Book 9, § 6 — Lives and Opinions of Eminent Philosophers

Λεύκιππος Ἐλεάτης, ὡς δέ τινες, Ἀβδηρίτης, κατ’ ἐνίους δὲ Μιλήσιος. οὗτος ἤκουσε Ζήνωνος. ἤρεσκε δ’ αὐτῷ ἄπειρα εἶναι τὰ πάντα καὶ εἰς ἄλληλα μεταβάλλειν, τό τε πᾶν εἶναι κενὸν καὶ πλῆρες σωμάτων. τούς τε κόσμους γίνεσθαι σωμάτων εἰς τὸ κενὸν ἐμπιπτόντων καὶ ἀλλήλοις περιπλεκομένων· ἔκ τε τῆς κινήσεως κατὰ τὴν αὔξησιν αὐτῶν γίνεσθαι τὴν τῶν ἀστέρων φύσιν. φέρεσθαι δὲ τὸν ἥλιον ἐν μείζονι κύκλῳ περὶ τὴν σελήνην· τὴν γῆν ὀχεῖσθαι περὶ τὸ μέσον δινουμένην· σχῆμά τ’ αὐτῆς τυμπανῶδες εἶναι. πρῶτός τε ἀτόμους ἀρχὰς ὑπεστήσατο. καὶ κεφαλαιωδῶς μὲν ταῦτα· ἐπὶ μέρους δ’ ὧδε ἔχει.

Leukippos Eleates, hos de tines, Abderites, kat’ enious de Milesios. houtos ekouse Zenonos. ereske d’ auto apeira einai ta panta kai eis allela metaballein, to te pan einai kenon kai pleres somaton. tous te kosmous ginesthai somaton eis to kenon empiptonton kai allelois periplekomenon; ek te tes kineseos kata ten auxesin auton ginesthai ten ton asteron physin. pheresthai de ton helion en meizoni kyklo peri ten selenen; ten gen ocheisthai peri to meson dinoumenen; schema t’ autes tympanodes einai. protos te atomous archas hypestesato. kai kephalaiodos men tauta; epi merous d’ hode echei.

τὸ μὲν πᾶν ἄπειρόν φησιν, ὡς προείρηται· τούτου δὲ τὸ μὲν πλῆρες εἶναι, τὸ δὲ κενόν, ἃ καὶ στοιχεῖά φησι. κόσμους τε ἐκ τούτων ἀπείρους εἶναι καὶ διαλύεσθαι εἰς ταῦτα. γίνεσθαι δὲ τοὺς κόσμους οὕτω· φέρεσθαι κατ’ ἀποτομὴν ἐκ τῆς ἀπείρου πολλὰ σώματα παντοῖα τοῖς σχήμασιν εἰς μέγα κενόν, ἅπερ ἀθροισθέντα δίνην ἀπεργάζεσθαι μίαν, καθ’ ἣν προσκρούοντα ἀλλήλοις καὶ παντοδαπῶς κυκλούμενα διακρίνεσθαι χωρὶς τὰ ὅμοια πρὸς τὰ ὅμοια. ἰσορρόπων δὲ διὰ τὸ πλῆθος μηκέτι δυναμένων περιφέρεσθαι, τὰ μὲν λεπτὰ χωρεῖν εἰς τὸ ἔξω κενόν, ὥσπερ διαττώμενα· τὰ δὲ λοιπὰ συμμένειν καὶ περιπλεκόμενα συγκατατρέχειν ἀλλήλοις καὶ ποιεῖν πρῶτόν τι σύστημα σφαιροειδές.

to men pan apeiron phesin, hos proeiretai; toutou de to men pleres einai, to de kenon, ha kai stoicheia phesi. kosmous te ek touton apeirous einai kai dialyesthai eis tauta. ginesthai de tous kosmous houto; pheresthai kat’ apotomen ek tes apeirou polla somata pantoia tois schemasin eis mega kenon, haper athroisthenta dinen apergazesthai mian, kath’ hen proskrouonta allelois kai pantodapos kykloumena diakrinesthai choris ta homoia pros ta homoia. isorropon de dia to plethos meketi dynamenon peripheresthai, ta men lepta chorein eis to exo kenon, hosper diattomena; ta de loipa symmenein kai periplekomena synkatatrechein allelois kai poiein proton ti systema sphairoeides.

τοῦτο δ’ οἷον ὑμένα ἀφίστασθαι, περιέχοντ’ ἐν ἑαυτῷ παντοῖα σώματα· ὧν κατὰ τὴν τοῦ μέσου ἀντέρεισιν περιδινουμένων λεπτὸν γενέσθαι τὸν πέριξ ὑμένα, συρρεόντων ἀεὶ τῶν συνεχῶν κατ’ ἐπίψαυσιν τῆς δίνης. καὶ οὕτω γενέσθαι τὴν γῆν, συμμενόντων τῶν ἐνεχθέντων ἐπὶ τὸ μέσον. αὐτόν τε πάλιν τὸν περιέχοντα οἷον ὑμένα αὔξεσθαι κατὰ τὴν ἐπέκκρισιν τῶν ἔξωθεν σωμάτων· δίνῃ τε φερόμενον αὐτὸν ὧν ἂν ἐπιψαύσῃ, ταῦτα ἐπικτᾶσθαι. τούτων δέ τινα συμπλεκόμενα ποιεῖν σύστημα, τὸ μὲν πρῶτον κάθυγρον καὶ πηλῶδες, ξηρανθέντα καὶ περιφερόμενα σὺν τῇ τοῦ ὅλου δίνῃ, εἶτ’ ἐκπυρωθέντα τὴν τῶν ἀστέρων ἀποτελέσαι φύσιν.

touto d’ ohion hymena aphistasthai, periechont’ en heauto pantoia somata; hon kata ten tou mesou antereisin peridinoumenon lepton genesthai ton perix hymena, syrreonton aei ton synechon kat’ epipsausin tes dines. kai houto genesthai ten gen, symmenonton ton enechthenton epi to meson. auton te palin ton periechonta ohion hymena auxesthai kata ten epekkrisin ton exothen somaton; dine te pheromenon auton hon an epipsause, tauta epiktasthai. touton de tina symplekomena poiein systema, to men proton kathygron kai pelodes, xeranthenta kai peripheromena syn te tou holou dine, eit’ ekpyrothenta ten ton asteron apotelesai physin.

εἶναι δὲ τὸν τοῦ ἡλίου κύκλον ἐξώτατον, τὸν δὲ τῆς σελήνης προσγειότατον, τῶν ἄλλων μεταξὺ τούτων. καὶ πάντα μὲν τὰ ἄστρα πυροῦσθαι διὰ τὸ τάχος τῆς φορᾶς, τὸν δ’ ἥλιον καὶ ὑπὸ τῶν ἀστέρων ἐκπυροῦσθαι· τὴν δὲ σελήνην τοῦ πυρὸς ὀλίγον μεταλαμβάνειν. ἐκλείπειν δ’ ἥλιον καὶ σελήνην τὴν δὲ λόξωσιν τοῦ Ζῳδιακοῦ γενέσθαι τῷ κεκλίσθαι τὴν γῆν πρὸς μεσημβρίαν· τὰ δὲ πρὸς ἄρκτῳ ἀεί τε νίφεσθαι καὶ κατάψυχρα εἶναι καὶ πήγνυσθαι. καὶ τὸν μὲν ἥλιον ἐκλείπειν σπανίως, τὴν δὲ σελήνην συνεχές, διὰ τὸ ἀνίσους εἶναι τοὺς κύκλους αὐτῶν. εἶναί τε ὥσπερ γενέσεις κόσμου, οὕτω καὶ αὐξήσεις καὶ φθίσεις καὶ φθοράς, κατά τινα ἀνάγκην, ἣν ὁποία ἐστὶν οὐ διασαφεῖ.

einai de ton tou heliou kyklon exotaton, ton de tes selenes prosgeiotaton, ton allon metaxy touton. kai panta men ta astra pyrousthai dia to tachos tes phoras, ton d’ helion kai hypo ton asteron ekpyrousthai; ten de selenen tou pyros oligon metalambanein. ekleipein d’ helion kai selenen ten de loxosin tou Zodiakou genesthai to keklisthai ten gen pros mesembrian; ta de pros arkto aei te niphesthai kai katapsychra einai kai pegnysthai. kai ton men helion ekleipein spanios, ten de selenen syneches, dia to anisous einai tous kyklous auton. einai te hosper geneseis kosmou, houto kai auxeseis kai phthiseis kai phthoras, kata tina ananken, hen hopoia estin ou diasaphei.