Libro 3, § 10 — Schizzi pirroniani

Φασὶ τοίνυν οἱ δοκοῦντες ἐντελέστερον περὶ κινήσεως διειληφέναι ἓξ εἴδη ταύτης ὑπάρχειν, τοπικὴν μετάβασιν, φυσικὴν μεταβολήν, αὔξησιν, μείωσιν, γένεσιν, φθοράν. ἡμεῖς οὖν ἑκάστῳ τῶν προειρημένων εἰδῶν τῆς κινήσεως κατ’ ἰδίαν ἐπιστήσομεν, ἀπὸ τῆς τοπικῆς μεταβάσεως ἀρξάμενοι. ἔστιν οὖν αὕτη κατὰ τοὺς δογματικοὺς καθ’ ἣν τόπον ἐκ τόπου μετέρχεται τὸ κινούμενον ἤτοι καθ’ ὁλότητα ἢ κατὰ μέρος, <καθ’> ὅλον μὲν ἐπὶ τῶν περιπατούντων, κατὰ μέρος δὲ ὡς ἐπὶ τῆς περὶ κέντρῳ κινουμένης σφαίρας· ὅλης γὰρ αὐτῆς μενούσης ἐν τῷ αὐτῷ τόπῳ τὰ μέρη τοὺς τόπους ἀμείβει.

Phasi toinyn ohi dokountes entelesteron peri kineseos dieilephenai hex eide tautes hyparchein, topiken metabasin, physiken metabolen, auxesin, meiosin, genesin, phthoran. hemeis oun hekasto ton proeiremenon eidon tes kineseos kat’ idian epistesomen, apo tes topikes metabaseos arxamenoi. estin oun haute kata tous dogmatikous kath’ hen topon ek topou meterchetai to kinoumenon etoi kath’ holoteta e kata meros, <kath’> holon men epi ton peripatounton, kata meros de hos epi tes peri kentro kinoumenes sphairas; holes gar autes menouses en to auto topo ta mere tous topous ameibei.

τρεῖς δέ, οἶμαι, γεγόνασιν αἱ ἀνωτάτω περὶ κινήσεως στάσεις. ὁ μὲν γὰρ βίος καί τινες τῶν φιλοσόφων εἶναι κίνησιν ὑπολαμβάνουσιν, μὴ εἶναι δὲ Παρμενίδης τε καὶ Μέλισσος καὶ ἄλλοι τινές, μὴ μᾶλλον δὲ εἶναι ἢ μὴ εἶναι ἔφασαν οἱ σκεπτικοί· ὅσον μὲν γὰρ ἐπὶ τοῖς φαινομένοις δοκεῖν εἶναι κίνησιν, ὅσον δὲ ἐπὶ τῷ φιλοσόφῳ λόγῳ μὴ ὑπάρχειν. ἡμεῖς οὖν ἐκθέμενοι τὴν ἀντίρρησιν τῶν τε εἶναι κίνησιν ὑπολαμβανόντων καὶ τῶν μηδὲν εἶναι κίνησιν ἀποφαινομένων, ἐὰν τὴν διαφωνίαν εὑρίσκωμεν ἰσοσθενῆ, μὴ μᾶλλον εἶναι ἢ μὴ εἶναι κίνησιν λέγειν ἀναγκασθησόμεθα ὅσον ἐπὶ τοῖς λεγομένοις.

treis de, oimai, gegonasin ahi anotato peri kineseos staseis. ho men gar bios kai tines ton philosophon einai kinesin hypolambanousin, me einai de Parmenides te kai Melissos kai alloi tines, me mallon de einai e me einai ephasan ohi skeptikoi; hoson men gar epi tois phainomenois dokein einai kinesin, hoson de epi to philosopho logo me hyparchein. hemeis oun ekthemenoi ten antirresin ton te einai kinesin hypolambanonton kai ton meden einai kinesin apophainomenon, ean ten diaphonian heuriskomen isosthene, me mallon einai e me einai kinesin legein anankasthesometha hoson epi tois legomenois.

ἀρξώμεθα δὲ ἀπὸ τῶν ὑπάρχειν αὐτὴν λεγόντων.

arxometha de apo ton hyparchein auten legonton.

Οὗτοι δὴ τῇ ἐναργείᾳ μάλιστα ἐπερείδονται· εἰ γὰρ μὴ ἔστι, φασί, κίνησις, πῶς μὲν ἀπὸ ἀνατολῶν ἐπὶ δυσμὰς ὁ ἥλιος φέρεται, πῶς δὲ τὰς τοῦ ἔτους ὥρας ποιεῖ, παρὰ τοὺς πρὸς ἡμᾶς συνεγγισμοὺς αὐτοῦ καὶ τὰς ἀφ’ ἡμῶν ἀποστάσεις γιγνομένας; ἢ πῶς νῆες ἀπὸ λιμένων ἀναχθεῖσαι καταίρουσιν ἐπὶ λιμένας ἄλλους πάμπολυ τῶν προτέρων ἀφεστῶτας; τίνα δὲ τρόπον ὁ τὴν κίνησιν ἀναιρῶν πρόεισι τῆς οἰκίας καὶ αὖθις ἀναστρέφει; ταῦτα δὴ τελέως ἀναντίρρητα εἶναι. διὸ καὶ τῶν κυνικῶν τις ἐρωτηθεὶς <τὸν> κατὰ τῆς κινήσεως λόγον οὐδὲν ἀπεκρίνατο, ἀνέστη δὲ καὶ ἐβάδισεν, ἔργῳ καὶ διὰ τῆς ἐναργείας παριστάς, ὅτι ὑπαρκτή ἐστιν ἡ κίνησις.

Houtoi de te enargeia malista epereidontai; ei gar me esti, phasi, kinesis, pos men apo anatolon epi dysmas ho helios pheretai, pos de tas tou etous horas poiei, para tous pros hemas synengismous autou kai tas aph’ hemon apostaseis gignomenas? e pos nees apo limenon anachtheisai katairousin epi limenas allous pampoly ton proteron aphestotas? tina de tropon ho ten kinesin anairon proeisi tes oikias kai authis anastrephei? tauta de teleos anantirreta einai. dio kai ton kynikon tis erotetheis <ton> kata tes kineseos logon ouden apekrinato, aneste de kai ebadisen, ergo kai dia tes enargeias paristas, hoti hyparkte estin he kinesis.

Οὗτοι μὲν οὖν οὕτω δυσωπεῖν ἐπιχειροῦσι τοὺς τῆς ἐναντίας αὐτοῖς στάσεως ὄντας·

Houtoi men oun houto dysopein epicheirousi tous tes enantias autois staseos ontas;

οἱ δὲ τὴν ὕπαρξιν τῆς κινήσεως ἀναιροῦντες λόγοις ἐπιχειροῦσι τοιούτοις. εἰ κινεῖταί τι, ἤτοι ὑφ’ ἑαυτοῦ κινεῖται ἢ ὑφ’ ἑτέρου. ἀλλ’ εἰ μὲν ὑφ’ ἑτέρου,<.........>. τὸ γὰρ λεγόμενον ὑφ’ ἑτέρου κινεῖσθαι ἤτοι ἀναιτίως κινηθήσεται ἢ κατά τινα αἰτίαν. ἀναιτίως μὲν οὐδέν φασι γίνεσθαι· εἰ δὲ κατά τινα αἰτίαν κινεῖται, ἡ αἰτία, καθ’ ἣν κινεῖται, κινητικὴ αὐτοῦ γενήσεται, ὅθεν εἰς ἄπειρον ἐκπίπτει κατὰ τὴν μικρῷ πρόσθεν εἰρημένην ἐπιβολήν.

ohi de ten hyparxin tes kineseos anairountes logois epicheirousi toioutois. ei kineitai ti, etoi hyph’ heautou kineitai e hyph’ heterou. all’ ei men hyph’ heterou,<.........>. to gar legomenon hyph’ heterou kineisthai etoi anaitios kinethesetai e kata tina aitian. anaitios men ouden phasi ginesthai; ei de kata tina aitian kineitai, he aitia, kath’ hen kineitai, kinetike autou genesetai, hothen eis apeiron ekpiptei kata ten mikro prosthen eiremenen epibolen.

ἄλλως τε καὶ εἰ τὸ κινοῦν ἐνεργεῖ, τὸ δὲ ἐνεργοῦν κινεῖται, κἀκεῖνο δεήσεται κινοῦντος ἑτέρου, καὶ τὸ δεύτερον τρίτου, καὶ μέχρις ἀπείρου, ὡς ἄναρχον γίνεσθαι τὴν κίνησιν· ὅπερ ἄτοπον. οὐκ ἄρα πᾶν τὸ κινούμενον ὑφ’ ἑτέρου κινεῖται. ἀλλ’ οὐδὲ ὑφ’ ἑαυτοῦ. ἐπεὶ <γὰρ> πᾶν τὸ κινοῦν ἤτοι προωθοῦν κινεῖ ἢ ἐπισπώμενον ἢ ἀνωθοῦν ἢ ἐνθλῖβον, δεήσει τὸ ἑαυτὸ κινοῦν κατά τινα τῶν προειρημένων τρόπων ἑαυτὸ κινεῖν.

allos te kai ei to kinoun energei, to de energoun kineitai, kakeino deesetai kinountos heterou, kai to deuteron tritou, kai mechris apeirou, hos anarchon ginesthai ten kinesin; hoper atopon. ouk ara pan to kinoumenon hyph’ heterou kineitai. all’ oude hyph’ heautou. epei <gar> pan to kinoun etoi proothoun kinei e epispomenon e anothoun e enthlibon, deesei to heauto kinoun kata tina ton proeiremenon tropon heauto kinein.

ἀλλ’ εἰ μὲν προωστικῶς ἑαυτὸ κινεῖ, ἔσται ἐξόπισθεν ἑαυτοῦ, εἰ δὲ ἐπισπαστικῶς, ἔμπροσθεν, εἰ δὲ ἀνωστικῶς, ὑποκάτω, εἰ δὲ ἐνθλιπτικῶς, ἐπάνω. ἀδύνατον δὲ αὐτό τι ἑαυτοῦ ἐπάνω εἶναι ἢ ἔμπροσθεν ἢ ὑποκάτω ἢ ὀπίσω· ἀδύνατον ἄρα ὑφ’ ἑαυτοῦ τι κινεῖσθαι. εἰ δὲ μήτε ὑφ’ ἑαυτοῦ τι κινεῖται μήτε ὑφ’ ἑτέρου, οὐδὲ κινεῖταί τι.

all’ ei men proostikos heauto kinei, estai exopisthen heautou, ei de epispastikos, emprosthen, ei de anostikos, hypokato, ei de enthliptikos, epano. adynaton de auto ti heautou epano einai e emprosthen e hypokato e opiso; adynaton ara hyph’ heautou ti kineisthai. ei de mete hyph’ heautou ti kineitai mete hyph’ heterou, oude kineitai ti.

εἰ δέ τις ἐπὶ τὴν ὁρμὴν καὶ τὴν προαίρεσιν καταφεύγοι, ὑπομνηστέον αὐτὸν τῆς περὶ τοῦ ἐφ’ ἡμῖν διαφωνίας, καὶ ὅτι ἀνεπίκριτος αὕτη καθέστηκεν, κριτήριον ἡμῶν τῆς ἀληθείας ἄχρι νῦν οὐχ εὑρηκότων.

ei de tis epi ten hormen kai ten proairesin katapheugoi, hypomnesteon auton tes peri tou eph’ hemin diaphonias, kai hoti anepikritos haute kathesteken, kriterion hemon tes aletheias achri nyn ouch heurekoton.

Ἔτι κἀκεῖνο λεκτέον. εἰ κινεῖταί τι, ἤτοι ἐν ᾧ ἔστι τόπῳ κινεῖται ἢ ἐν ᾧ οὐκ ἔστιν. οὔτε δὲ ἐν ᾧ ἔστιν· μένει γὰρ ἐν αὐτῷ, εἴπερ ἐν αὐτῷ ἔστιν· οὔτε ἐν ᾧ μὴ ἔστιν· ὅπου γάρ τι μὴ ἔστιν, ἐκεῖ οὐδὲ δρᾶσαί τι οὐδὲ παθεῖν δύναται. οὐκ ἄρα κινεῖταί τι. οὗτος δὲ ὁ λόγος ἔστι μὴν Διοδώρου τοῦ Κρόνου, πολλῶν δὲ ἀντιρρήσεων τετύχηκεν, ὧν τὰς πληκτικωτέρας διὰ τὸν τρόπον τῆς συγγραφῆς ἐκθησόμεθα μετὰ τῆς φαινομένης ἡμῖν ἐπικρίσεως.

Eti kakeino lekteon. ei kineitai ti, etoi en ho esti topo kineitai e en ho ouk estin. oute de en ho estin; menei gar en auto, eiper en auto estin; oute en ho me estin; hopou gar ti me estin, ekei oude drasai ti oude pathein dynatai. ouk ara kineitai ti. houtos de ho logos esti men Diodorou tou Kronou, pollon de antirreseon tetycheken, hon tas plektikoteras dia ton tropon tes syngraphes ekthesometha meta tes phainomenes hemin epikriseos.

φασὶν οὖν τινες, ὅτι δύναταί τι ἐν ᾧ ἔστι τόπῳ κινεῖσθαι· τὰς γοῦν περὶ τοῖς κέντροις περιδινουμένας σφαίρας ἐν τῷ αὐτῷ μενούσας τόπῳ κινεῖσθαι. πρὸς οὓς μεταφέρειν χρὴ τὸν λόγον ἐφ’ ἕκαστον τῶν μερῶν τῆς σφαίρας, καὶ ὑπομιμνῄσκοντας, ὅτι ὅσον ἐπὶ τῷ λόγῳ μηδὲ κατὰ μέρη κινεῖται, συνάγειν ὅτι μηδὲ ἐν ᾧ ἔστι τόπῳ κινεῖταί τι.

phasin oun tines, hoti dynatai ti en ho esti topo kineisthai; tas goun peri tois kentrois peridinoumenas sphairas en to auto menousas topo kineisthai. pros hous metapherein chre ton logon eph’ hekaston ton meron tes sphairas, kai hypomimneskontas, hoti hoson epi to logo mede kata mere kineitai, synagein hoti mede en ho esti topo kineitai ti.

τὸ δὲ αὐτὸ ποιήσομεν καὶ πρὸς τοὺς λέγοντας, ὅτι τὸ κινούμενον δυεῖν ἔχεται τόπων, τοῦ τε ἐν ᾧ ἔστι καὶ τοῦ εἰς ὃν φέρεται. πευσόμεθα γὰρ αὐτῶν, πότε φέρεται τὸ κινούμενον ἀπὸ τοῦ ἐν ᾧ ἔστι τόπου εἰς τὸν ἕτερον, ἆρα ὅτε ἐν τῷ πρώτῳ τόπῳ ἔστιν ἢ ὅτε ἐν τῷ δευτέρῳ. ἀλλ’ ὅτε μὲν ἐν τῷ πρώτῳ τόπῳ ἔστιν, οὐ μετέρχεται εἰς τὸν δεύτερον· ἔτι γὰρ ἐν τῷ πρώτῳ ἔστιν· ὅτε δὲ οὐκ ἔστιν ἐν τούτῳ, οὐ μετέρχεται ἀπ’ αὐτοῦ.

to de auto poiesomen kai pros tous legontas, hoti to kinoumenon dyein echetai topon, tou te en ho esti kai tou eis hon pheretai. peusometha gar auton, pote pheretai to kinoumenon apo tou en ho esti topou eis ton heteron, ara hote en to proto topo estin e hote en to deutero. all’ hote men en to proto topo estin, ou meterchetai eis ton deuteron; eti gar en to proto estin; hote de ouk estin en touto, ou meterchetai ap’ autou.

πρὸς τῷ καὶ συναρπάζεσθαι τὸ ζητούμενον· ἐν ᾧ γὰρ μὴ ἔστιν, οὐδὲ ἐνεργεῖν ἐν αὐτῷ δύναται· οὐ γὰρ δήπου φέρεσθαι εἴς τινα τόπον συγχωρήσει τις ἐκεῖνο ἁπλῶς ὃ μὴ δίδωσι κινεῖσθαι.

pros to kai synarpazesthai to zetoumenon; en ho gar me estin, oude energein en auto dynatai; ou gar depou pheresthai eis tina topon synchoresei tis ekeino haplos ho me didosi kineisthai.

τινὲς μέντοι κἀκεῖνο φασίν· τόπος λέγεται διχῶς, ὁ μὲν ἐν πλάτει, οἷον ὡς ἐμοῦ ἡ οἰκία, ὁ δὲ πρὸς ἀκρίβειαν, ὡς λόγου χάριν ὁ περιτετυπωκώς μου τὴν ἐπιφάνειαν τοῦ σώματος ἀήρ. λέγεται οὖν ἐν τόπῳ κινεῖσθαι τὸ κινούμενον οὐκ ἐν τῷ πρὸς ἀκρίβειαν ἀλλ’ ἐν τῷ κατὰ πλάτος. πρὸς οὓς ἔνεστιν ὑποδιαιροῦντας τὸν ἐν πλάτει τόπον λέγειν, ὅτι τούτου ἐν ᾧ μὲν ἔστι κυρίως τὸ κινεῖσθαι λεγόμενον σῶμα, ὡς ἐν τῷ πρὸς ἀκρίβειαν αὐτοῦ τόπῳ, ἐν ᾧ δὲ οὐκ ἔστιν, ὡς ἐν τοῖς λοιποῖς μέρεσι τοῦ κατὰ πλάτος τόπου· εἶτα συνάγοντας, ὅτι μήτε ἐν ᾧ ἔστι τόπῳ κινεῖσθαί τι δύναται μήτε ἐν ᾧ μὴ ἔστιν, ἐπιλογίζεσθαι, ὅτι μηδὲ ἐν τῷ κατὰ πλάτος καταχρηστικῶς λεγομένῳ τόπῳ κινεῖσθαί τι δύναται· συστατικὰ γάρ ἐστιν αὐτοῦ τό τε ἐν ᾧ ἔστι πρὸς ἀκρίβειαν καὶ ἐν ᾧ πρὸς ἀκρίβειαν οὐκ ἔστιν, ὧν ἐν οὐθετέρῳ κινεῖσθαί τι δύνασθαι δέδεικται.

tines mentoi kakeino phasin; topos legetai dichos, ho men en platei, ohion hos emou he oikia, ho de pros akribeian, hos logou charin ho peritetypokos mou ten epiphaneian tou somatos aer. legetai oun en topo kineisthai to kinoumenon ouk en to pros akribeian all’ en to kata platos. pros hous enestin hypodiairountas ton en platei topon legein, hoti toutou en ho men esti kyrios to kineisthai legomenon soma, hos en to pros akribeian autou topo, en ho de ouk estin, hos en tois loipois meresi tou kata platos topou; eita synagontas, hoti mete en ho esti topo kineisthai ti dynatai mete en ho me estin, epilogizesthai, hoti mede en to kata platos katachrestikos legomeno topo kineisthai ti dynatai; systatika gar estin autou to te en ho esti pros akribeian kai en ho pros akribeian ouk estin, hon en outhetero kineisthai ti dynasthai dedeiktai.

Ἐρωτητέον δὲ κἀκεῖνον τὸν λόγον. εἰ κινεῖταί τι, ἤτοι κατὰ τὸ πρότερον <πρότερον> κινεῖται ἢ κατὰ μεριστὸν διάστημα· οὔτε δὲ κατὰ τὸ πρότερον πρότερον δύναταί τι κινεῖσθαι, οὔτε κατὰ τὸ ἄθρουν μεριστὸν διάστημα, ὡς δείξομεν· οὐδὲ κινεῖταί τι ἄρα. ὅτι μὲν οὖν κατὰ τὸ πρότερον πρότερον οὐκ ἐνδέχεταί τι κινεῖσθαι, αὐτόθεν δῆλον. εἰ μὲν γὰρ εἰς ἄπειρον τέμνονται τὰ σώματα καὶ οἱ τόποι καὶ οἱ χρόνοι οἷς κινεῖσθαι λέγεται τὰ σώματα, οὐ γενήσεται κίνησις, ἀδυνάτου ὄντος τοῦ πρῶτόν τι ἐν ἀπείροις εὑρεθῆναι, ἀφ’ οὗ πρώτου κινήσεται τὸ κινεῖσθαι λεγόμενον.

Eroteteon de kakeinon ton logon. ei kineitai ti, etoi kata to proteron <proteron> kineitai e kata meriston diastema; oute de kata to proteron proteron dynatai ti kineisthai, oute kata to athroun meriston diastema, hos deixomen; oude kineitai ti ara. hoti men oun kata to proteron proteron ouk endechetai ti kineisthai, autothen delon. ei men gar eis apeiron temnontai ta somata kai ohi topoi kai ohi chronoi ohis kineisthai legetai ta somata, ou genesetai kinesis, adynatou ontos tou proton ti en apeirois heurethenai, aph’ hou protou kinesetai to kineisthai legomenon.

εἰ δὲ εἰς ἀμερὲς καταλήγει τὰ προειρημένα, καὶ ἕκαστον τῶν κινουμένων ὁμοίως τὸ πρῶτον ἀμερὲς τοῦ τόπου τῷ πρώτῳ ἑαυτοῦ ἀμερεῖ μετέρχεται χρόνῳ, πάντα τὰ κινούμενα ἔστιν ἰσοταχῆ, οἷον ὁ ταχύτατος ἵππος καὶ ἡ χελώνη· ὅπερ τοῦ προτέρου ἐστὶν ἀτοπώτερον. οὐκ ἄρα κατὰ τὸ πρότερον πρότερον γίνεται ἡ κίνησις. ἀλλ’ οὐδὲ κατὰ τὸ ἄθρουν μεριστὸν διάστημα.

ei de eis ameres katalegei ta proeiremena, kai hekaston ton kinoumenon homoios to proton ameres tou topou to proto heautou amerei meterchetai chrono, panta ta kinoumena estin isotache, ohion ho tachytatos hippos kai he chelone; hoper tou proterou estin atopoteron. ouk ara kata to proteron proteron ginetai he kinesis. all’ oude kata to athroun meriston diastema.

εἰ γὰρ ἀπὸ τῶν φαινομένων, ὥς φασιν, μαρτυρεῖσθαι τὰ ἄδηλα χρή, ἐπεί, ἵνα τις ἀνύσῃ σταδιαῖον διάστημα, δεῖ πρότερον αὐτὸν ἀνύσαι τὸ πρῶτον τοῦ σταδίου μέρος καὶ τὸ δεύτερον δεύτερον καὶ τὰ ἄλλα ὁμοίως, οὕτω καὶ πᾶν τὸ κινούμενον κατὰ τὸ πρότερον πρότερον κινεῖσθαι προσήκει, ἐπεί τοί γε εἰ ἀθρόως διιέναι τὸ κινούμενον λέγοιτο πάντα τὰ μέρη τοῦ τόπου ἐν ᾧ κινεῖσθαι λέγεται, ἐν πᾶσιν ἅμα ἔσται τοῖς μέρεσιν αὐτοῦ, καὶ εἰ τὸ μὲν ψυχρὸν εἴη μέρος, τὸ δὲ θερμὸν τοῦ δι’ οὗ ποιεῖται τὴν κίνησιν, ἢ τὸ μέν, εἰ τύχοι, μέλαν, τὸ δὲ λευκὸν ὥστε καὶ χρώζειν τὰ ἐντυγχάνοντα δύνασθαι, τὸ κινούμενον ἔσται θερμόν τε ἅμα καὶ ψυχρὸν καὶ μέλαν καὶ λευκόν· ὅπερ ἄτοπον.

ei gar apo ton phainomenon, hos phasin, martyreisthai ta adela chre, epei, hina tis anyse stadiaion diastema, dei proteron auton anysai to proton tou stadiou meros kai to deuteron deuteron kai ta alla homoios, houto kai pan to kinoumenon kata to proteron proteron kineisthai prosekei, epei toi ge ei athroos diienai to kinoumenon legoito panta ta mere tou topou en ho kineisthai legetai, en pasin hama estai tois meresin autou, kai ei to men psychron eie meros, to de thermon tou di’ hou poieitai ten kinesin, e to men, ei tychoi, melan, to de leukon hoste kai chrozein ta entynchanonta dynasthai, to kinoumenon estai thermon te hama kai psychron kai melan kai leukon; hoper atopon.

εἶτα καὶ πόσον ἀθρόως διέξεισι τόπον τὸ κινούμενον, εἰπάτωσαν. εἰ μὲν γὰρ ἀόριστον τοῦτον εἶναι φήσουσιν, προσδέξονταί τι κινεῖσθαι διὰ πάσης τῆς γῆς ἀθρόως· εἰ δὲ τοῦτο φεύγουσιν, ὁρισάτωσαν ἡμῖν τὸ μέγεθος τοῦ τόπου. τὸ μὲν γὰρ πρὸς ἀκρίβειαν ἐπιχειρεῖν ὁρίζειν τὸν τόπον, οὗ πλέον διάστημα οὐδὲ κατὰ τὸ ἀκαριαῖον δυνήσεται διελθεῖν τὸ κινούμενον ἀθρόως, πρὸς τῷ ἀποκληρωτικὸν καὶ προπετὲς ἢ καὶ γελοῖον ἴσως εἶναι, εἰς τὴν ἀρχῆθεν ἀπορίαν ἐμπίπτει· πάντα γὰρ ἔσται ἰσοταχῆ, εἴγε ἕκαστον αὐτῶν ὁμοίως κατὰ περιωρισμένους τόπους τὰς μεταβάσεις τῶν κινήσεων ποιεῖται.

eita kai poson athroos diexeisi topon to kinoumenon, eipatosan. ei men gar aoriston touton einai phesousin, prosdexontai ti kineisthai dia pases tes ges athroos; ei de touto pheugousin, horisatosan hemin to megethos tou topou. to men gar pros akribeian epicheirein horizein ton topon, hou pleon diastema oude kata to akariaion dynesetai dielthein to kinoumenon athroos, pros to apoklerotikon kai propetes e kai geloion isos einai, eis ten archethen aporian empiptei; panta gar estai isotache, eige hekaston auton homoios kata periorismenous topous tas metabaseis ton kineseon poieitai.

εἰ δὲ φήσουσιν, ὅτι μικρὸν μέν, οὐ πρὸς ἀκρίβειαν δὲ περιωρισμένον τόπον ἀθρόως κινεῖται τὸ κινούμενον, ἐνέσται ἡμῖν κατὰ τὴν σωριτικὴν ἀπορίαν ἀεὶ τῷ ὑποτεθέντι μεγέθει ἀκαριαῖον προστιθέναι μέγεθος τόπου. εἰ μὲν γὰρ στήσονταί που τοιαύτην ποιουμένων ἡμῶν συνερώτησιν, πάλιν εἰς τὸν ἀκριβῆ περιορισμὸν καὶ τὴν τερατείαν ἐκείνην ἐμπεσοῦνται· εἰ δὲ προσήσονται τὴν παραύξησιν, ἀναγκάσομεν αὐτοὺς συγχωρεῖν ἀθρόως τι δύνασθαι κινηθῆναι διὰ τοῦ μεγέθους τῆς γῆς ἁπάσης. ὥστε οὐδὲ <κατὰ> ἄθρουν μεριστὸν διάστημα κινεῖται τὰ κινεῖσθαι λεγόμενα.

ei de phesousin, hoti mikron men, ou pros akribeian de periorismenon topon athroos kineitai to kinoumenon, enestai hemin kata ten soritiken aporian aei to hypotethenti megethei akariaion prostithenai megethos topou. ei men gar stesontai pou toiauten poioumenon hemon synerotesin, palin eis ton akribe periorismon kai ten terateian ekeinen empesountai; ei de prosesontai ten parauxesin, anankasomen autous synchorein athroos ti dynasthai kinethenai dia tou megethous tes ges hapases. hoste oude <kata> athroun meriston diastema kineitai ta kineisthai legomena.

εἰ δὲ μήτε κατὰ ἄθρουν μεριστὸν τόπον μήτε κατὰ τὸ πρότερον <πρότερον> κινεῖταί τι, οὐδὲ κινεῖταί τι.

ei de mete kata athroun meriston topon mete kata to proteron <proteron> kineitai ti, oude kineitai ti.

Ταῦτα μὲν οὖν καὶ ἔτι πλείω τούτων φασὶν οἱ τὴν μεταβατικὴν κίνησιν ἀναιροῦντες. ἡμεῖς δὲ μήτε τοὺς λόγους τούτους μήτε τὸ φαινόμενον, ᾧ κατακολουθοῦντες εἰσάγουσι τὴν ὑπόστασιν τῆς κινήσεως, δυνάμενοι διατρέπειν, ὅσον ἐπὶ τῇ ἀντιθέσει τῶν τε φαινομένων καὶ τῶν λόγων, ἐπέχομεν περὶ τοῦ πότερον ἔστι κίνησις ἢ οὐκ ἔστιν.

Tauta men oun kai eti pleio touton phasin ohi ten metabatiken kinesin anairountes. hemeis de mete tous logous toutous mete to phainomenon, ho katakolouthountes eisagousi ten hypostasin tes kineseos, dynamenoi diatrepein, hoson epi te antithesei ton te phainomenon kai ton logon, epechomen peri tou poteron esti kinesis e ouk estin.