Book 5, § 21 — New Testament

Ὡς δὲ ἐγένετο ἀναχθῆναι ἡμᾶς ἀποσπασθέντας ἀπ’ αὐτῶν, εὐθυδρομήσαντες ἤλθομεν εἰς τὴν Κῶ, τῇ δὲ ἑξῆς εἰς τὴν Ῥόδον, κἀκεῖθεν εἰς Πάταρα· καὶ εὑρόντες πλοῖον διαπερῶν εἰς Φοινίκην ἐπιβάντες ἀνήχθημεν. ἀναφάναντες δὲ τὴν Κύπρον καὶ καταλιπόντες αὐτὴν εὐώνυμον ἐπλέομεν εἰς Συρίαν, καὶ κατήλθομεν εἰς Τύρον, ἐκεῖσε γὰρ τὸ πλοῖον ἦν ἀποφορτιζόμενον τὸν γόμον. ἀνευρόντες δὲ τοὺς μαθητὰς ἐπεμείναμεν αὐτοῦ ἡμέρας ἑπτά, οἵτινες τῷ Παύλῳ ἔλεγον διὰ τοῦ πνεύματος μὴ ἐπιβαίνειν εἰς Ἱεροσόλυμα. ὅτε δὲ ἐγένετο ἐξαρτίσαι ἡμᾶς τὰς ἡμέρας, ἐξελθόντες ἐπορευόμεθα προπεμπόντων ἡμᾶς πάντων σὺν γυναιξὶ καὶ τέκνοις ἕως ἔξω τῆς πόλεως, καὶ θέντες τὰ γόνατα ἐπὶ τὸν αἰγιαλὸν προσευξάμενοι ἀπησπασάμεθα ἀλλήλους, καὶ ἐνέβημεν εἰς τὸ πλοῖον, ἐκεῖνοι δὲ ὑπέστρεψαν εἰς τὰ ἴδια. Ἡμεῖς δὲ τὸν πλοῦν διανύσαντες ἀπὸ Τύρου κατηντήσαμεν εἰς Πτολεμαΐδα, καὶ ἀσπασάμενοι τοὺς ἀδελφοὺς ἐμείναμεν ἡμέραν μίαν παρ’ αὐτοῖς. τῇ δὲ ἐπαύριον ἐξελθόντες ἤλθομεν εἰς Καισάρειαν, καὶ εἰσελθόντες εἰς τὸν οἶκον Φιλίππου τοῦ εὐαγγελιστοῦ ὄντος ἐκ τῶν ἑπτὰ ἐμείναμεν παρ’ αὐτῷ. τούτῳ δὲ ἦσαν θυγατέρες τέσσαρες παρθένοι προφητεύουσαι. ἐπιμενόντων δὲ ἡμέρας πλείους κατῆλθέν τις ἀπὸ τῆς Ἰουδαίας προφήτης ὀνόματι Ἅγαβος, καὶ ἐλθὼν πρὸς ἡμᾶς καὶ ἄρας τὴν ζώνην τοῦ Παύλου δήσας ἑαυτοῦ τοὺς πόδας καὶ τὰς χεῖρας εἶπεν· Τάδε λέγει τὸ πνεῦμα τὸ ἅγιον Τὸν ἄνδρα οὗ ἐστιν ἡ ζώνη αὕτη, οὕτως δήσουσιν ἐν Ἰερουσαλὴμ οἱ Ἰουδαῖοι καὶ παραδώσουσιν εἰς χεῖρας ἐθνῶν. ὡς δὲ ἠκούσαμεν ταῦτα, παρεκαλοῦμεν ἡμεῖς τε καὶ οἱ ἐντόπιοι τοῦ μὴ ἀναβαίνειν αὐτὸν εἰς Ἰερουσαλήμ. τότε ἀπεκρίθη ὁ Παῦλος· Τί ποιεῖτε κλαίοντες καὶ συνθρύπτοντές μου τὴν καρδίαν; ἐγὼ γὰρ οὐ μόνον δεθῆναι ἀλλὰ καὶ ἀποθανεῖν εἰς Ἰερουσαλὴμ ἑτοίμως ἔχω ὑπὲρ τοῦ ὀνόματος τοῦ κυρίου Ἰησοῦ. μὴ πειθομένου δὲ αὐτοῦ ἡσυχάσαμεν εἰπόντες· Τοῦ κυρίου τὸ θέλημα γινέσθω. Μετὰ δὲ τὰς ἡμέρας ταύτας ἐπισκευασάμενοι ἀνεβαίνομεν εἰς Ἱεροσόλυμα· συνῆλθον δὲ καὶ τῶν μαθητῶν ἀπὸ Καισαρείας σὺν ἡμῖν, ἄγοντες παρ’ ᾧ ξενισθῶμεν Μνάσωνί τινι Κυπρίῳ, ἀρχαίῳ μαθητῇ. Γενομένων δὲ ἡμῶν εἰς Ἱεροσόλυμα ἀσμένως ἀπεδέξαντο ἡμᾶς οἱ ἀδελφοί. τῇ δὲ ἐπιούσῃ εἰσῄει ὁ Παῦλος σὺν ἡμῖν πρὸς Ἰάκωβον, πάντες τε παρεγένοντο οἱ πρεσβύτεροι. καὶ ἀσπασάμενος αὐτοὺς ἐξηγεῖτο καθ’ ἓν ἕκαστον ὧν ἐποίησεν ὁ θεὸς ἐν τοῖς ἔθνεσιν διὰ τῆς διακονίας αὐτοῦ. οἱ δὲ ἀκούσαντες ἐδόξαζον τὸν θεόν, εἶπόν τε αὐτῷ· Θεωρεῖς, ἀδελφέ, πόσαι μυριάδες εἰσὶν ἐν τοῖς Ἰουδαίοις τῶν πεπιστευκότων, καὶ πάντες ζηλωταὶ τοῦ νόμου ὑπάρχουσιν· κατηχήθησαν δὲ περὶ σοῦ ὅτι ἀποστασίαν διδάσκεις ἀπὸ Μωϋσέως τοὺς κατὰ τὰ ἔθνη πάντας Ἰουδαίους, λέγων μὴ περιτέμνειν αὐτοὺς τὰ τέκνα μηδὲ τοῖς ἔθεσιν περιπατεῖν. τί οὖν ἐστιν; πάντως ἀκούσονται ὅτι ἐλήλυθας. τοῦτο οὖν ποίησον ὅ σοι λέγομεν· εἰσὶν ἡμῖν ἄνδρες τέσσαρες εὐχὴν ἔχοντες ἀφ’ ἑαυτῶν. τούτους παραλαβὼν ἁγνίσθητι σὺν αὐτοῖς καὶ δαπάνησον ἐπ’ αὐτοῖς ἵνα ξυρήσονται τὴν κεφαλήν, καὶ γνώσονται πάντες ὅτι ὧν κατήχηνται περὶ σοῦ οὐδέν ἐστιν, ἀλλὰ στοιχεῖς καὶ αὐτὸς φυλάσσων τὸν νόμον. περὶ δὲ τῶν πεπιστευκότων ἐθνῶν ἡμεῖς ἀπεστείλαμεν κρίναντες φυλάσσεσθαι αὐτοὺς τό τε εἰδωλόθυτον καὶ αἷμα καὶ πνικτὸν καὶ πορνείαν. τότε ὁ Παῦλος παραλαβὼν τοὺς ἄνδρας τῇ ἐχομένῃ ἡμέρᾳ σὺν αὐτοῖς ἁγνισθεὶς εἰσῄει εἰς τὸ ἱερόν, διαγγέλλων τὴν ἐκπλήρωσιν τῶν ἡμερῶν τοῦ ἁγνισμοῦ ἕως οὗ προσηνέχθη ὑπὲρ ἑνὸς ἑκάστου αὐτῶν ἡ προσφορά. Ὡς δὲ ἔμελλον αἱ ἑπτὰ ἡμέραι συντελεῖσθαι, οἱ ἀπὸ τῆς Ἀσίας Ἰουδαῖοι θεασάμενοι αὐτὸν ἐν τῷ ἱερῷ συνέχεον πάντα τὸν ὄχλον καὶ ἐπέβαλον ἐπ’ αὐτὸν τὰς χεῖρας, κράζοντες· Ἄνδρες Ἰσραηλῖται, βοηθεῖτε· οὗτός ἐστιν ὁ ἄνθρωπος ὁ κατὰ τοῦ λαοῦ καὶ τοῦ νόμου καὶ τοῦ τόπου τούτου πάντας πανταχῇ διδάσκων, ἔτι τε καὶ Ἕλληνας εἰσήγαγεν εἰς τὸ ἱερὸν καὶ κεκοίνωκεν τὸν ἅγιον τόπον τοῦτον. ἦσαν γὰρ προεωρακότες Τρόφιμον τὸν Ἐφέσιον ἐν τῇ πόλει σὺν αὐτῷ, ὃν ἐνόμιζον ὅτι εἰς τὸ ἱερὸν εἰσήγαγεν ὁ Παῦλος. ἐκινήθη τε ἡ πόλις ὅλη καὶ ἐγένετο συνδρομὴ τοῦ λαοῦ, καὶ ἐπιλαβόμενοι τοῦ Παύλου εἷλκον αὐτὸν ἔξω τοῦ ἱεροῦ, καὶ εὐθέως ἐκλείσθησαν αἱ θύραι. ζητούντων τε αὐτὸν ἀποκτεῖναι ἀνέβη φάσις τῷ χιλιάρχῳ τῆς σπείρης ὅτι ὅλη συγχύννεται Ἰερουσαλήμ, ὃς ἐξαυτῆς παραλαβὼν στρατιώτας καὶ ἑκατοντάρχας κατέδραμεν ἐπ’ αὐτούς, οἱ δὲ ἰδόντες τὸν χιλίαρχον καὶ τοὺς στρατιώτας ἐπαύσαντο τύπτοντες τὸν Παῦλον. τότε ἐγγίσας ὁ χιλίαρχος ἐπελάβετο αὐτοῦ καὶ ἐκέλευσε δεθῆναι ἁλύσεσι δυσί, καὶ ἐπυνθάνετο τίς εἴη καὶ τί ἐστιν πεποιηκώς. ἄλλοι δὲ ἄλλο τι ἐπεφώνουν ἐν τῷ ὄχλῳ· μὴ δυναμένου δὲ αὐτοῦ γνῶναι τὸ ἀσφαλὲς διὰ τὸν θόρυβον ἐκέλευσεν ἄγεσθαι αὐτὸν εἰς τὴν παρεμβολήν. ὅτε δὲ ἐγένετο ἐπὶ τοὺς ἀναβαθμούς, συνέβη βαστάζεσθαι αὐτὸν ὑπὸ τῶν στρατιωτῶν διὰ τὴν βίαν τοῦ ὄχλου, ἠκολούθει γὰρ τὸ πλῆθος τοῦ λαοῦ κράζοντες· Αἶρε αὐτόν. Μέλλων τε εἰσάγεσθαι εἰς τὴν παρεμβολὴν ὁ Παῦλος λέγει τῷ χιλιάρχῳ· Εἰ ἔξεστίν μοι εἰπεῖν τι πρὸς σέ; ὁ δὲ ἔφη· Ἑλληνιστὶ γινώσκεις; οὐκ ἄρα σὺ εἶ ὁ Αἰγύπτιος ὁ πρὸ τούτων τῶν ἡμερῶν ἀναστατώσας καὶ ἐξαγαγὼν εἰς τὴν ἔρημον τοὺς τετρακισχιλίους ἄνδρας τῶν σικαρίων; εἶπεν δὲ ὁ Παῦλος· Ἐγὼ ἄνθρωπος μέν εἰμι Ἰουδαῖος, Ταρσεὺς τῆς Κιλικίας, οὐκ ἀσήμου πόλεως πολίτης· δέομαι δέ σου, ἐπίτρεψόν μοι λαλῆσαι πρὸς τὸν λαόν. ἐπιτρέψαντος δὲ αὐτοῦ ὁ Παῦλος ἑστὼς ἐπὶ τῶν ἀναβαθμῶν κατέσεισε τῇ χειρὶ τῷ λαῷ, πολλῆς δὲ σιγῆς γενομένης προσεφώνησεν τῇ Ἑβραΐδι διαλέκτῳ λέγων

Hos de egeneto anachthenai hemas apospasthentas ap’ auton, euthydromesantes elthomen eis ten Ko, te de hexes eis ten Rhodon, kakeithen eis Patara; kai heurontes ploion diaperon eis Phoiniken epibantes anechthemen. anaphanantes de ten Kypron kai katalipontes auten euonymon epleomen eis Syrian, kai katelthomen eis Tyron, ekeise gar to ploion en apophortizomenon ton gomon. aneurontes de tous mathetas epemeinamen autou hemeras hepta, ohitines to Paulo elegon dia tou pneumatos me epibainein eis Hierosolyma. hote de egeneto exartisai hemas tas hemeras, exelthontes eporeuometha propemponton hemas panton syn gynaixi kai teknois heos exo tes poleos, kai thentes ta gonata epi ton aigialon proseuxamenoi apespasametha allelous, kai enebemen eis to ploion, ekeinoi de hypestrepsan eis ta idia. Hemeis de ton ploun dianysantes apo Tyrou katentesamen eis Ptolemaida, kai aspasamenoi tous adelphous emeinamen hemeran mian par’ autois. te de epaurion exelthontes elthomen eis Kaisareian, kai eiselthontes eis ton oikon Philippou tou euangelistou ontos ek ton hepta emeinamen par’ auto. touto de esan thygateres tessares parthenoi propheteuousai. epimenonton de hemeras pleious katelthen tis apo tes Ioudaias prophetes onomati Hagabos, kai elthon pros hemas kai aras ten zonen tou Paulou desas heautou tous podas kai tas cheiras eipen; Tade legei to pneuma to hagion Ton andra hou estin he zone haute, houtos desousin en Ierousalem ohi Ioudaioi kai paradosousin eis cheiras ethnon. hos de ekousamen tauta, parekaloumen hemeis te kai ohi entopioi tou me anabainein auton eis Ierousalem. tote apekrithe ho Paulos; Ti poieite klaiontes kai synthryptontes mou ten kardian? ego gar ou monon dethenai alla kai apothanein eis Ierousalem hetoimos echo hyper tou onomatos tou kyriou Iesou. me peithomenou de autou hesychasamen eipontes; Tou kyriou to thelema ginestho. Meta de tas hemeras tautas episkeuasamenoi anebainomen eis Hierosolyma; synelthon de kai ton matheton apo Kaisareias syn hemin, agontes par’ ho xenisthomen Mnasoni tini Kyprio, archaio mathete. Genomenon de hemon eis Hierosolyma asmenos apedexanto hemas ohi adelphoi. te de epiouse eiseei ho Paulos syn hemin pros Iakobon, pantes te paregenonto ohi presbyteroi. kai aspasamenos autous exegeito kath’ hen hekaston hon epoiesen ho theos en tois ethnesin dia tes diakonias autou. ohi de akousantes edoxazon ton theon, eipon te auto; Theoreis, adelphe, posai myriades eisin en tois Ioudaiois ton pepisteukoton, kai pantes zelotai tou nomou hyparchousin; katechethesan de peri sou hoti apostasian didaskeis apo Moyseos tous kata ta ethne pantas Ioudaious, legon me peritemnein autous ta tekna mede tois ethesin peripatein. ti oun estin? pantos akousontai hoti elelythas. touto oun poieson ho soi legomen; eisin hemin andres tessares euchen echontes aph’ heauton. toutous paralabon hagnistheti syn autois kai dapaneson ep’ autois hina xyresontai ten kephalen, kai gnosontai pantes hoti hon katechentai peri sou ouden estin, alla stoicheis kai autos phylasson ton nomon. peri de ton pepisteukoton ethnon hemeis apesteilamen krinantes phylassesthai autous to te eidolothyton kai ahima kai pnikton kai porneian. tote ho Paulos paralabon tous andras te echomene hemera syn autois hagnistheis eiseei eis to hieron, diangellon ten ekplerosin ton hemeron tou hagnismou heos hou prosenechthe hyper henos hekastou auton he prosphora. Hos de emellon ahi hepta hemerai synteleisthai, ohi apo tes Asias Ioudaioi theasamenoi auton en to hiero synecheon panta ton ochlon kai epebalon ep’ auton tas cheiras, krazontes; Andres Israelitai, boetheite; houtos estin ho anthropos ho kata tou laou kai tou nomou kai tou topou toutou pantas pantache didaskon, eti te kai Hellenas eisegagen eis to hieron kai kekoinoken ton hagion topon touton. esan gar proeorakotes Trophimon ton Ephesion en te polei syn auto, hon enomizon hoti eis to hieron eisegagen ho Paulos. ekinethe te he polis hole kai egeneto syndrome tou laou, kai epilabomenoi tou Paulou ehilkon auton exo tou hierou, kai eutheos ekleisthesan ahi thyrai. zetounton te auton apokteinai anebe phasis to chiliarcho tes speires hoti hole synchynnetai Ierousalem, hos exautes paralabon stratiotas kai hekatontarchas katedramen ep’ autous, ohi de idontes ton chiliarchon kai tous stratiotas epausanto typtontes ton Paulon. tote engisas ho chiliarchos epelabeto autou kai ekeleuse dethenai halysesi dysi, kai epynthaneto tis eie kai ti estin pepoiekos. alloi de allo ti epephonoun en to ochlo; me dynamenou de autou gnonai to asphales dia ton thorybon ekeleusen agesthai auton eis ten parembolen. hote de egeneto epi tous anabathmous, synebe bastazesthai auton hypo ton stratioton dia ten bian tou ochlou, ekolouthei gar to plethos tou laou krazontes; Aire auton. Mellon te eisagesthai eis ten parembolen ho Paulos legei to chiliarcho; Ei exestin moi eipein ti pros se? ho de ephe; Hellenisti ginoskeis? ouk ara sy ei ho Aigyptios ho pro touton ton hemeron anastatosas kai exagagon eis ten eremon tous tetrakischilious andras ton sikarion? eipen de ho Paulos; Ego anthropos men eimi Ioudaios, Tarseus tes Kilikias, ouk asemou poleos polites; deomai de sou, epitrepson moi lalesai pros ton laon. epitrepsantos de autou ho Paulos hestos epi ton anabathmon kateseise te cheiri to lao, polles de siges genomenes prosephonesen te Hebraidi dialekto legon