Book 7, § 9 — New Testament

Οὐκ εἰμὶ ἐλεύθερος; οὐκ εἰμὶ ἀπόστολος; οὐχὶ Ἰησοῦν τὸν κύριον ἡμῶν ἑόρακα; οὐ τὸ ἔργον μου ὑμεῖς ἐστε ἐν κυρίῳ; εἰ ἄλλοις οὐκ εἰμὶ ἀπόστολος, ἀλλά γε ὑμῖν εἰμι, ἡ γὰρ σφραγίς μου τῆς ἀποστολῆς ὑμεῖς ἐστε ἐν κυρίῳ.

Ouk eimi eleutheros? ouk eimi apostolos? ouchi Iesoun ton kyrion hemon heoraka? ou to ergon mou hymeis este en kyrio? ei allois ouk eimi apostolos, alla ge hymin eimi, he gar sphragis mou tes apostoles hymeis este en kyrio.

Ἡ ἐμὴ ἀπολογία τοῖς ἐμὲ ἀνακρίνουσίν ἐστιν αὕτη. μὴ οὐκ ἔχομεν ἐξουσίαν φαγεῖν καὶ πεῖν; μὴ οὐκ ἔχομεν ἐξουσίαν ἀδελφὴν γυναῖκα περιάγειν, ὡς καὶ οἱ λοιποὶ ἀπόστολοι καὶ οἱ ἀδελφοὶ τοῦ κυρίου καὶ Κηφᾶς; ἢ μόνος ἐγὼ καὶ Βαρναβᾶς οὐκ ἔχομεν ἐξουσίαν μὴ ἐργάζεσθαι; τίς στρατεύεται ἰδίοις ὀψωνίοις ποτέ; τίς φυτεύει ἀμπελῶνα καὶ τὸν καρπὸν αὐτοῦ οὐκ ἐσθίει; τίς ποιμαίνει ποίμνην καὶ ἐκ τοῦ γάλακτος τῆς ποίμνης οὐκ ἐσθίει;

He eme apologia tois eme anakrinousin estin haute. me ouk echomen exousian phagein kai pein? me ouk echomen exousian adelphen gynaika periagein, hos kai ohi loipoi apostoloi kai ohi adelphoi tou kyriou kai Kephas? e monos ego kai Barnabas ouk echomen exousian me ergazesthai? tis strateuetai idiois opsoniois pote? tis phyteuei ampelona kai ton karpon autou ouk esthiei? tis poimainei poimnen kai ek tou galaktos tes poimnes ouk esthiei?

Μὴ κατὰ ἄνθρωπον ταῦτα λαλῶ ἢ καὶ ὁ νόμος ταῦτα οὐ λέγει; ἐν γὰρ τῷ Μωϋσέως νόμῳ γέγραπται· Οὐ κημώσεις βοῦν ἀλοῶντα. μὴ τῶν βοῶν μέλει τῷ θεῷ, ἢ δι’ ἡμᾶς πάντως λέγει; δι’ ἡμᾶς γὰρ ἐγράφη, ὅτι ὀφείλει ἐπ’ ἐλπίδι ὁ ἀροτριῶν ἀροτριᾶν, καὶ ὁ ἀλοῶν ἐπ’ ἐλπίδι τοῦ μετέχειν. εἰ ἡμεῖς ὑμῖν τὰ πνευματικὰ ἐσπείραμεν, μέγα εἰ ἡμεῖς ὑμῶν τὰ σαρκικὰ θερίσομεν; εἰ ἄλλοι τῆς ὑμῶν ἐξουσίας μετέχουσιν, οὐ μᾶλλον ἡμεῖς;

Me kata anthropon tauta lalo e kai ho nomos tauta ou legei? en gar to Moyseos nomo gegraptai; Ou kemoseis boun aloonta. me ton boon melei to theo, e di’ hemas pantos legei? di’ hemas gar egraphe, hoti opheilei ep’ elpidi ho arotrion arotrian, kai ho aloon ep’ elpidi tou metechein. ei hemeis hymin ta pneumatika espeiramen, mega ei hemeis hymon ta sarkika therisomen? ei alloi tes hymon exousias metechousin, ou mallon hemeis?

Ἀλλ’ οὐκ ἐχρησάμεθα τῇ ἐξουσίᾳ ταύτῃ, ἀλλὰ πάντα στέγομεν ἵνα μή τινα ἐγκοπὴν δῶμεν τῷ εὐαγγελίῳ τοῦ Χριστοῦ. οὐκ οἴδατε ὅτι οἱ τὰ ἱερὰ ἐργαζόμενοι τὰ ἐκ τοῦ ἱεροῦ ἐσθίουσιν, οἱ τῷ θυσιαστηρίῳ παρεδρεύοντες τῷ θυσιαστηρίῳ συμμερίζονται; οὕτως καὶ ὁ κύριος διέταξεν τοῖς τὸ εὐαγγέλιον καταγγέλλουσιν ἐκ τοῦ εὐαγγελίου ζῆν.

All’ ouk echresametha te exousia taute, alla panta stegomen hina me tina enkopen domen to euangelio tou Christou. ouk oidate hoti ohi ta hiera ergazomenoi ta ek tou hierou esthiousin, ohi to thysiasterio paredreuontes to thysiasterio symmerizontai? houtos kai ho kyrios dietaxen tois to euangelion katangellousin ek tou euangeliou zen.

Ἐγὼ δὲ οὐ κέχρημαι οὐδενὶ τούτων. οὐκ ἔγραψα δὲ ταῦτα ἵνα οὕτως γένηται ἐν ἐμοί, καλὸν γάρ μοι μᾶλλον ἀποθανεῖν ἤ τὸ καύχημά μου οὐδεὶς κενώσει. ἐὰν γὰρ εὐαγγελίζωμαι, οὐκ ἔστιν μοι καύχημα, ἀνάγκη γάρ μοι ἐπίκειται· οὐαὶ γάρ μοί ἐστιν ἐὰν μὴ εὐαγγελίσωμαι. εἰ γὰρ ἑκὼν τοῦτο πράσσω, μισθὸν ἔχω· εἰ δὲ ἄκων, οἰκονομίαν πεπίστευμαι. τίς οὖν μού ἐστιν ὁ μισθός; ἵνα εὐαγγελιζόμενος ἀδάπανον θήσω τὸ εὐαγγέλιον, εἰς τὸ μὴ καταχρήσασθαι τῇ ἐξουσίᾳ μου ἐν τῷ εὐαγγελίῳ.

Ego de ou kechremai oudeni touton. ouk egrapsa de tauta hina houtos genetai en emoi, kalon gar moi mallon apothanein e to kauchema mou oudeis kenosei. ean gar euangelizomai, ouk estin moi kauchema, ananke gar moi epikeitai; ouai gar moi estin ean me euangelisomai. ei gar hekon touto prasso, misthon echo; ei de akon, oikonomian pepisteumai. tis oun mou estin ho misthos? hina euangelizomenos adapanon theso to euangelion, eis to me katachresasthai te exousia mou en to euangelio.

Ἐλεύθερος γὰρ ὢν ἐκ πάντων πᾶσιν ἐμαυτὸν ἐδούλωσα, ἵνα τοὺς πλείονας κερδήσω· καὶ ἐγενόμην τοῖς Ἰουδαίοις ὡς Ἰουδαῖος, ἵνα Ἰουδαίους κερδήσω· τοῖς ὑπὸ νόμον ὡς ὑπὸ νόμον, μὴ ὢν αὐτὸς ὑπὸ νόμον, ἵνα τοὺς ὑπὸ νόμον κερδήσω· τοῖς ἀνόμοις ὡς ἄνομος, μὴ ὢν ἄνομος θεοῦ ἀλλ’ ἔννομος Χριστοῦ, ἵνα κερδάνω τοὺς ἀνόμους· ἐγενόμην τοῖς ἀσθενέσιν ἀσθενής, ἵνα τοὺς ἀσθενεῖς κερδήσω· τοῖς πᾶσιν γέγονα πάντα, ἵνα πάντως τινὰς σώσω. πάντα δὲ ποιῶ διὰ τὸ εὐαγγέλιον, ἵνα συγκοινωνὸς αὐτοῦ γένωμαι.

Eleutheros gar on ek panton pasin emauton edoulosa, hina tous pleionas kerdeso; kai egenomen tois Ioudaiois hos Ioudaios, hina Ioudaious kerdeso; tois hypo nomon hos hypo nomon, me on autos hypo nomon, hina tous hypo nomon kerdeso; tois anomois hos anomos, me on anomos theou all’ ennomos Christou, hina kerdano tous anomous; egenomen tois asthenesin asthenes, hina tous astheneis kerdeso; tois pasin gegona panta, hina pantos tinas soso. panta de poio dia to euangelion, hina synkoinonos autou genomai.

Οὐκ οἴδατε ὅτι οἱ ἐν σταδίῳ τρέχοντες πάντες μὲν τρέχουσιν, εἷς δὲ λαμβάνει τὸ βραβεῖον; οὕτως τρέχετε ἵνα καταλάβητε. πᾶς δὲ ὁ ἀγωνιζόμενος πάντα ἐγκρατεύεται, ἐκεῖνοι μὲν οὖν ἵνα φθαρτὸν στέφανον λάβωσιν, ἡμεῖς δὲ ἄφθαρτον. ἐγὼ τοίνυν οὕτως τρέχω ὡς οὐκ ἀδήλως, οὕτως πυκτεύω ὡς οὐκ ἀέρα δέρων· ἀλλὰ ὑπωπιάζω μου τὸ σῶμα καὶ δουλαγωγῶ, μή πως ἄλλοις κηρύξας αὐτὸς ἀδόκιμος γένωμαι.

Ouk oidate hoti ohi en stadio trechontes pantes men trechousin, ehis de lambanei to brabeion? houtos trechete hina katalabete. pas de ho agonizomenos panta enkrateuetai, ekeinoi men oun hina phtharton stephanon labosin, hemeis de aphtharton. ego toinyn houtos trecho hos ouk adelos, houtos pykteuo hos ouk aera deron; alla hypopiazo mou to soma kai doulagogo, me pos allois keryxas autos adokimos genomai.