§ 18 — Idilios

ἔν ποκ’ ἄρα Σπάρτᾳ ξανθότριχι πὰρ Μενελάῳ

en pok’ ara Sparta xanthotrichi par Menelao

παρθενικαὶ θάλλοντα κόμαις ὑάκινθον ἔχοισαι

parthenikai thallonta komais hyakinthon echoisai

πρόσθε νεογράπτω θαλάμω χορὸν ἐστάσαντο,

prosthe neograpto thalamo choron estasanto,

δώδεκα ταὶ πρᾶται πόλιος, μέγα χρῆμα Λακαινᾶν,

dodeka tai pratai polios, mega chrema Lakainan,

ἁνίκα Τυνδαριδᾶν κατεδέξατο τὰν ἀγαπητὰν

hanika Tyndaridan katedexato tan agapetan

μναστεύσας Ἑλέναν ὁ νεώτερος Ἀτρέος υἱός.

mnasteusas Helenan ho neoteros Atreos yhios.

ἄειδον δ’ ἄρα πᾶσαι ἐς ἓν μέλος ἐγκροτέοισαι

aeidon d’ ara pasai es hen melos enkroteoisai

ποσσὶ περιπλέκτοις, ὑπὸ δ’ ἴαχε δῶμ’ ὑμεναίῳ.

possi periplektois, hypo d’ iache dom’ hymenaio.

οὕτω δὴ πρωιζὲ κατέδραθες ὦ φίλε γαμβρέ;

houto de proize katedrathes o phile gambre?

ἦ ῥά τις ἐσσὶ λίαν βαρυγούνατος; ἦ ῥα φίλυπνος;

e rha tis essi lian barygounatos? e rha philypnos?

ἦ ῥα πολύν τιν’ ἔπινες, ὅτ’ εἰς εὐνὰν κατεβάλλευ;

e rha polyn tin’ epines, hot’ eis eunan kateballeu?

εὕδειν μὰν σπεύδοντα καθ’ ὥραν αὐτὸν ἐχρῆν τυ,

heudein man speudonta kath’ horan auton echren ty,

παῖδα δ’ ἐᾶν σὺν παισὶ φιλοστόργῳ παρὰ ματρὶ

paida d’ ean syn paisi philostorgo para matri

παίσδειν ἐς βαθὺν ὄρθρον, ἐπεὶ καὶ ἔνας καὶ ἐς ἀῶ

paisdein es bathyn orthron, epei kai enas kai es ao

κεἰς ἔτος ἐξ ἔτεος Μενέλαε τεὰ νυὸς ἅδε.

keis etos ex eteos Menelae tea nyos hade.

ὄλβιε γάμβρ’, ἀγαθός τις ἐπέπταρεν ἐρχομένῳ τοι

olbie gambr’, agathos tis epeptaren erchomeno toi

ἐς Σπάρταν, ἅπερ ὥλλοι ἀριστέες, ὡς ἀνύσαιο.

es Spartan, haper holloi aristees, hos anysaio.

μοῦνος ἐν ἡμιθέοις Κρονίδαν Δία πενθερὸν ἑξεῖς.

mounos en hemitheois Kronidan Dia pentheron hexeis.

Ζανός τοι θυγάτηρ ὑπὸ τὰν μίαν ἵκετο χλαῖναν,

Zanos toi thygater hypo tan mian hiketo chlainan,

οἵα Ἀχαιιάδων γαῖαν πατεῖ οὐδὲ μί’ ἄλλα.

ohia Achaiiadon gaian patei oude mi’ alla.

ἦ μέγα κέν τι τέκοιτ’, εἰ ματέρι τίκτοι ὁμοῖον.

e mega ken ti tekoit’, ei materi tiktoi homoion.

ἄμμες δ’ αἱ πᾶσαι συνομάλικες, αἷς δρόμος ωὑτός

ammes d’ ahi pasai synomalikes, ahis dromos ohytos

χρισαμέναις ἀνδριστὶ παρ’ Εὐρώταο λοετροῖς,

chrisamenais andristi par’ Eurotao loetrois,

τετράκις ἑξήκοντα κόραι, θῆλυς νεολαία,

tetrakis hexekonta korai, thelys neolaia,

τᾶν οὐδέν τις ἄμωμος, ἐπεί χ’ Ἑλένᾳ παρισωθῇ.

tan ouden tis amomos, epei ch’ Helena parisothe.

ἀὼς ἀντέλλοισα καλὸν διέφανε πρόσωπον,

aos antelloisa kalon diephane prosopon,

πότνια νὺξ τό τε λευκὸν ἔαρ χειμῶνος ἀνέντος·

potnia nyx to te leukon ear cheimonos anentos;

ὧδε καὶ ἁ χρυσέα Ἑλένα διαφαίνετ’ ἐν ἁμῖν.

hode kai ha chrysea Helena diaphainet’ en hamin.

πιείρᾳ μέγα λᾷον ἀνέδραμε κόσμος ἀρούρᾳ

pieira mega laon anedrame kosmos aroura

ἢ κάπῳ κυπάρισσος ἢ ἅρματι Θεσσαλὸς ἵππος·

e kapo kyparissos e harmati Thessalos hippos;

ὧδε καὶ ἁ ῥοδόχρως Ἑλένα Λακεδαίμονι κόσμος.

hode kai ha rhodochros Helena Lakedaimoni kosmos.

οὔτέ τις ἐκ ταλάρω πανίσδεται ἔργα τοιαῦτα,

oute tis ek talaro panisdetai erga toiauta,

οὔτ’ ἐνὶ δαιδαλέῳ πυκινώτερον ἄτριον ἱστῷ

out’ eni daidaleo pykinoteron atrion histo

κερκίδι συμπλέξασα μακρῶν ἔταμ’ ἐκ κελεόντων.

kerkidi symplexasa makron etam’ ek keleonton.

οὐ μὰν οὐδὲ λύραν τις ἐπίσταται ὧδε κροτῆσαι

ou man oude lyran tis epistatai hode krotesai

Ἄρτεμιν ἀείδοισα καὶ εὐρύστερνον Ἀθάναν,

Artemin aeidoisa kai eurysternon Athanan,

ὡς Ἑλένα, τᾶς πάντες ἐπ’ ὄμμασιν ἵμεροι ἐντί.

hos Helena, tas pantes ep’ ommasin himeroi enti.

ὦ καλὰ ὦ χαρίεσσα κόρα, τὺ μὲν οἰκέτις ἤδη,

o kala o chariessa kora, ty men oiketis ede,

ἄμμες δ’ ἐς δρόμον ἦρι καὶ ἐς λειμώνια φύλλα

ammes d’ es dromon eri kai es leimonia phylla

ἑρψοῦμες στεφάνως δρεψούμεναι ἁδὺ πνέοντας,

herpsoumes stephanos drepsoumenai hady pneontas,

πολλὰ τεοῦς Ἑλένα μεμναμέναι ὡς γαλαθηναὶ

polla teous Helena memnamenai hos galathenai

ἄρνες γειναμένας ὄιος μαστὸν ποθέοισαι.

arnes geinamenas oios maston potheoisai.

πρᾶταί τοι στέφανον λωτῶ χαμαὶ αὐξομένοιο

pratai toi stephanon loto chamai auxomenoio

πλέξασαι σκιερὰν καταθήσομεν ἐς πλατάνιστον,

plexasai skieran katathesomen es plataniston,

πρᾶται δ’ ἀργυρέας ἐξ ὄλπιδος ὑγρὸν ἄλειφαρ

pratai d’ argyreas ex olpidos hygron aleiphar

λαζύμεναι σταξεῦμες ὑπὸ σκιερὰν πλατάνιστον·

lazymenai staxeumes hypo skieran plataniston;

γράμματα δ’ ἐν φλοιῷ γεγράψεται,( ὡς παριών τις

grammata d’ en phloio gegrapsetai,( hos parion tis

ἀννείμῃ,) δωριστί· σέβου μ’· Ἑλένας φυτὸν εἰμί.

anneime,) doristi; sebou m’; Helenas phyton eimi.

χαίροις ὦ νύμφα, χαίροις εὐπένθερε γαμβρέ.

chairois o nympha, chairois eupenthere gambre.

Λατὼ μὲν δοίη, Λατὼ κουροτρόφος ὔμμιν

Lato men doie, Lato kourotrophos ymmin

εὐτεκνίαν, Κύπρις δέ, θεὰ Κύπρις ἶσον ἔρασθαι

euteknian, Kypris de, thea Kypris ison erasthai

ἀλλάλων, Ζεὺς δέ, Κρονίδας Ζεὺς ἄφθιτον ὄλβον,

allalon, Zeus de, Kronidas Zeus aphthiton olbon,

ὡς ἐξ εὐπατριδᾶν εἰς εὐπατρίδας πάλιν ἔνθῃ.

hos ex eupatridan eis eupatridas palin enthe.

εὕδετ’ ἐς ἀλλάλων στέρνον φιλότητα πνέοντες

heudet’ es allalon sternon philoteta pneontes

καὶ πόθον, ἔγρεσθαι δὲ πρὸς ἀῶ μἠπιλάθησθε.

kai pothon, egresthai de pros ao mepilathesthe.

νεύμεθα κἄμμες ἐς ὄρθρον, ἐπεί κα πρᾶτος ἀοιδὸς

neumetha kammes es orthron, epei ka pratos aoidos

ἐξ εὐνᾶς κελαδήσῃ ἀνασχὼν εὔτριχα δειράν.

ex eunas keladese anaschon eutricha deiran.

ὑμὴν ὦ Ὑμέναιε, γάμῳ ἐπὶ τῷδε χαρείης.

hymen o Hymenaie, gamo epi tode chareies.