Ἤκουσαν δὲ οἱ ἀπόστολοι καὶ οἱ ἀδελφοὶ οἱ ὄντες κατὰ τὴν Ἰουδαίαν ὅτι καὶ τὰ ἔθνη ἐδέξαντο τὸν λόγον τοῦ θεοῦ. ὅτε δὲ ἀνέβη Πέτρος εἰς Ἰερουσαλήμ, διεκρίνοντο πρὸς αὐτὸν οἱ ἐκ περιτομῆς λέγοντες ὅτι Εἰσῆλθες πρὸς ἄνδρας ἀκροβυστίαν ἔχοντας καὶ συνέφαγες αὐτοῖς. ἀρξάμενος δὲ Πέτρος ἐξετίθετο αὐτοῖς καθεξῆς λέγων· Ἐγὼ ἤμην ἐν πόλει Ἰόππῃ προσευχόμενος καὶ εἶδον ἐν ἐκστάσει ὅραμα, καταβαῖνον σκεῦός τι ὡς ὀθόνην μεγάλην τέσσαρσιν ἀρχαῖς καθιεμένην ἐκ τοῦ οὐρανοῦ, καὶ ἦλθεν ἄχρι ἐμοῦ· εἰς ἣν ἀτενίσας κατενόουν καὶ εἶδον τὰ τετράποδα τῆς γῆς καὶ τὰ θηρία καὶ τὰ ἑρπετὰ καὶ τὰ πετεινὰ τοῦ οὐρανοῦ· ἤκουσα δὲ καὶ φωνῆς λεγούσης μοι· Ἀναστάς, Πέτρε, θῦσον καὶ φάγε. εἶπον δέ· Μηδαμῶς, κύριε, ὅτι κοινὸν ἢ ἀκάθαρτον οὐδέποτε εἰσῆλθεν εἰς τὸ στόμα μου. ἀπεκρίθη δὲ φωνὴ ἐκ δευτέρου ἐκ τοῦ οὐρανοῦ· Ἃ ὁ θεὸς ἐκαθάρισεν σὺ μὴ κοίνου. τοῦτο δὲ ἐγένετο ἐπὶ τρίς, καὶ ἀνεσπάσθη πάλιν ἅπαντα εἰς τὸν οὐρανόν. καὶ ἰδοὺ ἐξαυτῆς τρεῖς ἄνδρες ἐπέστησαν ἐπὶ τὴν οἰκίαν ἐν ᾗ ἦμεν, ἀπεσταλμένοι ἀπὸ Καισαρείας πρός με. εἶπεν δὲ τὸ πνεῦμά μοι συνελθεῖν αὐτοῖς μηδὲν διακρίναντα. ἦλθον δὲ σὺν ἐμοὶ καὶ οἱ ἓξ ἀδελφοὶ οὗτοι, καὶ εἰσήλθομεν εἰς τὸν οἶκον τοῦ ἀνδρός. ἀπήγγειλεν δὲ ἡμῖν πῶς εἶδεν τὸν ἄγγελον ἐν τῷ οἴκῳ αὐτοῦ σταθέντα καὶ εἰπόντα· Ἀπόστειλον εἰς Ἰόππην καὶ μετάπεμψαι Σίμωνα τὸν ἐπικαλούμενον Πέτρον, ὃς λαλήσει ῥήματα πρὸς σὲ ἐν οἷς σωθήσῃ σὺ καὶ πᾶς ὁ οἶκός σου. ἐν δὲ τῷ ἄρξασθαί με λαλεῖν ἐπέπεσεν τὸ πνεῦμα τὸ ἅγιον ἐπ’ αὐτοὺς ὥσπερ καὶ ἐφ’ ἡμᾶς ἐν ἀρχῇ. ἐμνήσθην δὲ τοῦ ῥήματος τοῦ κυρίου ὡς ἔλεγεν· Ἰωάννης μὲν ἐβάπτισεν ὕδατι, ὑμεῖς δὲ βαπτισθήσεσθε ἐν πνεύματι ἁγίῳ. εἰ οὖν τὴν ἴσην δωρεὰν ἔδωκεν αὐτοῖς ὁ θεὸς ὡς καὶ ἡμῖν πιστεύσασιν ἐπὶ τὸν κύριον Ἰησοῦν Χριστόν, ἐγὼ τίς ἤμην δυνατὸς κωλῦσαι τὸν θεόν; ἀκούσαντες δὲ ταῦτα ἡσύχασαν καὶ ἐδόξασαν τὸν θεὸν λέγοντες· Ἄρα καὶ τοῖς ἔθνεσιν ὁ θεὸς τὴν μετάνοιαν εἰς ζωὴν ἔδωκεν.
Ekousan de ohi apostoloi kai ohi adelphoi ohi ontes kata ten Ioudaian hoti kai ta ethne edexanto ton logon tou theou. hote de anebe Petros eis Ierousalem, diekrinonto pros auton ohi ek peritomes legontes hoti Eiselthes pros andras akrobystian echontas kai synephages autois. arxamenos de Petros exetitheto autois kathexes legon; Ego emen en polei Ioppe proseuchomenos kai eidon en ekstasei horama, katabainon skeuos ti hos othonen megalen tessarsin archais kathiemenen ek tou ouranou, kai elthen achri emou; eis hen atenisas katenooun kai eidon ta tetrapoda tes ges kai ta theria kai ta herpeta kai ta peteina tou ouranou; ekousa de kai phones legouses moi; Anastas, Petre, thyson kai phage. eipon de; Medamos, kyrie, hoti koinon e akatharton oudepote eiselthen eis to stoma mou. apekrithe de phone ek deuterou ek tou ouranou; Ha ho theos ekatharisen sy me koinou. touto de egeneto epi tris, kai anespasthe palin hapanta eis ton ouranon. kai idou exautes treis andres epestesan epi ten oikian en he emen, apestalmenoi apo Kaisareias pros me. eipen de to pneuma moi synelthein autois meden diakrinanta. elthon de syn emoi kai ohi hex adelphoi houtoi, kai eiselthomen eis ton oikon tou andros. apengeilen de hemin pos eiden ton angelon en to oiko autou stathenta kai eiponta; Aposteilon eis Ioppen kai metapempsai Simona ton epikaloumenon Petron, hos lalesei rhemata pros se en ohis sothese sy kai pas ho oikos sou. en de to arxasthai me lalein epepesen to pneuma to hagion ep’ autous hosper kai eph’ hemas en arche. emnesthen de tou rhematos tou kyriou hos elegen; Ioannes men ebaptisen hydati, hymeis de baptisthesesthe en pneumati hagio. ei oun ten isen dorean edoken autois ho theos hos kai hemin pisteusasin epi ton kyrion Iesoun Christon, ego tis emen dynatos kolysai ton theon? akousantes de tauta hesychasan kai edoxasan ton theon legontes; Ara kai tois ethnesin ho theos ten metanoian eis zoen edoken.
Οἱ μὲν οὖν διασπαρέντες ἀπὸ τῆς θλίψεως τῆς γενομένης ἐπὶ Στεφάνῳ διῆλθον ἕως Φοινίκης καὶ Κύπρου καὶ Ἀντιοχείας μηδενὶ λαλοῦντες τὸν λόγον εἰ μὴ μόνον Ἰουδαίοις. ἦσαν δέ τινες ἐξ αὐτῶν ἄνδρες Κύπριοι καὶ Κυρηναῖοι, οἵτινες ἐλθόντες εἰς Ἀντιόχειαν ἐλάλουν καὶ πρὸς τοὺς Ἑλληνιστάς, εὐαγγελιζόμενοι τὸν κύριον Ἰησοῦν. καὶ ἦν χεὶρ κυρίου μετ’ αὐτῶν, πολύς τε ἀριθμὸς ὁ πιστεύσας ἐπέστρεψεν ἐπὶ τὸν κύριον. ἠκούσθη δὲ ὁ λόγος εἰς τὰ ὦτα τῆς ἐκκλησίας τῆς οὔσης ἐν Ἰερουσαλὴμ περὶ αὐτῶν, καὶ ἐξαπέστειλαν Βαρναβᾶν ἕως Ἀντιοχείας· ὃς παραγενόμενος καὶ ἰδὼν τὴν χάριν τὴν τοῦ θεοῦ, ἐχάρη καὶ παρεκάλει πάντας τῇ προθέσει τῆς καρδίας προσμένειν τῷ κυρίῳ, ὅτι ἦν ἀνὴρ ἀγαθὸς καὶ πλήρης πνεύματος ἁγίου καὶ πίστεως. καὶ προσετέθη ὄχλος ἱκανὸς τῷ κυρίῳ. ἐξῆλθεν δὲ εἰς Ταρσὸν ἀναζητῆσαι Σαῦλον, καὶ εὑρὼν ἤγαγεν εἰς Ἀντιόχειαν. ἐγένετο δὲ αὐτοῖς καὶ ἐνιαυτὸν ὅλον συναχθῆναι ἐν τῇ ἐκκλησίᾳ καὶ διδάξαι ὄχλον ἱκανόν, χρηματίσαι τε πρώτως ἐν Ἀντιοχείᾳ τοὺς μαθητὰς Χριστιανούς.
Ohi men oun diasparentes apo tes thlipseos tes genomenes epi Stephano dielthon heos Phoinikes kai Kyprou kai Antiocheias medeni lalountes ton logon ei me monon Ioudaiois. esan de tines ex auton andres Kyprioi kai Kyrenaioi, ohitines elthontes eis Antiocheian elaloun kai pros tous Hellenistas, euangelizomenoi ton kyrion Iesoun. kai en cheir kyriou met’ auton, polys te arithmos ho pisteusas epestrepsen epi ton kyrion. ekousthe de ho logos eis ta ota tes ekklesias tes ouses en Ierousalem peri auton, kai exapesteilan Barnaban heos Antiocheias; hos paragenomenos kai idon ten charin ten tou theou, echare kai parekalei pantas te prothesei tes kardias prosmenein to kyrio, hoti en aner agathos kai pleres pneumatos hagiou kai pisteos. kai prosetethe ochlos hikanos to kyrio. exelthen de eis Tarson anazetesai Saulon, kai heuron egagen eis Antiocheian. egeneto de autois kai eniauton holon synachthenai en te ekklesia kai didaxai ochlon hikanon, chrematisai te protos en Antiocheia tous mathetas Christianous.
Ἐν ταύταις δὲ ταῖς ἡμέραις κατῆλθον ἀπὸ Ἱεροσολύμων προφῆται εἰς Ἀντιόχειαν· ἀναστὰς δὲ εἷς ἐξ αὐτῶν ὀνόματι Ἅγαβος ἐσήμανεν διὰ τοῦ πνεύματος λιμὸν μεγάλην μέλλειν ἔσεσθαι ἐφ’ ὅλην τὴν οἰκουμένην· ἥτις ἐγένετο ἐπὶ Κλαυδίου. τῶν δὲ μαθητῶν καθὼς εὐπορεῖτό τις ὥρισαν ἕκαστος αὐτῶν εἰς διακονίαν πέμψαι τοῖς κατοικοῦσιν ἐν τῇ Ἰουδαίᾳ ἀδελφοῖς· ὃ καὶ ἐποίησαν ἀποστείλαντες πρὸς τοὺς πρεσβυτέρους διὰ χειρὸς Βαρναβᾶ καὶ Σαύλου.
En tautais de tais hemerais katelthon apo Hierosolymon prophetai eis Antiocheian; anastas de ehis ex auton onomati Hagabos esemanen dia tou pneumatos limon megalen mellein esesthai eph’ holen ten oikoumenen; hetis egeneto epi Klaudiou. ton de matheton kathos euporeito tis horisan hekastos auton eis diakonian pempsai tois katoikousin en te Ioudaia adelphois; ho kai epoiesan aposteilantes pros tous presbyterous dia cheiros Barnaba kai Saulou.