Livro 16, § 2 — Novo Testamento

Σὺ οὖν, τέκνον μου, ἐνδυναμοῦ ἐν τῇ χάριτι τῇ ἐν Χριστῷ Ἰησοῦ, καὶ ἃ ἤκουσας παρ’ ἐμοῦ διὰ πολλῶν μαρτύρων, ταῦτα παράθου πιστοῖς ἀνθρώποις, οἵτινες ἱκανοὶ ἔσονται καὶ ἑτέρους διδάξαι. συγκακοπάθησον ὡς καλὸς στρατιώτης Χριστοῦ Ἰησοῦ. οὐδεὶς στρατευόμενος ἐμπλέκεται ταῖς τοῦ βίου πραγματείαις, ἵνα τῷ στρατολογήσαντι ἀρέσῃ· ἐὰν δὲ καὶ ἀθλῇ τις, οὐ στεφανοῦται ἐὰν μὴ νομίμως ἀθλήσῃ· τὸν κοπιῶντα γεωργὸν δεῖ πρῶτον τῶν καρπῶν μεταλαμβάνειν. νόει ὃ λέγω· δώσει γάρ σοι ὁ κύριος σύνεσιν ἐν πᾶσιν.

Sy oun, teknon mou, endynamou en te chariti te en Christo Iesou, kai ha ekousas par’ emou dia pollon martyron, tauta parathou pistois anthropois, ohitines hikanoi esontai kai heterous didaxai. synkakopatheson hos kalos stratiotes Christou Iesou. oudeis strateuomenos empleketai tais tou biou pragmateiais, hina to stratologesanti arese; ean de kai athle tis, ou stephanoutai ean me nomimos athlese; ton kopionta georgon dei proton ton karpon metalambanein. noei ho lego; dosei gar soi ho kyrios synesin en pasin.

Μνημόνευε Ἰησοῦν Χριστὸν ἐγηγερμένον ἐκ νεκρῶν, ἐκ σπέρματος Δαυίδ, κατὰ τὸ εὐαγγέλιόν μου· ἐν ᾧ κακοπαθῶ μέχρι δεσμῶν ὡς κακοῦργος. ἀλλὰ ὁ λόγος τοῦ θεοῦ οὐ δέδεται· διὰ τοῦτο πάντα ὑπομένω διὰ τοὺς ἐκλεκτούς, ἵνα καὶ αὐτοὶ σωτηρίας τύχωσιν τῆς ἐν Χριστῷ Ἰησοῦ μετὰ δόξης αἰωνίου. πιστὸς ὁ λόγος· εἰ γὰρ συναπεθάνομεν, καὶ συζήσομεν· εἰ ὑπομένομεν, καὶ συμβασιλεύσομεν· εἰ ἀρνησόμεθα, κἀκεῖνος ἀρνήσεται ἡμᾶς· εἰ ἀπιστοῦμεν, ἐκεῖνος πιστὸς μένει· ἀρνήσασθαι ἑαυτὸν οὐ δύναται.

Mnemoneue Iesoun Christon egegermenon ek nekron, ek spermatos Dauid, kata to euangelion mou; en ho kakopatho mechri desmon hos kakourgos. alla ho logos tou theou ou dedetai; dia touto panta hypomeno dia tous eklektous, hina kai autoi soterias tychosin tes en Christo Iesou meta doxes aioniou. pistos ho logos; ei gar synapethanomen, kai syzesomen; ei hypomenomen, kai symbasileusomen; ei arnesometha, kakeinos arnesetai hemas; ei apistoumen, ekeinos pistos menei; arnesasthai heauton ou dynatai.

Ταῦτα ὑπομίμνῃσκε, διαμαρτυρόμενος ἐνώπιον τοῦ κυρίου, μὴ λογομαχεῖν, ἐπ’ οὐδὲν χρήσιμον, ἐπὶ καταστροφῇ τῶν ἀκουόντων. σπούδασον σεαυτὸν δόκιμον παραστῆσαι τῷ θεῷ, ἐργάτην ἀνεπαίσχυντον, ὀρθοτομοῦντα τὸν λόγον τῆς ἀληθείας. τὰς δὲ βεβήλους κενοφωνίας περιΐστασο· ἐπὶ πλεῖον γὰρ προκόψουσιν ἀσεβείας, καὶ ὁ λόγος αὐτῶν ὡς γάγγραινα νομὴν ἕξει· ὧν ἐστιν Ὑμέναιος καὶ Φίλητος, οἵτινες περὶ τὴν ἀλήθειαν ἠστόχησαν, λέγοντες ἀνάστασιν ἤδη γεγονέναι, καὶ ἀνατρέπουσιν τήν τινων πίστιν. ὁ μέντοι στερεὸς θεμέλιος τοῦ θεοῦ ἕστηκεν, ἔχων τὴν σφραγῖδα ταύτην· Ἔγνω κύριος τοὺς ὄντας αὐτοῦ, καί· Ἀποστήτω ἀπὸ ἀδικίας πᾶς ὁ ὀνομάζων τὸ ὄνομα κυρίου.

Tauta hypomimneske, diamartyromenos enopion tou kyriou, me logomachein, ep’ ouden chresimon, epi katastrophe ton akouonton. spoudason seauton dokimon parastesai to theo, ergaten anepaischynton, orthotomounta ton logon tes aletheias. tas de bebelous kenophonias periistaso; epi pleion gar prokopsousin asebeias, kai ho logos auton hos gangraina nomen hexei; hon estin Hymenaios kai Philetos, ohitines peri ten aletheian estochesan, legontes anastasin ede gegonenai, kai anatrepousin ten tinon pistin. ho mentoi stereos themelios tou theou hesteken, echon ten sphragida tauten; Egno kyrios tous ontas autou, kai; Aposteto apo adikias pas ho onomazon to onoma kyriou.

Ἐν μεγάλῃ δὲ οἰκίᾳ οὐκ ἔστιν μόνον σκεύη χρυσᾶ καὶ ἀργυρᾶ ἀλλὰ καὶ ξύλινα καὶ ὀστράκινα, καὶ ἃ μὲν εἰς τιμὴν ἃ δὲ εἰς ἀτιμίαν· ἐὰν οὖν τις ἐκκαθάρῃ ἑαυτὸν ἀπὸ τούτων, ἔσται σκεῦος εἰς τιμήν, ἡγιασμένον, εὔχρηστον τῷ δεσπότῃ, εἰς πᾶν ἔργον ἀγαθὸν ἡτοιμασμένον. τὰς δὲ νεωτερικὰς ἐπιθυμίας φεῦγε, δίωκε δὲ δικαιοσύνην, πίστιν, ἀγάπην, εἰρήνην μετὰ τῶν ἐπικαλουμένων τὸν κύριον ἐκ καθαρᾶς καρδίας. τὰς δὲ μωρὰς καὶ ἀπαιδεύτους ζητήσεις παραιτοῦ, εἰδὼς ὅτι γεννῶσι μάχας· δοῦλον δὲ κυρίου οὐ δεῖ μάχεσθαι, ἀλλὰ ἤπιον εἶναι πρὸς πάντας, διδακτικόν, ἀνεξίκακον, ἐν πραΰτητι παιδεύοντα τοὺς ἀντιδιατιθεμένους, μήποτε δώῃ αὐτοῖς ὁ θεὸς μετάνοιαν εἰς ἐπίγνωσιν ἀληθείας, καὶ ἀνανήψωσιν ἐκ τῆς τοῦ διαβόλου παγίδος, ἐζωγρημένοι ὑπ’ αὐτοῦ εἰς τὸ ἐκείνου θέλημα.

En megale de oikia ouk estin monon skeue chrysa kai argyra alla kai xylina kai ostrakina, kai ha men eis timen ha de eis atimian; ean oun tis ekkathare heauton apo touton, estai skeuos eis timen, hegiasmenon, euchreston to despote, eis pan ergon agathon hetoimasmenon. tas de neoterikas epithymias pheuge, dioke de dikaiosynen, pistin, agapen, eirenen meta ton epikaloumenon ton kyrion ek katharas kardias. tas de moras kai apaideutous zeteseis paraitou, eidos hoti gennosi machas; doulon de kyriou ou dei machesthai, alla epion einai pros pantas, didaktikon, anexikakon, en prayteti paideuonta tous antidiatithemenous, mepote doe autois ho theos metanoian eis epignosin aletheias, kai ananepsosin ek tes tou diabolou pagidos, ezogremenoi hyp’ autou eis to ekeinou thelema.