Κατ’ ἐκεῖνον δὲ τὸν καιρὸν ἐπέβαλεν Ἡρῴδης ὁ βασιλεὺς τὰς χεῖρας κακῶσαί τινας τῶν ἀπὸ τῆς ἐκκλησίας. ἀνεῖλεν δὲ Ἰάκωβον τὸν ἀδελφὸν Ἰωάννου μαχαίρῃ. ἰδὼν δὲ ὅτι ἀρεστόν ἐστιν τοῖς Ἰουδαίοις προσέθετο συλλαβεῖν καὶ Πέτρον ἦσαν δὲ ἡμέραι τῶν ἀζύμων, ὃν καὶ πιάσας ἔθετο εἰς φυλακήν, παραδοὺς τέσσαρσιν τετραδίοις στρατιωτῶν φυλάσσειν αὐτόν, βουλόμενος μετὰ τὸ πάσχα ἀναγαγεῖν αὐτὸν τῷ λαῷ. ὁ μὲν οὖν Πέτρος ἐτηρεῖτο ἐν τῇ φυλακῇ· προσευχὴ δὲ ἦν ἐκτενῶς γινομένη ὑπὸ τῆς ἐκκλησίας πρὸς τὸν θεὸν περὶ αὐτοῦ.
Kat’ ekeinon de ton kairon epebalen Herodes ho basileus tas cheiras kakosai tinas ton apo tes ekklesias. aneilen de Iakobon ton adelphon Ioannou machaire. idon de hoti areston estin tois Ioudaiois prosetheto syllabein kai Petron esan de hemerai ton azymon, hon kai piasas etheto eis phylaken, paradous tessarsin tetradiois stratioton phylassein auton, boulomenos meta to pascha anagagein auton to lao. ho men oun Petros etereito en te phylake; proseuche de en ektenos ginomene hypo tes ekklesias pros ton theon peri autou.
Ὅτε δὲ ἤμελλεν προαγαγεῖν αὐτὸν ὁ Ἡρῴδης, τῇ νυκτὶ ἐκείνῃ ἦν ὁ Πέτρος κοιμώμενος μεταξὺ δύο στρατιωτῶν δεδεμένος ἁλύσεσιν δυσίν, φύλακές τε πρὸ τῆς θύρας ἐτήρουν τὴν φυλακήν. καὶ ἰδοὺ ἄγγελος κυρίου ἐπέστη, καὶ φῶς ἔλαμψεν ἐν τῷ οἰκήματι· πατάξας δὲ τὴν πλευρὰν τοῦ Πέτρου ἤγειρεν αὐτὸν λέγων· Ἀνάστα ἐν τάχει· καὶ ἐξέπεσαν αὐτοῦ αἱ ἁλύσεις ἐκ τῶν χειρῶν. εἶπεν δὲ ὁ ἄγγελος πρὸς αὐτόν· Ζῶσαι καὶ ὑπόδησαι τὰ σανδάλιά σου· ἐποίησεν δὲ οὕτως. καὶ λέγει αὐτῷ· Περιβαλοῦ τὸ ἱμάτιόν σου καὶ ἀκολούθει μοι. καὶ ἐξελθὼν ἠκολούθει, καὶ οὐκ ᾔδει ὅτι ἀληθές ἐστιν τὸ γινόμενον διὰ τοῦ ἀγγέλου, ἐδόκει δὲ ὅραμα βλέπειν. διελθόντες δὲ πρώτην φυλακὴν καὶ δευτέραν ἦλθαν ἐπὶ τὴν πύλην τὴν σιδηρᾶν τὴν φέρουσαν εἰς τὴν πόλιν, ἥτις αὐτομάτη ἠνοίγη αὐτοῖς, καὶ ἐξελθόντες προῆλθον ῥύμην μίαν, καὶ εὐθέως ἀπέστη ὁ ἄγγελος ἀπ’ αὐτοῦ. καὶ ὁ Πέτρος ἐν ἑαυτῷ γενόμενος εἶπεν· Νῦν οἶδα ἀληθῶς ὅτι ἐξαπέστειλεν ὁ κύριος τὸν ἄγγελον αὐτοῦ καὶ ἐξείλατό με ἐκ χειρὸς Ἡρῴδου καὶ πάσης τῆς προσδοκίας τοῦ λαοῦ τῶν Ἰουδαίων.
Hote de emellen proagagein auton ho Herodes, te nykti ekeine en ho Petros koimomenos metaxy dyo stratioton dedemenos halysesin dysin, phylakes te pro tes thyras eteroun ten phylaken. kai idou angelos kyriou epeste, kai phos elampsen en to oikemati; pataxas de ten pleuran tou Petrou egeiren auton legon; Anasta en tachei; kai exepesan autou ahi halyseis ek ton cheiron. eipen de ho angelos pros auton; Zosai kai hypodesai ta sandalia sou; epoiesen de houtos. kai legei auto; Peribalou to himation sou kai akolouthei moi. kai exelthon ekolouthei, kai ouk edei hoti alethes estin to ginomenon dia tou angelou, edokei de horama blepein. dielthontes de proten phylaken kai deuteran elthan epi ten pylen ten sideran ten pherousan eis ten polin, hetis automate enoige autois, kai exelthontes proelthon rhymen mian, kai eutheos apeste ho angelos ap’ autou. kai ho Petros en heauto genomenos eipen; Nyn oida alethos hoti exapesteilen ho kyrios ton angelon autou kai exeilato me ek cheiros Herodou kai pases tes prosdokias tou laou ton Ioudaion.
Συνιδών τε ἦλθεν ἐπὶ τὴν οἰκίαν τῆς Μαρίας τῆς μητρὸς Ἰωάννου τοῦ ἐπικαλουμένου Μάρκου, οὗ ἦσαν ἱκανοὶ συνηθροισμένοι καὶ προσευχόμενοι. κρούσαντος δὲ αὐτοῦ τὴν θύραν τοῦ πυλῶνος προσῆλθε παιδίσκη ὑπακοῦσαι ὀνόματι Ῥόδη, καὶ ἐπιγνοῦσα τὴν φωνὴν τοῦ Πέτρου ἀπὸ τῆς χαρᾶς οὐκ ἤνοιξεν τὸν πυλῶνα, εἰσδραμοῦσα δὲ ἀπήγγειλεν ἑστάναι τὸν Πέτρον πρὸ τοῦ πυλῶνος. οἱ δὲ πρὸς αὐτὴν εἶπαν· Μαίνῃ. ἡ δὲ διϊσχυρίζετο οὕτως ἔχειν. οἱ δὲ ἔλεγον· Ὁ ἄγγελός ἐστιν αὐτοῦ. ὁ δὲ Πέτρος ἐπέμενεν κρούων· ἀνοίξαντες δὲ εἶδαν αὐτὸν καὶ ἐξέστησαν. κατασείσας δὲ αὐτοῖς τῇ χειρὶ σιγᾶν διηγήσατο αὐτοῖς πῶς ὁ κύριος αὐτὸν ἐξήγαγεν ἐκ τῆς φυλακῆς, εἶπέν τε· Ἀπαγγείλατε Ἰακώβῳ καὶ τοῖς ἀδελφοῖς ταῦτα. καὶ ἐξελθὼν ἐπορεύθη εἰς ἕτερον τόπον.
Synidon te elthen epi ten oikian tes Marias tes metros Ioannou tou epikaloumenou Markou, hou esan hikanoi synethroismenoi kai proseuchomenoi. krousantos de autou ten thyran tou pylonos proselthe paidiske hypakousai onomati Rhode, kai epignousa ten phonen tou Petrou apo tes charas ouk enoixen ton pylona, eisdramousa de apengeilen hestanai ton Petron pro tou pylonos. ohi de pros auten eipan; Maine. he de diischyrizeto houtos echein. ohi de elegon; Ho angelos estin autou. ho de Petros epemenen krouon; anoixantes de eidan auton kai exestesan. kataseisas de autois te cheiri sigan diegesato autois pos ho kyrios auton exegagen ek tes phylakes, eipen te; Apangeilate Iakobo kai tois adelphois tauta. kai exelthon eporeuthe eis heteron topon.
Γενομένης δὲ ἡμέρας ἦν τάραχος οὐκ ὀλίγος ἐν τοῖς στρατιώταις, τί ἄρα ὁ Πέτρος ἐγένετο. Ἡρῴδης δὲ ἐπιζητήσας αὐτὸν καὶ μὴ εὑρὼν ἀνακρίνας τοὺς φύλακας ἐκέλευσεν ἀπαχθῆναι, καὶ κατελθὼν ἀπὸ τῆς Ἰουδαίας εἰς Καισάρειαν διέτριβεν.
Genomenes de hemeras en tarachos ouk oligos en tois stratiotais, ti ara ho Petros egeneto. Herodes de epizetesas auton kai me heuron anakrinas tous phylakas ekeleusen apachthenai, kai katelthon apo tes Ioudaias eis Kaisareian dietriben.
Ἦν δὲ θυμομαχῶν Τυρίοις καὶ Σιδωνίοις· ὁμοθυμαδὸν δὲ παρῆσαν πρὸς αὐτόν, καὶ πείσαντες Βλάστον τὸν ἐπὶ τοῦ κοιτῶνος τοῦ βασιλέως ᾐτοῦντο εἰρήνην διὰ τὸ τρέφεσθαι αὐτῶν τὴν χώραν ἀπὸ τῆς βασιλικῆς. τακτῇ δὲ ἡμέρᾳ ὁ Ἡρῴδης ἐνδυσάμενος ἐσθῆτα βασιλικὴν καὶ καθίσας ἐπὶ τοῦ βήματος ἐδημηγόρει πρὸς αὐτούς· ὁ δὲ δῆμος ἐπεφώνει· Θεοῦ φωνὴ καὶ οὐκ ἀνθρώπου. παραχρῆμα δὲ ἐπάταξεν αὐτὸν ἄγγελος κυρίου ἀνθ’ ὧν οὐκ ἔδωκεν τὴν δόξαν τῷ θεῷ, καὶ γενόμενος σκωληκόβρωτος ἐξέψυξεν.
En de thymomachon Tyriois kai Sidoniois; homothymadon de paresan pros auton, kai peisantes Blaston ton epi tou koitonos tou basileos etounto eirenen dia to trephesthai auton ten choran apo tes basilikes. takte de hemera ho Herodes endysamenos estheta basiliken kai kathisas epi tou bematos edemegorei pros autous; ho de demos epephonei; Theou phone kai ouk anthropou. parachrema de epataxen auton angelos kyriou anth’ hon ouk edoken ten doxan to theo, kai genomenos skolekobrotos exepsyxen.
Ὁ δὲ λόγος τοῦ θεοῦ ηὔξανεν καὶ ἐπληθύνετο. Βαρναβᾶς δὲ καὶ Σαῦλος ὑπέστρεψαν, εἰς Ἰερουσαλὴμ πληρώσαντες τὴν διακονίαν, συμπαραλαβόντες Ἰωάννην τὸν ἐπικληθέντα Μᾶρκον.
Ho de logos tou theou euxanen kai eplethyneto. Barnabas de kai Saulos hypestrepsan, eis Ierousalem plerosantes ten diakonian, symparalabontes Ioannen ton epiklethenta Markon.