Livre 2, § 7 — Nouveau Testament

Καὶ συνάγονται πρὸς αὐτὸν οἱ Φαρισαῖοι καί τινες τῶν γραμματέων ἐλθόντες ἀπὸ Ἱεροσολύμων καὶ ἰδόντες τινὰς τῶν μαθητῶν αὐτοῦ ὅτι κοιναῖς χερσίν, τοῦτ’ ἔστιν ἀνίπτοις, ἐσθίουσιν τοὺς ἄρτους οἱ γὰρ Φαρισαῖοι καὶ πάντες οἱ Ἰουδαῖοι ἐὰν μὴ πυγμῇ νίψωνται τὰς χεῖρας οὐκ ἐσθίουσιν, κρατοῦντες τὴν παράδοσιν τῶν πρεσβυτέρων, καὶ ἀπ’ ἀγορᾶς ἐὰν μὴ βαπτίσωνται οὐκ ἐσθίουσιν, καὶ ἄλλα πολλά ἐστιν ἃ παρέλαβον κρατεῖν, βαπτισμοὺς ποτηρίων καὶ ξεστῶν καὶ χαλκίων καὶ κλινῶν καὶ ἐπερωτῶσιν αὐτὸν οἱ Φαρισαῖοι καὶ οἱ γραμματεῖς· Διὰ τί οὐ περιπατοῦσιν οἱ μαθηταί σου κατὰ τὴν παράδοσιν τῶν πρεσβυτέρων, ἀλλὰ κοιναῖς χερσὶν ἐσθίουσιν τὸν ἄρτον; ὁ δὲ εἶπεν αὐτοῖς· Καλῶς ἐπροφήτευσεν Ἠσαΐας περὶ ὑμῶν τῶν ὑποκριτῶν, ὡς γέγραπται ὅτι Οὗτος ὁ λαὸς τοῖς χείλεσίν με τιμᾷ, ἡ δὲ καρδία αὐτῶν πόρρω ἀπέχει ἀπ’ ἐμοῦ· μάτην δὲ σέβονταί με, διδάσκοντες διδασκαλίας ἐντάλματα ἀνθρώπων· ἀφέντες τὴν ἐντολὴν τοῦ θεοῦ κρατεῖτε τὴν παράδοσιν τῶν ἀνθρώπων.

Kai synagontai pros auton ohi Pharisaioi kai tines ton grammateon elthontes apo Hierosolymon kai idontes tinas ton matheton autou hoti koinais chersin, tout’ estin aniptois, esthiousin tous artous ohi gar Pharisaioi kai pantes ohi Ioudaioi ean me pygme nipsontai tas cheiras ouk esthiousin, kratountes ten paradosin ton presbyteron, kai ap’ agoras ean me baptisontai ouk esthiousin, kai alla polla estin ha parelabon kratein, baptismous poterion kai xeston kai chalkion kai klinon kai eperotosin auton ohi Pharisaioi kai ohi grammateis; Dia ti ou peripatousin ohi mathetai sou kata ten paradosin ton presbyteron, alla koinais chersin esthiousin ton arton? ho de eipen autois; Kalos epropheteusen Esaias peri hymon ton hypokriton, hos gegraptai hoti Houtos ho laos tois cheilesin me tima, he de kardia auton porro apechei ap’ emou; maten de sebontai me, didaskontes didaskalias entalmata anthropon; aphentes ten entolen tou theou krateite ten paradosin ton anthropon.

Καὶ ἔλεγεν αὐτοῖς· Καλῶς ἀθετεῖτε τὴν ἐντολὴν τοῦ θεοῦ, ἵνα τὴν παράδοσιν ὑμῶν τηρήσητε· Μωϋσῆς γὰρ εἶπεν· Τίμα τὸν πατέρα σου καὶ τὴν μητέρα σου, καί· Ὁ κακολογῶν πατέρα ἢ μητέρα θανάτῳ τελευτάτω· ὑμεῖς δὲ λέγετε· Ἐὰν εἴπῃ ἄνθρωπος τῷ πατρὶ ἢ τῇ μητρί· Κορβᾶν, ὅ ἐστιν Δῶρον, ὃ ἐὰν ἐξ ἐμοῦ ὠφεληθῇς, οὐκέτι ἀφίετε αὐτὸν οὐδὲν ποιῆσαι τῷ πατρὶ ἢ τῇ μητρί, ἀκυροῦντες τὸν λόγον τοῦ θεοῦ τῇ παραδόσει ὑμῶν ᾗ παρεδώκατε· καὶ παρόμοια τοιαῦτα πολλὰ ποιεῖτε.

Kai elegen autois; Kalos atheteite ten entolen tou theou, hina ten paradosin hymon teresete; Moyses gar eipen; Tima ton patera sou kai ten metera sou, kai; Ho kakologon patera e metera thanato teleutato; hymeis de legete; Ean eipe anthropos to patri e te metri; Korban, ho estin Doron, ho ean ex emou ophelethes, ouketi aphiete auton ouden poiesai to patri e te metri, akyrountes ton logon tou theou te paradosei hymon he paredokate; kai paromoia toiauta polla poieite.

Καὶ προσκαλεσάμενος πάλιν τὸν ὄχλον ἔλεγεν αὐτοῖς· Ἀκούσατέ μου πάντες καὶ σύνετε. οὐδέν ἐστιν ἔξωθεν τοῦ ἀνθρώπου εἰσπορευόμενον εἰς αὐτὸν ὃ δύναται κοινῶσαι αὐτόν· ἀλλὰ τὰ ἐκ τοῦ ἀνθρώπου ἐκπορευόμενά ἐστιν τὰ κοινοῦντα τὸν ἄνθρωπον.

Kai proskalesamenos palin ton ochlon elegen autois; Akousate mou pantes kai synete. ouden estin exothen tou anthropou eisporeuomenon eis auton ho dynatai koinosai auton; alla ta ek tou anthropou ekporeuomena estin ta koinounta ton anthropon.

Καὶ ὅτε εἰσῆλθεν εἰς οἶκον ἀπὸ τοῦ ὄχλου, ἐπηρώτων αὐτὸν οἱ μαθηταὶ αὐτοῦ τὴν παραβολήν. καὶ λέγει αὐτοῖς· Οὕτως καὶ ὑμεῖς ἀσύνετοί ἐστε; οὐ νοεῖτε ὅτι πᾶν τὸ ἔξωθεν εἰσπορευόμενον εἰς τὸν ἄνθρωπον οὐ δύναται αὐτὸν κοινῶσαι, ὅτι οὐκ εἰσπορεύεται αὐτοῦ εἰς τὴν καρδίαν ἀλλ’ εἰς τὴν κοιλίαν, καὶ εἰς τὸν ἀφεδρῶνα ἐκπορεύεται; καθαρίζων πάντα τὰ βρώματα. ἔλεγεν δὲ ὅτι Τὸ ἐκ τοῦ ἀνθρώπου ἐκπορευόμενον ἐκεῖνο κοινοῖ τὸν ἄνθρωπον· ἔσωθεν γὰρ ἐκ τῆς καρδίας τῶν ἀνθρώπων οἱ διαλογισμοὶ οἱ κακοὶ ἐκπορεύονται, πορνεῖαι, κλοπαί, φόνοι, μοιχεῖαι, πλεονεξίαι, πονηρίαι, δόλος, ἀσέλγεια, ὀφθαλμὸς πονηρός, βλασφημία, ὑπερηφανία, ἀφροσύνη· πάντα ταῦτα τὰ πονηρὰ ἔσωθεν ἐκπορεύεται καὶ κοινοῖ τὸν ἄνθρωπον.

Kai hote eiselthen eis oikon apo tou ochlou, eperoton auton ohi mathetai autou ten parabolen. kai legei autois; Houtos kai hymeis asynetoi este? ou noeite hoti pan to exothen eisporeuomenon eis ton anthropon ou dynatai auton koinosai, hoti ouk eisporeuetai autou eis ten kardian all’ eis ten koilian, kai eis ton aphedrona ekporeuetai? katharizon panta ta bromata. elegen de hoti To ek tou anthropou ekporeuomenon ekeino koinoi ton anthropon; esothen gar ek tes kardias ton anthropon ohi dialogismoi ohi kakoi ekporeuontai, porneiai, klopai, phonoi, moicheiai, pleonexiai, poneriai, dolos, aselgeia, ophthalmos poneros, blasphemia, hyperephania, aphrosyne; panta tauta ta ponera esothen ekporeuetai kai koinoi ton anthropon.

Ἐκεῖθεν δὲ ἀναστὰς ἀπῆλθεν εἰς τὰ ὅρια Τύρου. καὶ εἰσελθὼν εἰς οἰκίαν οὐδένα ἤθελεν γνῶναι, καὶ οὐκ ἠδυνήθη λαθεῖν· ἀλλ’ εὐθὺς ἀκούσασα γυνὴ περὶ αὐτοῦ, ἧς εἶχεν τὸ θυγάτριον αὐτῆς πνεῦμα ἀκάθαρτον, ἐλθοῦσα προσέπεσεν πρὸς τοὺς πόδας αὐτοῦ· ἡ δὲ γυνὴ ἦν Ἑλληνίς, Συροφοινίκισσα τῷ γένει· καὶ ἠρώτα αὐτὸν ἵνα τὸ δαιμόνιον ἐκβάλῃ ἐκ τῆς θυγατρὸς αὐτῆς. καὶ ἔλεγεν αὐτῇ· Ἄφες πρῶτον χορτασθῆναι τὰ τέκνα, οὐ γάρ καλόν ἐστιν λαβεῖν τὸν ἄρτον τῶν τέκνων καὶ τοῖς κυναρίοις βαλεῖν. ἡ δὲ ἀπεκρίθη καὶ λέγει αὐτῷ· Κύριε, καὶ τὰ κυνάρια ὑποκάτω τῆς τραπέζης ἐσθίουσιν ἀπὸ τῶν ψιχίων τῶν παιδίων. καὶ εἶπεν αὐτῇ· Διὰ τοῦτον τὸν λόγον ὕπαγε, ἐξελήλυθεν ἐκ τῆς θυγατρός σου τὸ δαιμόνιον. καὶ ἀπελθοῦσα εἰς τὸν οἶκον αὐτῆς εὗρεν τὸ παιδίον βεβλημένον ἐπὶ τὴν κλίνην καὶ τὸ δαιμόνιον ἐξεληλυθός.

Ekeithen de anastas apelthen eis ta horia Tyrou. kai eiselthon eis oikian oudena ethelen gnonai, kai ouk edynethe lathein; all’ euthys akousasa gyne peri autou, hes eichen to thygatrion autes pneuma akatharton, elthousa prosepesen pros tous podas autou; he de gyne en Hellenis, Syrophoinikissa to genei; kai erota auton hina to daimonion ekbale ek tes thygatros autes. kai elegen aute; Aphes proton chortasthenai ta tekna, ou gar kalon estin labein ton arton ton teknon kai tois kynariois balein. he de apekrithe kai legei auto; Kyrie, kai ta kynaria hypokato tes trapezes esthiousin apo ton psichion ton paidion. kai eipen aute; Dia touton ton logon hypage, exelelythen ek tes thygatros sou to daimonion. kai apelthousa eis ton oikon autes heuren to paidion beblemenon epi ten klinen kai to daimonion exelelythos.

Καὶ πάλιν ἐξελθὼν ἐκ τῶν ὁρίων Τύρου ἦλθεν διὰ Σιδῶνος εἰς τὴν θάλασσαν τῆς Γαλιλαίας ἀνὰ μέσον τῶν ὁρίων Δεκαπόλεως. καὶ φέρουσιν αὐτῷ κωφὸν καὶ μογιλάλον, καὶ παρακαλοῦσιν αὐτὸν ἵνα ἐπιθῇ αὐτῷ τὴν χεῖρα. καὶ ἀπολαβόμενος αὐτὸν ἀπὸ τοῦ ὄχλου κατ’ ἰδίαν ἔβαλεν τοὺς δακτύλους αὐτοῦ εἰς τὰ ὦτα αὐτοῦ καὶ πτύσας ἥψατο τῆς γλώσσης αὐτοῦ, καὶ ἀναβλέψας εἰς τὸν οὐρανὸν ἐστέναξεν, καὶ λέγει αὐτῷ· Εφφαθα, ὅ ἐστιν Διανοίχθητι· καὶ ἠνοίγησαν αὐτοῦ αἱ ἀκοαί, καὶ ἐλύθη ὁ δεσμὸς τῆς γλώσσης αὐτοῦ, καὶ ἐλάλει ὀρθῶς· καὶ διεστείλατο αὐτοῖς ἵνα μηδενὶ λέγωσιν· ὅσον δὲ αὐτοῖς διεστέλλετο, αὐτοὶ μᾶλλον περισσότερον ἐκήρυσσον. καὶ ὑπερπερισσῶς ἐξεπλήσσοντο λέγοντες· Καλῶς πάντα πεποίηκεν, καὶ τοὺς κωφοὺς ποιεῖ ἀκούειν καὶ ἀλάλους λαλεῖν.

Kai palin exelthon ek ton horion Tyrou elthen dia Sidonos eis ten thalassan tes Galilaias ana meson ton horion Dekapoleos. kai pherousin auto kophon kai mogilalon, kai parakalousin auton hina epithe auto ten cheira. kai apolabomenos auton apo tou ochlou kat’ idian ebalen tous daktylous autou eis ta ota autou kai ptysas hepsato tes glosses autou, kai anablepsas eis ton ouranon estenaxen, kai legei auto; Ephphatha, ho estin Dianoichtheti; kai enoigesan autou ahi akoai, kai elythe ho desmos tes glosses autou, kai elalei orthos; kai diesteilato autois hina medeni legosin; hoson de autois diestelleto, autoi mallon perissoteron ekerysson. kai hyperperissos exeplessonto legontes; Kalos panta pepoieken, kai tous kophous poiei akouein kai alalous lalein.