Book 2, § 8 — Outlines of Pyrrhonism

Εἰ μέντοι καὶ δοίημεν καθ’ ὑπόθεσιν εἶναί τι τῆς ἀληθείας κριτήριον, ἄχρηστον εὑρίσκεται καὶ μάταιον, ἐὰν ὑπομνήσωμεν ὅτι, ὅσον ἐπὶ τοῖς λεγομένοις ὑπὸ τῶν δογματικῶν, ἀνύπαρκτος μέν ἐστιν ἡ ἀλήθεια, ἀνυπόστατον δὲ τὸ ἀληθές.

Ei mentoi kai doiemen kath’ hypothesin einai ti tes aletheias kriterion, achreston heurisketai kai mataion, ean hypomnesomen hoti, hoson epi tois legomenois hypo ton dogmatikon, anyparktos men estin he aletheia, anypostaton de to alethes.

ὑπομιμνῄσκομεν δὲ οὕτως. λέγεται διαφέρειν τῆς ἀληθείας τὸ ἀληθὲς τριχῶς, οὐσίᾳ συστάσει δυνάμει· οὐσίᾳ μέν, ἐπεὶ τὸ μὲν ἀληθὲς ἀσώματόν ἐστιν (ἀξίωμα γάρ ἐστι καὶ λεκτόν), ἡ δὲ ἀλήθεια σῶμα (ἔστι γὰρ ἐπιστήμη πάντων ἀληθῶν ἀποφαντική, ἡ δὲ ἐπιστήμη πὼς ἔχον ἡγεμονικὸν ὥσπερ καὶ ἡ πὼς ἔχουσα χεὶρ πυγμή, τὸ δὲ ἡγεμονικὸν σῶμα· ἔστι γὰρ κατ’ αὐτοὺς πνεῦμα)·

hypomimneskomen de houtos. legetai diapherein tes aletheias to alethes trichos, ousia systasei dynamei; ousia men, epei to men alethes asomaton estin (axioma gar esti kai lekton), he de aletheia soma (esti gar episteme panton alethon apophantike, he de episteme pos echon hegemonikon hosper kai he pos echousa cheir pygme, to de hegemonikon soma; esti gar kat’ autous pneuma);

συστάσει δέ, ἐπεὶ τὸ μὲν ἀληθὲς ἁπλοῦν τί ἐστιν, οἷον ‘ἐγὼ διαλέγομαι', ἡ δὲ ἀλήθεια ἀπὸ πολλῶν ἀληθῶν γνώσεων συνίσταται·

systasei de, epei to men alethes haploun ti estin, ohion ‘ego dialegomai', he de aletheia apo pollon alethon gnoseon synistatai;

δυνάμει δέ, ἐπεὶ ἡ μὲν ἀλήθεια ἐπιστήμης ἔχεται, τὸ δὲ ἀληθὲς οὐ πάντως. διόπερ τὴν μὲν ἀλήθειαν ἐν μόνῳ σπουδαίῳ φασὶν εἶναι, τὸ δὲ ἀληθὲς καὶ ἐν φαύλῳ· ἐνδέχεται γὰρ τὸν φαῦλον ἀληθές τι εἰπεῖν. ταῦτα μὲν οἱ δογματικοί.

dynamei de, epei he men aletheia epistemes echetai, to de alethes ou pantos. dioper ten men aletheian en mono spoudaio phasin einai, to de alethes kai en phaulo; endechetai gar ton phaulon alethes ti eipein. tauta men ohi dogmatikoi.

ἡμεῖς δὲ πάλιν τῆς κατὰ τὴν συγγραφὴν προαιρέσεως στοχαζόμενοι πρὸς μόνον τὸ ἀληθὲς νῦν τοὺς λόγους ποιησόμεθα, ἐπεὶ συμπεριγράφεται τούτῳ καὶ ἡ ἀλήθεια, σύστημα τῆς τῶν ἀληθῶν γνώσεως εἶναι λεγομένη. πάλιν δέ, ἐπεὶ τῶν λόγων οἱ μέν εἰσι καθολικώτεροι, δι’ ὧν αὐτὴν τὴν ὑπόστασιν τοῦ ἀληθοῦς κινοῦμεν, οἱ δὲ εἰδικοί, δι’ ὧν δείκνυμεν, ὅτι οὐκ ἐν φωνῇ τὸ ἀληθὲς ἢ ἐν λεκτῷ ἢ ἐν τῇ κινήσει τῆς διανοίας, τοὺς καθολικωτέρους ἐκθέσθαι μόνους ὡς πρὸς τὸ παρὸν ἀρκεῖν ἡγούμεθα. ὥσπερ γὰρ τείχους θεμελίῳ κατενεχθέντι καὶ τὰ ὑπερκείμενα πάντα συγκαταφέρεται, οὕτω τῇ τοῦ ἀληθοῦς ὑποστάσει διατρεπομένῃ καὶ αἱ κατὰ μέρος τῶν δογματικῶν εὑρεσιλογίαι συμπεριγράφονται.

hemeis de palin tes kata ten syngraphen proaireseos stochazomenoi pros monon to alethes nyn tous logous poiesometha, epei symperigraphetai touto kai he aletheia, systema tes ton alethon gnoseos einai legomene. palin de, epei ton logon ohi men eisi katholikoteroi, di’ hon auten ten hypostasin tou alethous kinoumen, ohi de eidikoi, di’ hon deiknymen, hoti ouk en phone to alethes e en lekto e en te kinesei tes dianoias, tous katholikoterous ekthesthai monous hos pros to paron arkein hegoumetha. hosper gar teichous themelio katenechthenti kai ta hyperkeimena panta synkatapheretai, houto te tou alethous hypostasei diatrepomene kai ahi kata meros ton dogmatikon heuresilogiai symperigraphontai.