Libro 8, § 11 — Nuovo Testamento

Ὄφελον ἀνείχεσθέ μου μικρόν τι ἀφροσύνης· ἀλλὰ καὶ ἀνέχεσθέ μου. ζηλῶ γὰρ ὑμᾶς θεοῦ ζήλῳ, ἡρμοσάμην γὰρ ὑμᾶς ἑνὶ ἀνδρὶ παρθένον ἁγνὴν παραστῆσαι τῷ Χριστῷ· φοβοῦμαι δὲ μή πως, ὡς ὁ ὄφις ἐξηπάτησεν Εὕαν ἐν τῇ πανουργίᾳ αὐτοῦ, φθαρῇ τὰ νοήματα ὑμῶν ἀπὸ τῆς ἁπλότητος καὶ τῆς ἁγνότητος τῆς εἰς τὸν Χριστόν. εἰ μὲν γὰρ ὁ ἐρχόμενος ἄλλον Ἰησοῦν κηρύσσει ὃν οὐκ ἐκηρύξαμεν, ἢ πνεῦμα ἕτερον λαμβάνετε ὃ οὐκ ἐλάβετε, ἢ εὐαγγέλιον ἕτερον ὃ οὐκ ἐδέξασθε, καλῶς ἀνέχεσθε. λογίζομαι γὰρ μηδὲν ὑστερηκέναι τῶν ὑπερλίαν ἀποστόλων· εἰ δὲ καὶ ἰδιώτης τῷ λόγῳ, ἀλλ’ οὐ τῇ γνώσει, ἀλλ’ ἐν παντὶ φανερώσαντες ἐν πᾶσιν εἰς ὑμᾶς. Ἢ ἁμαρτίαν ἐποίησα ἐμαυτὸν ταπεινῶν ἵνα ὑμεῖς ὑψωθῆτε, ὅτι δωρεὰν τὸ τοῦ θεοῦ εὐαγγέλιον εὐηγγελισάμην ὑμῖν; ἄλλας ἐκκλησίας ἐσύλησα λαβὼν ὀψώνιον πρὸς τὴν ὑμῶν διακονίαν, καὶ παρὼν πρὸς ὑμᾶς καὶ ὑστερηθεὶς οὐ κατενάρκησα οὐθενός· τὸ γὰρ ὑστέρημά μου προσανεπλήρωσαν οἱ ἀδελφοὶ ἐλθόντες ἀπὸ Μακεδονίας· καὶ ἐν παντὶ ἀβαρῆ ἐμαυτὸν ὑμῖν ἐτήρησα καὶ τηρήσω. ἔστιν ἀλήθεια Χριστοῦ ἐν ἐμοὶ ὅτι ἡ καύχησις αὕτη οὐ φραγήσεται εἰς ἐμὲ ἐν τοῖς κλίμασι τῆς Ἀχαΐας. διὰ τί; ὅτι οὐκ ἀγαπῶ ὑμᾶς; ὁ θεὸς οἶδεν. Ὃ δὲ ποιῶ καὶ ποιήσω, ἵνα ἐκκόψω τὴν ἀφορμὴν τῶν θελόντων ἀφορμήν, ἵνα ἐν ᾧ καυχῶνται εὑρεθῶσιν καθὼς καὶ ἡμεῖς. οἱ γὰρ τοιοῦτοι ψευδαπόστολοι, ἐργάται δόλιοι, μετασχηματιζόμενοι εἰς ἀποστόλους Χριστοῦ· καὶ οὐ θαῦμα, αὐτὸς γὰρ ὁ Σατανᾶς μετασχηματίζεται εἰς ἄγγελον φωτός· οὐ μέγα οὖν εἰ καὶ οἱ διάκονοι αὐτοῦ μετασχηματίζονται ὡς διάκονοι δικαιοσύνης, ὧν τὸ τέλος ἔσται κατὰ τὰ ἔργα αὐτῶν. Πάλιν λέγω, μή τίς με δόξῃ ἄφρονα εἶναι εἰ δὲ μή γε, κἂν ὡς ἄφρονα δέξασθέ με, ἵνα κἀγὼ μικρόν τι καυχήσωμαι· ὃ λαλῶ οὐ κατὰ κύριον λαλῶ, ἀλλ’ ὡς ἐν ἀφροσύνῃ, ἐν ταύτῃ τῇ ὑποστάσει τῆς καυχήσεως. ἐπεὶ πολλοὶ καυχῶνται κατὰ σάρκα, κἀγὼ καυχήσομαι. ἡδέως γὰρ ἀνέχεσθε τῶν ἀφρόνων φρόνιμοι ὄντες· ἀνέχεσθε γὰρ εἴ τις ὑμᾶς καταδουλοῖ, εἴ τις κατεσθίει, εἴ τις λαμβάνει, εἴ τις ἐπαίρεται, εἴ τις εἰς πρόσωπον ὑμᾶς δέρει. κατὰ ἀτιμίαν λέγω, ὡς ὅτι ἡμεῖς ἠσθενήκαμεν· ἐν ᾧ δ’ ἄν τις τολμᾷ, ἐν ἀφροσύνῃ λέγω, τολμῶ κἀγώ. Ἑβραῖοί εἰσιν; κἀγώ. Ἰσραηλῖταί εἰσιν; κἀγώ. σπέρμα Ἀβραάμ εἰσιν; κἀγώ. διάκονοι Χριστοῦ εἰσιν; παραφρονῶν λαλῶ, ὑπὲρ ἐγώ· ἐν κόποις περισσοτέρως, ἐν φυλακαῖς περισσοτέρως, ἐν πληγαῖς ὑπερβαλλόντως, ἐν θανάτοις πολλάκις· ὑπὸ Ἰουδαίων πεντάκις τεσσεράκοντα παρὰ μίαν ἔλαβον, τρὶς ἐραβδίσθην, ἅπαξ ἐλιθάσθην, τρὶς ἐναυάγησα, νυχθήμερον ἐν τῷ βυθῷ πεποίηκα· ὁδοιπορίαις πολλάκις, κινδύνοις ποταμῶν, κινδύνοις λῃστῶν, κινδύνοις ἐκ γένους, κινδύνοις ἐξ ἐθνῶν, κινδύνοις ἐν πόλει, κινδύνοις ἐν ἐρημίᾳ, κινδύνοις ἐν θαλάσσῃ, κινδύνοις ἐν ψευδαδέλφοις, κόπῳ καὶ μόχθῳ, ἐν ἀγρυπνίαις πολλάκις, ἐν λιμῷ καὶ δίψει, ἐν νηστείαις πολλάκις, ἐν ψύχει καὶ γυμνότητι· χωρὶς τῶν παρεκτὸς ἡ ἐπίστασίς μοι ἡ καθ’ ἡμέραν, ἡ μέριμνα πασῶν τῶν ἐκκλησιῶν. τίς ἀσθενεῖ, καὶ οὐκ ἀσθενῶ; τίς σκανδαλίζεται καὶ οὐκ ἐγὼ πυροῦμαι; Εἰ καυχᾶσθαι δεῖ, τὰ τῆς ἀσθενείας μου καυχήσομαι. ὁ θεὸς καὶ πατὴρ τοῦ κυρίου Ἰησοῦ οἶδεν, ὁ ὢν εὐλογητὸς εἰς τοὺς αἰῶνας, ὅτι οὐ ψεύδομαι. ἐν Δαμασκῷ ὁ ἐθνάρχης Ἁρέτα τοῦ βασιλέως ἐφρούρει τὴν πόλιν Δαμασκηνῶν πιάσαι με, καὶ διὰ θυρίδος ἐν σαργάνῃ ἐχαλάσθην διὰ τοῦ τείχους καὶ ἐξέφυγον τὰς χεῖρας αὐτοῦ.

Ophelon aneichesthe mou mikron ti aphrosynes; alla kai anechesthe mou. zelo gar hymas theou zelo, hermosamen gar hymas heni andri parthenon hagnen parastesai to Christo; phoboumai de me pos, hos ho ophis exepatesen Heuan en te panourgia autou, phthare ta noemata hymon apo tes haplotetos kai tes hagnotetos tes eis ton Christon. ei men gar ho erchomenos allon Iesoun keryssei hon ouk ekeryxamen, e pneuma heteron lambanete ho ouk elabete, e euangelion heteron ho ouk edexasthe, kalos anechesthe. logizomai gar meden hysterekenai ton hyperlian apostolon; ei de kai idiotes to logo, all’ ou te gnosei, all’ en panti phanerosantes en pasin eis hymas. E hamartian epoiesa emauton tapeinon hina hymeis hypsothete, hoti dorean to tou theou euangelion euengelisamen hymin? allas ekklesias esylesa labon opsonion pros ten hymon diakonian, kai paron pros hymas kai hysteretheis ou katenarkesa outhenos; to gar hysterema mou prosaneplerosan ohi adelphoi elthontes apo Makedonias; kai en panti abare emauton hymin eteresa kai tereso. estin aletheia Christou en emoi hoti he kauchesis haute ou phragesetai eis eme en tois klimasi tes Achaias. dia ti? hoti ouk agapo hymas? ho theos oiden. Ho de poio kai poieso, hina ekkopso ten aphormen ton thelonton aphormen, hina en ho kauchontai heurethosin kathos kai hemeis. ohi gar toioutoi pseudapostoloi, ergatai dolioi, metaschematizomenoi eis apostolous Christou; kai ou thauma, autos gar ho Satanas metaschematizetai eis angelon photos; ou mega oun ei kai ohi diakonoi autou metaschematizontai hos diakonoi dikaiosynes, hon to telos estai kata ta erga auton. Palin lego, me tis me doxe aphrona einai ei de me ge, kan hos aphrona dexasthe me, hina kago mikron ti kauchesomai; ho lalo ou kata kyrion lalo, all’ hos en aphrosyne, en taute te hypostasei tes kaucheseos. epei polloi kauchontai kata sarka, kago kauchesomai. hedeos gar anechesthe ton aphronon phronimoi ontes; anechesthe gar ei tis hymas katadouloi, ei tis katesthiei, ei tis lambanei, ei tis epairetai, ei tis eis prosopon hymas derei. kata atimian lego, hos hoti hemeis esthenekamen; en ho d’ an tis tolma, en aphrosyne lego, tolmo kago. Hebraioi eisin? kago. Israelitai eisin? kago. sperma Abraam eisin? kago. diakonoi Christou eisin? paraphronon lalo, hyper ego; en kopois perissoteros, en phylakais perissoteros, en plegais hyperballontos, en thanatois pollakis; hypo Ioudaion pentakis tesserakonta para mian elabon, tris erabdisthen, hapax elithasthen, tris enauagesa, nychthemeron en to bytho pepoieka; hodoiporiais pollakis, kindynois potamon, kindynois leston, kindynois ek genous, kindynois ex ethnon, kindynois en polei, kindynois en eremia, kindynois en thalasse, kindynois en pseudadelphois, kopo kai mochtho, en agrypniais pollakis, en limo kai dipsei, en nesteiais pollakis, en psychei kai gymnoteti; choris ton parektos he epistasis moi he kath’ hemeran, he merimna pason ton ekklesion. tis asthenei, kai ouk astheno? tis skandalizetai kai ouk ego pyroumai? Ei kauchasthai dei, ta tes astheneias mou kauchesomai. ho theos kai pater tou kyriou Iesou oiden, ho on eulogetos eis tous aionas, hoti ou pseudomai. en Damasko ho ethnarches Hareta tou basileos ephrourei ten polin Damaskenon piasai me, kai dia thyridos en sargane echalasthen dia tou teichous kai exephygon tas cheiras autou.