Livro 5, § 22 — Novo Testamento

Ἄνδρες ἀδελφοὶ καὶ πατέρες, ἀκούσατέ μου τῆς πρὸς ὑμᾶς νυνὶ ἀπολογίας. Ἀκούσαντες δὲ ὅτι τῇ Ἑβραΐδι διαλέκτῳ προσεφώνει αὐτοῖς μᾶλλον παρέσχον ἡσυχίαν. καὶ φησίν· Ἐγώ εἰμι ἀνὴρ Ἰουδαῖος, γεγεννημένος ἐν Ταρσῷ τῆς Κιλικίας, ἀνατεθραμμένος δὲ ἐν τῇ πόλει ταύτῃ παρὰ τοὺς πόδας Γαμαλιήλ, πεπαιδευμένος κατὰ ἀκρίβειαν τοῦ πατρῴου νόμου, ζηλωτὴς ὑπάρχων τοῦ θεοῦ καθὼς πάντες ὑμεῖς ἐστε σήμερον, ὃς ταύτην τὴν ὁδὸν ἐδίωξα ἄχρι θανάτου, δεσμεύων καὶ παραδιδοὺς εἰς φυλακὰς ἄνδρας τε καὶ γυναῖκας, ὡς καὶ ὁ ἀρχιερεὺς μαρτυρεῖ μοι καὶ πᾶν τὸ πρεσβυτέριον· παρ’ ὧν καὶ ἐπιστολὰς δεξάμενος πρὸς τοὺς ἀδελφοὺς εἰς Δαμασκὸν ἐπορευόμην ἄξων καὶ τοὺς ἐκεῖσε ὄντας δεδεμένους εἰς Ἰερουσαλὴμ ἵνα τιμωρηθῶσιν. Ἐγένετο δέ μοι πορευομένῳ καὶ ἐγγίζοντι τῇ Δαμασκῷ περὶ μεσημβρίαν ἐξαίφνης ἐκ τοῦ οὐρανοῦ περιαστράψαι φῶς ἱκανὸν περὶ ἐμέ, ἔπεσά τε εἰς τὸ ἔδαφος καὶ ἤκουσα φωνῆς λεγούσης μοι· Σαοὺλ Σαούλ, τί με διώκεις; ἐγὼ δὲ ἀπεκρίθην· Τίς εἶ, κύριε; εἶπέν τε πρὸς ἐμέ· Ἐγώ εἰμι Ἰησοῦς ὁ Ναζωραῖος ὃν σὺ διώκεις. οἱ δὲ σὺν ἐμοὶ ὄντες τὸ μὲν φῶς ἐθεάσαντο τὴν δὲ φωνὴν οὐκ ἤκουσαν τοῦ λαλοῦντός μοι. εἶπον δέ· Τί ποιήσω, κύριε; ὁ δὲ κύριος εἶπεν πρός με· Ἀναστὰς πορεύου εἰς Δαμασκόν, κἀκεῖ σοι λαληθήσεται περὶ πάντων ὧν τέτακταί σοι ποιῆσαι. ὡς δὲ οὐκ ἐνέβλεπον ἀπὸ τῆς δόξης τοῦ φωτὸς ἐκείνου, χειραγωγούμενος ὑπὸ τῶν συνόντων μοι ἦλθον εἰς Δαμασκόν. Ἁνανίας δέ τις ἀνὴρ εὐλαβὴς κατὰ τὸν νόμον μαρτυρούμενος ὑπὸ πάντων τῶν κατοικούντων Ἰουδαίων, ἐλθὼν πρὸς ἐμὲ καὶ ἐπιστὰς εἶπέν μοι· Σαοὺλ ἀδελφέ, ἀνάβλεψον· κἀγὼ αὐτῇ τῇ ὥρᾳ ἀνέβλεψα εἰς αὐτόν. ὁ δὲ εἶπεν· Ὁ θεὸς τῶν πατέρων ἡμῶν προεχειρίσατό σε γνῶναι τὸ θέλημα αὐτοῦ καὶ ἰδεῖν τὸν δίκαιον καὶ ἀκοῦσαι φωνὴν ἐκ τοῦ στόματος αὐτοῦ, ὅτι ἔσῃ μάρτυς αὐτῷ πρὸς πάντας ἀνθρώπους ὧν ἑώρακας καὶ ἤκουσας. καὶ νῦν τί μέλλεις; ἀναστὰς βάπτισαι καὶ ἀπόλουσαι τὰς ἁμαρτίας σου ἐπικαλεσάμενος τὸ ὄνομα αὐτοῦ. Ἐγένετο δέ μοι ὑποστρέψαντι εἰς Ἰερουσαλὴμ καὶ προσευχομένου μου ἐν τῷ ἱερῷ γενέσθαι με ἐν ἐκστάσει καὶ ἰδεῖν αὐτὸν λέγοντά μοι· Σπεῦσον καὶ ἔξελθε ἐν τάχει ἐξ Ἰερουσαλήμ, διότι οὐ παραδέξονταί σου μαρτυρίαν περὶ ἐμοῦ. κἀγὼ εἶπον· Κύριε, αὐτοὶ ἐπίστανται ὅτι ἐγὼ ἤμην φυλακίζων καὶ δέρων κατὰ τὰς συναγωγὰς τοὺς πιστεύοντας ἐπὶ σέ· καὶ ὅτε ἐξεχύννετο τὸ αἷμα Στεφάνου τοῦ μάρτυρός σου, καὶ αὐτὸς ἤμην ἐφεστὼς καὶ συνευδοκῶν καὶ φυλάσσων τὰ ἱμάτια τῶν ἀναιρούντων αὐτόν. καὶ εἶπεν πρός με· Πορεύου, ὅτι ἐγὼ εἰς ἔθνη μακρὰν ἐξαποστελῶ σε. Ἤκουον δὲ αὐτοῦ ἄχρι τούτου τοῦ λόγου καὶ ἐπῆραν τὴν φωνὴν αὐτῶν λέγοντες· Αἶρε ἀπὸ τῆς γῆς τὸν τοιοῦτον, οὐ γὰρ καθῆκεν αὐτὸν ζῆν. κραυγαζόντων τε αὐτῶν καὶ ῥιπτούντων τὰ ἱμάτια καὶ κονιορτὸν βαλλόντων εἰς τὸν ἀέρα, ἐκέλευσεν ὁ χιλίαρχος εἰσάγεσθαι αὐτὸν εἰς τὴν παρεμβολήν, εἴπας μάστιξιν ἀνετάζεσθαι αὐτὸν ἵνα ἐπιγνῷ δι’ ἣν αἰτίαν οὕτως ἐπεφώνουν αὐτῷ. ὡς δὲ προέτειναν αὐτὸν τοῖς ἱμᾶσιν εἶπεν πρὸς τὸν ἑστῶτα ἑκατόνταρχον ὁ Παῦλος· Εἰ ἄνθρωπον Ῥωμαῖον καὶ ἀκατάκριτον ἔξεστιν ὑμῖν μαστίζειν; ἀκούσας δὲ ὁ ἑκατοντάρχης προσελθὼν τῷ χιλιάρχῳ ἀπήγγειλεν λέγων· Τί μέλλεις ποιεῖν; ὁ γὰρ ἄνθρωπος οὗτος Ῥωμαῖός ἐστιν. προσελθὼν δὲ ὁ χιλίαρχος εἶπεν αὐτῷ· Λέγε μοι, σὺ Ῥωμαῖος εἶ; ὁ δὲ ἔφη· Ναί. ἀπεκρίθη δὲ ὁ χιλίαρχος· Ἐγὼ πολλοῦ κεφαλαίου τὴν πολιτείαν ταύτην ἐκτησάμην. ὁ δὲ Παῦλος ἔφη· Ἐγὼ δὲ καὶ γεγέννημαι. εὐθέως οὖν ἀπέστησαν ἀπ’ αὐτοῦ οἱ μέλλοντες αὐτὸν ἀνετάζειν· καὶ ὁ χιλίαρχος δὲ ἐφοβήθη ἐπιγνοὺς ὅτι Ῥωμαῖός ἐστιν καὶ ὅτι αὐτὸν ἦν δεδεκώς. Τῇ δὲ ἐπαύριον βουλόμενος γνῶναι τὸ ἀσφαλὲς τὸ τί κατηγορεῖται ὑπὸ τῶν Ἰουδαίων ἔλυσεν αὐτόν, καὶ ἐκέλευσεν συνελθεῖν τοὺς ἀρχιερεῖς καὶ πᾶν τὸ συνέδριον, καὶ καταγαγὼν τὸν Παῦλον ἔστησεν εἰς αὐτούς.

Andres adelphoi kai pateres, akousate mou tes pros hymas nyni apologias. Akousantes de hoti te Hebraidi dialekto prosephonei autois mallon pareschon hesychian. kai phesin; Ego eimi aner Ioudaios, gegennemenos en Tarso tes Kilikias, anatethrammenos de en te polei taute para tous podas Gamaliel, pepaideumenos kata akribeian tou patroou nomou, zelotes hyparchon tou theou kathos pantes hymeis este semeron, hos tauten ten hodon edioxa achri thanatou, desmeuon kai paradidous eis phylakas andras te kai gynaikas, hos kai ho archiereus martyrei moi kai pan to presbyterion; par’ hon kai epistolas dexamenos pros tous adelphous eis Damaskon eporeuomen axon kai tous ekeise ontas dedemenous eis Ierousalem hina timorethosin. Egeneto de moi poreuomeno kai engizonti te Damasko peri mesembrian exaiphnes ek tou ouranou periastrapsai phos hikanon peri eme, epesa te eis to edaphos kai ekousa phones legouses moi; Saoul Saoul, ti me diokeis? ego de apekrithen; Tis ei, kyrie? eipen te pros eme; Ego eimi Iesous ho Nazoraios hon sy diokeis. ohi de syn emoi ontes to men phos etheasanto ten de phonen ouk ekousan tou lalountos moi. eipon de; Ti poieso, kyrie? ho de kyrios eipen pros me; Anastas poreuou eis Damaskon, kakei soi lalethesetai peri panton hon tetaktai soi poiesai. hos de ouk eneblepon apo tes doxes tou photos ekeinou, cheiragogoumenos hypo ton synonton moi elthon eis Damaskon. Hananias de tis aner eulabes kata ton nomon martyroumenos hypo panton ton katoikounton Ioudaion, elthon pros eme kai epistas eipen moi; Saoul adelphe, anablepson; kago aute te hora aneblepsa eis auton. ho de eipen; Ho theos ton pateron hemon proecheirisato se gnonai to thelema autou kai idein ton dikaion kai akousai phonen ek tou stomatos autou, hoti ese martys auto pros pantas anthropous hon heorakas kai ekousas. kai nyn ti melleis? anastas baptisai kai apolousai tas hamartias sou epikalesamenos to onoma autou. Egeneto de moi hypostrepsanti eis Ierousalem kai proseuchomenou mou en to hiero genesthai me en ekstasei kai idein auton legonta moi; Speuson kai exelthe en tachei ex Ierousalem, dioti ou paradexontai sou martyrian peri emou. kago eipon; Kyrie, autoi epistantai hoti ego emen phylakizon kai deron kata tas synagogas tous pisteuontas epi se; kai hote exechynneto to ahima Stephanou tou martyros sou, kai autos emen ephestos kai syneudokon kai phylasson ta himatia ton anairounton auton. kai eipen pros me; Poreuou, hoti ego eis ethne makran exapostelo se. Ekouon de autou achri toutou tou logou kai eperan ten phonen auton legontes; Aire apo tes ges ton toiouton, ou gar katheken auton zen. kraugazonton te auton kai rhiptounton ta himatia kai koniorton ballonton eis ton aera, ekeleusen ho chiliarchos eisagesthai auton eis ten parembolen, eipas mastixin anetazesthai auton hina epigno di’ hen aitian houtos epephonoun auto. hos de proeteinan auton tois himasin eipen pros ton hestota hekatontarchon ho Paulos; Ei anthropon Rhomaion kai akatakriton exestin hymin mastizein? akousas de ho hekatontarches proselthon to chiliarcho apengeilen legon; Ti melleis poiein? ho gar anthropos houtos Rhomaios estin. proselthon de ho chiliarchos eipen auto; Lege moi, sy Rhomaios ei? ho de ephe; Nai. apekrithe de ho chiliarchos; Ego pollou kephalaiou ten politeian tauten ektesamen. ho de Paulos ephe; Ego de kai gegennemai. eutheos oun apestesan ap’ autou ohi mellontes auton anetazein; kai ho chiliarchos de ephobethe epignous hoti Rhomaios estin kai hoti auton en dedekos. Te de epaurion boulomenos gnonai to asphales to ti kategoreitai hypo ton Ioudaion elysen auton, kai ekeleusen synelthein tous archiereis kai pan to synedrion, kai katagagon ton Paulon estesen eis autous.