Book 5, § 9 — New Testament

Ὁ δὲ Σαῦλος ἔτι ἐμπνέων ἀπειλῆς καὶ φόνου εἰς τοὺς μαθητὰς τοῦ κυρίου, προσελθὼν τῷ ἀρχιερεῖ ᾐτήσατο παρ’ αὐτοῦ ἐπιστολὰς εἰς Δαμασκὸν πρὸς τὰς συναγωγάς, ὅπως ἐάν τινας εὕρῃ τῆς ὁδοῦ ὄντας, ἄνδρας τε καὶ γυναῖκας, δεδεμένους ἀγάγῃ εἰς Ἰερουσαλήμ. ἐν δὲ τῷ πορεύεσθαι ἐγένετο αὐτὸν ἐγγίζειν τῇ Δαμασκῷ, ἐξαίφνης τε αὐτὸν περιήστραψεν φῶς ἐκ τοῦ οὐρανοῦ, καὶ πεσὼν ἐπὶ τὴν γῆν ἤκουσεν φωνὴν λέγουσαν αὐτῷ Σαοὺλ Σαούλ, τί με διώκεις; εἶπεν δέ· Τίς εἶ, κύριε; ὁ δέ· Ἐγώ εἰμι Ἰησοῦς ὃν σὺ διώκεις· ἀλλὰ ἀνάστηθι καὶ εἴσελθε εἰς τὴν πόλιν, καὶ λαληθήσεταί σοι ὅ τί σε δεῖ ποιεῖν. οἱ δὲ ἄνδρες οἱ συνοδεύοντες αὐτῷ εἱστήκεισαν ἐνεοί, ἀκούοντες μὲν τῆς φωνῆς μηδένα δὲ θεωροῦντες. ἠγέρθη δὲ Σαῦλος ἀπὸ τῆς γῆς, ἀνεῳγμένων δὲ τῶν ὀφθαλμῶν αὐτοῦ οὐδὲν ἔβλεπεν· χειραγωγοῦντες δὲ αὐτὸν εἰσήγαγον εἰς Δαμασκόν. καὶ ἦν ἡμέρας τρεῖς μὴ βλέπων, καὶ οὐκ ἔφαγεν οὐδὲ ἔπιεν. Ἦν δέ τις μαθητὴς ἐν Δαμασκῷ ὀνόματι Ἁνανίας, καὶ εἶπεν πρὸς αὐτὸν ἐν ὁράματι ὁ κύριος· Ἁνανία. ὁ δὲ εἶπεν· Ἰδοὺ ἐγώ, κύριε. ὁ δὲ κύριος πρὸς αὐτόν· Ἀναστὰς πορεύθητι ἐπὶ τὴν ῥύμην τὴν καλουμένην Εὐθεῖαν καὶ ζήτησον ἐν οἰκίᾳ Ἰούδα Σαῦλον ὀνόματι Ταρσέα, ἰδοὺ γὰρ προσεύχεται, καὶ εἶδεν ἄνδρα ἐν ὁράματι Ἁνανίαν ὀνόματι εἰσελθόντα καὶ ἐπιθέντα αὐτῷ χεῖρας ὅπως ἀναβλέψῃ. ἀπεκρίθη δὲ Ἁνανίας· Κύριε, ἤκουσα ἀπὸ πολλῶν περὶ τοῦ ἀνδρὸς τούτου, ὅσα κακὰ τοῖς ἁγίοις σου ἐποίησεν ἐν Ἰερουσαλήμ· καὶ ὧδε ἔχει ἐξουσίαν παρὰ τῶν ἀρχιερέων δῆσαι πάντας τοὺς ἐπικαλουμένους τὸ ὄνομά σου. εἶπεν δὲ πρὸς αὐτὸν ὁ κύριος· Πορεύου, ὅτι σκεῦος ἐκλογῆς ἐστίν μοι οὗτος τοῦ βαστάσαι τὸ ὄνομά μου ἐνώπιον ἐθνῶν τε καὶ βασιλέων υἱῶν τε Ἰσραήλ, ἐγὼ γὰρ ὑποδείξω αὐτῷ ὅσα δεῖ αὐτὸν ὑπὲρ τοῦ ὀνόματός μου παθεῖν. ἀπῆλθεν δὲ Ἁνανίας καὶ εἰσῆλθεν εἰς τὴν οἰκίαν, καὶ ἐπιθεὶς ἐπ’ αὐτὸν τὰς χεῖρας εἶπεν· Σαοὺλ ἀδελφέ, ὁ κύριος ἀπέσταλκέν με, Ἰησοῦς ὁ ὀφθείς σοι ἐν τῇ ὁδῷ ᾗ ἤρχου, ὅπως ἀναβλέψῃς καὶ πλησθῇς πνεύματος ἁγίου. καὶ εὐθέως ἀπέπεσαν αὐτοῦ ἀπὸ τῶν ὀφθαλμῶν ὡς λεπίδες, ἀνέβλεψέν τε καὶ ἀναστὰς ἐβαπτίσθη, καὶ λαβὼν τροφὴν ἐνίσχυσεν. Ἐγένετο δὲ μετὰ τῶν ἐν Δαμασκῷ μαθητῶν ἡμέρας τινὰς, καὶ εὐθέως ἐν ταῖς συναγωγαῖς ἐκήρυσσεν τὸν Ἰησοῦν ὅτι οὗτός ἐστιν ὁ υἱὸς τοῦ θεοῦ. ἐξίσταντο δὲ πάντες οἱ ἀκούοντες καὶ ἔλεγον· Οὐχ οὗτός ἐστιν ὁ πορθήσας ἐν Ἰερουσαλὴμ τοὺς ἐπικαλουμένους τὸ ὄνομα τοῦτο, καὶ ὧδε εἰς τοῦτο ἐληλύθει ἵνα δεδεμένους αὐτοὺς ἀγάγῃ ἐπὶ τοὺς ἀρχιερεῖς; Σαῦλος δὲ μᾶλλον ἐνεδυναμοῦτο καὶ συνέχυννεν τοὺς Ἰουδαίους τοὺς κατοικοῦντας ἐν Δαμασκῷ, συμβιβάζων ὅτι οὗτός ἐστιν ὁ χριστός. Ὡς δὲ ἐπληροῦντο ἡμέραι ἱκαναί, συνεβουλεύσαντο οἱ Ἰουδαῖοι ἀνελεῖν αὐτόν· ἐγνώσθη δὲ τῷ Σαύλῳ ἡ ἐπιβουλὴ αὐτῶν. παρετηροῦντο δὲ καὶ τὰς πύλας ἡμέρας τε καὶ νυκτὸς ὅπως αὐτὸν ἀνέλωσιν· λαβόντες δὲ οἱ μαθηταὶ αὐτοῦ νυκτὸς διὰ τοῦ τείχους καθῆκαν αὐτὸν χαλάσαντες ἐν σπυρίδι. Παραγενόμενος δὲ εἰς Ἰερουσαλὴμ ἐπείραζεν κολλᾶσθαι τοῖς μαθηταῖς· καὶ πάντες ἐφοβοῦντο αὐτόν, μὴ πιστεύοντες ὅτι ἐστὶν μαθητής. Βαρναβᾶς δὲ ἐπιλαβόμενος αὐτὸν ἤγαγεν πρὸς τοὺς ἀποστόλους, καὶ διηγήσατο αὐτοῖς πῶς ἐν τῇ ὁδῷ εἶδεν τὸν κύριον καὶ ὅτι ἐλάλησεν αὐτῷ καὶ πῶς ἐν Δαμασκῷ ἐπαρρησιάσατο ἐν τῷ ὀνόματι τοῦ Ἰησοῦ. καὶ ἦν μετ’ αὐτῶν εἰσπορευόμενος καὶ ἐκπορευόμενος εἰς Ἰερουσαλήμ, παρρησιαζόμενος ἐν τῷ ὀνόματι τοῦ κυρίου, ἐλάλει τε καὶ συνεζήτει πρὸς τοὺς Ἑλληνιστάς· οἱ δὲ ἐπεχείρουν ἀνελεῖν αὐτόν. ἐπιγνόντες δὲ οἱ ἀδελφοὶ κατήγαγον αὐτὸν εἰς Καισάρειαν καὶ ἐξαπέστειλαν αὐτὸν εἰς Ταρσόν. Ἡ μὲν οὖν ἐκκλησία καθ’ ὅλης τῆς Ἰουδαίας καὶ Γαλιλαίας καὶ Σαμαρείας εἶχεν εἰρήνην οἰκοδομουμένη, καὶ πορευομένη τῷ φόβῳ τοῦ κυρίου καὶ τῇ παρακλήσει τοῦ ἁγίου πνεύματος ἐπληθύνετο. Ἐγένετο δὲ Πέτρον διερχόμενον διὰ πάντων κατελθεῖν καὶ πρὸς τοὺς ἁγίους τοὺς κατοικοῦντας Λύδδα. εὗρεν δὲ ἐκεῖ ἄνθρωπόν τινα ὀνόματι Αἰνέαν ἐξ ἐτῶν ὀκτὼ κατακείμενον ἐπὶ κραβάττου, ὃς ἦν παραλελυμένος. καὶ εἶπεν αὐτῷ ὁ Πέτρος· Αἰνέα, ἰᾶταί σε Ἰησοῦς Χριστός· ἀνάστηθι καὶ στρῶσον σεαυτῷ· καὶ εὐθέως ἀνέστη. καὶ εἶδαν αὐτὸν πάντες οἱ κατοικοῦντες Λύδδα καὶ τὸν Σαρῶνα, οἵτινες ἐπέστρεψαν ἐπὶ τὸν κύριον. Ἐν Ἰόππῃ δέ τις ἦν μαθήτρια ὀνόματι Ταβιθά, ἣ διερμηνευομένη λέγεται Δορκάς· αὕτη ἦν πλήρης ἔργων ἀγαθῶν καὶ ἐλεημοσυνῶν ὧν ἐποίει. ἐγένετο δὲ ἐν ταῖς ἡμέραις ἐκείναις ἀσθενήσασαν αὐτὴν ἀποθανεῖν· λούσαντες δὲ ἔθηκαν αὐτὴν ἐν ὑπερῴῳ. ἐγγὺς δὲ οὔσης Λύδδας τῇ Ἰόππῃ οἱ μαθηταὶ ἀκούσαντες ὅτι Πέτρος ἐστὶν ἐν αὐτῇ ἀπέστειλαν δύο ἄνδρας πρὸς αὐτὸν παρακαλοῦντες· Μὴ ὀκνήσῃς διελθεῖν ἕως ἡμῶν· ἀναστὰς δὲ Πέτρος συνῆλθεν αὐτοῖς· ὃν παραγενόμενον ἀνήγαγον εἰς τὸ ὑπερῷον, καὶ παρέστησαν αὐτῷ πᾶσαι αἱ χῆραι κλαίουσαι καὶ ἐπιδεικνύμεναι χιτῶνας καὶ ἱμάτια ὅσα ἐποίει μετ’ αὐτῶν οὖσα ἡ Δορκάς. ἐκβαλὼν δὲ ἔξω πάντας ὁ Πέτρος καὶ θεὶς τὰ γόνατα προσηύξατο, καὶ ἐπιστρέψας πρὸς τὸ σῶμα εἶπεν· Ταβιθά, ἀνάστηθι. ἡ δὲ ἤνοιξεν τοὺς ὀφθαλμοὺς αὐτῆς, καὶ ἰδοῦσα τὸν Πέτρον ἀνεκάθισεν. δοὺς δὲ αὐτῇ χεῖρα ἀνέστησεν αὐτήν, φωνήσας δὲ τοὺς ἁγίους καὶ τὰς χήρας παρέστησεν αὐτὴν ζῶσαν. γνωστὸν δὲ ἐγένετο καθ’ ὅλης τῆς Ἰόππης, καὶ ἐπίστευσαν πολλοὶ ἐπὶ τὸν κύριον. ἐγένετο δὲ ἡμέρας ἱκανὰς μεῖναι ἐν Ἰόππῃ παρά τινι Σίμωνι βυρσεῖ.

Ho de Saulos eti empneon apeiles kai phonou eis tous mathetas tou kyriou, proselthon to archierei etesato par’ autou epistolas eis Damaskon pros tas synagogas, hopos ean tinas heure tes hodou ontas, andras te kai gynaikas, dedemenous agage eis Ierousalem. en de to poreuesthai egeneto auton engizein te Damasko, exaiphnes te auton periestrapsen phos ek tou ouranou, kai peson epi ten gen ekousen phonen legousan auto Saoul Saoul, ti me diokeis? eipen de; Tis ei, kyrie? ho de; Ego eimi Iesous hon sy diokeis; alla anastethi kai eiselthe eis ten polin, kai lalethesetai soi ho ti se dei poiein. ohi de andres ohi synodeuontes auto ehistekeisan eneoi, akouontes men tes phones medena de theorountes. egerthe de Saulos apo tes ges, aneogmenon de ton ophthalmon autou ouden eblepen; cheiragogountes de auton eisegagon eis Damaskon. kai en hemeras treis me blepon, kai ouk ephagen oude epien. En de tis mathetes en Damasko onomati Hananias, kai eipen pros auton en horamati ho kyrios; Hanania. ho de eipen; Idou ego, kyrie. ho de kyrios pros auton; Anastas poreutheti epi ten rhymen ten kaloumenen Eutheian kai zeteson en oikia Iouda Saulon onomati Tarsea, idou gar proseuchetai, kai eiden andra en horamati Hananian onomati eiselthonta kai epithenta auto cheiras hopos anablepse. apekrithe de Hananias; Kyrie, ekousa apo pollon peri tou andros toutou, hosa kaka tois hagiois sou epoiesen en Ierousalem; kai hode echei exousian para ton archiereon desai pantas tous epikaloumenous to onoma sou. eipen de pros auton ho kyrios; Poreuou, hoti skeuos ekloges estin moi houtos tou bastasai to onoma mou enopion ethnon te kai basileon yhion te Israel, ego gar hypodeixo auto hosa dei auton hyper tou onomatos mou pathein. apelthen de Hananias kai eiselthen eis ten oikian, kai epitheis ep’ auton tas cheiras eipen; Saoul adelphe, ho kyrios apestalken me, Iesous ho ophtheis soi en te hodo he erchou, hopos anablepses kai plesthes pneumatos hagiou. kai eutheos apepesan autou apo ton ophthalmon hos lepides, aneblepsen te kai anastas ebaptisthe, kai labon trophen enischysen. Egeneto de meta ton en Damasko matheton hemeras tinas, kai eutheos en tais synagogais ekeryssen ton Iesoun hoti houtos estin ho yhios tou theou. existanto de pantes ohi akouontes kai elegon; Ouch houtos estin ho porthesas en Ierousalem tous epikaloumenous to onoma touto, kai hode eis touto elelythei hina dedemenous autous agage epi tous archiereis? Saulos de mallon enedynamouto kai synechynnen tous Ioudaious tous katoikountas en Damasko, symbibazon hoti houtos estin ho christos. Hos de eplerounto hemerai hikanai, synebouleusanto ohi Ioudaioi anelein auton; egnosthe de to Saulo he epiboule auton. pareterounto de kai tas pylas hemeras te kai nyktos hopos auton anelosin; labontes de ohi mathetai autou nyktos dia tou teichous kathekan auton chalasantes en spyridi. Paragenomenos de eis Ierousalem epeirazen kollasthai tois mathetais; kai pantes ephobounto auton, me pisteuontes hoti estin mathetes. Barnabas de epilabomenos auton egagen pros tous apostolous, kai diegesato autois pos en te hodo eiden ton kyrion kai hoti elalesen auto kai pos en Damasko eparresiasato en to onomati tou Iesou. kai en met’ auton eisporeuomenos kai ekporeuomenos eis Ierousalem, parresiazomenos en to onomati tou kyriou, elalei te kai synezetei pros tous Hellenistas; ohi de epecheiroun anelein auton. epignontes de ohi adelphoi kategagon auton eis Kaisareian kai exapesteilan auton eis Tarson. He men oun ekklesia kath’ holes tes Ioudaias kai Galilaias kai Samareias eichen eirenen oikodomoumene, kai poreuomene to phobo tou kyriou kai te paraklesei tou hagiou pneumatos eplethyneto. Egeneto de Petron dierchomenon dia panton katelthein kai pros tous hagious tous katoikountas Lydda. heuren de ekei anthropon tina onomati Ainean ex eton okto katakeimenon epi krabattou, hos en paralelymenos. kai eipen auto ho Petros; Ainea, iatai se Iesous Christos; anastethi kai stroson seauto; kai eutheos aneste. kai eidan auton pantes ohi katoikountes Lydda kai ton Sarona, ohitines epestrepsan epi ton kyrion. En Ioppe de tis en mathetria onomati Tabitha, he diermeneuomene legetai Dorkas; haute en pleres ergon agathon kai eleemosynon hon epoiei. egeneto de en tais hemerais ekeinais asthenesasan auten apothanein; lousantes de ethekan auten en hyperoo. engys de ouses Lyddas te Ioppe ohi mathetai akousantes hoti Petros estin en aute apesteilan dyo andras pros auton parakalountes; Me okneses dielthein heos hemon; anastas de Petros synelthen autois; hon paragenomenon anegagon eis to hyperoon, kai parestesan auto pasai ahi cherai klaiousai kai epideiknymenai chitonas kai himatia hosa epoiei met’ auton ousa he Dorkas. ekbalon de exo pantas ho Petros kai theis ta gonata proseuxato, kai epistrepsas pros to soma eipen; Tabitha, anastethi. he de enoixen tous ophthalmous autes, kai idousa ton Petron anekathisen. dous de aute cheira anestesen auten, phonesas de tous hagious kai tas cheras parestesen auten zosan. gnoston de egeneto kath’ holes tes Ioppes, kai episteusan polloi epi ton kyrion. egeneto de hemeras hikanas meinai en Ioppe para tini Simoni byrsei.