§ 15 — Idilli

ἔνδοι Πραξινόα; Γοργοῖ φίλα, ὡς χρόνῳ. ἔνδοι.

endoi Praxinoa? Gorgoi phila, hos chrono. endoi.

θαῦμ’ ὅτι καὶ νῦν ἦνθες. ὅρη δίφρον Εὐνόα αὐτῇ.

thaum’ hoti kai nyn enthes. hore diphron Eunoa aute.

ἔμβαλε καὶ ποτίκρανον. ἔχει κάλλιστα. καθίζευ.

embale kai potikranon. echei kallista. kathizeu.

ὢ τᾶς ἀλεμάτω ψυχᾶς· μόλις ὔμμιν ἐσώθην

o tas alemato psychas; molis ymmin esothen

Πραξινόα πολλῶ μὲν ὄχλω, πολλῶν δὲ τεθρίππων.

Praxinoa pollo men ochlo, pollon de tethrippon.

παντᾷ κρηπῖδες, παντᾷ χλαμυδηφόροι ἄνδρες·

panta krepides, panta chlamydephoroi andres;

ἁ δ’ ὁδὸς ἄτρυτος· τὺ δ’ ἑκαστάτω ὅσσον ἀποικεῖς.

ha d’ hodos atrytos; ty d’ hekastato hosson apoikeis.

ταῦθ’ ὁ πάραρος τῆνος ἐπ’ ἔσχατα γᾶς ἔλαβ’ ἐνθὼν

tauth’ ho pararos tenos ep’ eschata gas elab’ enthon

ἰλεόν, οὐκ οἴκησιν, ὅπως μὴ γείτονες ὦμες

ileon, ouk oikesin, hopos me geitones omes

ἀλλάλαις, ποτ’ ἔριν, φθονερὸν κακόν, αἰὲν ὁμοῖος.

allalais, pot’ erin, phthoneron kakon, aien homoios.

μὴ λέγε τὸν τεὸν ἄνδρα φίλα Δίκωνα τοιαῦτα,

me lege ton teon andra phila Dikona toiauta,

τῶ μικκῶ παρεόντος· ὅρη γύναι, ὡς ποθορῇ τυ.

to mikko pareontos; hore gynai, hos pothore ty.

θάρσει Ζωπυρίων, γλυκερὸν τέκος· οὐ λέγει ἀπφῦν.

tharsei Zopyrion, glykeron tekos; ou legei apphyn.

αἰσθάνεται τὸ βρέφος, ναὶ τὰν πότνιαν.

aisthanetai to brephos, nai tan potnian.

καλὸς ἀπφῦς. ἀπφῦς μὰν τῆνος τὰ πρόαν( λέγομες δὲ πρόαν θην

kalos apphys. apphys man tenos ta proan( legomes de proan then

πάντα) νίτρον καὶ φῦκος ἀπὸ σκανᾶς ἀγοράσδων

panta) nitron kai phykos apo skanas agorasdon

ἦνθε φέρων ἅλας ἄμμιν, ἀνὴρ τρισκαιδεκάπηχυς.

enthe pheron halas ammin, aner triskaidekapechys.

χὡμὸς ταὐτᾷ ἔχει, φθόρος ἀργυρίω, Διοκλείδας·

chhomos tauta echei, phthoros argyrio, Diokleidas;

ἑπταδράχμως κυνάδας, γραιᾶν ἀποτίλματα πηρᾶν,

heptadrachmos kynadas, graian apotilmata peran,

πέντε πόκως ἔλαβ’ ἐχθές, ἅπαν ῥύπον, ἔργον ἐπ’ ἔργῳ.

pente pokos elab’ echthes, hapan rhypon, ergon ep’ ergo.

ἀλλ’ ἴθι τὠμπέχονον καὶ τὰν περονατρίδα λάζευ.

all’ ithi tompechonon kai tan peronatrida lazeu.

βᾶμες τῶ βασιλῆος ἐς ἀφνειῶ Πτολεμαίω

bames to basileos es aphneio Ptolemaio

θασόμεναι τὸν Ἄδωνιν· ἀκούω χρῆμα καλόν τι

thasomenai ton Adonin; akouo chrema kalon ti

κοσμεῖν τὰν βασίλισσαν.

kosmein tan basilissan.

ἐν ὀλβίω ὄλβια πάντα. ὧν ἴδες, ὧν εἶπες καὶ ἰδοῖσα τὺ τῷ μὴ ἰδόντι.

en olbio olbia panta. hon ides, hon eipes kai idoisa ty to me idonti.

ἕρπειν ὥρα κ’ εἴη.

herpein hora k’ eie.

ἀεργοῖς αἰὲν ἑορτά.

aergois aien heorta.

Εὐνόα, αἶρε τὸ νῆμα καὶ ἐς μέσον αἰνόθρυπτε

Eunoa, aire to nema kai es meson ainothrypte

θὲς πάλιν. αἱ γαλέαι μαλακῶς χρῄζοντι καθεύδειν·

thes palin. ahi galeai malakos chrezonti katheudein;

κινεῦ δή, φέρε θᾶσσον ὕδωρ. ὕδατος πρότερον δεῖ.

kineu de, phere thasson hydor. hydatos proteron dei.

ἁ δὲ σμᾶμα φέρει. δὸς ὅμως. μὴ δὴ πολὺ ἄπληστε. ἔγχει ὕδωρ. δύστανε, τί μευ τὸ χιτώνιον ἄρδεις;

ha de smama pherei. dos homos. me de poly apleste. enchei hydor. dystane, ti meu to chitonion ardeis?

παῦε. ὁκοῖα θεοῖς ἐδόκει, τοιαῦτα νένιμμαι.

paue. hokoia theois edokei, toiauta nenimmai.

ἁ κλᾲξ τᾶς μεγάλας πᾷ λάρνακος; ὧδε φέρ’ αὐτάν.

ha klax tas megalas pa larnakos? hode pher’ autan.

Πραξινόα, μάλα τοι τὸ καταπτυχὲς ἐμπερόναμα

Praxinoa, mala toi to kataptyches emperonama

τοῦτο πρέπει· λέγε μοι, πόσσω κατέβα τοι ἀφ’ ἱστῶ;

touto prepei; lege moi, posso kateba toi aph’ histo?

μὴ μνάσῃς Γοργοῖ· πλέον ἀργυρίω καθαρῶ μνᾶν

me mnases Gorgoi; pleon argyrio katharo mnan

ἢ δύο· τοῖς δ’ ἔργοις καὶ τὰν ψυχὰν ποτέθηκα.

e dyo; tois d’ ergois kai tan psychan potetheka.

ἀλλὰ κατὰ γνώμαν ἀπέβα τοι.

alla kata gnoman apeba toi.

τοῦτο κάλ’ εἶπες.

touto kal’ eipes.

τὠμπέχονον φέρε μοι καὶ τὰν θολίαν κατὰ κόσμον

tompechonon phere moi kai tan tholian kata kosmon

ἀμφίθες. οὐκ ἀξῶ τυ τέκνον. μορμώ, δάκνει ἵππος. δάκρυ’, ὅσσα θέλεις, χωλὸν δ’ οὐ δεῖ τυ γενέσθαι.

amphithes. ouk axo ty teknon. mormo, daknei hippos. dakry’, hossa theleis, cholon d’ ou dei ty genesthai.

ἕρπωμες. Φρυγία, τὸν μικκὸν παῖσδε λαβοῖσα,

herpomes. Phrygia, ton mikkon paisde laboisa,

τὰν κύν’ ἔσω κάλεσον, τὰν αὐλείαν ἀπόκλᾳξον.—

tan kyn’ eso kaleson, tan auleian apoklaxon.—

ὦ θεοί, ὅσσος ὄχλος. πῶς καὶ πόκα τοῦτο περᾶσαι

o theoi, hossos ochlos. pos kai poka touto perasai

χρὴ τὸ κακόν; μύρμακες ἀνάριθμοι καὶ ἄμετροι.

chre to kakon? myrmakes anarithmoi kai ametroi.

πολλά τοι ὦ Πτολεμαῖε πεποίηται καλὰ ἔργα,

polla toi o Ptolemaie pepoietai kala erga,

ἐξ ὧ ἐν ἀθανάτοις ὁ τεκών· οὐδεὶς κακοεργὸς

ex ho en athanatois ho tekon; oudeis kakoergos

δαλεῖται τὸν ἰόντα παρέρπων Αἰγυπτιστί,

daleitai ton ionta parerpon Aigyptisti,

οἷα πρὶν ἐξ ἀπάτας κεκροτημένοι ἄνδρες ἔπαισδον,

ohia prin ex apatas kekrotemenoi andres epaisdon,

ἀλλάλοις ὁμαλοί, κακὰ παίγνια, πάντες ἐρειοί.

allalois homaloi, kaka paignia, pantes ereioi.

ἁδίστα Γοργοῖ, τί γενοίμεθα; τοὶ πολεμισταὶ

hadista Gorgoi, ti genoimetha? toi polemistai

ἵπποι τῶ βασιλῆος. ἄνερ φίλε, μή με πατήσῃς.

hippoi to basileos. aner phile, me me pateses.

ὀρθὸς ἀνέστα ὁ πυρρός· ἴδ’ ὡς ἄγριος. κυνοθαρσὴς

orthos anesta ho pyrros; id’ hos agrios. kynotharses

Εὐνόα, οὐ φευξῇ; διαχρησεῖται τὸν ἄγοντα.

Eunoa, ou pheuxe? diachreseitai ton agonta.

ὠνάθην μεγάλως, ὅτι μοι τὸ βρέφος μένει ἔνδον.

onathen megalos, hoti moi to brephos menei endon.

θάρσει Πραξινόα· καὶ δὴ γεγενήμεθ’ ὄπισθεν,

tharsei Praxinoa; kai de gegenemeth’ opisthen,

τοὶ δ’ ἔβαν ἐς χώραν. καὐτὰ συναγείρομαι ἤδη.

toi d’ eban es choran. kauta synageiromai ede.

ἵππον καὶ τὸν ψυχρὸν ὄφιν τὰ μάλιστα δεδοίκω

hippon kai ton psychron ophin ta malista dedoiko

ἐκ παιδός. σπεύδωμες· ὄχλος πολὺς ἄμμιν ἐπιρρεῖ.

ek paidos. speudomes; ochlos polys ammin epirrei.

ἐξ αὐλᾶς ὦ μᾶτερ; ἐγὼν ὦ τέκνα. παρενθεῖν

ex aulas o mater? egon o tekna. parenthein

εὐμαρές; ἐς Τροίαν πειρώμενοι ἦνθον Ἀχαιοί,

eumares? es Troian peiromenoi enthon Achaioi,

καλλίστα παίδων· πείρᾳ θην πάντα τελεῖται.

kallista paidon; peira then panta teleitai.

χρησμὼς ἁ πρεσβῦτις ἀπῴχετο θεσπίξασα.

chresmos ha presbytis apocheto thespixasa.

πάντα γυναῖκες ἴσαντι, καὶ ὡς Ζεὺς ἠγάγεθ’ Ἥρην.

panta gynaikes isanti, kai hos Zeus egageth’ Heren.

θᾶσαι Πραξινόα, περὶ τὰς θύρας ὅσσος ὅμιλος.

thasai Praxinoa, peri tas thyras hossos homilos.

θεσπέσιος. Γοργοῖ, δὸς τὰν χέρα μοι· λάβε καὶ τὺ

thespesios. Gorgoi, dos tan chera moi; labe kai ty

Εὐνόα Εὐτυχίδος· πότεχ’ αὐτᾷ, μή τι πλαναθῇς.

Eunoa Eutychidos; potech’ auta, me ti planathes.

πᾶσαι ἅμ’ εἰσένθωμες· ἀπρὶξ ἔχευ Εὐνόα ἁμῶν.

pasai ham’ eisenthomes; aprix echeu Eunoa hamon.

οἴμοι δειλαία, δίχα μευ τὸ θερίστριον ἤδη

oimoi deilaia, dicha meu to theristrion ede

ἔσχισται Γοργοῖ. πὸτ τῶ Διός, εἴ τι γένοιο

eschistai Gorgoi. pot to Dios, ei ti genoio

εὐδαίμων ὤνθρωπε, φυλάσσεο τὠμπέχονόν μευ.

eudaimon onthrope, phylasseo tompechonon meu.

οὐκ ἐπ’ ἐμὶν μέν, ὅμως δὲ φυλαξεῦμαι· ὄχλος ἄθρως.

ouk ep’ emin men, homos de phylaxeumai; ochlos athros.

ὠθεῦνθ’ ὥσπερ ὕες. θάρσει γύναι· ἐν καλῷ εἰμές.

otheunth’ hosper hyes. tharsei gynai; en kalo eimes.

κεἰς ὥρας κἤπειτα φίλ’ ἀνδρῶν ἐν καλῷ εἴης

keis horas kepeita phil’ andron en kalo eies

ἄμμε περιστέλλων. χρηστῶ κᾠκτίρμονος ἀνδρός.

amme peristellon. chresto koktirmonos andros.

φλίβεται Εὐνόα ἇμιν· ἄγ’ ὦ δειλὰ τὺ βιάζευ.

phlibetai Eunoa hamin; ag’ o deila ty biazeu.

κάλλιστ’· ἔνδοι πᾶσαι, ὁ τὰν νυὸν εἶπ’ ἀποκλᾴξας.

kallist’; endoi pasai, ho tan nyon eip’ apoklaxas.

Πραξινόα, πόταγ’ ὧδε. τὰ ποικίλα πρᾶτον ἄθρησον,

Praxinoa, potag’ hode. ta poikila praton athreson,

λεπτὰ καὶ ὡς χαρίεντα· θεῶν περονάματα φασεῖς.

lepta kai hos charienta; theon peronamata phaseis.

πότνι’ Ἀθαναία, ποῖαί σφ’ ἐπόνασαν ἔριθοι,

potni’ Athanaia, poiai sph’ eponasan erithoi,

ποῖοι ζῳογράφοι τἀκριβέα γράμματ’ ἔγραψαν.

poioi zoographoi takribea grammat’ egrapsan.

ὡς ἔτυμ’ ἑστάκαντι, καὶ ὡς ἔτυμ’ ἐνδινεῦντι,

hos etym’ hestakanti, kai hos etym’ endineunti,

ἔμψυχ’, οὐκ ἐνυφαντά. σοφόν τοι χρῆμ’ ὥνθρωπος.

empsych’, ouk enyphanta. sophon toi chrem’ honthropos.

αὐτὸς δ’ ὡς θαητὸς ἐπ’ ἀργυρέας κατάκειται

autos d’ hos thaetos ep’ argyreas katakeitai

κλισμῶ, πρᾶτον ἴουλον ἀπὸ κροτάφων καταβάλλων,

klismo, praton ioulon apo krotaphon kataballon,

ὁ τριφίλητος Ἄδωνις, ὃ κἠν Ἀχέροντι φιλεῖται.

ho triphiletos Adonis, ho ken Acheronti phileitai.

παύσασθ’ ὦ δύστανοι, ἀνάνυτα κωτίλλοισαι

pausasth’ o dystanoi, ananyta kotilloisai

τρυγόνες. ἐκκναισεῦντι πλατειάσδοισαι ἅπαντα.

trygones. ekknaiseunti plateiasdoisai hapanta.

μᾶ, πόθεν ὥνθρωπος; τί δὲ τίν, εἰ κωτίλαι εἰμές;

ma, pothen honthropos? ti de tin, ei kotilai eimes?

πασάμενος ἐπίτασσε. Συρακοσίαις ἐπιτάσσεις;

pasamenos epitasse. Syrakosiais epitasseis?

ὡς δ’ εἰδῇς καὶ τοῦτο· Κορίνθιαι εἰμὲς ἄνωθεν,

hos d’ eides kai touto; Korinthiai eimes anothen,

ὡς καὶ ὁ Βελλεροφῶν· Πελοποννασιστὶ λαλεῦμες·

hos kai ho Bellerophon; Peloponnasisti laleumes;

δωρίσδεν δ’ ἔξεστι δοκῶ τοῖς Δωριέεσσι.

dorisden d’ exesti doko tois Dorieessi.

μὴ φύη Μελιτῶδες ὃς ἁμῶν καρτερὸς εἴη,

me phye Melitodes hos hamon karteros eie,

πλὰν ἑνός. οὐκ ἀλέγω. μή μοι κενεὰν ἀπομάξῃς.

plan henos. ouk alego. me moi kenean apomaxes.

σιγᾷ Πραξινόα· μέλλει τὸν Ἄδωνιν ἀείδειν

siga Praxinoa; mellei ton Adonin aeidein

ἁ τᾶς Ἀργείας θυγάτηρ πολύιδρις ἀοιδός,

ha tas Argeias thygater polyidris aoidos,

ἅτις καὶ πέρυσιν τὸν ἰάλεμον ἀρίστευσε.

hatis kai perysin ton ialemon aristeuse.

φθεγξεῖταί τι σάφ’ οἶδα καλόν· διαθρύπτεται ἤδη.

phthenxeitai ti saph’ oida kalon; diathryptetai ede.

δέσποιν’, ἃ Γολγώς τε καὶ Ἰδάλιον ἐφίλασας

despoin’, ha Golgos te kai Idalion ephilasas

αἰπεινάν τ’ Ἐρύκαν, χρυσῷ παίζοισ’ Ἀφροδίτα·

aipeinan t’ Erykan, chryso paizois’ Aphrodita;

οἷόν τοι τὸν Ἄδωνιν ἀπ’ ἀενάω Ἀχέροντος

ohion toi ton Adonin ap’ aenao Acherontos

μηνὶ δυωδεκάτῳ μαλακαὶ πόδας ἄγαγον Ὧραι.

meni dyodekato malakai podas agagon Horai.

βάρδισται μακάρων Ὧραι φίλαι, ἀλλὰ ποθειναὶ

bardistai makaron Horai philai, alla potheinai

ἔρχονται πάντεσσι βροτοῖς αἰεί τι φορεῦσαι.

erchontai pantessi brotois aiei ti phoreusai.

Κύπρι Διωναία, τὺ μὲν ἀθανάταν ἀπὸ θνατᾶς,

Kypri Dionaia, ty men athanatan apo thnatas,

ἀνθρώπων ὡς μῦθος, ἐποίησας Βερενίκαν,

anthropon hos mythos, epoiesas Berenikan,

ἀμβροσίαν ἐς στῆθος ἀποστάξασα γυναικός·

ambrosian es stethos apostaxasa gynaikos;

τὶν δὲ χαριζομένα, πολυώνυμε καὶ πολύναε,

tin de charizomena, polyonyme kai polynae,

ἁ Βερενικεία θυγάτηρ Ἑλένᾳ εἰκυῖα

ha Berenikeia thygater Helena eikyia

Ἀρσινόα πάντεσσι καλοῖς ἀτιτάλλει Ἄδωνιν.

Arsinoa pantessi kalois atitallei Adonin.

πὰρ μέν οἱ ὥρια κεῖται, ὅσα δρυὸς ἄκρα φέρονται,

par men ohi horia keitai, hosa dryos akra pherontai,

πὰρ δ’ ἁπαλοὶ κᾶποι πεφυλαγμένοι ἐν ταλαρίσκοις

par d’ hapaloi kapoi pephylagmenoi en talariskois

ἀργυρέοις, Συρίω δὲ μύρω χρύσει’ ἀλάβαστρα.

argyreois, Syrio de myro chrysei’ alabastra.

εἴδατα δ’ ὅσσα γυναῖκες ἐπὶ πλαθάνω πονέονται,

eidata d’ hossa gynaikes epi plathano poneontai,

ἄνθεα μίσγοισαι λευκῷ παντοῖα μαλεύρῳ,

anthea misgoisai leuko pantoia maleuro,

ὅσσά τ’ ἀπὸ γλυκερῶ μέλιτος τά τ’ ἐν ὑγρῷ ἐλαίῳ,

hossa t’ apo glykero melitos ta t’ en hygro elaio,

πάντ’ αὐτῷ πετεηνὰ καὶ ἑρπετὰ τεῖδε πάρεστι.

pant’ auto peteena kai herpeta teide paresti.

χλωραὶ δὲ σκιάδες μαλακῷ βρίθοντι ἀνήθῳ

chlorai de skiades malako brithonti anetho

δέδμανθ’· οἱ δέ τε κῶροι ὑπερπωτῶνται Ἔρωτες,

dedmanth’; ohi de te koroi hyperpotontai Erotes,

οἷοι ἀηδονιδῆες ἀεξομενᾶν ἐπὶ δένδρων

ohioi aedonidees aexomenan epi dendron

πωτῶνται πτερύγων πειρώμενοι ὄζον ἀπ’ ὄζω.

potontai pterygon peiromenoi ozon ap’ ozo.

ὢ ἔβενος, ὢ χρυσός, ὢ ἐκ λευκῶ ἐλέφαντος

o ebenos, o chrysos, o ek leuko elephantos

αἰετοὶ οἰνοχόον Κρονίδᾳ Διὶ παῖδα φέροντες.

aietoi oinochoon Kronida Dii paida pherontes.

πορφύρεοι δὲ τάπητες ἄνω μαλακώτεροι ὕπνω,

porphyreoi de tapetes ano malakoteroi hypno,

ἁ Μίλατος ἐρεῖ χὡ τὰν Σαμίαν κάτα βόσκων·"

ha Milatos erei chho tan Samian kata boskon;"

ἔστρωται κλίνα τῷ Ἀδώνιδι τῷ καλῷ ἄλλα".

estrotai klina to Adonidi to kalo alla".

τὰν μὲν Κύπρις ἔχει, τὰν δ’ ὁ ῥοδόπαχυς Ἄδωνις

tan men Kypris echei, tan d’ ho rhodopachys Adonis

ὀκτωκαιδεκέτης ἢ ἐννεακαίδεχ’ ὁ γαμβρός.

oktokaideketes e enneakaidech’ ho gambros.

οὐ κεντεῖ τὸ φίλαμ’, ἔτι οἱ περὶ χείλεα πυρρά.

ou kentei to philam’, eti ohi peri cheilea pyrra.

νῦν μὰν Κύπρις ἔχοισα τὸν αὐτᾶς χαιρέτω ἄνδρα·

nyn man Kypris echoisa ton autas chaireto andra;

ἀῶθεν δ’ ἁμές νιν ἅμα δρόσῳ ἀθρόαι ἔξω

aothen d’ hames nin hama droso athroai exo

οἰσεῦμες ποτὶ κύματ’ ἐπ’ ἀιόνι πτύοντα,

oiseumes poti kymat’ ep’ aioni ptyonta,

λύσασαι δὲ κόμαν καὶ ἐπὶ σφυρὰ κόλπον ἀνεῖσαι

lysasai de koman kai epi sphyra kolpon aneisai

στήθεσι φαινομένοις λιγυρᾶς ἀρξώμεθ’ ἀοιδᾶς·

stethesi phainomenois ligyras arxometh’ aoidas;

ἕρπεις ὦ φίλ’ Ἄδωνι καὶ ἐνθάδε κεἰς Ἀχέροντα

herpeis o phil’ Adoni kai enthade keis Acheronta

ἡμιθέων, ὡς φαντί, μονώτατος. οὔτ’ Ἀγαμέμνων

hemitheon, hos phanti, monotatos. out’ Agamemnon

τοῦτ’ ἔπαθ’, οὔτ’ Αἴας ὁ μέγας βαρυμάνιος ἥρως,

tout’ epath’, out’ Aias ho megas barymanios heros,

οὔθ’ Ἕκτωρ Ἑκάβας ὁ γεραίτερος εἴκατι παίδων,

outh’ Hektor Hekabas ho geraiteros eikati paidon,

οὐ Πατροκλῆς, οὐ Πύρρος ἀπὸ Τροίας ἐπανελθών,

ou Patrokles, ou Pyrros apo Troias epanelthon,

οὔθ’ οἱ ἔτι πρότερον Λαπίθαι καὶ Δευκαλίωνες,

outh’ ohi eti proteron Lapithai kai Deukaliones,

οὐ Πελοπηιάδαι τε καὶ Ἄργεος ἄκρα Πελασγοί·

ou Pelopeiadai te kai Argeos akra Pelasgoi;

ἵλαθι νῦν φίλ’ Ἄδωνι, καὶ ἐς νέωτ’ εὐθυμήσαις.

hilathi nyn phil’ Adoni, kai es neot’ euthymesais.

καὶ νῦν ἦνθες Ἄδωνι, καὶ ὅκκ’ ἀφίκῃ, φίλος ἡξεῖς.

kai nyn enthes Adoni, kai hokk’ aphike, philos hexeis.

Πραξινόα, τὸ χρῆμα σοφώτερον ἁ θήλεια.

Praxinoa, to chrema sophoteron ha theleia.

ὀλβία ὅσσα ἴσατι, πανολβία ὡς γλυκὺ φωνεῖ.

olbia hossa isati, panolbia hos glyky phonei.

ὥρα ὅμως κεἰς οἶκον. ἀνάριστος Διοκλείδας.

hora homos keis oikon. anaristos Diokleidas.

χὡνὴρ ὄξος ἅπαν, πεινᾶντι δὲ μηδὲ ποτένθῃς.

chhoner oxos hapan, peinanti de mede potenthes.

χαῖρε Ἄδων ἀγαπητέ· καὶ ἐς χαίροντας ἀφίκευ.

chaire Adon agapete; kai es chairontas aphikeu.