Livro 8, § 3 — Novo Testamento

Ἀρχόμεθα πάλιν ἑαυτοὺς συνιστάνειν; ἢ μὴ χρῄζομεν ὥς τινες συστατικῶν ἐπιστολῶν πρὸς ὑμᾶς ἢ ἐξ ὑμῶν; ἡ ἐπιστολὴ ἡμῶν ὑμεῖς ἐστε, ἐγγεγραμμένη ἐν ταῖς καρδίαις ἡμῶν, γινωσκομένη καὶ ἀναγινωσκομένη ὑπὸ πάντων ἀνθρώπων· φανερούμενοι ὅτι ἐστὲ ἐπιστολὴ Χριστοῦ διακονηθεῖσα ὑφ’ ἡμῶν, ἐγγεγραμμένη οὐ μέλανι ἀλλὰ πνεύματι θεοῦ ζῶντος, οὐκ ἐν πλαξὶν λιθίναις ἀλλ’ ἐν πλαξὶν καρδίαις σαρκίναις. Πεποίθησιν δὲ τοιαύτην ἔχομεν διὰ τοῦ Χριστοῦ πρὸς τὸν θεόν. οὐχ ὅτι ἀφ’ ἑαυτῶν ἱκανοί ἐσμεν λογίσασθαί τι ὡς ἐξ αὑτῶν, ἀλλ’ ἡ ἱκανότης ἡμῶν ἐκ τοῦ θεοῦ, ὃς καὶ ἱκάνωσεν ἡμᾶς διακόνους καινῆς διαθήκης, οὐ γράμματος ἀλλὰ πνεύματος, τὸ γὰρ γράμμα ἀποκτέννει, τὸ δὲ πνεῦμα ζῳοποιεῖ. Εἰ δὲ ἡ διακονία τοῦ θανάτου ἐν γράμμασιν ἐντετυπωμένη λίθοις ἐγενήθη ἐν δόξῃ, ὥστε μὴ δύνασθαι ἀτενίσαι τοὺς υἱοὺς Ἰσραὴλ εἰς τὸ πρόσωπον Μωϋσέως διὰ τὴν δόξαν τοῦ προσώπου αὐτοῦ τὴν καταργουμένην, πῶς οὐχὶ μᾶλλον ἡ διακονία τοῦ πνεύματος ἔσται ἐν δόξῃ; εἰ γὰρ τῇ διακονίᾳ τῆς κατακρίσεως δόξα, πολλῷ μᾶλλον περισσεύει ἡ διακονία τῆς δικαιοσύνης δόξῃ. καὶ γὰρ οὐ δεδόξασται τὸ δεδοξασμένον ἐν τούτῳ τῷ μέρει εἵνεκεν τῆς ὑπερβαλλούσης δόξης· εἰ γὰρ τὸ καταργούμενον διὰ δόξης, πολλῷ μᾶλλον τὸ μένον ἐν δόξῃ. Ἔχοντες οὖν τοιαύτην ἐλπίδα πολλῇ παρρησίᾳ χρώμεθα, καὶ οὐ καθάπερ Μωϋσῆς ἐτίθει κάλυμμα ἐπὶ τὸ πρόσωπον αὐτοῦ, πρὸς τὸ μὴ ἀτενίσαι τοὺς υἱοὺς Ἰσραὴλ εἰς τὸ τέλος τοῦ καταργουμένου. ἀλλὰ ἐπωρώθη τὰ νοήματα αὐτῶν. ἄχρι γὰρ τῆς σήμερον ἡμέρας τὸ αὐτὸ κάλυμμα ἐπὶ τῇ ἀναγνώσει τῆς παλαιᾶς διαθήκης μένει μὴ ἀνακαλυπτόμενον, ὅτι ἐν Χριστῷ καταργεῖται, ἀλλ’ ἕως σήμερον ἡνίκα ἂν ἀναγινώσκηται Μωϋσῆς κάλυμμα ἐπὶ τὴν καρδίαν αὐτῶν κεῖται· ἡνίκα δὲ ἐὰν ἐπιστρέψῃ πρὸς κύριον, περιαιρεῖται τὸ κάλυμμα. ὁ δὲ κύριος τὸ πνεῦμά ἐστιν· οὗ δὲ τὸ πνεῦμα κυρίου, ἐλευθερία. ἡμεῖς δὲ πάντες ἀνακεκαλυμμένῳ προσώπῳ τὴν δόξαν κυρίου κατοπτριζόμενοι τὴν αὐτὴν εἰκόνα μεταμορφούμεθα ἀπὸ δόξης εἰς δόξαν, καθάπερ ἀπὸ κυρίου πνεύματος.

Archometha palin heautous synistanein? e me chrezomen hos tines systatikon epistolon pros hymas e ex hymon? he epistole hemon hymeis este, engegrammene en tais kardiais hemon, ginoskomene kai anaginoskomene hypo panton anthropon; phaneroumenoi hoti este epistole Christou diakonetheisa hyph’ hemon, engegrammene ou melani alla pneumati theou zontos, ouk en plaxin lithinais all’ en plaxin kardiais sarkinais. Pepoithesin de toiauten echomen dia tou Christou pros ton theon. ouch hoti aph’ heauton hikanoi esmen logisasthai ti hos ex hauton, all’ he hikanotes hemon ek tou theou, hos kai hikanosen hemas diakonous kaines diathekes, ou grammatos alla pneumatos, to gar gramma apoktennei, to de pneuma zoopoiei. Ei de he diakonia tou thanatou en grammasin entetypomene lithois egenethe en doxe, hoste me dynasthai atenisai tous yhious Israel eis to prosopon Moyseos dia ten doxan tou prosopou autou ten katargoumenen, pos ouchi mallon he diakonia tou pneumatos estai en doxe? ei gar te diakonia tes katakriseos doxa, pollo mallon perisseuei he diakonia tes dikaiosynes doxe. kai gar ou dedoxastai to dedoxasmenon en touto to merei ehineken tes hyperballouses doxes; ei gar to katargoumenon dia doxes, pollo mallon to menon en doxe. Echontes oun toiauten elpida polle parresia chrometha, kai ou kathaper Moyses etithei kalymma epi to prosopon autou, pros to me atenisai tous yhious Israel eis to telos tou katargoumenou. alla eporothe ta noemata auton. achri gar tes semeron hemeras to auto kalymma epi te anagnosei tes palaias diathekes menei me anakalyptomenon, hoti en Christo katargeitai, all’ heos semeron henika an anaginosketai Moyses kalymma epi ten kardian auton keitai; henika de ean epistrepse pros kyrion, periaireitai to kalymma. ho de kyrios to pneuma estin; hou de to pneuma kyriou, eleutheria. hemeis de pantes anakekalymmeno prosopo ten doxan kyriou katoptrizomenoi ten auten eikona metamorphoumetha apo doxes eis doxan, kathaper apo kyriou pneumatos.