§ 11 — Idilli

οὐδὲν πὸτ τὸν ἔρωτα πεφύκει φάρμακον ἄλλο

ouden pot ton erota pephykei pharmakon allo

Νικία οὔτ’ ἔγχριστον, ἐμὶν δοκεῖ, οὔτ’ ἐπίπαστον,

Nikia out’ enchriston, emin dokei, out’ epipaston,

ἢ ταὶ Πιερίδες· κοῦφον δέ τι τοῦτο καὶ ἁδὺ

e tai Pierides; kouphon de ti touto kai hady

γίνετ’ ἐπ’ ἀνθρώποις, εὑρεῖν δ’ οὐ ῥᾴδιόν ἐστι.

ginet’ ep’ anthropois, heurein d’ ou rhadion esti.

γινώσκειν δ’ οἶμαί τυ καλῶς ἰατρὸν ἐόντα

ginoskein d’ oimai ty kalos iatron eonta

καὶ ταῖς ἐννέα δὴ πεφιλάμενον ἔξοχα Μοίσαις.

kai tais ennea de pephilamenon exocha Moisais.

οὕτω γοῦν ῥάιστα διᾶγ’ ὁ Κύκλωψ ὁ παρ’ ἁμῖν,

houto goun rhaista diag’ ho Kyklops ho par’ hamin,

ὡρχαῖος Πολύφαμος, ὅκ’ ἤρατο τᾶς Γαλατείας,

horchaios Polyphamos, hok’ erato tas Galateias,

ἄρτι γενειάσδων περὶ τὸ στόμα τὼς κροτάφως τε.

arti geneiasdon peri to stoma tos krotaphos te.

ἤρατο δ’ οὐ μάλοις οὐδὲ ῥόδῳ οὐδὲ κικίννοις,

erato d’ ou malois oude rhodo oude kikinnois,

ἀλλ’ ὀρθαῖς μανίαις, ἁγεῖτο δὲ πάντα πάρεργα.

all’ orthais maniais, hageito de panta parerga.

πολλάκι ταὶ ὄιες ποτὶ ταὐλίον αὐταὶ ἀπῆνθον

pollaki tai oies poti taulion autai apenthon

χλωρᾶς ἐκ βοτάνας· ὁ δὲ τὰν Γαλάτειαν ἀείδων

chloras ek botanas; ho de tan Galateian aeidon

αὐτόθ’ ἐπ’ ἀιόνος κατετάκετο φυκιοέσσας

autoth’ ep’ aionos katetaketo phykioessas

ἐξ ἀοῦς, ἔχθιστον ἔχων ὑποκάρδιον ἕλκος

ex aous, echthiston echon hypokardion helkos

Κύπριδος ἐκ μεγάλας, τό οἱ ἥπατι πᾶξε βέλεμνον.

Kypridos ek megalas, to ohi hepati paxe belemnon.

ἀλλὰ τὸ φάρμακον εὗρε, καθεζόμενος δ’ ἐπὶ πέτρας

alla to pharmakon heure, kathezomenos d’ epi petras

ὑψηλᾶς ἐς πόντον ὁρῶν ἄειδε τοιαῦτα.

hypselas es ponton horon aeide toiauta.

ὦ λευκὰ Γαλάτεια, τί τὸν φιλέοντ’ ἀποβάλλῃ;

o leuka Galateia, ti ton phileont’ apoballe?

λευκοτέρα πακτᾶς ποτιδεῖν, ἁπαλωτέρα ἀρνός,

leukotera paktas potidein, hapalotera arnos,

μόσχω γαυροτέρα, σφριγανωτέρα ὄμφακος ὠμᾶς.

moscho gaurotera, sphriganotera omphakos omas.

φοιτῇς δ’ αὖθ’ οὑτῶς, ὅκκα γλυκὺς ὕπνος ἔχῃ με,

phoites d’ auth’ houtos, hokka glykys hypnos eche me,

οἴχῃ δ’ εὐθὺς ἰοῖσ’, ὅκκα γλυκὺς ὕπνος ἀνῇ με,

oiche d’ euthys iois’, hokka glykys hypnos ane me,

φεύγεις δ’ ὥσπερ ὄις πολιὸν λύκον ἀθρήσασα.

pheugeis d’ hosper ois polion lykon athresasa.

ἠράσθην μὲν ἔγωγα τεοῦς κόρα, ἁνίκα πρᾶτον

erasthen men egoga teous kora, hanika praton

ἦνθες ἐμᾷ σὺν ματρὶ θέλοισ’ ὑακίνθινα φύλλα

enthes ema syn matri thelois’ hyakinthina phylla

ἐξ ὄρεος δρέψασθαι, ἐγὼ δ’ ὁδὸν ἁγεμόνευον.

ex oreos drepsasthai, ego d’ hodon hagemoneuon.

παύσασθαι δ’ ἐσιδών τυ καὶ ὕστερον οὐδέ τί πᾳ νῦν

pausasthai d’ esidon ty kai hysteron oude ti pa nyn

ἐκ τήνω δύναμαι· τὶν δ’ οὐ μέλει, οὐ μὰ Δί’ οὐδέν.

ek teno dynamai; tin d’ ou melei, ou ma Di’ ouden.

γινώσκω χαρίεσσα κόρα, τίνος ὥνεκα φεύγεις·

ginosko chariessa kora, tinos honeka pheugeis;

ὥνεκά μοι λασία μὲν ὀφρῦς ἐπὶ παντὶ μετώπῳ

honeka moi lasia men ophrys epi panti metopo

ἐξ ὠτὸς τέταται ποτὶ θὤτερον ὦς μία μακρά,

ex otos tetatai poti thoteron os mia makra,

εἷς δ’ ὀφθαλμὸς ἔπεστι, πλατεῖα δὲ ῥὶς ἐπὶ χείλει.

ehis d’ ophthalmos epesti, plateia de rhis epi cheilei.

ἀλλ’ οὗτος τοιοῦτος ἐὼν βοτὰ χίλια βόσκω,

all’ houtos toioutos eon bota chilia bosko,

κἠκ τούτων τὸ κράτιστον ἀμελγόμενος γάλα πίνω·

kek touton to kratiston amelgomenos gala pino;

τυρὸς δ’ οὐ λείπει μ’ οὔτ’ ἐν θέρει οὔτ’ ἐν ὀπώρᾳ,

tyros d’ ou leipei m’ out’ en therei out’ en opora,

οὐ χειμῶνος ἄκρω· ταρσοὶ δ’ ὑπεραχθέες αἰεί.

ou cheimonos akro; tarsoi d’ hyperachthees aiei.

συρίσδεν δ’ ὡς οὔτις ἐπίσταμαι ὧδε Κυκλώπων,

syrisden d’ hos outis epistamai hode Kyklopon,

τὶν τὸ φίλον γλυκύμαλον ἁμᾷ κἠμαυτὸν ἀείδων

tin to philon glykymalon hama kemauton aeidon

πολλάκι νυκτὸς ἀωρί. τρέφω δέ τοι ἕνδεκα νεβρὼς

pollaki nyktos aori. trepho de toi hendeka nebros

πάσας μηνοφόρως καὶ σκύμνως τέσσαρας ἄρκτων.

pasas menophoros kai skymnos tessaras arkton.

ἀλλ’ ἀφίκευσο ποθ’ ἁμέ, καὶ ἑξεῖς οὐδὲν ἔλασσον,

all’ aphikeuso poth’ hame, kai hexeis ouden elasson,

τὰν γλαυκὰν δὲ θάλασσαν ἔα ποτὶ χέρσον ὀρεχθεῖν.

tan glaukan de thalassan ea poti cherson orechthein.

ἅδιον ἐν τὤντρῳ παρ’ ἐμὶν τὰν νύκτα διαξεῖς.

hadion en tontro par’ emin tan nykta diaxeis.

ἐντὶ δάφναι τηνεῖ, ἐντὶ ῥαδιναὶ κυπάρισσοι,

enti daphnai tenei, enti rhadinai kyparissoi,

ἔστι μέλας κισσός, ἔστ’ ἄμπελος ἁ γλυκύκαρπος,

esti melas kissos, est’ ampelos ha glykykarpos,

ἔστι ψυχρὸν ὕδωρ, τό μοι ἁ πολυδένδρεος Αἴτνα

esti psychron hydor, to moi ha polydendreos Aitna

λευκᾶς ἐκ χιόνος ποτὸν ἀμβρόσιον προΐητι.

leukas ek chionos poton ambrosion proieti.

τίς κα τῶνδε θάλασσαν ἔχειν καὶ κύμαθ’ ἕλοιτο;

tis ka tonde thalassan echein kai kymath’ heloito?

αἰ δέ τοι αὐτὸς ἐγὼ δοκέω λασιώτερος ἦμεν,

ai de toi autos ego dokeo lasioteros emen,

ἐντὶ δρυὸς ξύλα μοι καὶ ὑπὸ σποδῷ ἀκάματον πῦρ.

enti dryos xyla moi kai hypo spodo akamaton pyr.

καιόμενος δ’ ὑπὸ τεῦς καὶ τὰν ψυχὰν ἀνεχοίμαν

kaiomenos d’ hypo teus kai tan psychan anechoiman

καὶ τὸν ἕν’ ὀφθαλμόν, τῶ μοι γλυκερώτερον οὐδέν.

kai ton hen’ ophthalmon, to moi glykeroteron ouden.

ὤμοι, ὅ τ’ οὐκ ἔτεκέν μ’ ἁ μάτηρ βραγχί’ ἔχοντα,

omoi, ho t’ ouk eteken m’ ha mater branchi’ echonta,

ὡς κατέδυν ποτὶ τὶν καὶ τὰν χέρα τευς ἐφίλασα,

hos katedyn poti tin kai tan chera teus ephilasa,

αἰ μὴ τὸ στόμα λῇς, ἔφερον δέ τοι ἢ κρίνα λευκὰ

ai me to stoma les, epheron de toi e krina leuka

ἢ μάκων’ ἁπαλὰν ἐρυθρὰ πλαταγώνι’ ἔχοισαν.

e makon’ hapalan erythra platagoni’ echoisan.

ἀλλὰ τὰ μὲν θέρεος, τὰ δὲ γίνεται ἐν χειμῶνι,

alla ta men thereos, ta de ginetai en cheimoni,

ὥστ’ οὐκ ἄν τοι ταῦτα φέρειν ἅμα πάντ’ ἐδυνάθην.

host’ ouk an toi tauta pherein hama pant’ edynathen.

νῦν μὰν ὦ κόριον, νῦν αὐτόγα νεῖν κε μάθοιμι,

nyn man o korion, nyn autoga nein ke mathoimi,

αἴκά τις σὺν ναῒ πλέων ξένος ὧδ’ ἀφίκηται,

aika tis syn nai pleon xenos hod’ aphiketai,

ὡς εἰδῶ, τί ποθ’ ἁδὺ κατοικεῖν τὸν βυθὸν ὔμμιν.

hos eido, ti poth’ hady katoikein ton bython ymmin.

ἐξένθοις Γαλάτεια καὶ ἐξενθοῖσα λάθοιο

exenthois Galateia kai exenthoisa lathoio

ὥσπερ ἐγὼ νῦν ὧδε καθήμενος οἴκαδ’ ἀπενθεῖν.

hosper ego nyn hode kathemenos oikad’ apenthein.

ποιμαίνειν δ’ ἐθέλοις σὺν ἐμὶν ἅμα καὶ γάλ’ ἀμέλγειν

poimainein d’ ethelois syn emin hama kai gal’ amelgein

καὶ τυρὸν πᾶξαι τάμισον δριμεῖαν ἐνεῖσα.

kai tyron paxai tamison drimeian eneisa.

ἁ μάτηρ ἀδικεῖ με μόνα, καὶ μέμφομαι αὐτᾷ·

ha mater adikei me mona, kai memphomai auta;

οὐδὲν πήποχ’ ὅλως ποτὶ τὶν φίλον εἶπεν ὑπέρ μευ,

ouden pepoch’ holos poti tin philon eipen hyper meu,

καὶ ταῦτ’ ἆμαρ ἐπ’ ἆμαρ ὁρεῦσά με λεπτὸν ἐόντα.

kai taut’ amar ep’ amar horeusa me lepton eonta.

φασῶ τὰν κεφαλὰν καὶ τὼς πόδας ἀμφοτέρως μευ

phaso tan kephalan kai tos podas amphoteros meu

σφύζειν, ὡς ἀνιαθῇ, ἐπεὶ κἠγὼν ἀνιῶμαι.

sphyzein, hos aniathe, epei kegon aniomai.

ὦ Κύκλωψ Κύκλωψ, πᾷ τὰς φρένας ἐκπεπότασαι;

o Kyklops Kyklops, pa tas phrenas ekpepotasai?

αἴκ’ ἐνθὼν ταλάρως τε πλέκοις καὶ θαλλὸν ἀμάσας

aik’ enthon talaros te plekois kai thallon amasas

ταῖς ἄρνεσσι φέροις, τάχα κα πολὺ μᾶλλον ἔχοις νῶν.

tais arnessi pherois, tacha ka poly mallon echois non.

τὰν παρεοῖσαν ἄμελγε. τί τὸν φεύγοντα διώκεις;

tan pareoisan amelge. ti ton pheugonta diokeis?

εὑρησεῖς Γαλάτειαν ἴσως καὶ καλλίον’ ἄλλαν.

heureseis Galateian isos kai kallion’ allan.

πολλαὶ συμπαίσδέν με κόραι τὰν νύκτα κέλονται,

pollai sympaisden me korai tan nykta kelontai,

κιχλίζοντι δὲ πᾶσαι, ἐπεί κ’ αὐταῖς ὑπακούσω

kichlizonti de pasai, epei k’ autais hypakouso

δῆλον ὅ τ’ ἐν τᾷ γᾷ κἠγώ τις φαίνομαι ἦμεν.

delon ho t’ en ta ga kego tis phainomai emen.

οὕτω τοι Πολύφαμος ἐποίμαινεν τὸν ἔρωτα

houto toi Polyphamos epoimainen ton erota

μουσίσδων, ῥᾷον δὲ διᾶγ’ ἢ εἰ χρυσὸν ἔδωκεν.

mousisdon, rhaon de diag’ e ei chryson edoken.