Book 2, § 19 — Outlines of Pyrrhonism

Περὶ δὲ ὅλου καὶ μέρους διαλεξόμεθα μὲν καὶ ἐν τοῖς φυσικοῖς δὴ λεγομένοις ἐπὶ δὲ τοῦ παρόντος περὶ τῆς λεγομένης διαιρέσεως τοῦ ὅλου εἰς τὰ μέρη αὐτοῦ τάδε λεκτέον. ὅταν λέγῃ τις διαιρεῖσθαι τὴν δεκάδα εἰς μονάδα καὶ δύο καὶ τρία καὶ τέσσαρα, οὐ διαιρεῖται εἰς ταῦτα ἡ δεκάς. ἅμα γὰρ τῷ τὸ πρῶτον αὐτῆς ἀρθῆναι μέρος, ἵνα κατὰ συγχώρησιν νῦν τοῦτο δῶμεν, οἷον τὴν μονάδα, οὐκέτι ὑπόκειται ἡ δεκάς, ἀλλ’ ἐννέα καὶ ὅλως ἕτερόν τι παρὰ τὴν δεκάδα.

Peri de holou kai merous dialexometha men kai en tois physikois de legomenois epi de tou parontos peri tes legomenes diaireseos tou holou eis ta mere autou tade lekteon. hotan lege tis diaireisthai ten dekada eis monada kai dyo kai tria kai tessara, ou diaireitai eis tauta he dekas. hama gar to to proton autes arthenai meros, hina kata synchoresin nyn touto domen, ohion ten monada, ouketi hypokeitai he dekas, all’ ennea kai holos heteron ti para ten dekada.

ἡ οὖν τῶν λοιπῶν ἀφαίρεσίς τε καὶ διαίρεσις οὐκ ἀπὸ τῆς δεκάδος γίνεται ἀλλ’ ἀπό τινων ἄλλων, καθ’ ἑκάστην ἀφαίρεσιν ἑτεροιουμένων. τάχα οὖν οὐκ ἐνδέχεται τὸ ὅλον διαιρεῖν εἰς τὰ λεγόμενα εἶναι αὐτοῦ μέρη. καὶ γὰρ εἰ διαιρεῖται τὸ ὅλον εἰς μέρη, φιλεῖ τὰ μέρη ἐμπεριέχεσθαι τῷ ὅλῳ πρὸ τῆς διαιρέσεως, οὐ περιέχεται δὲ ἴσως. οἷον γοῦν, ἵνα ἐπὶ τῆς δεκάδος στήσωμεν πάλιν τὸν λόγον, τῆς δεκάδος μέρος φασὶ πάντως εἶναι τὰ ἐννέα· διαιρεῖται γὰρ εἰς ‘ἓν καὶ ἐννέα. ἀλλὰ καὶ τὰ ὀκτὼ ὁμοίως· διαιρεῖται γὰρ εἰς ὀκτὼ καὶ δύο. καὶ τὰ ἑπτὰ ὁμοίως καὶ ἓξ καὶ πέντε καὶ τέσσαρα καὶ τρία καὶ δύο καὶ ἕν.

he oun ton loipon aphairesis te kai diairesis ouk apo tes dekados ginetai all’ apo tinon allon, kath’ hekasten aphairesin heteroioumenon. tacha oun ouk endechetai to holon diairein eis ta legomena einai autou mere. kai gar ei diaireitai to holon eis mere, philei ta mere emperiechesthai to holo pro tes diaireseos, ou periechetai de isos. ohion goun, hina epi tes dekados stesomen palin ton logon, tes dekados meros phasi pantos einai ta ennea; diaireitai gar eis ‘hen kai ennea. alla kai ta okto homoios; diaireitai gar eis okto kai dyo. kai ta hepta homoios kai hex kai pente kai tessara kai tria kai dyo kai hen.

εἰ οὖν ταῦτα πάντα ἐν τῇ δεκάδι περιέχεται καὶ συντιθέμενα μετ’ αὐτῆς πεντεκαιπεντήκοντα γίνεται, ἐν τοῖς δέκα περιέχεται πεντεκαιπεντήκοντα· ὅπερ ἄτοπον. οὐκοῦν οὔτε περιέχεται ἐν τῇ δεκάδι τὰ λεγόμενα αὐτῆς εἶναι μέρη, οὔτε ἡ δεκὰς εἰς ἐκεῖνα διαιρεῖσθαι δύναται ὡς ὅλον εἰς μέρη, ἃ μηδὲ ὅλως ἐν αὐτῇ θεωρεῖται.

ei oun tauta panta en te dekadi periechetai kai syntithemena met’ autes pentekaipentekonta ginetai, en tois deka periechetai pentekaipentekonta; hoper atopon. oukoun oute periechetai en te dekadi ta legomena autes einai mere, oute he dekas eis ekeina diaireisthai dynatai hos holon eis mere, ha mede holos en aute theoreitai.

τὰ δὲ αὐτὰ ἀπαντήσεται καὶ ἐπὶ τῶν μεγεθῶν, ὅταν τὸ δεκάπηχυ μέγεθος, εἰ τύχοι, διαιρεῖν ἐθέλοι τις. οὐκ ἐνδέχεται οὖν ’ἴσως διαιρεῖν οὐδὲ ὅλον εἰς μέρη.

ta de auta apantesetai kai epi ton megethon, hotan to dekapechy megethos, ei tychoi, diairein etheloi tis. ouk endechetai oun ’isos diairein oude holon eis mere.