Libro 13, § 1 — Nuovo Testamento

Παῦλος καὶ Σιλουανὸς καὶ Τιμόθεος τῇ ἐκκλησίᾳ Θεσσαλονικέων ἐν θεῷ πατρὶ καὶ κυρίῳ Ἰησοῦ Χριστῷ· χάρις ὑμῖν καὶ εἰρήνη. Εὐχαριστοῦμεν τῷ θεῷ πάντοτε περὶ πάντων ὑμῶν μνείαν ποιούμενοι ἐπὶ τῶν προσευχῶν ἡμῶν, ἀδιαλείπτως μνημονεύοντες ὑμῶν τοῦ ἔργου τῆς πίστεως καὶ τοῦ κόπου τῆς ἀγάπης καὶ τῆς ὑπομονῆς τῆς ἐλπίδος τοῦ κυρίου ἡμῶν Ἰησοῦ Χριστοῦ ἔμπροσθεν τοῦ θεοῦ καὶ πατρὸς ἡμῶν, εἰδότες, ἀδελφοὶ ἠγαπημένοι ὑπὸ θεοῦ, τὴν ἐκλογὴν ὑμῶν, ὅτι τὸ εὐαγγέλιον ἡμῶν οὐκ ἐγενήθη εἰς ὑμᾶς ἐν λόγῳ μόνον ἀλλὰ καὶ ἐν δυνάμει καὶ ἐν πνεύματι ἁγίῳ καὶ πληροφορίᾳ πολλῇ, καθὼς οἴδατε οἷοι ἐγενήθημεν ἐν ὑμῖν δι’ ὑμᾶς· καὶ ὑμεῖς μιμηταὶ ἡμῶν ἐγενήθητε καὶ τοῦ κυρίου, δεξάμενοι τὸν λόγον ἐν θλίψει πολλῇ μετὰ χαρᾶς πνεύματος ἁγίου, ὥστε γενέσθαι ὑμᾶς τύπον πᾶσιν τοῖς πιστεύουσιν ἐν τῇ Μακεδονίᾳ καὶ ἐν τῇ Ἀχαΐᾳ. ἀφ’ ὑμῶν γὰρ ἐξήχηται ὁ λόγος τοῦ κυρίου οὐ μόνον ἐν τῇ Μακεδονίᾳ καὶ Ἀχαΐᾳ, ἀλλ’ ἐν παντὶ τόπῳ ἡ πίστις ὑμῶν ἡ πρὸς τὸν θεὸν ἐξελήλυθεν, ὥστε μὴ χρείαν ἔχειν ἡμᾶς λαλεῖν τι· αὐτοὶ γὰρ περὶ ἡμῶν ἀπαγγέλλουσιν ὁποίαν εἴσοδον ἔσχομεν πρὸς ὑμᾶς, καὶ πῶς ἐπεστρέψατε πρὸς τὸν θεὸν ἀπὸ τῶν εἰδώλων δουλεύειν θεῷ ζῶντι καὶ ἀληθινῷ, καὶ ἀναμένειν τὸν υἱὸν αὐτοῦ ἐκ τῶν οὐρανῶν, ὃν ἤγειρεν ἐκ τῶν νεκρῶν, Ἰησοῦν τὸν ῥυόμενον ἡμᾶς ἐκ τῆς ὀργῆς τῆς ἐρχομένης.

Paulos kai Silouanos kai Timotheos te ekklesia Thessalonikeon en theo patri kai kyrio Iesou Christo; charis hymin kai eirene. Eucharistoumen to theo pantote peri panton hymon mneian poioumenoi epi ton proseuchon hemon, adialeiptos mnemoneuontes hymon tou ergou tes pisteos kai tou kopou tes agapes kai tes hypomones tes elpidos tou kyriou hemon Iesou Christou emprosthen tou theou kai patros hemon, eidotes, adelphoi egapemenoi hypo theou, ten eklogen hymon, hoti to euangelion hemon ouk egenethe eis hymas en logo monon alla kai en dynamei kai en pneumati hagio kai plerophoria polle, kathos oidate ohioi egenethemen en hymin di’ hymas; kai hymeis mimetai hemon egenethete kai tou kyriou, dexamenoi ton logon en thlipsei polle meta charas pneumatos hagiou, hoste genesthai hymas typon pasin tois pisteuousin en te Makedonia kai en te Achaia. aph’ hymon gar exechetai ho logos tou kyriou ou monon en te Makedonia kai Achaia, all’ en panti topo he pistis hymon he pros ton theon exelelythen, hoste me chreian echein hemas lalein ti; autoi gar peri hemon apangellousin hopoian eisodon eschomen pros hymas, kai pos epestrepsate pros ton theon apo ton eidolon douleuein theo zonti kai alethino, kai anamenein ton yhion autou ek ton ouranon, hon egeiren ek ton nekron, Iesoun ton rhyomenon hemas ek tes orges tes erchomenes.