Buch 19, § 5 — Neues Testament

Πᾶς γὰρ ἀρχιερεὺς ἐξ ἀνθρώπων λαμβανόμενος ὑπὲρ ἀνθρώπων καθίσταται τὰ πρὸς τὸν θεόν, ἵνα προσφέρῃ δῶρά τε καὶ θυσίας ὑπὲρ ἁμαρτιῶν, μετριοπαθεῖν δυνάμενος τοῖς ἀγνοοῦσι καὶ πλανωμένοις ἐπεὶ καὶ αὐτὸς περίκειται ἀσθένειαν, καὶ δι’ αὐτὴν ὀφείλει, καθὼς περὶ τοῦ λαοῦ, οὕτως καὶ περὶ αὑτοῦ προσφέρειν περὶ ἁμαρτιῶν. καὶ οὐχ ἑαυτῷ τις λαμβάνει τὴν τιμήν, ἀλλὰ καλούμενος ὑπὸ τοῦ θεοῦ, καθώσπερ καὶ Ἀαρών.

Pas gar archiereus ex anthropon lambanomenos hyper anthropon kathistatai ta pros ton theon, hina prosphere dora te kai thysias hyper hamartion, metriopathein dynamenos tois agnoousi kai planomenois epei kai autos perikeitai astheneian, kai di’ auten opheilei, kathos peri tou laou, houtos kai peri hautou prospherein peri hamartion. kai ouch heauto tis lambanei ten timen, alla kaloumenos hypo tou theou, kathosper kai Aaron.

Οὕτως καὶ ὁ Χριστὸς οὐχ ἑαυτὸν ἐδόξασεν γενηθῆναι ἀρχιερέα, ἀλλ’ ὁ λαλήσας πρὸς αὐτόν· Υἱός μου εἶ σύ, ἐγὼ σήμερον γεγέννηκά σε· καθὼς καὶ ἐν ἑτέρῳ λέγει· Σὺ ἱερεὺς εἰς τὸν αἰῶνα κατὰ τὴν τάξιν Μελχισέδεκ, ὃς ἐν ταῖς ἡμέραις τῆς σαρκὸς αὐτοῦ δεήσεις τε καὶ ἱκετηρίας πρὸς τὸν δυνάμενον σῴζειν αὐτὸν ἐκ θανάτου μετὰ κραυγῆς ἰσχυρᾶς καὶ δακρύων προσενέγκας καὶ εἰσακουσθεὶς ἀπὸ τῆς εὐλαβείας, καίπερ ὢν υἱός, ἔμαθεν ἀφ’ ὧν ἔπαθεν τὴν ὑπακοήν, καὶ τελειωθεὶς ἐγένετο πᾶσιν τοῖς ὑπακούουσιν αὐτῷ αἴτιος σωτηρίας αἰωνίου, προσαγορευθεὶς ὑπὸ τοῦ θεοῦ ἀρχιερεὺς κατὰ τὴν τάξιν Μελχισέδεκ.

Houtos kai ho Christos ouch heauton edoxasen genethenai archierea, all’ ho lalesas pros auton; Yhios mou ei sy, ego semeron gegenneka se; kathos kai en hetero legei; Sy hiereus eis ton aiona kata ten taxin Melchisedek, hos en tais hemerais tes sarkos autou deeseis te kai hiketerias pros ton dynamenon sozein auton ek thanatou meta krauges ischyras kai dakryon prosenenkas kai eisakoustheis apo tes eulabeias, kaiper on yhios, emathen aph’ hon epathen ten hypakoen, kai teleiotheis egeneto pasin tois hypakouousin auto aitios soterias aioniou, prosagoreutheis hypo tou theou archiereus kata ten taxin Melchisedek.

Περὶ οὗ πολὺς ἡμῖν ὁ λόγος καὶ δυσερμήνευτος λέγειν, ἐπεὶ νωθροὶ γεγόνατε ταῖς ἀκοαῖς· καὶ γὰρ ὀφείλοντες εἶναι διδάσκαλοι διὰ τὸν χρόνον, πάλιν χρείαν ἔχετε τοῦ διδάσκειν ὑμᾶς τινὰ τὰ στοιχεῖα τῆς ἀρχῆς τῶν λογίων τοῦ θεοῦ, καὶ γεγόνατε χρείαν ἔχοντες γάλακτος, οὐ στερεᾶς τροφῆς. πᾶς γὰρ ὁ μετέχων γάλακτος ἄπειρος λόγου δικαιοσύνης, νήπιος γάρ ἐστιν· τελείων δέ ἐστιν ἡ στερεὰ τροφή, τῶν διὰ τὴν ἕξιν τὰ αἰσθητήρια γεγυμνασμένα ἐχόντων πρὸς διάκρισιν καλοῦ τε καὶ κακοῦ.

Peri hou polys hemin ho logos kai dysermeneutos legein, epei nothroi gegonate tais akoais; kai gar opheilontes einai didaskaloi dia ton chronon, palin chreian echete tou didaskein hymas tina ta stoicheia tes arches ton logion tou theou, kai gegonate chreian echontes galaktos, ou stereas trophes. pas gar ho metechon galaktos apeiros logou dikaiosynes, nepios gar estin; teleion de estin he sterea trophe, ton dia ten hexin ta aistheteria gegymnasmena echonton pros diakrisin kalou te kai kakou.