Buch 19, § 6 — Neues Testament

Διὸ ἀφέντες τὸν τῆς ἀρχῆς τοῦ Χριστοῦ λόγον ἐπὶ τὴν τελειότητα φερώμεθα, μὴ πάλιν θεμέλιον καταβαλλόμενοι μετανοίας ἀπὸ νεκρῶν ἔργων, καὶ πίστεως ἐπὶ θεόν, βαπτισμῶν διδαχὴν ἐπιθέσεώς τε χειρῶν, ἀναστάσεώς τε νεκρῶν καὶ κρίματος αἰωνίου. καὶ τοῦτο ποιήσομεν ἐάνπερ ἐπιτρέπῃ ὁ θεός. Ἀδύνατον γὰρ τοὺς ἅπαξ φωτισθέντας γευσαμένους τε τῆς δωρεᾶς τῆς ἐπουρανίου καὶ μετόχους γενηθέντας πνεύματος ἁγίου καὶ καλὸν γευσαμένους θεοῦ ῥῆμα δυνάμεις τε μέλλοντος αἰῶνος, καὶ παραπεσόντας, πάλιν ἀνακαινίζειν εἰς μετάνοιαν, ἀνασταυροῦντας ἑαυτοῖς τὸν υἱὸν τοῦ θεοῦ καὶ παραδειγματίζοντας. γῆ γὰρ ἡ πιοῦσα τὸν ἐπ’ αὐτῆς ἐρχόμενον πολλάκις ὑετόν, καὶ τίκτουσα βοτάνην εὔθετον ἐκείνοις δι’ οὓς καὶ γεωργεῖται, μεταλαμβάνει εὐλογίας ἀπὸ τοῦ θεοῦ· ἐκφέρουσα δὲ ἀκάνθας καὶ τριβόλους ἀδόκιμος καὶ κατάρας ἐγγύς, ἧς τὸ τέλος εἰς καῦσιν.

Dio aphentes ton tes arches tou Christou logon epi ten teleioteta pherometha, me palin themelion kataballomenoi metanoias apo nekron ergon, kai pisteos epi theon, baptismon didachen epitheseos te cheiron, anastaseos te nekron kai krimatos aioniou. kai touto poiesomen eanper epitrepe ho theos. Adynaton gar tous hapax photisthentas geusamenous te tes doreas tes epouraniou kai metochous genethentas pneumatos hagiou kai kalon geusamenous theou rhema dynameis te mellontos aionos, kai parapesontas, palin anakainizein eis metanoian, anastaurountas heautois ton yhion tou theou kai paradeigmatizontas. ge gar he piousa ton ep’ autes erchomenon pollakis hyeton, kai tiktousa botanen eutheton ekeinois di’ hous kai georgeitai, metalambanei eulogias apo tou theou; ekpherousa de akanthas kai tribolous adokimos kai kataras engys, hes to telos eis kausin.

Πεπείσμεθα δὲ περὶ ὑμῶν, ἀγαπητοί, τὰ κρείσσονα καὶ ἐχόμενα σωτηρίας, εἰ καὶ οὕτως λαλοῦμεν· οὐ γὰρ ἄδικος ὁ θεὸς ἐπιλαθέσθαι τοῦ ἔργου ὑμῶν καὶ τῆς ἀγάπης ἧς ἐνεδείξασθε εἰς τὸ ὄνομα αὐτοῦ, διακονήσαντες τοῖς ἁγίοις καὶ διακονοῦντες. ἐπιθυμοῦμεν δὲ ἕκαστον ὑμῶν τὴν αὐτὴν ἐνδείκνυσθαι σπουδὴν πρὸς τὴν πληροφορίαν τῆς ἐλπίδος ἄχρι τέλους, ἵνα μὴ νωθροὶ γένησθε, μιμηταὶ δὲ τῶν διὰ πίστεως καὶ μακροθυμίας κληρονομούντων τὰς ἐπαγγελίας.

Pepeismetha de peri hymon, agapetoi, ta kreissona kai echomena soterias, ei kai houtos laloumen; ou gar adikos ho theos epilathesthai tou ergou hymon kai tes agapes hes enedeixasthe eis to onoma autou, diakonesantes tois hagiois kai diakonountes. epithymoumen de hekaston hymon ten auten endeiknysthai spouden pros ten plerophorian tes elpidos achri telous, hina me nothroi genesthe, mimetai de ton dia pisteos kai makrothymias kleronomounton tas epangelias.

Τῷ γὰρ Ἀβραὰμ ἐπαγγειλάμενος ὁ θεός, ἐπεὶ κατ’ οὐδενὸς εἶχεν μείζονος ὀμόσαι, ὤμοσεν καθ’ ἑαυτοῦ, λέγων· Εἰ μὴν εὐλογῶν εὐλογήσω σε καὶ πληθύνων πληθυνῶ σε· καὶ οὕτως μακροθυμήσας ἐπέτυχεν τῆς ἐπαγγελίας. ἄνθρωποι γὰρ κατὰ τοῦ μείζονος ὀμνύουσιν, καὶ πάσης αὐτοῖς ἀντιλογίας πέρας εἰς βεβαίωσιν ὁ ὅρκος· ἐν ᾧ περισσότερον βουλόμενος ὁ θεὸς ἐπιδεῖξαι τοῖς κληρονόμοις τῆς ἐπαγγελίας τὸ ἀμετάθετον τῆς βουλῆς αὐτοῦ ἐμεσίτευσεν ὅρκῳ, ἵνα διὰ δύο πραγμάτων ἀμεταθέτων, ἐν οἷς ἀδύνατον ψεύσασθαι θεόν, ἰσχυρὰν παράκλησιν ἔχωμεν οἱ καταφυγόντες κρατῆσαι τῆς προκειμένης ἐλπίδος· ἣν ὡς ἄγκυραν ἔχομεν τῆς ψυχῆς, ἀσφαλῆ τε καὶ βεβαίαν καὶ εἰσερχομένην εἰς τὸ ἐσώτερον τοῦ καταπετάσματος, ὅπου πρόδρομος ὑπὲρ ἡμῶν εἰσῆλθεν Ἰησοῦς, κατὰ τὴν τάξιν Μελχισέδεκ ἀρχιερεὺς γενόμενος εἰς τὸν αἰῶνα.

To gar Abraam epangeilamenos ho theos, epei kat’ oudenos eichen meizonos omosai, omosen kath’ heautou, legon; Ei men eulogon eulogeso se kai plethynon plethyno se; kai houtos makrothymesas epetychen tes epangelias. anthropoi gar kata tou meizonos omnyousin, kai pases autois antilogias peras eis bebaiosin ho horkos; en ho perissoteron boulomenos ho theos epideixai tois kleronomois tes epangelias to ametatheton tes boules autou emesiteusen horko, hina dia dyo pragmaton ametatheton, en ohis adynaton pseusasthai theon, ischyran paraklesin echomen ohi kataphygontes kratesai tes prokeimenes elpidos; hen hos ankyran echomen tes psyches, asphale te kai bebaian kai eiserchomenen eis to esoteron tou katapetasmatos, hopou prodromos hyper hemon eiselthen Iesous, kata ten taxin Melchisedek archiereus genomenos eis ton aiona.