Καὶ πάλιν ἤρξατο διδάσκειν παρὰ τὴν θάλασσαν. καὶ συνάγεται πρὸς αὐτὸν ὄχλος πλεῖστος, ὥστε αὐτὸν εἰς πλοῖον ἐμβάντα καθῆσθαι ἐν τῇ θαλάσσῃ, καὶ πᾶς ὁ ὄχλος πρὸς τὴν θάλασσαν ἐπὶ τῆς γῆς ἦσαν. καὶ ἐδίδασκεν αὐτοὺς ἐν παραβολαῖς πολλά καὶ ἔλεγεν αὐτοῖς ἐν τῇ διδαχῇ αὐτοῦ· Ἀκούετε. ἰδοὺ ἐξῆλθεν ὁ σπείρων σπεῖραι. καὶ ἐγένετο ἐν τῷ σπείρειν ὃ μὲν ἔπεσεν παρὰ τὴν ὁδόν, καὶ ἦλθεν τὰ πετεινὰ καὶ κατέφαγεν αὐτό. καὶ ἄλλο ἔπεσεν ἐπὶ τὸ πετρῶδες ὅπου οὐκ εἶχεν γῆν πολλήν, καὶ εὐθὺς ἐξανέτειλεν διὰ τὸ μὴ ἔχειν βάθος γῆς· καὶ ὅτε ἀνέτειλεν ὁ ἥλιος ἐκαυματίσθη καὶ διὰ τὸ μὴ ἔχειν ῥίζαν ἐξηράνθη. καὶ ἄλλο ἔπεσεν εἰς τὰς ἀκάνθας, καὶ ἀνέβησαν αἱ ἄκανθαι καὶ συνέπνιξαν αὐτό, καὶ καρπὸν οὐκ ἔδωκεν. καὶ ἄλλα ἔπεσεν εἰς τὴν γῆν τὴν καλήν, καὶ ἐδίδου καρπὸν ἀναβαίνοντα καὶ αὐξανόμενα, καὶ ἔφερεν ἓν τριάκοντα καὶ ἓν ἑξήκοντα καὶ ἓν ἑκατόν. καὶ ἔλεγεν· Ὃς ἔχει ὦτα ἀκούειν ἀκουέτω.
Kai palin erxato didaskein para ten thalassan. kai synagetai pros auton ochlos pleistos, hoste auton eis ploion embanta kathesthai en te thalasse, kai pas ho ochlos pros ten thalassan epi tes ges esan. kai edidasken autous en parabolais polla kai elegen autois en te didache autou; Akouete. idou exelthen ho speiron speirai. kai egeneto en to speirein ho men epesen para ten hodon, kai elthen ta peteina kai katephagen auto. kai allo epesen epi to petrodes hopou ouk eichen gen pollen, kai euthys exaneteilen dia to me echein bathos ges; kai hote aneteilen ho helios ekaumatisthe kai dia to me echein rhizan exeranthe. kai allo epesen eis tas akanthas, kai anebesan ahi akanthai kai synepnixan auto, kai karpon ouk edoken. kai alla epesen eis ten gen ten kalen, kai edidou karpon anabainonta kai auxanomena, kai epheren hen triakonta kai hen hexekonta kai hen hekaton. kai elegen; Hos echei ota akouein akoueto.
Καὶ ὅτε ἐγένετο κατὰ μόνας, ἠρώτων αὐτὸν οἱ περὶ αὐτὸν σὺν τοῖς δώδεκα τὰς παραβολάς. καὶ ἔλεγεν αὐτοῖς· Ὑμῖν τὸ μυστήριον δέδοται τῆς βασιλείας τοῦ θεοῦ· ἐκείνοις δὲ τοῖς ἔξω ἐν παραβολαῖς τὰ πάντα γίνεται, ἵνα βλέποντες βλέπωσι καὶ μὴ ἴδωσιν, καὶ ἀκούοντες ἀκούωσι καὶ μὴ συνιῶσιν, μήποτε ἐπιστρέψωσιν καὶ ἀφεθῇ αὐτοῖς.
Kai hote egeneto kata monas, eroton auton ohi peri auton syn tois dodeka tas parabolas. kai elegen autois; Hymin to mysterion dedotai tes basileias tou theou; ekeinois de tois exo en parabolais ta panta ginetai, hina blepontes bleposi kai me idosin, kai akouontes akouosi kai me syniosin, mepote epistrepsosin kai aphethe autois.
Καὶ λέγει αὐτοῖς· Οὐκ οἴδατε τὴν παραβολὴν ταύτην, καὶ πῶς πάσας τὰς παραβολὰς γνώσεσθε; ὁ σπείρων τὸν λόγον σπείρει. οὗτοι δέ εἰσιν οἱ παρὰ τὴν ὁδὸν ὅπου σπείρεται ὁ λόγος, καὶ ὅταν ἀκούσωσιν εὐθὺς ἔρχεται ὁ Σατανᾶς καὶ αἴρει τὸν λόγον τὸν ἐσπαρμένον εἰς αὐτούς. καὶ οὗτοί εἰσιν ὁμοίως οἱ ἐπὶ τὰ πετρώδη σπειρόμενοι, οἳ ὅταν ἀκούσωσιν τὸν λόγον εὐθὺς μετὰ χαρᾶς λαμβάνουσιν αὐτόν, καὶ οὐκ ἔχουσιν ῥίζαν ἐν ἑαυτοῖς ἀλλὰ πρόσκαιροί εἰσιν, εἶτα γενομένης θλίψεως ἢ διωγμοῦ διὰ τὸν λόγον εὐθὺς σκανδαλίζονται. καὶ ἄλλοι εἰσὶν οἱ εἰς τὰς ἀκάνθας σπειρόμενοι· οὗτοί εἰσιν οἱ τὸν λόγον ἀκούσαντες, καὶ αἱ μέριμναι τοῦ αἰῶνος καὶ ἡ ἀπάτη τοῦ πλούτου καὶ αἱ περὶ τὰ λοιπὰ ἐπιθυμίαι εἰσπορευόμεναι συμπνίγουσιν τὸν λόγον, καὶ ἄκαρπος γίνεται. καὶ ἐκεῖνοί εἰσιν οἱ ἐπὶ τὴν γῆν τὴν καλὴν σπαρέντες, οἵτινες ἀκούουσιν τὸν λόγον καὶ παραδέχονται καὶ καρποφοροῦσιν ἓν τριάκοντα καὶ ἓν ἑξήκοντα καὶ ἓν ἑκατόν.
Kai legei autois; Ouk oidate ten parabolen tauten, kai pos pasas tas parabolas gnosesthe? ho speiron ton logon speirei. houtoi de eisin ohi para ten hodon hopou speiretai ho logos, kai hotan akousosin euthys erchetai ho Satanas kai airei ton logon ton esparmenon eis autous. kai houtoi eisin homoios ohi epi ta petrode speiromenoi, ohi hotan akousosin ton logon euthys meta charas lambanousin auton, kai ouk echousin rhizan en heautois alla proskairoi eisin, eita genomenes thlipseos e diogmou dia ton logon euthys skandalizontai. kai alloi eisin ohi eis tas akanthas speiromenoi; houtoi eisin ohi ton logon akousantes, kai ahi merimnai tou aionos kai he apate tou ploutou kai ahi peri ta loipa epithymiai eisporeuomenai sympnigousin ton logon, kai akarpos ginetai. kai ekeinoi eisin ohi epi ten gen ten kalen sparentes, ohitines akouousin ton logon kai paradechontai kai karpophorousin hen triakonta kai hen hexekonta kai hen hekaton.
Καὶ ἔλεγεν αὐτοῖς· Μήτι ἔρχεται ὁ λύχνος ἵνα ὑπὸ τὸν μόδιον τεθῇ ἢ ὑπὸ τὴν κλίνην, οὐχ ἵνα ἐπὶ τὴν λυχνίαν τεθῇ; οὐ γάρ ἐστιν κρυπτὸν ἐὰν μὴ ἵνα φανερωθῇ, οὐδὲ ἐγένετο ἀπόκρυφον ἀλλ’ ἵνα ἔλθῃ εἰς φανερόν. εἴ τις ἔχει ὦτα ἀκούειν ἀκουέτω. καὶ ἔλεγεν αὐτοῖς· Βλέπετε τί ἀκούετε. ἐν ᾧ μέτρῳ μετρεῖτε μετρηθήσεται ὑμῖν καὶ προστεθήσεται ὑμῖν. ὃς γὰρ ἔχει, δοθήσεται αὐτῷ· καὶ ὃς οὐκ ἔχει, καὶ ὃ ἔχει ἀρθήσεται ἀπ’ αὐτοῦ.
Kai elegen autois; Meti erchetai ho lychnos hina hypo ton modion tethe e hypo ten klinen, ouch hina epi ten lychnian tethe? ou gar estin krypton ean me hina phanerothe, oude egeneto apokryphon all’ hina elthe eis phaneron. ei tis echei ota akouein akoueto. kai elegen autois; Blepete ti akouete. en ho metro metreite metrethesetai hymin kai prostethesetai hymin. hos gar echei, dothesetai auto; kai hos ouk echei, kai ho echei arthesetai ap’ autou.
Καὶ ἔλεγεν· Οὕτως ἐστὶν ἡ βασιλεία τοῦ θεοῦ ὡς ἄνθρωπος βάλῃ τὸν σπόρον ἐπὶ τῆς γῆς καὶ καθεύδῃ καὶ ἐγείρηται νύκτα καὶ ἡμέραν, καὶ ὁ σπόρος βλαστᾷ καὶ μηκύνηται ὡς οὐκ οἶδεν αὐτός. αὐτομάτη ἡ γῆ καρποφορεῖ, πρῶτον χόρτον, εἶτα στάχυν, εἶτα πλήρης σῖτον ἐν τῷ στάχυϊ. ὅταν δὲ παραδοῖ ὁ καρπός, εὐθὺς ἀποστέλλει τὸ δρέπανον, ὅτι παρέστηκεν ὁ θερισμός.
Kai elegen; Houtos estin he basileia tou theou hos anthropos bale ton sporon epi tes ges kai katheude kai egeiretai nykta kai hemeran, kai ho sporos blasta kai mekynetai hos ouk oiden autos. automate he ge karpophorei, proton chorton, eita stachyn, eita pleres siton en to stachyi. hotan de paradoi ho karpos, euthys apostellei to drepanon, hoti paresteken ho therismos.
Καὶ ἔλεγεν· Πῶς ὁμοιώσωμεν τὴν βασιλείαν τοῦ θεοῦ, ἢ ἐν τίνι αὐτὴν παραβολῇ θῶμεν; ὡς κόκκῳ σινάπεως, ὃς ὅταν σπαρῇ ἐπὶ τῆς γῆς, μικρότερον ὂν πάντων τῶν σπερμάτων τῶν ἐπὶ τῆς γῆς καὶ ὅταν σπαρῇ, ἀναβαίνει καὶ γίνεται μεῖζον πάντων τῶν λαχάνων καὶ ποιεῖ κλάδους μεγάλους, ὥστε δύνασθαι ὑπὸ τὴν σκιὰν αὐτοῦ τὰ πετεινὰ τοῦ οὐρανοῦ κατασκηνοῦν.
Kai elegen; Pos homoiosomen ten basileian tou theou, e en tini auten parabole thomen? hos kokko sinapeos, hos hotan spare epi tes ges, mikroteron on panton ton spermaton ton epi tes ges kai hotan spare, anabainei kai ginetai meizon panton ton lachanon kai poiei kladous megalous, hoste dynasthai hypo ten skian autou ta peteina tou ouranou kataskenoun.
Καὶ τοιαύταις παραβολαῖς πολλαῖς ἐλάλει αὐτοῖς τὸν λόγον, καθὼς ἠδύναντο ἀκούειν· χωρὶς δὲ παραβολῆς οὐκ ἐλάλει αὐτοῖς, κατ’ ἰδίαν δὲ τοῖς ἰδίοις μαθηταῖς ἐπέλυεν πάντα.
Kai toiautais parabolais pollais elalei autois ton logon, kathos edynanto akouein; choris de paraboles ouk elalei autois, kat’ idian de tois idiois mathetais epelyen panta.
Καὶ λέγει αὐτοῖς ἐν ἐκείνῃ τῇ ἡμέρᾳ ὀψίας γενομένης· Διέλθωμεν εἰς τὸ πέραν. καὶ ἀφέντες τὸν ὄχλον παραλαμβάνουσιν αὐτὸν ὡς ἦν ἐν τῷ πλοίῳ, καὶ ἄλλα πλοῖα ἦν μετ’ αὐτοῦ. καὶ γίνεται λαῖλαψ μεγάλη ἀνέμου, καὶ τὰ κύματα ἐπέβαλλεν εἰς τὸ πλοῖον, ὥστε ἤδη γεμίζεσθαι τὸ πλοῖον. καὶ αὐτὸς ἦν ἐν τῇ πρύμνῃ ἐπὶ τὸ προσκεφάλαιον καθεύδων· καὶ ἐγείρουσιν αὐτὸν καὶ λέγουσιν αὐτῷ· Διδάσκαλε, οὐ μέλει σοι ὅτι ἀπολλύμεθα; καὶ διεγερθεὶς ἐπετίμησεν τῷ ἀνέμῳ καὶ εἶπεν τῇ θαλάσσῃ· Σιώπα, πεφίμωσο. καὶ ἐκόπασεν ὁ ἄνεμος, καὶ ἐγένετο γαλήνη μεγάλη. καὶ εἶπεν αὐτοῖς· Τί δειλοί ἐστε; οὔπω ἔχετε πίστιν; καὶ ἐφοβήθησαν φόβον μέγαν, καὶ ἔλεγον πρὸς ἀλλήλους· Τίς ἄρα οὗτός ἐστιν ὅτι καὶ ὁ ἄνεμος καὶ ἡ θάλασσα ὑπακούει αὐτῷ;
Kai legei autois en ekeine te hemera opsias genomenes; Dielthomen eis to peran. kai aphentes ton ochlon paralambanousin auton hos en en to ploio, kai alla ploia en met’ autou. kai ginetai lailaps megale anemou, kai ta kymata epeballen eis to ploion, hoste ede gemizesthai to ploion. kai autos en en te prymne epi to proskephalaion katheudon; kai egeirousin auton kai legousin auto; Didaskale, ou melei soi hoti apollymetha? kai diegertheis epetimesen to anemo kai eipen te thalasse; Siopa, pephimoso. kai ekopasen ho anemos, kai egeneto galene megale. kai eipen autois; Ti deiloi este? oupo echete pistin? kai ephobethesan phobon megan, kai elegon pros allelous; Tis ara houtos estin hoti kai ho anemos kai he thalassa hypakouei auto?