Ὁμοίως γυναῖκες ὑποτασσόμεναι τοῖς ἰδίοις ἀνδράσιν, ἵνα καὶ εἴ τινες ἀπειθοῦσιν τῷ λόγῳ διὰ τῆς τῶν γυναικῶν ἀναστροφῆς ἄνευ λόγου κερδηθήσονται ἐποπτεύσαντες τὴν ἐν φόβῳ ἁγνὴν ἀναστροφὴν ὑμῶν. ὧν ἔστω οὐχ ὁ ἔξωθεν ἐμπλοκῆς τριχῶν καὶ περιθέσεως χρυσίων ἢ ἐνδύσεως ἱματίων κόσμος, ἀλλ’ ὁ κρυπτὸς τῆς καρδίας ἄνθρωπος ἐν τῷ ἀφθάρτῳ τοῦ πραέως καὶ ἡσυχίου πνεύματος, ὅ ἐστιν ἐνώπιον τοῦ θεοῦ πολυτελές. οὕτως γάρ ποτε καὶ αἱ ἅγιαι γυναῖκες αἱ ἐλπίζουσαι εἰς θεὸν ἐκόσμουν ἑαυτάς, ὑποτασσόμεναι τοῖς ἰδίοις ἀνδράσιν, ὡς Σάρρα ὑπήκουσεν τῷ Ἀβραάμ, κύριον αὐτὸν καλοῦσα· ἧς ἐγενήθητε τέκνα ἀγαθοποιοῦσαι καὶ μὴ φοβούμεναι μηδεμίαν πτόησιν.
Homoios gynaikes hypotassomenai tois idiois andrasin, hina kai ei tines apeithousin to logo dia tes ton gynaikon anastrophes aneu logou kerdethesontai epopteusantes ten en phobo hagnen anastrophen hymon. hon esto ouch ho exothen emplokes trichon kai peritheseos chrysion e endyseos himation kosmos, all’ ho kryptos tes kardias anthropos en to aphtharto tou praeos kai hesychiou pneumatos, ho estin enopion tou theou polyteles. houtos gar pote kai ahi hagiai gynaikes ahi elpizousai eis theon ekosmoun heautas, hypotassomenai tois idiois andrasin, hos Sarra hypekousen to Abraam, kyrion auton kalousa; hes egenethete tekna agathopoiousai kai me phoboumenai medemian ptoesin.
Οἱ ἄνδρες ὁμοίως συνοικοῦντες κατὰ γνῶσιν, ὡς ἀσθενεστέρῳ σκεύει τῷ γυναικείῳ ἀπονέμοντες τιμήν, ὡς καὶ συγκληρονόμοις χάριτος ζωῆς, εἰς τὸ μὴ ἐγκόπτεσθαι τὰς προσευχὰς ὑμῶν.
Ohi andres homoios synoikountes kata gnosin, hos asthenestero skeuei to gynaikeio aponemontes timen, hos kai synkleronomois charitos zoes, eis to me enkoptesthai tas proseuchas hymon.
Τὸ δὲ τέλος πάντες ὁμόφρονες, συμπαθεῖς, φιλάδελφοι, εὔσπλαγχνοι, ταπεινόφρονες, μὴ ἀποδιδόντες κακὸν ἀντὶ κακοῦ ἢ λοιδορίαν ἀντὶ λοιδορίας τοὐναντίον δὲ εὐλογοῦντες, ὅτι εἰς τοῦτο ἐκλήθητε ἵνα εὐλογίαν κληρονομήσητε. ὁ γὰρ θέλων ζωὴν ἀγαπᾶν καὶ ἰδεῖν ἡμέρας ἀγαθὰς παυσάτω τὴν γλῶσσαν ἀπὸ κακοῦ καὶ χείλη τοῦ μὴ λαλῆσαι δόλον, ἐκκλινάτω δὲ ἀπὸ κακοῦ καὶ ποιησάτω ἀγαθόν, ζητησάτω εἰρήνην καὶ διωξάτω αὐτήν· ὅτι ὀφθαλμοὶ κυρίου ἐπὶ δικαίους καὶ ὦτα αὐτοῦ εἰς δέησιν αὐτῶν, πρόσωπον δὲ κυρίου ἐπὶ ποιοῦντας κακά.
To de telos pantes homophrones, sympatheis, philadelphoi, eusplanchnoi, tapeinophrones, me apodidontes kakon anti kakou e loidorian anti loidorias tounantion de eulogountes, hoti eis touto eklethete hina eulogian kleronomesete. ho gar thelon zoen agapan kai idein hemeras agathas pausato ten glossan apo kakou kai cheile tou me lalesai dolon, ekklinato de apo kakou kai poiesato agathon, zetesato eirenen kai dioxato auten; hoti ophthalmoi kyriou epi dikaious kai ota autou eis deesin auton, prosopon de kyriou epi poiountas kaka.
Καὶ τίς ὁ κακώσων ὑμᾶς ἐὰν τοῦ ἀγαθοῦ ζηλωταὶ γένησθε; ἀλλ’ εἰ καὶ πάσχοιτε διὰ δικαιοσύνην, μακάριοι. τὸν δὲ φόβον αὐτῶν μὴ φοβηθῆτε μηδὲ ταραχθῆτε, κύριον δὲ τὸν Χριστὸν ἁγιάσατε ἐν ταῖς καρδίαις ὑμῶν, ἕτοιμοι ἀεὶ πρὸς ἀπολογίαν παντὶ τῷ αἰτοῦντι ὑμᾶς λόγον περὶ τῆς ἐν ὑμῖν ἐλπίδος, ἀλλὰ μετὰ πραΰτητος καὶ φόβου, συνείδησιν ἔχοντες ἀγαθήν, ἵνα ἐν ᾧ καταλαλεῖσθε καταισχυνθῶσιν οἱ ἐπηρεάζοντες ὑμῶν τὴν ἀγαθὴν ἐν Χριστῷ ἀναστροφήν. κρεῖττον γὰρ ἀγαθοποιοῦντας, εἰ θέλοι τὸ θέλημα τοῦ θεοῦ, πάσχειν ἢ κακοποιοῦντας. ὅτι καὶ Χριστὸς ἅπαξ περὶ ἁμαρτιῶν ἔπαθεν, δίκαιος ὑπὲρ ἀδίκων, ἵνα ὑμᾶς προσαγάγῃ τῷ θεῷ, θανατωθεὶς μὲν σαρκὶ ζῳοποιηθεὶς δὲ πνεύματι· ἐν ᾧ καὶ τοῖς ἐν φυλακῇ πνεύμασιν πορευθεὶς ἐκήρυξεν, ἀπειθήσασίν ποτε ὅτε ἀπεξεδέχετο ἡ τοῦ θεοῦ μακροθυμία ἐν ἡμέραις Νῶε κατασκευαζομένης κιβωτοῦ εἰς ἣν ὀλίγοι, τοῦτ’ ἔστιν ὀκτὼ ψυχαί, διεσώθησαν δι’ ὕδατος. ὃ καὶ ὑμᾶς ἀντίτυπον νῦν σῴζει βάπτισμα, οὐ σαρκὸς ἀπόθεσις ῥύπου ἀλλὰ συνειδήσεως ἀγαθῆς ἐπερώτημα εἰς θεόν, δι’ ἀναστάσεως Ἰησοῦ Χριστοῦ, ὅς ἐστιν ἐν δεξιᾷ θεοῦ πορευθεὶς εἰς οὐρανὸν ὑποταγέντων αὐτῷ ἀγγέλων καὶ ἐξουσιῶν καὶ δυνάμεων.
Kai tis ho kakoson hymas ean tou agathou zelotai genesthe? all’ ei kai paschoite dia dikaiosynen, makarioi. ton de phobon auton me phobethete mede tarachthete, kyrion de ton Christon hagiasate en tais kardiais hymon, hetoimoi aei pros apologian panti to aitounti hymas logon peri tes en hymin elpidos, alla meta praytetos kai phobou, syneidesin echontes agathen, hina en ho katalaleisthe kataischynthosin ohi epereazontes hymon ten agathen en Christo anastrophen. kreitton gar agathopoiountas, ei theloi to thelema tou theou, paschein e kakopoiountas. hoti kai Christos hapax peri hamartion epathen, dikaios hyper adikon, hina hymas prosagage to theo, thanatotheis men sarki zoopoietheis de pneumati; en ho kai tois en phylake pneumasin poreutheis ekeryxen, apeithesasin pote hote apexedecheto he tou theou makrothymia en hemerais Noe kataskeuazomenes kibotou eis hen oligoi, tout’ estin okto psychai, diesothesan di’ hydatos. ho kai hymas antitypon nyn sozei baptisma, ou sarkos apothesis rhypou alla syneideseos agathes eperotema eis theon, di’ anastaseos Iesou Christou, hos estin en dexia theou poreutheis eis ouranon hypotagenton auto angelon kai exousion kai dynameon.