Libro 3, § 6 — Schizzi pirroniani

Περὶ μὲν οὖν τῆς δραστικῆς τοσαῦτα νῦν ἀρκέσει λελέχθαι· συντόμως δὲ καὶ περὶ τῶν ὑλικῶν καλουμένων ἀρχῶν λεκτέον. ὅτι τοίνυν αὗταί εἰσιν ἀκατάληπτοι, ῥᾴδιον συνιδεῖν ἐκ τῆς περὶ αὐτῶν γεγενημένης διαφωνίας παρὰ τοῖς δογματικοῖς. Φερεκύδης μὲν γὰρ ὁ Σύριος γῆν εἶπε τὴν πάντων εἶναι ἀρχήν, Θαλῆς δὲ ὁ Μιλήσιος ὕδωρ, ‘Ἀναξίμανδρος δὲ ὁ ἀκουστὴς τούτου τὸ ἄπειρον, Ἀναξιμένης δὲ καὶ Διογένης ὁ ‘Ἀπολλωνιάτης ἀέρα, Ἵππασος δὲ ὁ Μεταποντῖνος πῦρ, Ξενοφάνης δὲ ὁ Κολοφώνιος γῆν καὶ ὕδωρ, Οἰνοπίδης δὲ ὁ Χῖος πῦρ καὶ ἀέρα, Ἵππων δὲ ὁ ’Ῥηγῖνος πῦρ καὶ ὕδωρ, Ὀνομάκριτος δὲ ἐν τοῖς Ὀρφικοῖς πῦρ καὶ ὕδωρ καὶ γῆν,.

Peri men oun tes drastikes tosauta nyn arkesei lelechthai; syntomos de kai peri ton hylikon kaloumenon archon lekteon. hoti toinyn hautai eisin akataleptoi, rhadion synidein ek tes peri auton gegenemenes diaphonias para tois dogmatikois. Pherekydes men gar ho Syrios gen eipe ten panton einai archen, Thales de ho Milesios hydor, ‘Anaximandros de ho akoustes toutou to apeiron, Anaximenes de kai Diogenes ho ‘Apolloniates aera, Hippasos de ho Metapontinos pyr, Xenophanes de ho Kolophonios gen kai hydor, Oinopides de ho Chios pyr kai aera, Hippon de ho ’Rheginos pyr kai hydor, Onomakritos de en tois Orphikois pyr kai hydor kai gen,.

οἱ δὲ περὶ τὸν ‘Ἐμπεδοκλέα καὶ τοὺς Στωικοὺς πῦρ ἀέρα ὕδωρ γῆν— περὶ γὰρ τῆς τερατολογουμένης ἀποίου παρά τισιν ὕλης, ἣν οὐδὲ αὐτοὶ καταλαμβάνειν διαβεβαιοῦνται, τί δεῖ καὶ λέγειν; οἱ δὲ περὶ Ἀριστοτέλην τὸν Περιπατητικὸν πῦρ ἀέρα ὕδωρ γῆν τὸ κυκλοφορητικὸν σῶμα,

ohi de peri ton ‘Empedoklea kai tous Stoikous pyr aera hydor gen— peri gar tes teratologoumenes apoiou para tisin hyles, hen oude autoi katalambanein diabebaiountai, ti dei kai legein? ohi de peri Aristotelen ton Peripatetikon pyr aera hydor gen to kyklophoretikon soma,

Δημόκριτος δὲ καὶ Ἐπίκουρος ἀτόμους, Ἀναξαγόρας δὲ ὁ Κλαζομένιος ὁμοιομερείας, Διόδωρος δὲ ὁ ἐπικληθεὶς Κρόνος ἐλάχιστα καὶ ἀμερῆ σώματα, Ἡρακλείδης δὲ ὁ Ποντικὸς καὶ Ἀσκληπιάδης ὁ Βιθυνὸς ἀνάρμους ὄγκους, οἱ δὲ περὶ Πυθαγόραν τοὺς ἀριθμούς, οἱ. δὲ μαθηματικοὶ τὰ πέρατα τῶν σωμάτων, Στράτων δὲ ὁ φυσικὸς τὰς ποιότητας.

Demokritos de kai Epikouros atomous, Anaxagoras de ho Klazomenios homoiomereias, Diodoros de ho epikletheis Kronos elachista kai amere somata, Herakleides de ho Pontikos kai Asklepiades ho Bithynos anarmous onkous, ohi de peri Pythagoran tous arithmous, ohi. de mathematikoi ta perata ton somaton, Straton de ho physikos tas poiotetas.

τοσαύτης τοίνυν καὶ ἔτι πλείονος διαφωνίας γεγενημένης περὶ τῶν ὑλικῶν ἀρχῶν παρ’ αὐτοῖς, ἤτοι πάσαις συγκαταθησόμεθα ταῖς κειμέναις στάσεσι καὶ ταῖς ἄλλαις ἢ τισίν. ἀλλὰ πάσαις μὲν οὐ δυνατόν· οὐ γὰρ δήπου δυνησόμεθα καὶ τοῖς περὶ Ἀσκληπιάδην συγκατατίθεσθαι, θραυστὰ εἶναι τὰ στοιχεῖα λέγουσι καὶ ποιά, καὶ τοῖς περὶ Δημόκριτον, ἄτομα ταῦτα εἶναι φάσκουσι καὶ ἄποια, καὶ τοῖς περὶ Ἀναξαγόραν, πᾶσαν αἰσθητὴν ποιότητα περὶ ταῖς ὁμοιομερείαις ἀπολείπουσιν.

tosautes toinyn kai eti pleionos diaphonias gegenemenes peri ton hylikon archon par’ autois, etoi pasais synkatathesometha tais keimenais stasesi kai tais allais e tisin. alla pasais men ou dynaton; ou gar depou dynesometha kai tois peri Asklepiaden synkatatithesthai, thrausta einai ta stoicheia legousi kai poia, kai tois peri Demokriton, atoma tauta einai phaskousi kai apoia, kai tois peri Anaxagoran, pasan aistheten poioteta peri tais homoiomereiais apoleipousin.

εἰ δέ τινα στάσιν τῶν ἄλλων προκρινοῦμεν, ἤτοι ἁπλῶς καὶ ἄνευ ἀποδείξεως προκρινοῦμεν ἢ μετὰ ἀποδείξεως. ἄνευ μὲν οὖν ἀποδείξεως οὐ συνθησόμεθα· εἰ δὲ μετὰ ἀποδείξεως, ἀληθῆ δεῖ τὴν ἀπόδειξιν εἶναι. ἀληθὴς δὲ οὐκ ἂν δοθείη μὴ οὐχὶ κεκριμένη κριτηρίῳ ἀληθεῖ, ἀληθὲς δὲ κριτήριον εἶναι δείκνυται δι’ ἀποδείξεως κεκριμένης.

ei de tina stasin ton allon prokrinoumen, etoi haplos kai aneu apodeixeos prokrinoumen e meta apodeixeos. aneu men oun apodeixeos ou synthesometha; ei de meta apodeixeos, alethe dei ten apodeixin einai. alethes de ouk an dotheie me ouchi kekrimene kriterio alethei, alethes de kriterion einai deiknytai di’ apodeixeos kekrimenes.

εἰ τοίνυν, ἵνα μὲν ἡ ἀπόδειξις ἡ προκρίνουσά τινα στάσιν ἀληθὴς εἶναι δειχθῇ, δεῖ τὸ κριτήριον αὐτῆς ἀποδεδεῖχθαι, ἵνα δὲ τὸ κριτήριον ἀποδειχθῇ, δεῖ τὴν ἀπόδειξιν αὐτοῦ προκεκρίσθαι, ὁ διάλληλος εὑρίσκεται τρόπος, ὃς οὐκ ἐάσει προβαίνειν τὸν λόγον, τῆς μὲν ἀποδείξεως ἀεὶ κριτηρίου δεομένης ἀποδεδειγμένου, τοῦ κριτηρίου δὲ ἀποδείξεως κεκριμένης.

ei toinyn, hina men he apodeixis he prokrinousa tina stasin alethes einai deichthe, dei to kriterion autes apodedeichthai, hina de to kriterion apodeichthe, dei ten apodeixin autou prokekristhai, ho diallelos heurisketai tropos, hos ouk easei probainein ton logon, tes men apodeixeos aei kriteriou deomenes apodedeigmenou, tou kriteriou de apodeixeos kekrimenes.

εἰ δὲ ἀεὶ τὸ κριτήριον κριτηρίῳ κρίνειν καὶ τὴν ἀπόδειξιν ἀποδείξει ἀποδεικνύναι βούλοιτό τις, εἰς ἄπειρον ἐκβληθήσεται. εἰ τοίνυν μήτε πάσαις ταῖς περὶ στοιχείων στάσεσι δυνάμεθα συγκατατίθεσθαι μήτε τινὶ τούτων, ἐπέχειν προσήκει περὶ αὐτῶν.

ei de aei to kriterion kriterio krinein kai ten apodeixin apodeixei apodeiknynai bouloito tis, eis apeiron ekblethesetai. ei toinyn mete pasais tais peri stoicheion stasesi dynametha synkatatithesthai mete tini touton, epechein prosekei peri auton.

Δυνατὸν μὲν οὖν ἴσως ἐστὶ καὶ διὰ τούτων μόνων ὑπομιμνῄσκειν τὴν τῶν στοιχείων καὶ τῶν ὑλικῶν ἀρχῶν ἀκαταληψίαν· ἵνα δὲ καὶ ἀμφιλαφέστερον τοὺς δογματικοὺς ἐλέγχειν ἔχωμεν, ἐνδιατρίψωμεν συμμέτρως τῷ τόπῳ. καὶ ἐπεὶ πολλαὶ καὶ σχεδὸν ἄπειροί τινές εἰσιν αἱ περὶ στοιχείων δόξαι, καθὼς ὑπεμνήσαμεν, τὸ μὲν πρὸς ἑκάστην λέγειν εἰδικῶς νῦν παραιτησόμεθα διὰ τὸν χαρακτῆρα τῆς συγγραφῆς, δυνάμει δὲ πρὸς πάσας ἀντεροῦμεν. ἐπεὶ γὰρ ἣν ἄν τις εἴπῃ περὶ στοιχείων στάσιν, ἤτοι ἐπὶ σώματα κατενεχθήσεται ἢ ἐπὶ ἀσώματα, ἀρκεῖν ἡγούμεθα ὑπομνῆσαι, ὅτι ἀκατάληπτα μέν ἐστι τὰ σώματα, ἀκατάληπτα δὲ τὰ ἀσώματα· διὰ γὰρ τούτου σαφὲς ἔσται, ὅτι καὶ τὰ στοιχεῖά ἐστιν ἀκατάληπτα.

Dynaton men oun isos esti kai dia touton monon hypomimneskein ten ton stoicheion kai ton hylikon archon akatalepsian; hina de kai amphilaphesteron tous dogmatikous elenchein echomen, endiatripsomen symmetros to topo. kai epei pollai kai schedon apeiroi tines eisin ahi peri stoicheion doxai, kathos hypemnesamen, to men pros hekasten legein eidikos nyn paraitesometha dia ton charaktera tes syngraphes, dynamei de pros pasas anteroumen. epei gar hen an tis eipe peri stoicheion stasin, etoi epi somata katenechthesetai e epi asomata, arkein hegoumetha hypomnesai, hoti akatalepta men esti ta somata, akatalepta de ta asomata; dia gar toutou saphes estai, hoti kai ta stoicheia estin akatalepta.