§ 20 — Idylls

Εὐνείκα μ’ ἐγέλαξε θέλοντά μιν ἁδὺ φιλῆσαι,

Euneika m’ egelaxe thelonta min hady philesai,

καί μ’ ἐπικερτομέοισα τάδ’ ἔννεπεν·" ἔρρ’ ἀπ’ ἐμεῖο.

kai m’ epikertomeoisa tad’ ennepen;" err’ ap’ emeio.

βουκόλος ὢν ἐθέλεις με κύσαι τάλαν; οὐ μεμάθηκα

boukolos on etheleis me kysai talan? ou mematheka

ἀγροίκως φιλέειν, ἀλλ’ ἀστικὰ χείλεα θλίβειν.

agroikos phileein, all’ astika cheilea thlibein.

μή τύ γέ μευ κύσσῃς τὸ καλὸν στόμα μηδ’ ἐν ὀνείροις.

me ty ge meu kysses to kalon stoma med’ en oneirois.

οἷα βλέπεις, ὁπποῖα λαλεῖς, ὡς ἄγρια παίσδεις,

ohia blepeis, hoppoia laleis, hos agria paisdeis,

ὡς τρυφέρ’ αἰκάλλεις, ὡς κωτίλα ῥήματα φράσδεις·

hos trypher’ aikalleis, hos kotila rhemata phrasdeis;

ὡς μαλακὸν τὸ γένειον ἔχεις, ὡς ἁδέα χαίταν.

hos malakon to geneion echeis, hos hadea chaitan.

χείλεά τοι νοσέοντι, χέρες δέ τοι ἐντὶ μέλαιναι,

cheilea toi noseonti, cheres de toi enti melainai,

καὶ κακὸν ἐξόσδεις. ἀπ’ ἐμεῦ φύγε, μή με μολύνῃς".

kai kakon exosdeis. ap’ emeu phyge, me me molynes".

τοιάδε μυθίζοισα τρὶς εἰς ἑὸν ἔπτυσε κόλπον,

toiade mythizoisa tris eis heon eptyse kolpon,

καί μ’ ἀπὸ τᾶς κεφαλᾶς ποτὶ τὼ πόδε συνεχὲς εἶδε

kai m’ apo tas kephalas poti to pode syneches eide

χείλεσι μυχθίζοισα καὶ ὄμμασι λοξὰ βλέποισα,

cheilesi mychthizoisa kai ommasi loxa blepoisa,

καὶ πολὺ τᾷ μορφᾷ θηλύνετο, καί τι σεσαρὸς

kai poly ta morpha thelyneto, kai ti sesaros

καὶ σοβαρόν μ’ ἐγέλαξεν. ἐμοὶ δ’ ἄφαρ ἔζεσεν αἷμα,

kai sobaron m’ egelaxen. emoi d’ aphar ezesen ahima,

καὶ χρόα φοινίχθην ὑπὸ τὤλγεος ὡς ῥόδον ἕρσᾳ.

kai chroa phoinichthen hypo tolgeos hos rhodon hersa.

χἁ μὲν ἔβα με λιποῖσα· φέρω δ’ ὑποκάρδιον ὀργάν,

chha men eba me lipoisa; phero d’ hypokardion organ,

ὅττί με τὸν χαρίεντα κακὰ μωμήσαθ’ ἑταίρα.

hotti me ton charienta kaka momesath’ hetaira.

ποιμένες, εἴπατέ μοι τὸ κρήγυον· οὐ καλὸς ἐμμί;

poimenes, eipate moi to kregyon; ou kalos emmi?

ἆρά τις ἐξαπίνας με θεὸς βροτὸν ἄλλον ἔτευξε;

ara tis exapinas me theos broton allon eteuxe?

καὶ γὰρ ἐμοὶ τὸ πάροιθεν ἐπάνθεεν ἁδύ τι κάλλος

kai gar emoi to paroithen epantheen hady ti kallos

ὡς κισσὸς ποτὶ πρέμνον, ἐμὰν δ’ ἐπύκαζεν ὑπήναν,

hos kissos poti premnon, eman d’ epykazen hypenan,

χαῖται δ’ οἷα σέλινα περὶ κροτάφοισι κέχυντο,

chaitai d’ ohia selina peri krotaphoisi kechynto,

καὶ λευκὸν τὸ μέτωπον ἐπ’ ὀφρύσι λάμπε μελαίναις·

kai leukon to metopon ep’ ophrysi lampe melainais;

ὄμματά μοι γλαυκᾶς χαροπώτερα πολλὸν Ἀθάνας,

ommata moi glaukas charopotera pollon Athanas,

καὶ στόμα δ’ αὖ πακτᾶς γλυκερώτερον, ἐκ στομάτων δὲ

kai stoma d’ au paktas glykeroteron, ek stomaton de

ἔρρεέ μοι φωνὰ γλυκερωτέρα ἢ μέλι κηρῶ.

erree moi phona glykerotera e meli kero.

ἁδὺ δέ μοι τὸ μέλισμα, καὶ ἢν σύριγγι μελίσδω,

hady de moi to melisma, kai en syringi melisdo,

κἢν αὐλῷ δονέω, κἢν δώνακι, κἢν πλαγιαύλῳ.

ken aulo doneo, ken donaki, ken plagiaulo.

καὶ πᾶσαι καλόν με κατ’ ὤρεα φαντὶ γυναῖκες,

kai pasai kalon me kat’ orea phanti gynaikes,

καὶ πᾶσαί με φιλεῦντι· τὰ δ’ ἀστικά μ’ οὐκ ἐφίλασεν,

kai pasai me phileunti; ta d’ astika m’ ouk ephilasen,

ἀλλ’ ὅτι βουκόλος ἐμμὶ παρέδραμε κοὔποτ’ ἀκούει,

all’ hoti boukolos emmi paredrame koupot’ akouei,

ὡς ὁ καλὸς Διόνυσος ἐν ἄγκεσι πόρτιν ἔλαυνεν·

hos ho kalos Dionysos en ankesi portin elaunen;

οὐκ ἔγνω δ’, ὅτι Κύπρις ἐπ’ ἀνέρι μήνατο βούτᾳ

ouk egno d’, hoti Kypris ep’ aneri menato bouta

καὶ Φρυγίοις ἐνόμευσεν ἐν ὤρεσι καὶ τὸν Ἄδωνιν

kai Phrygiois enomeusen en oresi kai ton Adonin

ἐν δρυμοῖσι φίλασε καὶ ἐν δρυμοῖσιν ἔκλαυσεν.

en drymoisi philase kai en drymoisin eklausen.

Ἐνδυμίων δὲ τίς ἦν; οὐ βουκόλος; ὅν γε Σελάνα

Endymion de tis en? ou boukolos? hon ge Selana

βουκολέοντα φίλασεν, ἀπ’ Οὐλύμπω δὲ μολοῖσα

boukoleonta philasen, ap’ Oulympo de moloisa

λάθριον ἀν νάπος ἦλθε καὶ εἰς ἕνα παιδὶ κάθευδε.

lathrion an napos elthe kai eis hena paidi katheude.

καὶ τὺ Ῥέα κλαίεις τὸν βουκόλον. οὐχὶ δὲ καὶ τὺ

kai ty Rhea klaieis ton boukolon. ouchi de kai ty

ὦ Κρονίδα διὰ παῖδα βοηνόμον ὄρνις ἐπλάγχθης;

o Kronida dia paida boenomon ornis eplanchthes?

Εὐνείκα δὲ μόνα τὸν βουκόλον οὐκ ἐφίλασεν,

Euneika de mona ton boukolon ouk ephilasen,

ἁ Κυβέλας κρέσσων καὶ Κύπριδος ἠδὲ Σελάνας.

ha Kybelas kresson kai Kypridos ede Selanas.

μηκέτι μηδὲ σὺ Κύπρι τὸν ἁδέα μήτε κατ’ ἄστυ

meketi mede sy Kypri ton hadea mete kat’ asty

μήτ’ ἐν ὄρει φιλέοις, μούνη δ’ ἀνὰ νύκτα καθεύδοις.

met’ en orei phileois, moune d’ ana nykta katheudois.