Book 2, § 11 — New Testament

Καὶ ὅτε ἐγγίζουσιν εἰς Ἱεροσόλυμα εἰς Βηθφαγὴ καὶ Βηθανίαν πρὸς τὸ Ὄρος τῶν Ἐλαιῶν, ἀποστέλλει δύο τῶν μαθητῶν αὐτοῦ καὶ λέγει αὐτοῖς· Ὑπάγετε εἰς τὴν κώμην τὴν κατέναντι ὑμῶν, καὶ εὐθὺς εἰσπορευόμενοι εἰς αὐτὴν εὑρήσετε πῶλον δεδεμένον ἐφ’ ὃν οὐδεὶς οὔπω ἀνθρώπων ἐκάθισεν· λύσατε αὐτὸν καὶ φέρετε. καὶ ἐάν τις ὑμῖν εἴπῃ· Τί ποιεῖτε τοῦτο; εἴπατε ὅτι Ὁ κύριος αὐτοῦ χρείαν ἔχει· καὶ εὐθὺς αὐτὸν ἀποστέλλει πάλιν ὧδε. καὶ ἀπῆλθον καὶ εὗρον πῶλον δεδεμένον πρὸς θύραν ἔξω ἐπὶ τοῦ ἀμφόδου, καὶ λύουσιν αὐτόν. καί τινες τῶν ἐκεῖ ἑστηκότων ἔλεγον αὐτοῖς· Τί ποιεῖτε λύοντες τὸν πῶλον; οἱ δὲ εἶπαν αὐτοῖς καθὼς εἶπεν ὁ Ἰησοῦς· καὶ ἀφῆκαν αὐτούς. καὶ φέρουσιν τὸν πῶλον πρὸς τὸν Ἰησοῦν, καὶ ἐπιβάλλουσιν αὐτῷ τὰ ἱμάτια αὐτῶν, καὶ ἐκάθισεν ἐπ’ αὐτόν. καὶ πολλοὶ τὰ ἱμάτια αὐτῶν ἔστρωσαν εἰς τὴν ὁδόν, ἄλλοι δὲ στιβάδας κόψαντες ἐκ τῶν ἀγρῶν. καὶ οἱ προάγοντες καὶ οἱ ἀκολουθοῦντες ἔκραζον· Ὡσαννά· Εὐλογημένος ὁ ἐρχόμενος ἐν ὀνόματι κυρίου· Εὐλογημένη ἡ ἐρχομένη βασιλεία τοῦ πατρὸς ἡμῶν Δαυίδ· Ὡσαννὰ ἐν τοῖς ὑψίστοις. Καὶ εἰσῆλθεν εἰς Ἱεροσόλυμα εἰς τὸ ἱερόν· καὶ περιβλεψάμενος πάντα ὀψὲ ἤδη οὔσης τῆς ὥρας ἐξῆλθεν εἰς Βηθανίαν μετὰ τῶν δώδεκα. Καὶ τῇ ἐπαύριον ἐξελθόντων αὐτῶν ἀπὸ Βηθανίας ἐπείνασεν. καὶ ἰδὼν συκῆν ἀπὸ μακρόθεν ἔχουσαν φύλλα ἦλθεν εἰ ἄρα τι εὑρήσει ἐν αὐτῇ, καὶ ἐλθὼν ἐπ’ αὐτὴν οὐδὲν εὗρεν εἰ μὴ φύλλα, ὁ γὰρ καιρὸς οὐκ ἦν σύκων. καὶ ἀποκριθεὶς εἶπεν αὐτῇ· Μηκέτι εἰς τὸν αἰῶνα ἐκ σοῦ μηδεὶς καρπὸν φάγοι. καὶ ἤκουον οἱ μαθηταὶ αὐτοῦ. Καὶ ἔρχονται εἰς Ἱεροσόλυμα. καὶ εἰσελθὼν εἰς τὸ ἱερὸν ἤρξατο ἐκβάλλειν τοὺς πωλοῦντας καὶ τοὺς ἀγοράζοντας ἐν τῷ ἱερῷ, καὶ τὰς τραπέζας τῶν κολλυβιστῶν καὶ τὰς καθέδρας τῶν πωλούντων τὰς περιστερὰς κατέστρεψεν καὶ οὐκ ἤφιεν ἵνα τις διενέγκῃ σκεῦος διὰ τοῦ ἱεροῦ, καὶ ἐδίδασκεν καὶ ἔλεγεν αὐτοῖς· Οὐ γέγραπται ὅτι Ὁ οἶκός μου οἶκος προσευχῆς κληθήσεται πᾶσιν τοῖς ἔθνεσιν; ὑμεῖς δὲ πεποιήκατε αὐτὸν σπήλαιον λῃστῶν. καὶ ἤκουσαν οἱ ἀρχιερεῖς καὶ οἱ γραμματεῖς, καὶ ἐζήτουν πῶς αὐτὸν ἀπολέσωσιν· ἐφοβοῦντο γὰρ αὐτόν, πᾶς γὰρ ὁ ὄχλος ἐξεπλήσσετο ἐπὶ τῇ διδαχῇ αὐτοῦ. Καὶ ὅταν ὀψὲ ἐγένετο, ἐξεπορεύοντο ἔξω τῆς πόλεως. Καὶ παραπορευόμενοι πρωῒ εἶδον τὴν συκῆν ἐξηραμμένην ἐκ ῥιζῶν. καὶ ἀναμνησθεὶς ὁ Πέτρος λέγει αὐτῷ· Ῥαββί, ἴδε ἡ συκῆ ἣν κατηράσω ἐξήρανται. καὶ ἀποκριθεὶς ὁ Ἰησοῦς λέγει αὐτοῖς· Ἔχετε πίστιν θεοῦ· ἀμὴν λέγω ὑμῖν ὅτι ὃς ἂν εἴπῃ τῷ ὄρει τούτῳ· Ἄρθητι καὶ βλήθητι εἰς τὴν θάλασσαν, καὶ μὴ διακριθῇ ἐν τῇ καρδίᾳ αὐτοῦ ἀλλὰ πιστεύῃ ὅτι ὃ λαλεῖ γίνεται, ἔσται αὐτῷ. διὰ τοῦτο λέγω ὑμῖν, πάντα ὅσα προσεύχεσθε καὶ αἰτεῖσθε, πιστεύετε ὅτι ἐλάβετε, καὶ ἔσται ὑμῖν. καὶ ὅταν στήκετε προσευχόμενοι, ἀφίετε εἴ τι ἔχετε κατά τινος, ἵνα καὶ ὁ πατὴρ ὑμῶν ὁ ἐν τοῖς οὐρανοῖς ἀφῇ ὑμῖν τὰ παραπτώματα ὑμῶν. Καὶ ἔρχονται πάλιν εἰς Ἱεροσόλυμα. καὶ ἐν τῷ ἱερῷ περιπατοῦντος αὐτοῦ ἔρχονται πρὸς αὐτὸν οἱ ἀρχιερεῖς καὶ οἱ γραμματεῖς καὶ οἱ πρεσβύτεροι καὶ ἔλεγον αὐτῷ· Ἐν ποίᾳ ἐξουσίᾳ ταῦτα ποιεῖς; ἢ τίς σοι ἔδωκεν τὴν ἐξουσίαν ταύτην ἵνα ταῦτα ποιῇς; ὁ δὲ Ἰησοῦς εἶπεν αὐτοῖς· Ἐπερωτήσω ὑμᾶς ἕνα λόγον, καὶ ἀποκρίθητέ μοι, καὶ ἐρῶ ὑμῖν ἐν ποίᾳ ἐξουσίᾳ ταῦτα ποιῶ· τὸ βάπτισμα τὸ Ἰωάννου ἐξ οὐρανοῦ ἦν ἢ ἐξ ἀνθρώπων; ἀποκρίθητέ μοι. καὶ διελογίζοντο πρὸς ἑαυτοὺς λέγοντες· Τί εἴπωμεν; ἐὰν εἴπωμεν· Ἐξ οὐρανοῦ, ἐρεῖ· Διὰ τί οὖν οὐκ ἐπιστεύσατε αὐτῷ; ἀλλὰ εἴπωμεν· Ἐξ ἀνθρώπων ἐφοβοῦντο τὸν ὄχλον, ἅπαντες γὰρ εἶχον τὸν Ἰωάννην ὄντως ὅτι προφήτης ἦν. καὶ ἀποκριθέντες τῷ Ἰησοῦ λέγουσιν· Οὐκ οἴδαμεν. καὶ ὁ Ἰησοῦς λέγει αὐτοῖς· Οὐδὲ ἐγὼ λέγω ὑμῖν ἐν ποίᾳ ἐξουσίᾳ ταῦτα ποιῶ.

Kai hote engizousin eis Hierosolyma eis Bethphage kai Bethanian pros to Oros ton Elaion, apostellei dyo ton matheton autou kai legei autois; Hypagete eis ten komen ten katenanti hymon, kai euthys eisporeuomenoi eis auten heuresete polon dedemenon eph’ hon oudeis oupo anthropon ekathisen; lysate auton kai pherete. kai ean tis hymin eipe; Ti poieite touto? eipate hoti Ho kyrios autou chreian echei; kai euthys auton apostellei palin hode. kai apelthon kai heuron polon dedemenon pros thyran exo epi tou amphodou, kai lyousin auton. kai tines ton ekei hestekoton elegon autois; Ti poieite lyontes ton polon? ohi de eipan autois kathos eipen ho Iesous; kai aphekan autous. kai pherousin ton polon pros ton Iesoun, kai epiballousin auto ta himatia auton, kai ekathisen ep’ auton. kai polloi ta himatia auton estrosan eis ten hodon, alloi de stibadas kopsantes ek ton agron. kai ohi proagontes kai ohi akolouthountes ekrazon; Hosanna; Eulogemenos ho erchomenos en onomati kyriou; Eulogemene he erchomene basileia tou patros hemon Dauid; Hosanna en tois hypsistois. Kai eiselthen eis Hierosolyma eis to hieron; kai periblepsamenos panta opse ede ouses tes horas exelthen eis Bethanian meta ton dodeka. Kai te epaurion exelthonton auton apo Bethanias epeinasen. kai idon syken apo makrothen echousan phylla elthen ei ara ti heuresei en aute, kai elthon ep’ auten ouden heuren ei me phylla, ho gar kairos ouk en sykon. kai apokritheis eipen aute; Meketi eis ton aiona ek sou medeis karpon phagoi. kai ekouon ohi mathetai autou. Kai erchontai eis Hierosolyma. kai eiselthon eis to hieron erxato ekballein tous polountas kai tous agorazontas en to hiero, kai tas trapezas ton kollybiston kai tas kathedras ton polounton tas peristeras katestrepsen kai ouk ephien hina tis dienenke skeuos dia tou hierou, kai edidasken kai elegen autois; Ou gegraptai hoti Ho oikos mou oikos proseuches klethesetai pasin tois ethnesin? hymeis de pepoiekate auton spelaion leston. kai ekousan ohi archiereis kai ohi grammateis, kai ezetoun pos auton apolesosin; ephobounto gar auton, pas gar ho ochlos exeplesseto epi te didache autou. Kai hotan opse egeneto, exeporeuonto exo tes poleos. Kai paraporeuomenoi proi eidon ten syken exerammenen ek rhizon. kai anamnestheis ho Petros legei auto; Rhabbi, ide he syke hen kateraso exerantai. kai apokritheis ho Iesous legei autois; Echete pistin theou; amen lego hymin hoti hos an eipe to orei touto; Artheti kai bletheti eis ten thalassan, kai me diakrithe en te kardia autou alla pisteue hoti ho lalei ginetai, estai auto. dia touto lego hymin, panta hosa proseuchesthe kai aiteisthe, pisteuete hoti elabete, kai estai hymin. kai hotan stekete proseuchomenoi, aphiete ei ti echete kata tinos, hina kai ho pater hymon ho en tois ouranois aphe hymin ta paraptomata hymon. Kai erchontai palin eis Hierosolyma. kai en to hiero peripatountos autou erchontai pros auton ohi archiereis kai ohi grammateis kai ohi presbyteroi kai elegon auto; En poia exousia tauta poieis? e tis soi edoken ten exousian tauten hina tauta poies? ho de Iesous eipen autois; Eperoteso hymas hena logon, kai apokrithete moi, kai ero hymin en poia exousia tauta poio; to baptisma to Ioannou ex ouranou en e ex anthropon? apokrithete moi. kai dielogizonto pros heautous legontes; Ti eipomen? ean eipomen; Ex ouranou, erei; Dia ti oun ouk episteusate auto? alla eipomen; Ex anthropon ephobounto ton ochlon, hapantes gar eichon ton Ioannen ontos hoti prophetes en. kai apokrithentes to Iesou legousin; Ouk oidamen. kai ho Iesous legei autois; Oude ego lego hymin en poia exousia tauta poio.