charin perisseusai eis hymas, hina en panti pantote pasan autarkeian echontes perisseuete eis pan ergon agathon; kathos gegraptai; Eskorpisen, edoken tois penesin, he dikaiosyne autou menei eis ton aiona; ho de epichoregon sporon to speironti kai arton eis brosin choregesei kai plethynei ton sporon hymon kai auxesei ta genemata tes dikaiosynes hymon; en panti ploutizomenoi eis pasan haploteta, hetis katergazetai di’ hemon eucharistian to theo hoti he diakonia tes leitourgias tautes ou monon estin prosanaplerousa ta hysteremata ton hagion, alla kai perisseuousa dia pollon eucharistion to theo dia tes dokimes tes diakonias tautes doxazontes ton theon epi te hypotage tes homologias hymon eis to euangelion tou Christou kai haploteti tes koinonias eis autous kai eis pantas, kai auton deesei hyper hymon epipothounton hymas dia ten hyperballousan charin tou theou eph’ hymin. charis to theo epi te anekdiegeto autou dorea.