Book 18, § 1 — New Testament

Παῦλος δέσμιος Χριστοῦ Ἰησοῦ καὶ Τιμόθεος ὁ ἀδελφὸς Φιλήμονι τῷ ἀγαπητῷ καὶ συνεργῷ ἡμῶν καὶ Ἀπφίᾳ τῇ ἀδελφῇ καὶ Ἀρχίππῳ τῷ συστρατιώτῃ ἡμῶν καὶ τῇ κατ’ οἶκόν σου ἐκκλησίᾳ· χάρις ὑμῖν καὶ εἰρήνη ἀπὸ θεοῦ πατρὸς ἡμῶν καὶ κυρίου Ἰησοῦ Χριστοῦ.

Paulos desmios Christou Iesou kai Timotheos ho adelphos Philemoni to agapeto kai synergo hemon kai Apphia te adelphe kai Archippo to systratiote hemon kai te kat’ oikon sou ekklesia; charis hymin kai eirene apo theou patros hemon kai kyriou Iesou Christou.

Εὐχαριστῶ τῷ θεῷ μου πάντοτε μνείαν σου ποιούμενος ἐπὶ τῶν προσευχῶν μου, ἀκούων σου τὴν ἀγάπην καὶ τὴν πίστιν ἣν ἔχεις πρὸς τὸν κύριον Ἰησοῦν καὶ εἰς πάντας τοὺς ἁγίους, ὅπως ἡ κοινωνία τῆς πίστεώς σου ἐνεργὴς γένηται ἐν ἐπιγνώσει παντὸς ἀγαθοῦ τοῦ ἐν ἡμῖν εἰς Χριστόν· χαρὰν γὰρ πολλὴν ἔσχον καὶ παράκλησιν ἐπὶ τῇ ἀγάπῃ σου, ὅτι τὰ σπλάγχνα τῶν ἁγίων ἀναπέπαυται διὰ σοῦ, ἀδελφέ.

Eucharisto to theo mou pantote mneian sou poioumenos epi ton proseuchon mou, akouon sou ten agapen kai ten pistin hen echeis pros ton kyrion Iesoun kai eis pantas tous hagious, hopos he koinonia tes pisteos sou energes genetai en epignosei pantos agathou tou en hemin eis Christon; charan gar pollen eschon kai paraklesin epi te agape sou, hoti ta splanchna ton hagion anapepautai dia sou, adelphe.

Διό, πολλὴν ἐν Χριστῷ παρρησίαν ἔχων ἐπιτάσσειν σοι τὸ ἀνῆκον, διὰ τὴν ἀγάπην μᾶλλον παρακαλῶ, τοιοῦτος ὢν ὡς Παῦλος πρεσβύτης νυνὶ δὲ καὶ δέσμιος Χριστοῦ Ἰησοῦ παρακαλῶ σε περὶ τοῦ ἐμοῦ τέκνου, ὃν ἐγέννησα ἐν τοῖς δεσμοῖς Ὀνήσιμον, τόν ποτέ σοι ἄχρηστον νυνὶ δὲ σοὶ καὶ ἐμοὶ εὔχρηστον, ὃν ἀνέπεμψά σοι αὐτόν, τοῦτ’ ἔστιν τὰ ἐμὰ σπλάγχνα· ὃν ἐγὼ ἐβουλόμην πρὸς ἐμαυτὸν κατέχειν, ἵνα ὑπὲρ σοῦ μοι διακονῇ ἐν τοῖς δεσμοῖς τοῦ εὐαγγελίου, χωρὶς δὲ τῆς σῆς γνώμης οὐδὲν ἠθέλησα ποιῆσαι, ἵνα μὴ ὡς κατὰ ἀνάγκην τὸ ἀγαθόν σου ᾖ ἀλλὰ κατὰ ἑκούσιον· τάχα γὰρ διὰ τοῦτο ἐχωρίσθη πρὸς ὥραν ἵνα αἰώνιον αὐτὸν ἀπέχῃς, οὐκέτι ὡς δοῦλον ἀλλὰ ὑπὲρ δοῦλον, ἀδελφὸν ἀγαπητόν, μάλιστα ἐμοί, πόσῳ δὲ μᾶλλον σοὶ καὶ ἐν σαρκὶ καὶ ἐν κυρίῳ.

Dio, pollen en Christo parresian echon epitassein soi to anekon, dia ten agapen mallon parakalo, toioutos on hos Paulos presbytes nyni de kai desmios Christou Iesou parakalo se peri tou emou teknou, hon egennesa en tois desmois Onesimon, ton pote soi achreston nyni de soi kai emoi euchreston, hon anepempsa soi auton, tout’ estin ta ema splanchna; hon ego eboulomen pros emauton katechein, hina hyper sou moi diakone en tois desmois tou euangeliou, choris de tes ses gnomes ouden ethelesa poiesai, hina me hos kata ananken to agathon sou e alla kata hekousion; tacha gar dia touto echoristhe pros horan hina aionion auton apeches, ouketi hos doulon alla hyper doulon, adelphon agapeton, malista emoi, poso de mallon soi kai en sarki kai en kyrio.

Εἰ οὖν με ἔχεις κοινωνόν, προσλαβοῦ αὐτὸν ὡς ἐμέ. εἰ δέ τι ἠδίκησέν σε ἢ ὀφείλει, τοῦτο ἐμοὶ ἐλλόγα· ἐγὼ Παῦλος ἔγραψα τῇ ἐμῇ χειρί, ἐγὼ ἀποτίσω· ἵνα μὴ λέγω σοι ὅτι καὶ σεαυτόν μοι προσοφείλεις. ναί, ἀδελφέ, ἐγώ σου ὀναίμην ἐν κυρίῳ· ἀνάπαυσόν μου τὰ σπλάγχνα ἐν Χριστῷ. πεποιθὼς τῇ ὑπακοῇ σου ἔγραψά σοι, εἰδὼς ὅτι καὶ ὑπὲρ ἃ λέγω ποιήσεις. ἅμα δὲ καὶ ἑτοίμαζέ μοι ξενίαν, ἐλπίζω γὰρ ὅτι διὰ τῶν προσευχῶν ὑμῶν χαρισθήσομαι ὑμῖν.

Ei oun me echeis koinonon, proslabou auton hos eme. ei de ti edikesen se e opheilei, touto emoi elloga; ego Paulos egrapsa te eme cheiri, ego apotiso; hina me lego soi hoti kai seauton moi prosopheileis. nai, adelphe, ego sou onaimen en kyrio; anapauson mou ta splanchna en Christo. pepoithos te hypakoe sou egrapsa soi, eidos hoti kai hyper ha lego poieseis. hama de kai hetoimaze moi xenian, elpizo gar hoti dia ton proseuchon hymon charisthesomai hymin.

Ἀσπάζεταί σε Ἐπαφρᾶς ὁ συναιχμάλωτός μου ἐν Χριστῷ Ἰησοῦ, Μᾶρκος, Ἀρίσταρχος, Δημᾶς, Λουκᾶς, οἱ συνεργοί μου.

Aspazetai se Epaphras ho synaichmalotos mou en Christo Iesou, Markos, Aristarchos, Demas, Loukas, ohi synergoi mou.

Ἡ χάρις τοῦ κυρίου Ἰησοῦ Χριστοῦ μετὰ τοῦ πνεύματος ὑμῶν.

He charis tou kyriou Iesou Christou meta tou pneumatos hymon.