Libro 1, § 27 — Schizzi pirroniani

Ὅταν δὲ λέγωμεν ‘παντὶ λόγῳ λόγος ἴσος ἀντίκειται’, παντὶ μὲν λέγομεν τῷ ὑφ’ ἡμῶν διεξωδευμένῳ, λόγον δέ φαμεν οὐχ ἁπλῶς ἀλλὰ τὸν κατασκευάζοντά τι δογματικῶς, τουτέστι περὶ ἀδήλου, καὶ οὐ πάντως τὸν ἐκ λημμάτων καὶ ἐπιφορᾶς ἀλλὰ τὸν ὁπωσοῦν κατασκευάζοντα. ‘ἴσον δέ φαμεν κατὰ πίστιν ἢ ἀπιστίαν, τό τε ‘ἀντίκειται λαμβάνομεν ἀντὶ τοῦ ‘μάχεται’ κοινῶς, καὶ τὸ ‘ὡς ἐμοὶ φαίνεται’ συνεκδεχόμεθα.

Hotan de legomen ‘panti logo logos isos antikeitai’, panti men legomen to hyph’ hemon diexodeumeno, logon de phamen ouch haplos alla ton kataskeuazonta ti dogmatikos, toutesti peri adelou, kai ou pantos ton ek lemmaton kai epiphoras alla ton hoposoun kataskeuazonta. ‘ison de phamen kata pistin e apistian, to te ‘antikeitai lambanomen anti tou ‘machetai’ koinos, kai to ‘hos emoi phainetai’ synekdechometha.

ὅταν οὖν εἴπω ‘παντὶ λόγῳ λόγος ἴσος ἀντίκειται’ δυνάμει τοῦτό φημι ‘παντὶ τῷ ὑπ’ ἐμοῦ ζητουμένῳ λόγῳ, ὃς κατασκευάζει τι δογματικῶς, ἕτερος λόγος κατασκευάζων τι δογματικῶς, ἴσος αὐτῷ κατὰ πίστιν καὶ ἀπιστίαν, ἀντικεῖσθαι φαίνεταί μοι,, ὡς εἶναι τὴν τοῦ λόγου προφορὰν οὐ δογματικὴν ἀλλ’ ἀνθρωπείου πάθους ἀπαγγελίαν, ὅ ἐστι φαινόμενον τῷ πάσχοντι.

hotan oun eipo ‘panti logo logos isos antikeitai’ dynamei touto phemi ‘panti to hyp’ emou zetoumeno logo, hos kataskeuazei ti dogmatikos, heteros logos kataskeuazon ti dogmatikos, isos auto kata pistin kai apistian, antikeisthai phainetai moi,, hos einai ten tou logou prophoran ou dogmatiken all’ anthropeiou pathous apangelian, ho esti phainomenon to paschonti.

προφέρονται δέ τινες καὶ οὕτω τὴν φωνήν ‘παντὶ λόγῳ λόγον ἴσον ἀντικεῖσθαι, ἀξιοῦντες παραγγελματικῶς τοῦτο ‘παντὶ λόγῳ δογματικῶς τι κατασκευάζοντι λόγον δογματικῶς ζητοῦντα, ἴσον κατὰ πίστιν καὶ ἀπιστίαν, μαχόμενον αὐτῷ ἀντιτιθῶμεν’, ἵνα ὁ μὲν λόγος αὐτοῖς ᾖ πρὸς τὸν σκεπτικόν, χρῶνται δὲ ἀπαρεμφάτῳ ἀντὶ προστακτικοῦ, τῷ ‘ἀντικεῖσθαι ἀντὶ τοῦ ‘ἀντιτιθῶμεν’.

propherontai de tines kai houto ten phonen ‘panti logo logon ison antikeisthai, axiountes parangelmatikos touto ‘panti logo dogmatikos ti kataskeuazonti logon dogmatikos zetounta, ison kata pistin kai apistian, machomenon auto antitithomen’, hina ho men logos autois e pros ton skeptikon, chrontai de aparemphato anti prostaktikou, to ‘antikeisthai anti tou ‘antitithomen’.

παραγγέλλουσι δὲ τοῦτο τῷ σκεπτικῷ, μή πως ὑπὸ τοῦ δογματικοῦ παρακρουσθεὶς ἀπείπῃ τὴν περὶ αὐτοῦ ζήτησιν, καὶ τῆς φαινομένης αὐτοῖς ἀταραξίας, ἣν νομίζουσι παρυφίστασθαι τῇ περὶ πάντων ἐποχῇ, καθὼς ἔμπροσθεν ὑπεμνήσαμεν, σφαλῇ προπετευσάμενος.

parangellousi de touto to skeptiko, me pos hypo tou dogmatikou parakroustheis apeipe ten peri autou zetesin, kai tes phainomenes autois ataraxias, hen nomizousi paryphistasthai te peri panton epoche, kathos emprosthen hypemnesamen, sphale propeteusamenos.