Libro 1, § 16 — Schizzi pirroniani

Παραδιδόασι δὲ καὶ δύο τρόπους ἐποχῆς ἑτέρους· ἐπεὶ γὰρ πᾶν τὸ καταλαμβανόμενον ἤτοι ἐξ ἑαυτοῦ καταλαμβάνεσθαι δοκεῖ ἢ ἐξ ἑτέρου, <ὑπομιμνῄσκοντες ὅτι οὔτε ἐξ ἑαυτοῦ τι οὔτε ἐξ ἑτέρου> καταλαμβάνεται, τὴν περὶ πάντων ἀπορίαν εἰσάγειν δοκοῦσιν. καὶ ὅτι μὲν οὐδὲν ἐξ ἑαυτοῦ καταλαμβάνεται, φασί, δῆλον ἐκ τῆς γεγενημένης παρὰ τοῖς φυσικοῖς περί τε τῶν αἰσθητῶν καὶ τῶν νοητῶν ἁπάντων οἶμαι διαφωνίας, ἣ δὴ ἀνεπίκριτός ἐστι μὴ δυναμένων ἡμῶν μήτε αἰσθητῷ μήτε νοητῷ κριτηρίῳ χρῆσθαι διὰ τὸ πᾶν, ὅπερ ἂν λάβωμεν διαπεφωνημένον, εἶναι ἄπιστον,

Paradidoasi de kai dyo tropous epoches heterous; epei gar pan to katalambanomenon etoi ex heautou katalambanesthai dokei e ex heterou, <hypomimneskontes hoti oute ex heautou ti oute ex heterou> katalambanetai, ten peri panton aporian eisagein dokousin. kai hoti men ouden ex heautou katalambanetai, phasi, delon ek tes gegenemenes para tois physikois peri te ton aistheton kai ton noeton hapanton oimai diaphonias, he de anepikritos esti me dynamenon hemon mete aistheto mete noeto kriterio chresthai dia to pan, hoper an labomen diapephonemenon, einai apiston,

διὰ δὲ τοῦτο οὐδ’ ἐξ ἑτέρου τι καταλαμβάνεσθαι συγχωροῦσιν. εἰ μὲν γὰρ τὸ ἐξ οὗ τι καταλαμβάνεται ἀεὶ ἐξ ἑτέρου καταλαμβάνεσθαι δεήσει, εἰς τὸν διάλληλον ἢ τὸν ἄπειρον ἐμβάλλουσι τρόπον. εἰ δὲ βούλοιτό τις λαβεῖν ὡς ἐξ ἑαυτοῦ καταλαμβανόμενόν τι ἐξ οὗ καταλαμβάνεται ἕτερον, ἀντιπίπτει τὸ μηδὲν ἐξ ἑαυτοῦ καταλαμβάνεσθαι διὰ τὰ προειρημένα. τὸ δὲ μαχόμενον πῶς ἂν δύναιτο καταληφθῆναι <ἢ> ἀφ’ ἑαυτοῦ ἢ ἀφ’ ἑτέρου, ἀποροῦμεν, τοῦ κριτηρίου τῆς ἀληθείας ἢ τῆς καταλήψεως μὴ φαινομένου, σημείων δὲ καὶ δίχα ἀποδείξεως διατρεπομένων, καθάπερ ἐν τοῖς ἑξῆς εἰσόμεθα. τοσαῦτα μὲν οὖν καὶ περὶ τῶν τρόπων τῆς ἐποχῆς ἐπὶ τοῦ παρόντος ἀρκέσει λελέχθαι.

dia de touto oud’ ex heterou ti katalambanesthai synchorousin. ei men gar to ex hou ti katalambanetai aei ex heterou katalambanesthai deesei, eis ton diallelon e ton apeiron emballousi tropon. ei de bouloito tis labein hos ex heautou katalambanomenon ti ex hou katalambanetai heteron, antipiptei to meden ex heautou katalambanesthai dia ta proeiremena. to de machomenon pos an dynaito katalephthenai <e> aph’ heautou e aph’ heterou, aporoumen, tou kriteriou tes aletheias e tes katalepseos me phainomenou, semeion de kai dicha apodeixeos diatrepomenon, kathaper en tois hexes eisometha. tosauta men oun kai peri ton tropon tes epoches epi tou parontos arkesei lelechthai.