Libro 8, § 13 — Nuovo Testamento

Τρίτον τοῦτο ἔρχομαι πρὸς ὑμᾶς· ἐπὶ στόματος δύο μαρτύρων καὶ τριῶν σταθήσεται πᾶν ῥῆμα. προείρηκα καὶ προλέγω ὡς παρὼν τὸ δεύτερον καὶ ἀπὼν νῦν, τοῖς προημαρτηκόσιν καὶ τοῖς λοιποῖς πᾶσιν, ὅτι ἐὰν ἔλθω εἰς τὸ πάλιν οὐ φείσομαι, ἐπεὶ δοκιμὴν ζητεῖτε τοῦ ἐν ἐμοὶ λαλοῦντος Χριστοῦ· ὃς εἰς ὑμᾶς οὐκ ἀσθενεῖ ἀλλὰ δυνατεῖ ἐν ὑμῖν, καὶ γὰρ ἐσταυρώθη ἐξ ἀσθενείας, ἀλλὰ ζῇ ἐκ δυνάμεως θεοῦ. καὶ γὰρ ἡμεῖς ἀσθενοῦμεν ἐν αὐτῷ, ἀλλὰ ζήσομεν σὺν αὐτῷ ἐκ δυνάμεως θεοῦ εἰς ὑμᾶς.

Triton touto erchomai pros hymas; epi stomatos dyo martyron kai trion stathesetai pan rhema. proeireka kai prolego hos paron to deuteron kai apon nyn, tois proemartekosin kai tois loipois pasin, hoti ean eltho eis to palin ou pheisomai, epei dokimen zeteite tou en emoi lalountos Christou; hos eis hymas ouk asthenei alla dynatei en hymin, kai gar estaurothe ex astheneias, alla ze ek dynameos theou. kai gar hemeis asthenoumen en auto, alla zesomen syn auto ek dynameos theou eis hymas.

Ἑαυτοὺς πειράζετε εἰ ἐστὲ ἐν τῇ πίστει, ἑαυτοὺς δοκιμάζετε· ἢ οὐκ ἐπιγινώσκετε ἑαυτοὺς ὅτι Ἰησοῦς Χριστὸς ἐν ὑμῖν; εἰ μήτι ἀδόκιμοί ἐστε. ἐλπίζω δὲ ὅτι γνώσεσθε ὅτι ἡμεῖς οὐκ ἐσμὲν ἀδόκιμοι. εὐχόμεθα δὲ πρὸς τὸν θεὸν μὴ ποιῆσαι ὑμᾶς κακὸν μηδέν, οὐχ ἵνα ἡμεῖς δόκιμοι φανῶμεν, ἀλλ’ ἵνα ὑμεῖς τὸ καλὸν ποιῆτε, ἡμεῖς δὲ ὡς ἀδόκιμοι ὦμεν. οὐ γὰρ δυνάμεθά τι κατὰ τῆς ἀληθείας, ἀλλὰ ὑπὲρ τῆς ἀληθείας. χαίρομεν γὰρ ὅταν ἡμεῖς ἀσθενῶμεν, ὑμεῖς δὲ δυνατοὶ ἦτε· τοῦτο καὶ εὐχόμεθα, τὴν ὑμῶν κατάρτισιν. διὰ τοῦτο ταῦτα ἀπὼν γράφω, ἵνα παρὼν μὴ ἀποτόμως χρήσωμαι κατὰ τὴν ἐξουσίαν ἣν ὁ κύριος ἔδωκέν μοι, εἰς οἰκοδομὴν καὶ οὐκ εἰς καθαίρεσιν.

Heautous peirazete ei este en te pistei, heautous dokimazete; e ouk epiginoskete heautous hoti Iesous Christos en hymin? ei meti adokimoi este. elpizo de hoti gnosesthe hoti hemeis ouk esmen adokimoi. euchometha de pros ton theon me poiesai hymas kakon meden, ouch hina hemeis dokimoi phanomen, all’ hina hymeis to kalon poiete, hemeis de hos adokimoi omen. ou gar dynametha ti kata tes aletheias, alla hyper tes aletheias. chairomen gar hotan hemeis asthenomen, hymeis de dynatoi ete; touto kai euchometha, ten hymon katartisin. dia touto tauta apon grapho, hina paron me apotomos chresomai kata ten exousian hen ho kyrios edoken moi, eis oikodomen kai ouk eis kathairesin.

Λοιπόν, ἀδελφοί, χαίρετε, καταρτίζεσθε, παρακαλεῖσθε, τὸ αὐτὸ φρονεῖτε, εἰρηνεύετε, καὶ ὁ θεὸς τῆς ἀγάπης καὶ εἰρήνης ἔσται μεθ’ ὑμῶν. ἀσπάσασθε ἀλλήλους ἐν ἁγίῳ φιλήματι. ἀσπάζονται ὑμᾶς οἱ ἅγιοι πάντες. ἡ χάρις τοῦ κυρίου Ἰησοῦ Χριστοῦ καὶ ἡ ἀγάπη τοῦ θεοῦ καὶ ἡ κοινωνία τοῦ ἁγίου πνεύματος μετὰ πάντων ὑμῶν.

Loipon, adelphoi, chairete, katartizesthe, parakaleisthe, to auto phroneite, eireneuete, kai ho theos tes agapes kai eirenes estai meth’ hymon. aspasasthe allelous en hagio philemati. aspazontai hymas ohi hagioi pantes. he charis tou kyriou Iesou Christou kai he agape tou theou kai he koinonia tou hagiou pneumatos meta panton hymon.