Buch 1, § 13 — Grundriss der pyrrhonischen Skepsis

Ἐπεὶ δὲ τὴν ἀταραξίαν ἀκολουθεῖν ἐφάσκομεν τῇ περὶ πάντων ἐποχῇ, ἀκόλουθον ἂν εἴη λέγειν ὅπως ἡμῖν ἡ ἐποχὴ περιγίνεται. γίνεται τοίνυν αὕτη, ὡς ἂν ὁλοσχερέστερον εἴποι τις, διὰ τῆς ἀντιθέσεως τῶν πραγμάτων. ἀντιτίθεμεν δὲ ἢ φαινόμενα φαινομένοις ἢ νοούμενα νοουμένοις ἢ ἐναλλάξ, οἷον φαινόμενα μὲν φαινομένοις,

Epei de ten ataraxian akolouthein ephaskomen te peri panton epoche, akolouthon an eie legein hopos hemin he epoche periginetai. ginetai toinyn haute, hos an holoscheresteron eipoi tis, dia tes antitheseos ton pragmaton. antitithemen de e phainomena phainomenois e nooumena nooumenois e enallax, ohion phainomena men phainomenois,

ὅταν λέγωμεν ‘ὁ αὐτὸς πύργος πόρρωθεν μὲν φαίνεται στρογγύλος, ἐγγύθεν δὲ τετράγωνος, νοούμενα δὲ νοουμένοις, ὅταν πρὸς τὸν κατασκευάζοντα ὅτι ἔστι πρόνοια ἐκ τῆς τάξεως τῶν οὐρανίων, ἀντιτιθῶμεν τὸ τοὺς μὲν ἀγαθοὺς δυσπραγεῖν πολλάκις τοὺς δὲ κακοὺς εὐπραγεῖν, καὶ διὰ τούτου συνάγωμεν τὸ μὴ εἶναι πρόνοιαν·

hotan legomen ‘ho autos pyrgos porrothen men phainetai strongylos, engythen de tetragonos, nooumena de nooumenois, hotan pros ton kataskeuazonta hoti esti pronoia ek tes taxeos ton ouranion, antitithomen to tous men agathous dyspragein pollakis tous de kakous eupragein, kai dia toutou synagomen to me einai pronoian;

νοούμενα δὲ φαινομένοις, ὡς ὁ Ἀναξαγόρας τῷ <κατασκευάζοντι> λευκὴν εἶναι τὴν χιόνα ὅτι ἡ χιὼν ὕδωρ ἐστὶ πεπηγός, τὸ δὲ ὕδωρ ἐστὶ μέλαν, καὶ ἡ χιὼν ἄρα μέλαινά ἐστιν. καθ’ ἑτέραν δὲ ἐπίνοιαν ἀντιτίθεμεν ὁτὲ μὲν παρόντα παροῦσιν, ὡς τὰ προειρημένα· ὁτὲ δὲ παρόντα παρεληλυθόσιν ἢ μέλλουσιν, οἷον ὅταν τις ἡμᾶς ἐρωτήσῃ λόγον ὃν λῦσαι οὐ δυνάμεθα, φαμὲν πρὸς αὐτὸν ὅτι,

nooumena de phainomenois, hos ho Anaxagoras to <kataskeuazonti> leuken einai ten chiona hoti he chion hydor esti pepegos, to de hydor esti melan, kai he chion ara melaina estin. kath’ heteran de epinoian antitithemen hote men paronta parousin, hos ta proeiremena; hote de paronta parelelythosin e mellousin, ohion hotan tis hemas erotese logon hon lysai ou dynametha, phamen pros auton hoti,

ὥσπερ πρὸ τοῦ γενέσθαι τὸν εἰσηγησάμενον τὴν αἵρεσιν ἣν μετέρχῃ, οὐδέπω ὁ κατ’ αὐτὴν λόγος ὑγιὴς ὢν ἐφαίνετο, ὑπέκειτο μέντοι ὡς πρὸς τὴν φύσιν, οὕτως ἐνδέχεται καὶ τὸν ἀντικείμενον τῷ ὑπὸ σοῦ ἐρωτηθέντι νῦν λόγῳ ὑποκεῖσθαι μὲν ὡς πρὸς τὴν φύσιν, μηδέπω δ’ ἡμῖν φαίνεσθαι, ὥστε οὐδέπω χρὴ συγκατατίθεσθαι ἡμᾶς τῷ δοκοῦντι νῦν ἰσχυρῷ εἶναι λόγῳ.

hosper pro tou genesthai ton eisegesamenon ten ahiresin hen meterche, oudepo ho kat’ auten logos hygies on ephaineto, hypekeito mentoi hos pros ten physin, houtos endechetai kai ton antikeimenon to hypo sou erotethenti nyn logo hypokeisthai men hos pros ten physin, medepo d’ hemin phainesthai, hoste oudepo chre synkatatithesthai hemas to dokounti nyn ischyro einai logo.

ὑπὲρ δὲ τοῦ τὰς ἀντιθέσεις ταύτας ἀκριβέστερον ἡμῖν ὑποπεσεῖν, καὶ τοὺς τρόπους ὑποθήσομαι δι’ ὧν ἡ ἐποχὴ συνάγεται, οὔτε περὶ τοῦ πλήθους οὔτε περὶ τῆς δυνάμεως αὐτῶν διαβεβαιούμενος· ἐνδέχεται γὰρ αὐτοὺς καὶ σαθροὺς εἶναι καὶ πλείους τῶν λεχθησομένων.

hyper de tou tas antitheseis tautas akribesteron hemin hypopesein, kai tous tropous hypothesomai di’ hon he epoche synagetai, oute peri tou plethous oute peri tes dynameos auton diabebaioumenos; endechetai gar autous kai sathrous einai kai pleious ton lechthesomenon.