Book 6, § 10 — New Testament

Ἀδελφοί, ἡ μὲν εὐδοκία τῆς ἐμῆς καρδίας καὶ ἡ δέησις πρὸς τὸν θεὸν ὑπὲρ αὐτῶν εἰς σωτηρίαν. μαρτυρῶ γὰρ αὐτοῖς ὅτι ζῆλον θεοῦ ἔχουσιν· ἀλλ’ οὐ κατ’ ἐπίγνωσιν, ἀγνοοῦντες γὰρ τὴν τοῦ θεοῦ δικαιοσύνην, καὶ τὴν ἰδίαν ζητοῦντες στῆσαι, τῇ δικαιοσύνῃ τοῦ θεοῦ οὐχ ὑπετάγησαν· τέλος γὰρ νόμου Χριστὸς εἰς δικαιοσύνην παντὶ τῷ πιστεύοντι.

Adelphoi, he men eudokia tes emes kardias kai he deesis pros ton theon hyper auton eis soterian. martyro gar autois hoti zelon theou echousin; all’ ou kat’ epignosin, agnoountes gar ten tou theou dikaiosynen, kai ten idian zetountes stesai, te dikaiosyne tou theou ouch hypetagesan; telos gar nomou Christos eis dikaiosynen panti to pisteuonti.

Μωϋσῆς γὰρ γράφει ὅτι τὴν δικαιοσύνην τὴν ἐκ τοῦ νόμου ὁ ποιήσας ἄνθρωπος ζήσεται ἐν αὐτῇ. ἡ δὲ ἐκ πίστεως δικαιοσύνη οὕτως λέγει· Μὴ εἴπῃς ἐν τῇ καρδίᾳ σου· Τίς ἀναβήσεται εἰς τὸν οὐρανόν; τοῦτ’ ἔστιν Χριστὸν καταγαγεῖν· ἤ· Τίς καταβήσεται εἰς τὴν ἄβυσσον; τοῦτ’ ἔστιν Χριστὸν ἐκ νεκρῶν ἀναγαγεῖν. ἀλλὰ τί λέγει; Ἐγγύς σου τὸ ῥῆμά ἐστιν, ἐν τῷ στόματί σου καὶ ἐν τῇ καρδίᾳ σου, τοῦτ’ ἔστιν τὸ ῥῆμα τῆς πίστεως ὃ κηρύσσομεν. ὅτι ἐὰν ὁμολογήσῃς ἐν τῷ στόματί σου κύριον Ἰησοῦν, καὶ πιστεύσῃς ἐν τῇ καρδίᾳ σου ὅτι ὁ θεὸς αὐτὸν ἤγειρεν ἐκ νεκρῶν, σωθήσῃ· καρδίᾳ γὰρ πιστεύεται εἰς δικαιοσύνην, στόματι δὲ ὁμολογεῖται εἰς σωτηρίαν· λέγει γὰρ ἡ γραφή· Πᾶς ὁ πιστεύων ἐπ’ αὐτῷ οὐ καταισχυνθήσεται. οὐ γάρ ἐστιν διαστολὴ Ἰουδαίου τε καὶ Ἕλληνος, ὁ γὰρ αὐτὸς κύριος πάντων, πλουτῶν εἰς πάντας τοὺς ἐπικαλουμένους αὐτόν· Πᾶς γὰρ ὃς ἂν ἐπικαλέσηται τὸ ὄνομα κυρίου σωθήσεται.

Moyses gar graphei hoti ten dikaiosynen ten ek tou nomou ho poiesas anthropos zesetai en aute. he de ek pisteos dikaiosyne houtos legei; Me eipes en te kardia sou; Tis anabesetai eis ton ouranon? tout’ estin Christon katagagein; e; Tis katabesetai eis ten abysson? tout’ estin Christon ek nekron anagagein. alla ti legei? Engys sou to rhema estin, en to stomati sou kai en te kardia sou, tout’ estin to rhema tes pisteos ho keryssomen. hoti ean homologeses en to stomati sou kyrion Iesoun, kai pisteuses en te kardia sou hoti ho theos auton egeiren ek nekron, sothese; kardia gar pisteuetai eis dikaiosynen, stomati de homologeitai eis soterian; legei gar he graphe; Pas ho pisteuon ep’ auto ou kataischynthesetai. ou gar estin diastole Ioudaiou te kai Hellenos, ho gar autos kyrios panton, plouton eis pantas tous epikaloumenous auton; Pas gar hos an epikalesetai to onoma kyriou sothesetai.

Πῶς οὖν ἐπικαλέσωνται εἰς ὃν οὐκ ἐπίστευσαν; πῶς δὲ πιστεύσωσιν οὗ οὐκ ἤκουσαν; πῶς δὲ ἀκούσωσιν χωρὶς κηρύσσοντος; πῶς δὲ κηρύξωσιν ἐὰν μὴ ἀποσταλῶσιν; καθὼς γέγραπται· Ὡς ὡραῖοι οἱ πόδες τῶν εὐαγγελιζομένων τὰ ἀγαθά. ἀλλ’ οὐ πάντες ὑπήκουσαν τῷ εὐαγγελίῳ· Ἠσαΐας γὰρ λέγει· Κύριε, τίς ἐπίστευσεν τῇ ἀκοῇ ἡμῶν; ἄρα ἡ πίστις ἐξ ἀκοῆς, ἡ δὲ ἀκοὴ διὰ ῥήματος Χριστοῦ.

Pos oun epikalesontai eis hon ouk episteusan? pos de pisteusosin hou ouk ekousan? pos de akousosin choris keryssontos? pos de keryxosin ean me apostalosin? kathos gegraptai; Hos horaioi ohi podes ton euangelizomenon ta agatha. all’ ou pantes hypekousan to euangelio; Esaias gar legei; Kyrie, tis episteusen te akoe hemon? ara he pistis ex akoes, he de akoe dia rhematos Christou.

Ἀλλὰ λέγω, μὴ οὐκ ἤκουσαν; μενοῦνγε· Εἰς πᾶσαν τὴν γῆν ἐξῆλθεν ὁ φθόγγος αὐτῶν, καὶ εἰς τὰ πέρατα τῆς οἰκουμένης τὰ ῥήματα αὐτῶν. ἀλλὰ λέγω, μὴ Ἰσραὴλ οὐκ ἔγνω; πρῶτος Μωϋσῆς λέγει· Ἐγὼ παραζηλώσω ὑμᾶς ἐπ’ οὐκ ἔθνει, ἐπ’ ἔθνει ἀσυνέτῳ παροργιῶ ὑμᾶς. Ἠσαΐας δὲ ἀποτολμᾷ καὶ λέγει· Εὑρέθην ἐν τοῖς ἐμὲ μὴ ζητοῦσιν, ἐμφανὴς ἐγενόμην τοῖς ἐμὲ μὴ ἐπερωτῶσιν. πρὸς δὲ τὸν Ἰσραὴλ λέγει· Ὅλην τὴν ἡμέραν ἐξεπέτασα τὰς χεῖράς μου πρὸς λαὸν ἀπειθοῦντα καὶ ἀντιλέγοντα.

Alla lego, me ouk ekousan? menounge; Eis pasan ten gen exelthen ho phthongos auton, kai eis ta perata tes oikoumenes ta rhemata auton. alla lego, me Israel ouk egno? protos Moyses legei; Ego parazeloso hymas ep’ ouk ethnei, ep’ ethnei asyneto parorgio hymas. Esaias de apotolma kai legei; Heurethen en tois eme me zetousin, emphanes egenomen tois eme me eperotosin. pros de ton Israel legei; Holen ten hemeran exepetasa tas cheiras mou pros laon apeithounta kai antilegonta.