Book 2, § 15 — New Testament

Καὶ εὐθὺς πρωῒ συμβούλιον ποιήσαντες οἱ ἀρχιερεῖς μετὰ τῶν πρεσβυτέρων καὶ γραμματέων καὶ ὅλον τὸ συνέδριον δήσαντες τὸν Ἰησοῦν ἀπήνεγκαν καὶ παρέδωκαν Πιλάτῳ. καὶ ἐπηρώτησεν αὐτὸν ὁ Πιλᾶτος· Σὺ εἶ ὁ βασιλεὺς τῶν Ἰουδαίων; ὁ δὲ ἀποκριθεὶς αὐτῷ λέγει· Σὺ λέγεις. καὶ κατηγόρουν αὐτοῦ οἱ ἀρχιερεῖς πολλά. ὁ δὲ Πιλᾶτος πάλιν ἐπηρώτα αὐτὸν λέγων· Οὐκ ἀποκρίνῃ οὐδέν; ἴδε πόσα σου κατηγοροῦσιν. ὁ δὲ Ἰησοῦς οὐκέτι οὐδὲν ἀπεκρίθη, ὥστε θαυμάζειν τὸν Πιλᾶτον. Κατὰ δὲ ἑορτὴν ἀπέλυεν αὐτοῖς ἕνα δέσμιον ὃν παρῃτοῦντο. ἦν δὲ ὁ λεγόμενος Βαραββᾶς μετὰ τῶν στασιαστῶν δεδεμένος οἵτινες ἐν τῇ στάσει φόνον πεποιήκεισαν. καὶ ἀναβὰς ὁ ὄχλος ἤρξατο αἰτεῖσθαι καθὼς ἐποίει αὐτοῖς. ὁ δὲ Πιλᾶτος ἀπεκρίθη αὐτοῖς λέγων· Θέλετε ἀπολύσω ὑμῖν τὸν βασιλέα τῶν Ἰουδαίων; ἐγίνωσκεν γὰρ ὅτι διὰ φθόνον παραδεδώκεισαν αὐτὸν οἱ ἀρχιερεῖς. οἱ δὲ ἀρχιερεῖς ἀνέσεισαν τὸν ὄχλον ἵνα μᾶλλον τὸν Βαραββᾶν ἀπολύσῃ αὐτοῖς. ὁ δὲ Πιλᾶτος πάλιν ἀποκριθεὶς ἔλεγεν αὐτοῖς· Τί οὖν θέλετε ποιήσω ὃν λέγετε τὸν βασιλέα τῶν Ἰουδαίων; οἱ δὲ πάλιν ἔκραξαν· Σταύρωσον αὐτόν. ὁ δὲ Πιλᾶτος ἔλεγεν αὐτοῖς· Τί γὰρ ἐποίησεν κακόν; οἱ δὲ περισσῶς ἔκραξαν· Σταύρωσον αὐτόν. ὁ δὲ Πιλᾶτος βουλόμενος τῷ ὄχλῳ τὸ ἱκανὸν ποιῆσαι ἀπέλυσεν αὐτοῖς τὸν Βαραββᾶν, καὶ παρέδωκεν τὸν Ἰησοῦν φραγελλώσας ἵνα σταυρωθῇ. Οἱ δὲ στρατιῶται ἀπήγαγον αὐτὸν ἔσω τῆς αὐλῆς, ὅ ἐστιν πραιτώριον, καὶ συγκαλοῦσιν ὅλην τὴν σπεῖραν. καὶ ἐνδιδύσκουσιν αὐτὸν πορφύραν καὶ περιτιθέασιν αὐτῷ πλέξαντες ἀκάνθινον στέφανον· καὶ ἤρξαντο ἀσπάζεσθαι αὐτόν· Χαῖρε, βασιλεῦ τῶν Ἰουδαίων· καὶ ἔτυπτον αὐτοῦ τὴν κεφαλὴν καλάμῳ καὶ ἐνέπτυον αὐτῷ, καὶ τιθέντες τὰ γόνατα προσεκύνουν αὐτῷ. καὶ ὅτε ἐνέπαιξαν αὐτῷ, ἐξέδυσαν αὐτὸν τὴν πορφύραν καὶ ἐνέδυσαν αὐτὸν τὰ ἱμάτια τὰ ἴδια. καὶ ἐξάγουσιν αὐτὸν ἵνα σταυρώσωσιν αὐτόν. Καὶ ἀγγαρεύουσιν παράγοντά τινα Σίμωνα Κυρηναῖον ἐρχόμενον ἀπ’ ἀγροῦ, τὸν πατέρα Ἀλεξάνδρου καὶ Ῥούφου, ἵνα ἄρῃ τὸν σταυρὸν αὐτοῦ. καὶ φέρουσιν αὐτὸν ἐπὶ τὸν Γολγοθᾶν τόπον, ὅ ἐστιν μεθερμηνευόμενον Κρανίου Τόπος. καὶ ἐδίδουν αὐτῷ ἐσμυρνισμένον οἶνον, ὃς δὲ οὐκ ἔλαβεν. καὶ σταυροῦσιν αὐτὸν καὶ διαμερίζονται τὰ ἱμάτια αὐτοῦ, βάλλοντες κλῆρον ἐπ’ αὐτὰ τίς τί ἄρῃ. Ἦν δὲ ὥρα τρίτη καὶ ἐσταύρωσαν αὐτόν. καὶ ἦν ἡ ἐπιγραφὴ τῆς αἰτίας αὐτοῦ ἐπιγεγραμμένη· Ὁ βασιλεὺς τῶν Ἰουδαίων. καὶ σὺν αὐτῷ σταυροῦσιν δύο λῃστάς, ἕνα ἐκ δεξιῶν καὶ ἕνα ἐξ εὐωνύμων αὐτοῦ. Καὶ οἱ παραπορευόμενοι ἐβλασφήμουν αὐτὸν κινοῦντες τὰς κεφαλὰς αὐτῶν καὶ λέγοντες· Οὐὰ ὁ καταλύων τὸν ναὸν καὶ οἰκοδομῶν ἐν τρισὶν ἡμέραις, σῶσον σεαυτὸν καταβὰς ἀπὸ τοῦ σταυροῦ. ὁμοίως καὶ οἱ ἀρχιερεῖς ἐμπαίζοντες πρὸς ἀλλήλους μετὰ τῶν γραμματέων ἔλεγον· Ἄλλους ἔσωσεν, ἑαυτὸν οὐ δύναται σῶσαι· ὁ χριστὸς ὁ βασιλεὺς Ἰσραὴλ καταβάτω νῦν ἀπὸ τοῦ σταυροῦ, ἵνα ἴδωμεν καὶ πιστεύσωμεν. καὶ οἱ συνεσταυρωμένοι σὺν αὐτῷ ὠνείδιζον αὐτόν. Καὶ γενομένης ὥρας ἕκτης σκότος ἐγένετο ἐφ’ ὅλην τὴν γῆν ἕως ὥρας ἐνάτης. καὶ τῇ ἐνάτῃ ὥρᾳ ἐβόησεν ὁ Ἰησοῦς φωνῇ μεγάλῃ· Ἐλωῒ ἐλωῒ λεμὰ σαβαχθάνι; ὅ ἐστιν μεθερμηνευόμενον Ὁ θεός μου ὁ θεός μου, εἰς τί ἐγκατέλιπές με; καί τινες τῶν παρεστηκότων ἀκούσαντες ἔλεγον· Ἴδε Ἠλίαν φωνεῖ. δραμὼν δέ τις καὶ γεμίσας σπόγγον ὄξους περιθεὶς καλάμῳ ἐπότιζεν αὐτόν, λέγων· Ἄφετε ἴδωμεν εἰ ἔρχεται Ἠλίας καθελεῖν αὐτόν. ὁ δὲ Ἰησοῦς ἀφεὶς φωνὴν μεγάλην ἐξέπνευσεν. καὶ τὸ καταπέτασμα τοῦ ναοῦ ἐσχίσθη εἰς δύο ἀπ’ ἄνωθεν ἕως κάτω. ἰδὼν δὲ ὁ κεντυρίων ὁ παρεστηκὼς ἐξ ἐναντίας αὐτοῦ ὅτι οὕτως ἐξέπνευσεν εἶπεν· Ἀληθῶς οὗτος ὁ ἄνθρωπος υἱὸς θεοῦ ἦν. Ἦσαν δὲ καὶ γυναῖκες ἀπὸ μακρόθεν θεωροῦσαι, ἐν αἷς καὶ Μαρία ἡ Μαγδαληνὴ καὶ Μαρία ἡ Ἰακώβου τοῦ μικροῦ καὶ Ἰωσῆτος μήτηρ καὶ Σαλώμη, αἳ ὅτε ἦν ἐν τῇ Γαλιλαίᾳ ἠκολούθουν αὐτῷ καὶ διηκόνουν αὐτῷ, καὶ ἄλλαι πολλαὶ αἱ συναναβᾶσαι αὐτῷ εἰς Ἱεροσόλυμα. Καὶ ἤδη ὀψίας γενομένης, ἐπεὶ ἦν παρασκευή, ὅ ἐστιν προσάββατον, ἐλθὼν Ἰωσὴφ ὁ ἀπὸ Ἁριμαθαίας εὐσχήμων βουλευτής, ὃς καὶ αὐτὸς ἦν προσδεχόμενος τὴν βασιλείαν τοῦ θεοῦ, τολμήσας εἰσῆλθεν πρὸς τὸν Πιλᾶτον καὶ ᾐτήσατο τὸ σῶμα τοῦ Ἰησοῦ. ὁ δὲ Πιλᾶτος ἐθαύμασεν εἰ ἤδη τέθνηκεν, καὶ προσκαλεσάμενος τὸν κεντυρίωνα ἐπηρώτησεν αὐτὸν εἰ πάλαι ἀπέθανεν· καὶ γνοὺς ἀπὸ τοῦ κεντυρίωνος ἐδωρήσατο τὸ πτῶμα τῷ Ἰωσήφ. καὶ ἀγοράσας σινδόνα καθελὼν αὐτὸν ἐνείλησεν τῇ σινδόνι καὶ ἔθηκεν αὐτὸν ἐν μνημείῳ ὃ ἦν λελατομημένον ἐκ πέτρας, καὶ προσεκύλισεν λίθον ἐπὶ τὴν θύραν τοῦ μνημείου. ἡ δὲ Μαρία ἡ Μαγδαληνὴ καὶ Μαρία ἡ Ἰωσῆτος ἐθεώρουν ποῦ τέθειται.

Kai euthys proi symboulion poiesantes ohi archiereis meta ton presbyteron kai grammateon kai holon to synedrion desantes ton Iesoun apenenkan kai paredokan Pilato. kai eperotesen auton ho Pilatos; Sy ei ho basileus ton Ioudaion? ho de apokritheis auto legei; Sy legeis. kai kategoroun autou ohi archiereis polla. ho de Pilatos palin eperota auton legon; Ouk apokrine ouden? ide posa sou kategorousin. ho de Iesous ouketi ouden apekrithe, hoste thaumazein ton Pilaton. Kata de heorten apelyen autois hena desmion hon paretounto. en de ho legomenos Barabbas meta ton stasiaston dedemenos ohitines en te stasei phonon pepoiekeisan. kai anabas ho ochlos erxato aiteisthai kathos epoiei autois. ho de Pilatos apekrithe autois legon; Thelete apolyso hymin ton basilea ton Ioudaion? eginosken gar hoti dia phthonon paradedokeisan auton ohi archiereis. ohi de archiereis aneseisan ton ochlon hina mallon ton Barabban apolyse autois. ho de Pilatos palin apokritheis elegen autois; Ti oun thelete poieso hon legete ton basilea ton Ioudaion? ohi de palin ekraxan; Stauroson auton. ho de Pilatos elegen autois; Ti gar epoiesen kakon? ohi de perissos ekraxan; Stauroson auton. ho de Pilatos boulomenos to ochlo to hikanon poiesai apelysen autois ton Barabban, kai paredoken ton Iesoun phragellosas hina staurothe. Ohi de stratiotai apegagon auton eso tes aules, ho estin praitorion, kai synkalousin holen ten speiran. kai endidyskousin auton porphyran kai perititheasin auto plexantes akanthinon stephanon; kai erxanto aspazesthai auton; Chaire, basileu ton Ioudaion; kai etypton autou ten kephalen kalamo kai eneptyon auto, kai tithentes ta gonata prosekynoun auto. kai hote enepaixan auto, exedysan auton ten porphyran kai enedysan auton ta himatia ta idia. kai exagousin auton hina staurososin auton. Kai angareuousin paragonta tina Simona Kyrenaion erchomenon ap’ agrou, ton patera Alexandrou kai Rhouphou, hina are ton stauron autou. kai pherousin auton epi ton Golgothan topon, ho estin methermeneuomenon Kraniou Topos. kai edidoun auto esmyrnismenon oinon, hos de ouk elaben. kai staurousin auton kai diamerizontai ta himatia autou, ballontes kleron ep’ auta tis ti are. En de hora trite kai estaurosan auton. kai en he epigraphe tes aitias autou epigegrammene; Ho basileus ton Ioudaion. kai syn auto staurousin dyo lestas, hena ek dexion kai hena ex euonymon autou. Kai ohi paraporeuomenoi eblasphemoun auton kinountes tas kephalas auton kai legontes; Oua ho katalyon ton naon kai oikodomon en trisin hemerais, soson seauton katabas apo tou staurou. homoios kai ohi archiereis empaizontes pros allelous meta ton grammateon elegon; Allous esosen, heauton ou dynatai sosai; ho christos ho basileus Israel katabato nyn apo tou staurou, hina idomen kai pisteusomen. kai ohi synestauromenoi syn auto oneidizon auton. Kai genomenes horas hektes skotos egeneto eph’ holen ten gen heos horas enates. kai te enate hora eboesen ho Iesous phone megale; Eloi eloi lema sabachthani? ho estin methermeneuomenon Ho theos mou ho theos mou, eis ti enkatelipes me? kai tines ton parestekoton akousantes elegon; Ide Elian phonei. dramon de tis kai gemisas spongon oxous peritheis kalamo epotizen auton, legon; Aphete idomen ei erchetai Elias kathelein auton. ho de Iesous apheis phonen megalen exepneusen. kai to katapetasma tou naou eschisthe eis dyo ap’ anothen heos kato. idon de ho kentyrion ho parestekos ex enantias autou hoti houtos exepneusen eipen; Alethos houtos ho anthropos yhios theou en. Esan de kai gynaikes apo makrothen theorousai, en ahis kai Maria he Magdalene kai Maria he Iakobou tou mikrou kai Iosetos meter kai Salome, ahi hote en en te Galilaia ekolouthoun auto kai diekonoun auto, kai allai pollai ahi synanabasai auto eis Hierosolyma. Kai ede opsias genomenes, epei en paraskeue, ho estin prosabbaton, elthon Ioseph ho apo Harimathaias euschemon bouleutes, hos kai autos en prosdechomenos ten basileian tou theou, tolmesas eiselthen pros ton Pilaton kai etesato to soma tou Iesou. ho de Pilatos ethaumasen ei ede tethneken, kai proskalesamenos ton kentyriona eperotesen auton ei palai apethanen; kai gnous apo tou kentyrionos edoresato to ptoma to Ioseph. kai agorasas sindona kathelon auton eneilesen te sindoni kai etheken auton en mnemeio ho en lelatomemenon ek petras, kai prosekylisen lithon epi ten thyran tou mnemeiou. he de Maria he Magdalene kai Maria he Iosetos etheoroun pou tetheitai.