Livro 7, § 16 — Novo Testamento

Περὶ δὲ τῆς λογείας τῆς εἰς τοὺς ἁγίους, ὥσπερ διέταξα ταῖς ἐκκλησίαις τῆς Γαλατίας, οὕτως καὶ ὑμεῖς ποιήσατε. κατὰ μίαν σαββάτου ἕκαστος ὑμῶν παρ’ ἑαυτῷ τιθέτω θησαυρίζων ὅ τι ἐὰν εὐοδῶται, ἵνα μὴ ὅταν ἔλθω τότε λογεῖαι γίνωνται. ὅταν δὲ παραγένωμαι, οὓς ἐὰν δοκιμάσητε δι’ ἐπιστολῶν, τούτους πέμψω ἀπενεγκεῖν τὴν χάριν ὑμῶν εἰς Ἰερουσαλήμ· ἐὰν δὲ ἄξιον ᾖ τοῦ κἀμὲ πορεύεσθαι, σὺν ἐμοὶ πορεύσονται. Ἐλεύσομαι δὲ πρὸς ὑμᾶς ὅταν Μακεδονίαν διέλθω, Μακεδονίαν γὰρ διέρχομαι, πρὸς ὑμᾶς δὲ τυχὸν παραμενῶ ἢ καὶ παραχειμάσω, ἵνα ὑμεῖς με προπέμψητε οὗ ἐὰν πορεύωμαι. οὐ θέλω γὰρ ὑμᾶς ἄρτι ἐν παρόδῳ ἰδεῖν, ἐλπίζω γὰρ χρόνον τινὰ ἐπιμεῖναι πρὸς ὑμᾶς, ἐὰν ὁ κύριος ἐπιτρέψῃ. ἐπιμενῶ δὲ ἐν Ἐφέσῳ ἕως τῆς πεντηκοστῆς· θύρα γάρ μοι ἀνέῳγεν μεγάλη καὶ ἐνεργής, καὶ ἀντικείμενοι πολλοί. Ἐὰν δὲ ἔλθῃ Τιμόθεος, βλέπετε ἵνα ἀφόβως γένηται πρὸς ὑμᾶς, τὸ γὰρ ἔργον κυρίου ἐργάζεται ὡς κἀγώ· μή τις οὖν αὐτὸν ἐξουθενήσῃ. προπέμψατε δὲ αὐτὸν ἐν εἰρήνῃ, ἵνα ἔλθῃ πρός με, ἐκδέχομαι γὰρ αὐτὸν μετὰ τῶν ἀδελφῶν. Περὶ δὲ Ἀπολλῶ τοῦ ἀδελφοῦ, πολλὰ παρεκάλεσα αὐτὸν ἵνα ἔλθῃ πρὸς ὑμᾶς μετὰ τῶν ἀδελφῶν· καὶ πάντως οὐκ ἦν θέλημα ἵνα νῦν ἔλθῃ, ἐλεύσεται δὲ ὅταν εὐκαιρήσῃ. Γρηγορεῖτε, στήκετε ἐν τῇ πίστει, ἀνδρίζεσθε, κραταιοῦσθε. πάντα ὑμῶν ἐν ἀγάπῃ γινέσθω. Παρακαλῶ δὲ ὑμᾶς, ἀδελφοί· οἴδατε τὴν οἰκίαν Στεφανᾶ, ὅτι ἐστὶν ἀπαρχὴ τῆς Ἀχαΐας καὶ εἰς διακονίαν τοῖς ἁγίοις ἔταξαν ἑαυτούς· ἵνα καὶ ὑμεῖς ὑποτάσσησθε τοῖς τοιούτοις καὶ παντὶ τῷ συνεργοῦντι καὶ κοπιῶντι. χαίρω δὲ ἐπὶ τῇ παρουσίᾳ Στεφανᾶ καὶ Φορτουνάτου καὶ Ἀχαϊκοῦ, ὅτι τὸ ὑμέτερον ὑστέρημα οὗτοι ἀνεπλήρωσαν, ἀνέπαυσαν γὰρ τὸ ἐμὸν πνεῦμα καὶ τὸ ὑμῶν. ἐπιγινώσκετε οὖν τοὺς τοιούτους. Ἀσπάζονται ὑμᾶς αἱ ἐκκλησίαι τῆς Ἀσίας. ἀσπάζεται ὑμᾶς ἐν κυρίῳ πολλὰ Ἀκύλας καὶ Πρίσκα σὺν τῇ κατ’ οἶκον αὐτῶν ἐκκλησίᾳ. ἀσπάζονται ὑμᾶς οἱ ἀδελφοὶ πάντες. ἀσπάσασθε ἀλλήλους ἐν φιλήματι ἁγίῳ. Ὁ ἀσπασμὸς τῇ ἐμῇ χειρὶ Παύλου. εἴ τις οὐ φιλεῖ τὸν κύριον, ἤτω ἀνάθεμα. Μαράνα θά. ἡ χάρις τοῦ κυρίου Ἰησοῦ μεθ’ ὑμῶν. ἡ ἀγάπη μου μετὰ πάντων ὑμῶν ἐν Χριστῷ Ἰησοῦ.

Peri de tes logeias tes eis tous hagious, hosper dietaxa tais ekklesiais tes Galatias, houtos kai hymeis poiesate. kata mian sabbatou hekastos hymon par’ heauto titheto thesaurizon ho ti ean euodotai, hina me hotan eltho tote logeiai ginontai. hotan de paragenomai, hous ean dokimasete di’ epistolon, toutous pempso apenenkein ten charin hymon eis Ierousalem; ean de axion e tou kame poreuesthai, syn emoi poreusontai. Eleusomai de pros hymas hotan Makedonian dieltho, Makedonian gar dierchomai, pros hymas de tychon parameno e kai paracheimaso, hina hymeis me propempsete hou ean poreuomai. ou thelo gar hymas arti en parodo idein, elpizo gar chronon tina epimeinai pros hymas, ean ho kyrios epitrepse. epimeno de en Epheso heos tes pentekostes; thyra gar moi aneogen megale kai energes, kai antikeimenoi polloi. Ean de elthe Timotheos, blepete hina aphobos genetai pros hymas, to gar ergon kyriou ergazetai hos kago; me tis oun auton exouthenese. propempsate de auton en eirene, hina elthe pros me, ekdechomai gar auton meta ton adelphon. Peri de Apollo tou adelphou, polla parekalesa auton hina elthe pros hymas meta ton adelphon; kai pantos ouk en thelema hina nyn elthe, eleusetai de hotan eukairese. Gregoreite, stekete en te pistei, andrizesthe, krataiousthe. panta hymon en agape ginestho. Parakalo de hymas, adelphoi; oidate ten oikian Stephana, hoti estin aparche tes Achaias kai eis diakonian tois hagiois etaxan heautous; hina kai hymeis hypotassesthe tois toioutois kai panti to synergounti kai kopionti. chairo de epi te parousia Stephana kai Phortounatou kai Achaikou, hoti to hymeteron hysterema houtoi aneplerosan, anepausan gar to emon pneuma kai to hymon. epiginoskete oun tous toioutous. Aspazontai hymas ahi ekklesiai tes Asias. aspazetai hymas en kyrio polla Akylas kai Priska syn te kat’ oikon auton ekklesia. aspazontai hymas ohi adelphoi pantes. aspasasthe allelous en philemati hagio. Ho aspasmos te eme cheiri Paulou. ei tis ou philei ton kyrion, eto anathema. Marana tha. he charis tou kyriou Iesou meth’ hymon. he agape mou meta panton hymon en Christo Iesou.