Book 1, § 29 — Outlines of Pyrrhonism

Ὅτι μὲν οὖν αὕτη διαφέρει τῆς ἡμετέρας ἀγωγῆς, πρόδηλον· ὁ μὲν γὰρ Ἡράκλειτος περὶ πολλῶν ἀδήλων ἀποφαίνεται δογματικῶς, ἡμεῖς δ’ οὐχί, καθάπερ εἴρηται. ἐπεὶ δὲ οἱ περὶ τὸν Αἰνησίδημον ἔλεγον ὁδὸν εἶναι τὴν σκεπτικὴν ἀγωγὴν ἐπὶ τὴν Ἡρακλείτειον φιλοσοφίαν, διότι προηγεῖται τοῦ τἀναντία περὶ τὸ αὐτὸ ὑπάρχειν τὸ τἀναντία περὶ τὸ αὐτὸ φαίνεσθαι, καὶ οἱ μὲν σκεπτικοὶ φαίνεσθαι λέγουσι τὰ ἐναντία περὶ τὸ αὐτό, οἱ δὲ Ἡρακλείτειοι ἀπὸ τούτου καὶ ἐπὶ τὸ ὑπάρχειν αὐτὰ μετέρχονται, φαμὲν πρὸς τούτους, ὅτι τὸ τὰ ἐναντία περὶ τὸ αὐτὸ φαίνεσθαι οὐ δόγμα ἐστὶ τῶν σκεπτικῶν ἀλλὰ πρᾶγμα οὐ μόνον τοῖς σκεπτικοῖς ἀλλὰ καὶ τοῖς ἄλλοις φιλοσόφοις καὶ πᾶσιν ἀνθρώποις ὑποπῖπτον·

Hoti men oun haute diapherei tes hemeteras agoges, prodelon; ho men gar Herakleitos peri pollon adelon apophainetai dogmatikos, hemeis d’ ouchi, kathaper eiretai. epei de ohi peri ton Ainesidemon elegon hodon einai ten skeptiken agogen epi ten Herakleiteion philosophian, dioti proegeitai tou tanantia peri to auto hyparchein to tanantia peri to auto phainesthai, kai ohi men skeptikoi phainesthai legousi ta enantia peri to auto, ohi de Herakleiteioi apo toutou kai epi to hyparchein auta meterchontai, phamen pros toutous, hoti to ta enantia peri to auto phainesthai ou dogma esti ton skeptikon alla pragma ou monon tois skeptikois alla kai tois allois philosophois kai pasin anthropois hypopipton;

οὐδεὶς γοῦν τολμήσαι ἂν εἰπεῖν ὅτι τὸ μέλι οὐ γλυκάζει τοὺς ὑγιαίνοντας ἢ ὅτι τοὺς ἰκτερικοὺς οὐ πικράζει, ὥστε ἀπὸ κοινῆς τῶν ἀνθρώπων προλήψεως ἄρχονται οἱ Ἡρακλείτειοι, καθάπερ καὶ ἡμεῖς, ’ἴσως δὲ καὶ αἱ ἄλλαι φιλοσοφίαι. διόπερ εἰ μὲν ἀπό τινος τῶν σκεπτικῶς λεγομένων ἐλάμβανον τὸ τἀναντία περὶ τὸ αὐτὸ ὑποκεῖσθαι, οἷον τοῦ ‘πάντα ἐστὶν ἀκατάληπτα’ ἢ τοῦ ‘οὐδὲν ὁρίζω’ ἤ τινος τῶν παραπλησίων, ἴσως ἂν συνῆγον ὃ λέγουσιν· ἐπεὶ δὲ ἀρχὰς ἔχουσιν οὐ μόνον ἡμῖν ἀλλὰ καὶ τοῖς ἄλλοις φιλοσόφοις καὶ τῷ βίῳ ὑποπιπτούσας, τί μᾶλλον τὴν ἡμετέραν ἀγωγὴν ἢ ἑκάστην τῶν ἄλλων φιλοσοφιῶν ἢ καὶ τὸν βίον ὁδὸν ἐπὶ τὴν Ἡρακλείτειον φιλοσοφίαν εἶναι λέγοι τις ἄν, ἐπειδὴ πάντες κοιναῖς ὕλαις κεχρήμεθα;

oudeis goun tolmesai an eipein hoti to meli ou glykazei tous hygiainontas e hoti tous ikterikous ou pikrazei, hoste apo koines ton anthropon prolepseos archontai ohi Herakleiteioi, kathaper kai hemeis, ’isos de kai ahi allai philosophiai. dioper ei men apo tinos ton skeptikos legomenon elambanon to tanantia peri to auto hypokeisthai, ohion tou ‘panta estin akatalepta’ e tou ‘ouden horizo’ e tinos ton paraplesion, isos an synegon ho legousin; epei de archas echousin ou monon hemin alla kai tois allois philosophois kai to bio hypopiptousas, ti mallon ten hemeteran agogen e hekasten ton allon philosophion e kai ton bion hodon epi ten Herakleiteion philosophian einai legoi tis an, epeide pantes koinais hylais kechremetha?

μήποτε δὲ οὐ μόνον οὐ συνεργεῖ πρὸς τὴν γνῶσιν τῆς Ἡρακλειτείου φιλοσοφίας ἡ σκεπτικὴ ἀγωγή, ἀλλὰ καὶ ἀποσυνεργεῖ, εἴγε ὁ σκεπτικὸς πάντα τὰ ὑπὸ τοῦ Ἡρακλείτου δογματιζόμενα ὡς προπετῶς λεγόμενα διαβάλλει, ἐναντιούμενος μὲν τῇ ἐκπυρώσει, ἐναντιούμενος δὲ τῷ τὰ ἐναντία περὶ τὸ αὐτὸ ὑπάρχειν, καὶ ἐπὶ παντὸς δόγματος τοῦ Ἡρακλείτου τὴν μὲν δογματικὴν προπέτειαν διασύρων, τὸ δὲ ‘οὐ καταλαμβάνω’ καὶ τὸ ‘οὐδὲν ὁρίζω’ ἐπιφθεγγόμενος, ὡς ἔφην ἔμπροσθεν· ὅπερ μάχεται τοῖς Ἡρακλειτείοις. ἄτοπον δέ ἐστι τὸ τὴν μαχομένην ἀγωγὴν ὁδὸν εἶναι λέγειν τῆς αἱρέσεως ἐκείνης ᾗ μάχεται· ἄτοπον ἄρα τὸ τὴν σκεπτικὴν ἀγωγὴν ἐπὶ τὴν Ἡρακλείτειον φιλοσοφίαν ὁδὸν εἶναι λέγειν.

mepote de ou monon ou synergei pros ten gnosin tes Herakleiteiou philosophias he skeptike agoge, alla kai aposynergei, eige ho skeptikos panta ta hypo tou Herakleitou dogmatizomena hos propetos legomena diaballei, enantioumenos men te ekpyrosei, enantioumenos de to ta enantia peri to auto hyparchein, kai epi pantos dogmatos tou Herakleitou ten men dogmatiken propeteian diasyron, to de ‘ou katalambano’ kai to ‘ouden horizo’ epiphthengomenos, hos ephen emprosthen; hoper machetai tois Herakleiteiois. atopon de esti to ten machomenen agogen hodon einai legein tes ahireseos ekeines he machetai; atopon ara to ten skeptiken agogen epi ten Herakleiteion philosophian hodon einai legein.