Τολμᾷ τις ὑμῶν πρᾶγμα ἔχων πρὸς τὸν ἕτερον κρίνεσθαι ἐπὶ τῶν ἀδίκων, καὶ οὐχὶ ἐπὶ τῶν ἁγίων; ἢ οὐκ οἴδατε ὅτι οἱ ἅγιοι τὸν κόσμον κρινοῦσιν; καὶ εἰ ἐν ὑμῖν κρίνεται ὁ κόσμος, ἀνάξιοί ἐστε κριτηρίων ἐλαχίστων; οὐκ οἴδατε ὅτι ἀγγέλους κρινοῦμεν, μήτιγε βιωτικά; βιωτικὰ μὲν οὖν κριτήρια ἐὰν ἔχητε, τοὺς ἐξουθενημένους ἐν τῇ ἐκκλησίᾳ, τούτους καθίζετε; πρὸς ἐντροπὴν ὑμῖν λέγω. οὕτως οὐκ ἔνι ἐν ὑμῖν οὐδεὶς σοφὸς ὃς δυνήσεται διακρῖναι ἀνὰ μέσον τοῦ ἀδελφοῦ αὐτοῦ, ἀλλὰ ἀδελφὸς μετὰ ἀδελφοῦ κρίνεται, καὶ τοῦτο ἐπὶ ἀπίστων; ἤδη μὲν οὖν ὅλως ἥττημα ὑμῖν ἐστιν ὅτι κρίματα ἔχετε μεθ’ ἑαυτῶν· διὰ τί οὐχὶ μᾶλλον ἀδικεῖσθε; διὰ τί οὐχὶ μᾶλλον ἀποστερεῖσθε; ἀλλὰ ὑμεῖς ἀδικεῖτε καὶ ἀποστερεῖτε, καὶ τοῦτο ἀδελφούς.
Tolma tis hymon pragma echon pros ton heteron krinesthai epi ton adikon, kai ouchi epi ton hagion? e ouk oidate hoti ohi hagioi ton kosmon krinousin? kai ei en hymin krinetai ho kosmos, anaxioi este kriterion elachiston? ouk oidate hoti angelous krinoumen, metige biotika? biotika men oun kriteria ean echete, tous exouthenemenous en te ekklesia, toutous kathizete? pros entropen hymin lego. houtos ouk eni en hymin oudeis sophos hos dynesetai diakrinai ana meson tou adelphou autou, alla adelphos meta adelphou krinetai, kai touto epi apiston? ede men oun holos hettema hymin estin hoti krimata echete meth’ heauton; dia ti ouchi mallon adikeisthe? dia ti ouchi mallon apostereisthe? alla hymeis adikeite kai apostereite, kai touto adelphous.
Ἢ οὐκ οἴδατε ὅτι ἄδικοι θεοῦ βασιλείαν οὐ κληρονομήσουσιν; μὴ πλανᾶσθε· οὔτε πόρνοι οὔτε εἰδωλολάτραι οὔτε μοιχοὶ οὔτε μαλακοὶ οὔτε ἀρσενοκοῖται οὔτε κλέπται οὔτε πλεονέκται, οὐ μέθυσοι, οὐ λοίδοροι, οὐχ ἅρπαγες βασιλείαν θεοῦ κληρονομήσουσιν. καὶ ταῦτά τινες ἦτε· ἀλλὰ ἀπελούσασθε, ἀλλὰ ἡγιάσθητε, ἀλλὰ ἐδικαιώθητε ἐν τῷ ὀνόματι τοῦ κυρίου Ἰησοῦ καὶ ἐν τῷ πνεύματι τοῦ θεοῦ ἡμῶν.
E ouk oidate hoti adikoi theou basileian ou kleronomesousin? me planasthe; oute pornoi oute eidololatrai oute moichoi oute malakoi oute arsenokoitai oute kleptai oute pleonektai, ou methysoi, ou loidoroi, ouch harpages basileian theou kleronomesousin. kai tauta tines ete; alla apelousasthe, alla hegiasthete, alla edikaiothete en to onomati tou kyriou Iesou kai en to pneumati tou theou hemon.
Πάντα μοι ἔξεστιν· ἀλλ’ οὐ πάντα συμφέρει. πάντα μοι ἔξεστιν· ἀλλ’ οὐκ ἐγὼ ἐξουσιασθήσομαι ὑπό τινος. τὰ βρώματα τῇ κοιλίᾳ, καὶ ἡ κοιλία τοῖς βρώμασιν· ὁ δὲ θεὸς καὶ ταύτην καὶ ταῦτα καταργήσει. τὸ δὲ σῶμα οὐ τῇ πορνείᾳ ἀλλὰ τῷ κυρίῳ, καὶ ὁ κύριος τῷ σώματι· ὁ δὲ θεὸς καὶ τὸν κύριον ἤγειρεν καὶ ἡμᾶς ἐξεγερεῖ διὰ τῆς δυνάμεως αὐτοῦ. οὐκ οἴδατε ὅτι τὰ σώματα ὑμῶν μέλη Χριστοῦ ἐστιν; ἄρας οὖν τὰ μέλη τοῦ Χριστοῦ ποιήσω πόρνης μέλη; μὴ γένοιτο. ἢ οὐκ οἴδατε ὅτι ὁ κολλώμενος τῇ πόρνῃ ἓν σῶμά ἐστιν; Ἔσονται γάρ, φησίν, οἱ δύο εἰς σάρκα μίαν. ὁ δὲ κολλώμενος τῷ κυρίῳ ἓν πνεῦμά ἐστιν. φεύγετε τὴν πορνείαν· πᾶν ἁμάρτημα ὃ ἐὰν ποιήσῃ ἄνθρωπος ἐκτὸς τοῦ σώματός ἐστιν, ὁ δὲ πορνεύων εἰς τὸ ἴδιον σῶμα ἁμαρτάνει. ἢ οὐκ οἴδατε ὅτι τὸ σῶμα ὑμῶν ναὸς τοῦ ἐν ὑμῖν ἁγίου πνεύματός ἐστιν, οὗ ἔχετε ἀπὸ θεοῦ; καὶ οὐκ ἐστὲ ἑαυτῶν, ἠγοράσθητε γὰρ τιμῆς· δοξάσατε δὴ τὸν θεὸν ἐν τῷ σώματι ὑμῶν.
Panta moi exestin; all’ ou panta sympherei. panta moi exestin; all’ ouk ego exousiasthesomai hypo tinos. ta bromata te koilia, kai he koilia tois bromasin; ho de theos kai tauten kai tauta katargesei. to de soma ou te porneia alla to kyrio, kai ho kyrios to somati; ho de theos kai ton kyrion egeiren kai hemas exegerei dia tes dynameos autou. ouk oidate hoti ta somata hymon mele Christou estin? aras oun ta mele tou Christou poieso pornes mele? me genoito. e ouk oidate hoti ho kollomenos te porne hen soma estin? Esontai gar, phesin, ohi dyo eis sarka mian. ho de kollomenos to kyrio hen pneuma estin. pheugete ten porneian; pan hamartema ho ean poiese anthropos ektos tou somatos estin, ho de porneuon eis to idion soma hamartanei. e ouk oidate hoti to soma hymon naos tou en hymin hagiou pneumatos estin, hou echete apo theou? kai ouk este heauton, egorasthete gar times; doxasate de ton theon en to somati hymon.