§ 8 — Idylls

Δάφνιδι τῷ χαρίεντι συνήντετο βουκολέοντι

Daphnidi to charienti synenteto boukoleonti

μᾶλα νέμων, ὡς φαντί, κατ’ ὤρεα μακρὰ Μενάλκας.

mala nemon, hos phanti, kat’ orea makra Menalkas.

ἄμφω τώγ’ ἤστην πυρροτρίχω, ἄμφω ἀνάβω,

ampho tog’ esten pyrrotricho, ampho anabo,

ἄμφω συρίσδεν δεδαημένω, ἄμφω ἀείδεν.

ampho syrisden dedaemeno, ampho aeiden.

πρᾶτος δ’ ὦν ποτὶ Δάφνιν ἰδὼν ἀγόρευε Μενάλκας·"

pratos d’ on poti Daphnin idon agoreue Menalkas;"

μυκητᾶν ἐπίουρε βοῶν Δάφνι, λῇς μοι ἀεῖσαι;

myketan epioure boon Daphni, les moi aeisai?

φαμί τυ νικασεῖν, ὅσσον θέλω αὐτὸς ἀείδων".

phami ty nikasein, hosson thelo autos aeidon".

τὸν δ’ ἄρα χὡ Δάφνις τοιῷδ’ ἀπαμείβετο μύθῳ·"

ton d’ ara chho Daphnis toiod’ apameibeto mytho;"

ποιμὴν εἰροπόκων ὀίων συριγκτὰ Μενάλκα,

poimen eiropokon oion syrinkta Menalka,

οὔποτε νικασεῖς μ’, οὐδ’ εἴ τι πάθοις τύγ’ ἀείδων".

oupote nikaseis m’, oud’ ei ti pathois tyg’ aeidon".

χρῄσδεις ὧν ἐσιδεῖν; χρῄσδεις καταθεῖναι ἄεθλον;

chresdeis hon esidein? chresdeis katatheinai aethlon?

χρῄσδω τοῦτ’ ἐσιδεῖν, χρῄσδω καταθεῖναι ἄεθλον.

chresdo tout’ esidein, chresdo katatheinai aethlon.

καὶ τίνα θησεύμεσθ’, ὅτις ἁμῖν ἄρκιος εἴη;

kai tina theseumesth’, hotis hamin arkios eie?

μόσχον ἐγὼ θησῶ· τὺ δὲ θὲς ἰσομάτορα ἀμνόν.

moschon ego theso; ty de thes isomatora amnon.

οὐ θησῶ ποκα ἀμνόν, ἐπεὶ χαλεπὸς ὁ πατήρ μευ

ou theso poka amnon, epei chalepos ho pater meu

χἁ μάτηρ, τὰ δὲ μᾶλα ποθέσπερα πάντ’ ἀριθμεῦντι.

chha mater, ta de mala pothespera pant’ arithmeunti.

ἀλλὰ τί μὰν θησεῖς; τί δὲ τὸ πλέον ἑξεῖ ὁ νικῶν;

alla ti man theseis? ti de to pleon hexei ho nikon?

σύριγγ’ ἃν ἐπόησα καλὰν ἐγὼ ἐννεάφωνον,

syring’ han epoesa kalan ego enneaphonon,

λευκὸν κηρὸν ἔχοισαν, ἴσον κάτω, ἶσον ἄνωθεν,

leukon keron echoisan, ison kato, ison anothen,

ταύταν κατθείην, τὰ δὲ τῶ πατρὸς οὐ καταθησῶ.

tautan kattheien, ta de to patros ou katatheso.

ἦ μάν τοι κἠγὼ σύριγγ’ ἔχω ἐννεάφωνον.

e man toi kego syring’ echo enneaphonon.

λευκὸν κηρὸν ἔχοισαν, ἴσον κάτω, ἶσον ἄνωθεν.

leukon keron echoisan, ison kato, ison anothen.

πρώαν νιν συνέπαξ’· ἔτι καὶ τὸν δάκτυλον ἀλγέω

proan nin synepax’; eti kai ton daktylon algeo

τοῦτον, ἐπεὶ κάλαμός με διασχισθεὶς διέτμαξεν.

touton, epei kalamos me diaschistheis dietmaxen.

ἀλλὰ τίς ἄμμε κρινεῖ; τίς ἐπάκοος ἔσσεται ἁμέων;

alla tis amme krinei? tis epakoos essetai hameon?

τῆνον πῶς ἐνταῦθα τὸν αἰπόλον ἢν καλέσωμες;

tenon pos entautha ton aipolon en kalesomes?

ᾧ ποτὶ ταῖς ἐρίφοις ὁ κύων ὁ φάλαρος ὑλακτεῖ.

ho poti tais eriphois ho kyon ho phalaros hylaktei.

χοἱ μὲν παῖδες ἄυσαν, ὁ δ’ αἰπόλος ἦνθ’ ἐπακοῦσαι.

chohi men paides ausan, ho d’ aipolos enth’ epakousai.

χοἱ μὲν παῖδες ἄειδον, ὁ δ’ αἰπόλος ἤθελε κρίνειν.

chohi men paides aeidon, ho d’ aipolos ethele krinein.

πρᾶτος δ’ ὦν ἄειδε λαχὼν ἰυκτὰ Μενάλκας,

pratos d’ on aeide lachon iykta Menalkas,

εἶτα δ’ ἀμοιβαίαν ὑπελάμβανε Δάφνις ἀοιδάν.

eita d’ amoibaian hypelambane Daphnis aoidan.

[βουκολικάν· οὕτω δὲ Μενάλκας ἄρξατο πρᾶτος.]

[boukolikan; houto de Menalkas arxato pratos.]

ἄγκεα καὶ ποταμοί, θεῖον γένος, αἴ τι Μενάλκας

ankea kai potamoi, theion genos, ai ti Menalkas

πήποχ’ ὁ συριγκτὰς προσφιλὲς ᾆσε μέλος,

pepoch’ ho syrinktas prosphiles ase melos,

βόσκοιτ’ ἐκ ψυχᾶς τὰς ἀμνάδας· ἢν δέ ποκ’ ἔνθῃ

boskoit’ ek psychas tas amnadas; en de pok’ enthe

Δάφνις ἔχων δαμάλας, μηδὲν ἔλασσον ἔχοι.

Daphnis echon damalas, meden elasson echoi.

κρᾶναι καὶ βοτάναι, γλυκερὸν φυτόν, αἴπερ ὁμοῖον

kranai kai botanai, glykeron phyton, aiper homoion

μουσίσδει Δάφνις ταῖσιν ἀηδονίσι,

mousisdei Daphnis taisin aedonisi,

τοῦτο τὸ βουκόλιον πιαίνετε· κἤν τι Μενάλκας

touto to boukolion piainete; ken ti Menalkas

τεῖδ’ ἀγάγῃ, χαίρων ἄφθονα πάντα νέμοι.

teid’ agage, chairon aphthona panta nemoi.

ἔνθ’ ὄις, ἔνθ’ αἶγες διδυματόκοι, ἔνθα μέλισσαι

enth’ ois, enth’ aiges didymatokoi, entha melissai

σμήνεα πληροῦσιν, καὶ δρύες ὑψίτεραι,

smenea plerousin, kai dryes hypsiterai,

ἔνθ’ ὁ καλὸς Μίλων βαίνει ποσίν· αἰ δ’ ἂν ἀφέρπῃ,

enth’ ho kalos Milon bainei posin; ai d’ an apherpe,

χὡ ποιμὴν ξηρὸς τηνόθι χαἰ βοτάναι.

chho poimen xeros tenothi chai botanai.

παντᾷ ἔαρ, παντᾷ δὲ νομοί, παντᾷ δὲ γάλακτος

panta ear, panta de nomoi, panta de galaktos

οὔθατα πλήθουσιν, καὶ τὰ νέα τρέφεται,

outhata plethousin, kai ta nea trephetai,

ἐνθ’ ἁ καλὰ παῖς ἐπινίσσεται· αἰ δ’ ἂν ἀφέρπῃ,

enth’ ha kala pais epinissetai; ai d’ an apherpe,

χὡ τὰς βῶς βόσκων χαἰ βόες αὐότεραι.

chho tas bos boskon chai boes auoterai.

ὦ τράγε, τᾶν λευκᾶν αἰγῶν ἄνερ, ὧ βάθος ὕλας

o trage, tan leukan aigon aner, ho bathos hylas

μυρίον,( ὦ σιμαὶ δεῦτ’ ἐφ’ ὕδωρ ἔριφοι)·

myrion,( o simai deut’ eph’ hydor eriphoi);

ἐν τήνῳ γὰρ τῆνος· ἴθ’ ὦ κόλε καὶ λέγε· Μίλων,

en teno gar tenos; ith’ o kole kai lege; Milon,

ὁ Πρωτεὺς φώκας καὶ θεὸς ὢν ἔνεμε.

ho Proteus phokas kai theos on eneme.

μή μοι γᾶν Πέλοπος, μή μοι χρύσεια τάλαντα

me moi gan Pelopos, me moi chryseia talanta

εἴη ἔχειν, μηδὲ πρόσθε θέειν ἀνέμων·

eie echein, mede prosthe theein anemon;

ἀλλ’ ὑπὸ τᾷ πέτρᾳ τᾷδ’ ᾁσομαι, ἀγκὰς ἔχων τυ,

all’ hypo ta petra tad’ hasomai, ankas echon ty,

σύννομα μᾶλ’ ἐσορῶν, τὰν Σικελὰν ἐς ἅλα.

synnoma mal’ esoron, tan Sikelan es hala.

δένδρεσι μὲν χειμὼν φοβερὸν κακόν, ὕδασι δ’ αὐχμός,

dendresi men cheimon phoberon kakon, hydasi d’ auchmos,

ὄρνισιν δ’ ὕσπλαγξ, ἀγροτέροις δὲ λίνα,

ornisin d’ hysplanx, agroterois de lina,

ἀνδρὶ δὲ παρθενικᾶς ἁπαλᾶς πόθος. ὦ πάτερ ὦ Ζεῦ,

andri de parthenikas hapalas pothos. o pater o Zeu,

οὐ μόνος ἠράσθην· καὶ τὺ γυναικοφίλας.

ou monos erasthen; kai ty gynaikophilas.

ταῦτα μὲν ὦν δι’ ἀμοιβαίων οἱ παῖδες ἄεισαν·

tauta men on di’ amoibaion ohi paides aeisan;

τὰν πυμάταν δ’ ᾠδὰν οὑτῶς ἐξᾶρχε Μενάλκας.

tan pymatan d’ odan houtos exarche Menalkas.

φείδευ τᾶν ἐρίφων, φείδευ λύκε τᾶν τοκάδων μευ,

pheideu tan eriphon, pheideu lyke tan tokadon meu,

μηδ’ ἀδίκει μ’, ὅτι μικκὸς ἐὼν πολλαῖσιν ὁμαρτέω.

med’ adikei m’, hoti mikkos eon pollaisin homarteo.

ὦ Λάμπουρε κύον, οὕτω βαθὺς ὕπνος ἔχει τυ;

o Lampoure kyon, houto bathys hypnos echei ty?

οὐ χρὴ κοιμᾶσθαι βαθέως σὺν παιδὶ νέμοντα.

ou chre koimasthai batheos syn paidi nemonta.

ταὶ δ’ ὄιες, μηδ’ ὔμμες ὀκνεῖθ’ ἁπαλᾶς κορέσασθαι

tai d’ oies, med’ ymmes okneith’ hapalas koresasthai

ποίας· οὔτι καμεῖσθ’, ὅκκ’ αὖ πάλιν ἅδε φύηται.

poias; outi kameisth’, hokk’ au palin hade phyetai.

σίττα νέμεσθε νέμεσθε, τὰ δ’ οὔθατα πλήσατε πᾶσαι,

sitta nemesthe nemesthe, ta d’ outhata plesate pasai,

ὡς τὸ μὲν ὥρνες ἔχωντι, τὸ δ’ ἐς ταλάρως ἀποθῶμαι.

hos to men hornes echonti, to d’ es talaros apothomai.

δεύτερος αὖ Δάφνις λιγυρῶς ἀνεβάλλετ’ ἀείδειν·

deuteros au Daphnis ligyros aneballet’ aeidein;

κἠμὲ γὰρ ἐκ τὤντρω σύνοφρυς κόρα ἐχθὲς ἰδοῖσα

keme gar ek tontro synophrys kora echthes idoisa

τὰς δαμάλας παρελᾶντα καλὸν καλὸν ἦμεν ἔφασκεν·

tas damalas parelanta kalon kalon emen ephasken;

οὐ μὰν οὐδὲ λόγον ἐκρίθην ἄπο, τὤμπικρον αὐτᾷ,

ou man oude logon ekrithen apo, tompikron auta,

ἀλλὰ κάτω βλέψας τὰν ἁμετέραν ὁδὸν εἷρπον.

alla kato blepsas tan hameteran hodon ehirpon.

ἁδεῖ’ ἁ φωνὰ τᾶς πόρτιος, ἁδὺ τὸ πνεῦμα·

hadei’ ha phona tas portios, hady to pneuma;

[ἁδὺ δὲ χὡ μόσχος γαρύεται, ἁδὺ δὲ χἁ βῶς·]

[hady de chho moschos garyetai, hady de chha bos;]

ἁδὺ δὲ τῶ θέρεος παρ’ ὕδωρ ῥέον αἰθριοκοιτεῖν.

hady de to thereos par’ hydor rheon aithriokoitein.

τᾷ δρυῒ ταὶ βάλανοι κόσμος, τᾷ μαλίδι μᾶλα,

ta dryi tai balanoi kosmos, ta malidi mala,

τᾷ βοῒ δ’ ἁ μόσχος, τῷ βουκόλῳ αἱ βόες αὐταί.

ta boi d’ ha moschos, to boukolo ahi boes autai.

ὣς οἱ παῖδες ἄεισαν, ὁ δ’ αἰπόλος ὧδ’ ἀγόρευεν·

hos ohi paides aeisan, ho d’ aipolos hod’ agoreuen;

ἁδύ τι τὸ στόμα τευ καὶ ἐφίμερος ὦ Δάφνι φωνά.

hady ti to stoma teu kai ephimeros o Daphni phona.

κρέσσον μελπομένω τευ ἀκουέμεν ἢ μέλι λείχειν.

kresson melpomeno teu akouemen e meli leichein.

λάζεο τὰς σύριγγας· ἐνίκασας γὰρ ἀείδων.

lazeo tas syringas; enikasas gar aeidon.

αἰ δέ τι λῇς με καὶ αὐτὸν ἅμ’ αἰπολέοντα διδάξαι,

ai de ti les me kai auton ham’ aipoleonta didaxai,

τήναν τὰν μιτύλαν δωσῶ τὰ δίδακτρά τοι αἶγα,

tenan tan mitylan doso ta didaktra toi aiga,

ἅτις ὑπὲρ κεφαλᾶς αἰεὶ τὸν ἀμολγέα πληροῖ.

hatis hyper kephalas aiei ton amolgea pleroi.

ὡς μὲν ὁ παῖς ἐχάρη καὶ ἀνάλατο καὶ πλατάγησε

hos men ho pais echare kai analato kai platagese

νικάσας, οὑτῶς ἐπὶ ματέρι νεβρὸς ἅλοιτο.

nikasas, houtos epi materi nebros haloito.

ὡς δὲ κατεσμύχθη καὶ ἀνετράπετο φρένα λύπᾳ

hos de katesmychthe kai anetrapeto phrena lypa

ὥτερος, οὕτω καὶ νύμφα γαμεθεῖσ’ ἀκάχοιτο.

hoteros, houto kai nympha gametheis’ akachoito.

κἠκ τούτω πρᾶτος παρὰ ποιμέσι Δάφνις ἔγεντο,

kek touto pratos para poimesi Daphnis egento,

καὶ Νύμφαν ἄκρηβος ἐὼν ἔτι Ναΐδα γᾶμεν.

kai Nymphan akrebos eon eti Naida gamen.