Book 3, § 22 — Outlines of Pyrrhonism

Φασὶν οὖν οἱ Στωικοὶ ἀγαθὸν εἶναι ὠφέλειαν ἢ οὐχ ἕτερον ὠφελείας, ὠφέλειαν μὲν λέγοντες τὴν ἀρετὴν καὶ τὴν σπουδαίαν πρᾶξιν, οὐχ ἕτερον δὲ ὠφελείας τὸν σπουδαῖον καὶ τὸν φίλον. ἡ μὲν γὰρ ἀρετή πως ἔχον ἡγεμονικὸν καθεστηκυῖα καὶ ἡ σπουδαία πρᾶξις ἐνέργειά τις οὖσα κατ’ ἀρετὴν ἄντικρύς ἐστιν ὠφέλεια, ὁ δὲ σπουδαῖος ἄνθρωπος καὶ ὁ φίλος οὐχ ἕτερος ὠφελείας.

Phasin oun ohi Stoikoi agathon einai opheleian e ouch heteron opheleias, opheleian men legontes ten areten kai ten spoudaian praxin, ouch heteron de opheleias ton spoudaion kai ton philon. he men gar arete pos echon hegemonikon kathestekyia kai he spoudaia praxis energeia tis ousa kat’ areten antikrys estin opheleia, ho de spoudaios anthropos kai ho philos ouch heteros opheleias.

μέρος μὲν γὰρ τοῦ σπουδαίου ἐστὶν ὠφέλεια, τὸ ἡγεμονικὸν αὐτοῦ ὑπάρχουσα· τὰ δὲ ὅλα οὔτε τὰ αὐτὰ τοῖς μέρεσιν εἶναι λέγουσιν οὐ γάρ ἐστιν ὁ ἄνθρωπος χείρ), οὔτε ἕτερα παρὰ τὰ μέρη οὐκ ἄνευ γὰρ τῶν μερῶν ὑφέστηκεν). διόπερ οὐχ ἕτερα τῶν μερῶν τὰ ὅλα λέγουσιν. ὅθεν τὸν σπουδαῖον ὅλον ὄντα ὡς πρὸς τὸ ἡγεμονικὸν ἑαυτοῦ, ὅπερ ἔφασαν ὠφέλειαν, οὐχ ἕτερον ὠφελείας εἶναι λέγουσιν. ἐντεῦθεν καὶ τριχῶς τὸ ἀγαθόν φασι λέγεσθαι.

meros men gar tou spoudaiou estin opheleia, to hegemonikon autou hyparchousa; ta de hola oute ta auta tois meresin einai legousin ou gar estin ho anthropos cheir), oute hetera para ta mere ouk aneu gar ton meron hyphesteken). dioper ouch hetera ton meron ta hola legousin. hothen ton spoudaion holon onta hos pros to hegemonikon heautou, hoper ephasan opheleian, ouch heteron opheleias einai legousin. enteuthen kai trichos to agathon phasi legesthai.

καθ’ ἕνα μὲν γὰρ τρόπον φασὶν εἶναι ἀγαθὸν τὸ ὑφ' οὗ ἔστιν ὠφελεῖσθαι, ὃ δὴ ἀρχικώτατόν ἐστι καὶ ἀρετή, καθ’ ἕτερον δὲ καθ’ ὃ συμβαίνει ὠφελεῖσθαι, ὡς ἡ ἀρετὴ καὶ αἱ κατ’ ἀρετὴν πράξεις, κατὰ τρίτον δὲ τρόπον τὸ οἷόν τε ὠφελεῖν, τοῦτο δὲ καὶ ἀρετὴν εἶναι καὶ <τὴν> κατὰ ἀρετὴν πρᾶξιν καὶ τὸν σπουδαῖον καὶ τὸν φίλον, θεούς τε καὶ σπουδαίους δαίμονας, ὡς τὸ μὲν δεύτερον σημαινόμενον τοῦ ἀγαθοῦ ἐμπεριληπτικὸν εἶναι τοῦ πρώτου σημαινομένου, τὸ δὲ τρίτον τοῦ δευτέρου καὶ τοῦ πρώτου.

kath’ hena men gar tropon phasin einai agathon to hyph' hou estin opheleisthai, ho de archikotaton esti kai arete, kath’ heteron de kath’ ho symbainei opheleisthai, hos he arete kai ahi kat’ areten praxeis, kata triton de tropon to ohion te ophelein, touto de kai areten einai kai <ten> kata areten praxin kai ton spoudaion kai ton philon, theous te kai spoudaious daimonas, hos to men deuteron semainomenon tou agathou emperileptikon einai tou protou semainomenou, to de triton tou deuterou kai tou protou.

τινὲς δέ φασιν ἀγαθὸν εἶναι τὸ δι’ ἑαυτὸ αἱρετόν, ἄλλοι δὲ τὸ συλλαμβάνον πρὸς εὐδαιμονίαν ἢ τὸ συμπληρωτικόν· εὐδαιμονία δέ ἐστιν, ὡς οἱ Στωικοί φασιν, εὔροια βίου.

tines de phasin agathon einai to di’ heauto ahireton, alloi de to syllambanon pros eudaimonian e to symplerotikon; eudaimonia de estin, hos ohi Stoikoi phasin, euroia biou.

Τοιαῦτα μέν τινα εἰς τὴν ἔννοιαν τοῦ ἀγαθοῦ λέγεται.

Toiauta men tina eis ten ennoian tou agathou legetai.

εἴτε δὲ τὸ ὠφελοῦν εἴτε τὸ δι’ ἑαυτὸ αἱρετὸν εἴτε τὸ συνεργοῦν πρὸς εὐδαιμονίαν ἀγαθόν τις εἶναι λέγοι, οὐχὶ τί ἐστι τὸ ἀγαθὸν παρίστησιν, ἀλλά τι τῶν συμβεβηκότων αὐτῷ λέγει. ὅπερ ἐστὶ μάταιον. ἤτοι γὰρ μόνῳ τῷ ἀγαθῷ συμβέβηκε τὰ προειρημένα ἢ καὶ ἑτέροις. ἀλλ’ εἰ μὲν καὶ ἑτέροις, οὔκ ἐστι χαρακτηριστικὰ τοῦ ἀγαθοῦ κοινοποιούμενα· εἰ δὲ μόνῳ τῷ ἀγαθῷ, οὐκ ἐνδέχεται ἡμᾶς ἀπὸ τούτων νοεῖν τὸ ἀγαθόν·

eite de to opheloun eite to di’ heauto ahireton eite to synergoun pros eudaimonian agathon tis einai legoi, ouchi ti esti to agathon paristesin, alla ti ton symbebekoton auto legei. hoper esti mataion. etoi gar mono to agatho symbebeke ta proeiremena e kai heterois. all’ ei men kai heterois, ouk esti charakteristika tou agathou koinopoioumena; ei de mono to agatho, ouk endechetai hemas apo touton noein to agathon;

ὡς γὰρ ὁ ἀνεννόητος ἵππου οὔτε τὸ χρεμετίζειν τί ἐστιν οἶδεν, οὔτε διὰ τούτου δύναται εἰς ἔννοιαν ἐλθεῖν ἵππου εἰ μὴ πρότερον ἵππῳ χρεμετίζοντι ἐντύχοι, οὕτω <καὶ> ὁ διὰ τὸ μὴ εἰδέναι τὸ ἀγαθὸν. ζητῶν τί ἐστιν ἀγαθόν, οὐ δύναται γινώσκειν τὸ ἰδίως αὐτῷ καὶ μόνῳ ὑπάρχον, ἵνα δι’ αὐτοῦ τὸ ἀγαθὸν αὐτὸ νοῆσαι δυνηθῇ. πρότερον γὰρ δεῖ μαθεῖν τὴν αὐτοῦ τοῦ ἀγαθοῦ φύσιν, εἶθ’ οὕτω συνεῖναι ὅτι ὠφελεῖ καὶ ὅτι δι’ αὑτὸ αἱρετόν ἐστι καὶ ὅτι εὐδαιμονίας ποιητικόν.

hos gar ho anennoetos hippou oute to chremetizein ti estin oiden, oute dia toutou dynatai eis ennoian elthein hippou ei me proteron hippo chremetizonti entychoi, houto <kai> ho dia to me eidenai to agathon. zeton ti estin agathon, ou dynatai ginoskein to idios auto kai mono hyparchon, hina di’ autou to agathon auto noesai dynethe. proteron gar dei mathein ten autou tou agathou physin, eith’ houto syneinai hoti ophelei kai hoti di’ hauto ahireton esti kai hoti eudaimonias poietikon.

ὅτι δὲ τὰ προειρημένα συμβεβηκότα οὔκ ἐστιν ἱκανὰ μηνῦσαι τὴν ἐπίνοιαν καὶ τὴν φύσιν τοῦ ἀγαθοῦ, δηλοῦσιν ἔργῳ οἱ δογματικοί. ὡς μὲν γὰρ ὠφελεῖ τὸ ἀγαθὸν καὶ ὅτι αἱρετόν ἐστι, παρὸ καὶ ἀγαθὸν εἴρηται τὸ οἱονεὶ ἀγαστόν, καὶ ὅτι εὐδαιμονίας ἐστὶ ποιητικόν, πάντες ἴσως συγχωροῦσιν· ἐρωτώμενοι δέ, τί ἐστιν ᾧ ταῦτα συμβέβηκεν, εἰς ἄσπειστον ἐμπίπτουσι πόλεμον, οἱ μὲν ἀρετὴν λέγοντες, οἱ δὲ ἡδονήν, οἱ δὲ ἀλυπίαν, οἱ δὲ ἄλλο τι. καίτοι εἰ ἐκ τῶν προειρημένων ὅρων ἐδείκνυτο τί ἐστι τὸ ἀγαθὸν αὐτό, οὐκ ἂν ἐστασίαζον ὡς ἀγνοουμένης τῆς τούτου φύσεως.

hoti de ta proeiremena symbebekota ouk estin hikana menysai ten epinoian kai ten physin tou agathou, delousin ergo ohi dogmatikoi. hos men gar ophelei to agathon kai hoti ahireton esti, paro kai agathon eiretai to ohionei agaston, kai hoti eudaimonias esti poietikon, pantes isos synchorousin; erotomenoi de, ti estin ho tauta symbebeken, eis aspeiston empiptousi polemon, ohi men areten legontes, ohi de hedonen, ohi de alypian, ohi de allo ti. kaitoi ei ek ton proeiremenon horon edeiknyto ti esti to agathon auto, ouk an estasiazon hos agnooumenes tes toutou physeos.

Οὕτω μὲν οὖν διαφέρονται περὶ τῆς ἐννοίας τοῦ ἀγαθοῦ οἱ δοκιμώτατοι δοκοῦντες εἶναι τῶν δογματικῶν· ὁμοίως δὲ διηνέχθησαν καὶ περὶ τοῦ κακοῦ, λέγοντες κακὸν εἶναι βλάβην ἢ οὐχ ἕτερον βλάβης, οἱ δὲ τὸ δι’ ἑαυτὸ φευκτόν, οἱ δὲ τὸ κακοδαιμονίας ποιητικόν. δι’ ὧν οὐχὶ τὴν οὐσίαν τοῦ κακοῦ, ἀλλά τινα τῶν συμβεβηκότων ’ἴσως αὐτῷ φάσκοντες εἰς τὴν προειρημένην ἐμπίπτουσιν ἀπορίαν.

Houto men oun diapherontai peri tes ennoias tou agathou ohi dokimotatoi dokountes einai ton dogmatikon; homoios de dienechthesan kai peri tou kakou, legontes kakon einai blaben e ouch heteron blabes, ohi de to di’ heauto pheukton, ohi de to kakodaimonias poietikon. di’ hon ouchi ten ousian tou kakou, alla tina ton symbebekoton ’isos auto phaskontes eis ten proeiremenen empiptousin aporian.

Τὸ δὲ ἀδιάφορόν φασι λέγεσθαι μὲν τριχῶς, καθ’ ἕνα μὲν τρόπον πρὸς ὃ μήτε ὁρμὴ μήτε ἀφορμὴ γίνεται, οἷόν ἐστι τὸ ἀρτίους εἶναι τοὺς ἀστέρας ἢ τὰς ἐπὶ τῆς κεφαλῆς τρίχας· καθ’ ἕτερον δὲ πρὸς ὃ ὁρμὴ μὲν ἢ ἀφορμὴ γίνεται, οὐ μᾶλλον δὲ πρὸς τόδε ἢ τόδε, οἷον ἐπὶ δυεῖν τετραδράχμων ἀπαραλλάκτων, ὅταν δέῃ τὸ ἕτερον αὐτῶν αἱρεῖσθαι· ὁρμὴ μὲν γὰρ γίνεται πρὸς τὸ αἱρεῖσθαι τὸ ἕτερον αὐτῶν, οὐ μᾶλλον δὲ πρὸς τόδε ἢ τόδε· κατὰ τρίτον δὲ τρόπον φασὶν ἀδιάφορον εἶναι τὸ μήτε πρὸς εὐδαιμονίαν μήτε πρὸς κακοδαιμονίαν συμβαλλόμενον, ὡς ὑγίειαν πλοῦτον· ᾧ γὰρ ἔστιν ὁτὲ μὲν εὖ, ὁτὲ δὲ κακῶς χρήσασθαι, τοῦτο ἀδιάφορον εἶναί φασιν, περὶ οὗ μάλιστα ἐν τοῖς ἠθικοῖς διαλαμβάνειν λέγουσιν.

To de adiaphoron phasi legesthai men trichos, kath’ hena men tropon pros ho mete horme mete aphorme ginetai, ohion esti to artious einai tous asteras e tas epi tes kephales trichas; kath’ heteron de pros ho horme men e aphorme ginetai, ou mallon de pros tode e tode, ohion epi dyein tetradrachmon aparallakton, hotan dee to heteron auton ahireisthai; horme men gar ginetai pros to ahireisthai to heteron auton, ou mallon de pros tode e tode; kata triton de tropon phasin adiaphoron einai to mete pros eudaimonian mete pros kakodaimonian symballomenon, hos hygieian plouton; ho gar estin hote men eu, hote de kakos chresasthai, touto adiaphoron einai phasin, peri hou malista en tois ethikois dialambanein legousin.

τίνα μέντοι καὶ περὶ ταύτης τῆς ἐννοίας δεῖ φρονεῖν, δῆλον ἐκ τῶν εἰρημένων ἡμῖν περί τε ἀγαθῶν καὶ κακῶν.

tina mentoi kai peri tautes tes ennoias dei phronein, delon ek ton eiremenon hemin peri te agathon kai kakon.

Οὕτω μὲν οὖν σαφές ἐστιν, ὅτι οὐκ ἐπέστησαν ἡμᾶς τῇ ἐννοίᾳ τῶν προειρημένων ἑκάστου· οὐδὲν δὲ ἀπεικὸς πεπόνθασιν ἐν ἀνυποστάτοις τάχα πράγμασι σφαλλόμενοι. ὅτι γὰρ οὐδὲν τῇ φύσει ἐστὶν ἀγαθὸν ἢ κακὸν ἢ ἀδιάφορον, ἐντεῦθέν τινες ἐπιλογίζονται.

Houto men oun saphes estin, hoti ouk epestesan hemas te ennoia ton proeiremenon hekastou; ouden de apeikos peponthasin en anypostatois tacha pragmasi sphallomenoi. hoti gar ouden te physei estin agathon e kakon e adiaphoron, enteuthen tines epilogizontai.