Libro 7, § 14 — Nuovo Testamento

Διώκετε τὴν ἀγάπην, ζηλοῦτε δὲ τὰ πνευματικά, μᾶλλον δὲ ἵνα προφητεύητε. ὁ γὰρ λαλῶν γλώσσῃ οὐκ ἀνθρώποις λαλεῖ ἀλλὰ θεῷ, οὐδεὶς γὰρ ἀκούει, πνεύματι δὲ λαλεῖ μυστήρια· ὁ δὲ προφητεύων ἀνθρώποις λαλεῖ οἰκοδομὴν καὶ παράκλησιν καὶ παραμυθίαν. ὁ λαλῶν γλώσσῃ ἑαυτὸν οἰκοδομεῖ· ὁ δὲ προφητεύων ἐκκλησίαν οἰκοδομεῖ. θέλω δὲ πάντας ὑμᾶς λαλεῖν γλώσσαις, μᾶλλον δὲ ἵνα προφητεύητε· μείζων δὲ ὁ προφητεύων ἢ ὁ λαλῶν γλώσσαις, ἐκτὸς εἰ μὴ διερμηνεύῃ, ἵνα ἡ ἐκκλησία οἰκοδομὴν λάβῃ.

Diokete ten agapen, zeloute de ta pneumatika, mallon de hina propheteuete. ho gar lalon glosse ouk anthropois lalei alla theo, oudeis gar akouei, pneumati de lalei mysteria; ho de propheteuon anthropois lalei oikodomen kai paraklesin kai paramythian. ho lalon glosse heauton oikodomei; ho de propheteuon ekklesian oikodomei. thelo de pantas hymas lalein glossais, mallon de hina propheteuete; meizon de ho propheteuon e ho lalon glossais, ektos ei me diermeneue, hina he ekklesia oikodomen labe.

Νῦν δέ, ἀδελφοί, ἐὰν ἔλθω πρὸς ὑμᾶς γλώσσαις λαλῶν, τί ὑμᾶς ὠφελήσω, ἐὰν μὴ ὑμῖν λαλήσω ἢ ἐν ἀποκαλύψει ἢ ἐν γνώσει ἢ ἐν προφητείᾳ ἢ ἐν διδαχῇ; ὅμως τὰ ἄψυχα φωνὴν διδόντα, εἴτε αὐλὸς εἴτε κιθάρα, ἐὰν διαστολὴν τοῖς φθόγγοις μὴ δῷ, πῶς γνωσθήσεται τὸ αὐλούμενον ἢ τὸ κιθαριζόμενον; καὶ γὰρ ἐὰν ἄδηλον φωνὴν σάλπιγξ δῷ, τίς παρασκευάσεται εἰς πόλεμον; οὕτως καὶ ὑμεῖς διὰ τῆς γλώσσης ἐὰν μὴ εὔσημον λόγον δῶτε, πῶς γνωσθήσεται τὸ λαλούμενον; ἔσεσθε γὰρ εἰς ἀέρα λαλοῦντες. τοσαῦτα εἰ τύχοι γένη φωνῶν εἰσιν ἐν κόσμῳ, καὶ οὐδὲν ἄφωνον· ἐὰν οὖν μὴ εἰδῶ τὴν δύναμιν τῆς φωνῆς, ἔσομαι τῷ λαλοῦντι βάρβαρος καὶ ὁ λαλῶν ἐν ἐμοὶ βάρβαρος. οὕτως καὶ ὑμεῖς, ἐπεὶ ζηλωταί ἐστε πνευμάτων, πρὸς τὴν οἰκοδομὴν τῆς ἐκκλησίας ζητεῖτε ἵνα περισσεύητε.

Nyn de, adelphoi, ean eltho pros hymas glossais lalon, ti hymas opheleso, ean me hymin laleso e en apokalypsei e en gnosei e en propheteia e en didache? homos ta apsycha phonen didonta, eite aulos eite kithara, ean diastolen tois phthongois me do, pos gnosthesetai to auloumenon e to kitharizomenon? kai gar ean adelon phonen salpinx do, tis paraskeuasetai eis polemon? houtos kai hymeis dia tes glosses ean me eusemon logon dote, pos gnosthesetai to laloumenon? esesthe gar eis aera lalountes. tosauta ei tychoi gene phonon eisin en kosmo, kai ouden aphonon; ean oun me eido ten dynamin tes phones, esomai to lalounti barbaros kai ho lalon en emoi barbaros. houtos kai hymeis, epei zelotai este pneumaton, pros ten oikodomen tes ekklesias zeteite hina perisseuete.

Διὸ ὁ λαλῶν γλώσσῃ προσευχέσθω ἵνα διερμηνεύῃ. ἐὰν γὰρ προσεύχωμαι γλώσσῃ, τὸ πνεῦμά μου προσεύχεται, ὁ δὲ νοῦς μου ἄκαρπός ἐστιν. τί οὖν ἐστιν; προσεύξομαι τῷ πνεύματι, προσεύξομαι δὲ καὶ τῷ νοΐ· ψαλῶ τῷ πνεύματι, ψαλῶ δὲ καὶ τῷ νοΐ· ἐπεὶ ἐὰν εὐλογῇς πνεύματι, ὁ ἀναπληρῶν τὸν τόπον τοῦ ἰδιώτου πῶς ἐρεῖ τὸ Ἀμήν ἐπὶ τῇ σῇ εὐχαριστίᾳ; ἐπειδὴ τί λέγεις οὐκ οἶδεν· σὺ μὲν γὰρ καλῶς εὐχαριστεῖς, ἀλλ’ ὁ ἕτερος οὐκ οἰκοδομεῖται. εὐχαριστῶ τῷ θεῷ, πάντων ὑμῶν μᾶλλον γλώσσαις λαλῶ· ἀλλὰ ἐν ἐκκλησίᾳ θέλω πέντε λόγους τῷ νοΐ μου λαλῆσαι, ἵνα καὶ ἄλλους κατηχήσω, ἢ μυρίους λόγους ἐν γλώσσῃ.

Dio ho lalon glosse proseuchestho hina diermeneue. ean gar proseuchomai glosse, to pneuma mou proseuchetai, ho de nous mou akarpos estin. ti oun estin? proseuxomai to pneumati, proseuxomai de kai to noi; psalo to pneumati, psalo de kai to noi; epei ean euloges pneumati, ho anapleron ton topon tou idiotou pos erei to Amen epi te se eucharistia? epeide ti legeis ouk oiden; sy men gar kalos eucharisteis, all’ ho heteros ouk oikodomeitai. eucharisto to theo, panton hymon mallon glossais lalo; alla en ekklesia thelo pente logous to noi mou lalesai, hina kai allous katecheso, e myrious logous en glosse.

Ἀδελφοί, μὴ παιδία γίνεσθε ταῖς φρεσίν, ἀλλὰ τῇ κακίᾳ νηπιάζετε, ταῖς δὲ φρεσὶν τέλειοι γίνεσθε. ἐν τῷ νόμῳ γέγραπται ὅτι Ἐν ἑτερογλώσσοις καὶ ἐν χείλεσιν ἑτέρων λαλήσω τῷ λαῷ τούτῳ, καὶ οὐδ’ οὕτως εἰσακούσονταί μου, λέγει κύριος. ὥστε αἱ γλῶσσαι εἰς σημεῖόν εἰσιν οὐ τοῖς πιστεύουσιν ἀλλὰ τοῖς ἀπίστοις, ἡ δὲ προφητεία οὐ τοῖς ἀπίστοις ἀλλὰ τοῖς πιστεύουσιν. ἐὰν οὖν συνέλθῃ ἡ ἐκκλησία ὅλη ἐπὶ τὸ αὐτὸ καὶ πάντες λαλῶσιν γλώσσαις, εἰσέλθωσιν δὲ ἰδιῶται ἢ ἄπιστοι, οὐκ ἐροῦσιν ὅτι μαίνεσθε; ἐὰν δὲ πάντες προφητεύωσιν, εἰσέλθῃ δέ τις ἄπιστος ἢ ἰδιώτης, ἐλέγχεται ὑπὸ πάντων, ἀνακρίνεται ὑπὸ πάντων, τὰ κρυπτὰ τῆς καρδίας αὐτοῦ φανερὰ γίνεται, καὶ οὕτως πεσὼν ἐπὶ πρόσωπον προσκυνήσει τῷ θεῷ, ἀπαγγέλλων ὅτι Ὄντως ὁ θεὸς ἐν ὑμῖν ἐστιν.

Adelphoi, me paidia ginesthe tais phresin, alla te kakia nepiazete, tais de phresin teleioi ginesthe. en to nomo gegraptai hoti En heteroglossois kai en cheilesin heteron laleso to lao touto, kai oud’ houtos eisakousontai mou, legei kyrios. hoste ahi glossai eis semeion eisin ou tois pisteuousin alla tois apistois, he de propheteia ou tois apistois alla tois pisteuousin. ean oun synelthe he ekklesia hole epi to auto kai pantes lalosin glossais, eiselthosin de idiotai e apistoi, ouk erousin hoti mainesthe? ean de pantes propheteuosin, eiselthe de tis apistos e idiotes, elenchetai hypo panton, anakrinetai hypo panton, ta krypta tes kardias autou phanera ginetai, kai houtos peson epi prosopon proskynesei to theo, apangellon hoti Ontos ho theos en hymin estin.

Τί οὖν ἐστιν, ἀδελφοί; ὅταν συνέρχησθε, ἕκαστος ψαλμὸν ἔχει, διδαχὴν ἔχει, ἀποκάλυψιν ἔχει, γλῶσσαν ἔχει, ἑρμηνείαν ἔχει· πάντα πρὸς οἰκοδομὴν γινέσθω. εἴτε γλώσσῃ τις λαλεῖ, κατὰ δύο ἢ τὸ πλεῖστον τρεῖς, καὶ ἀνὰ μέρος, καὶ εἷς διερμηνευέτω· ἐὰν δὲ μὴ ᾖ διερμηνευτής, σιγάτω ἐν ἐκκλησίᾳ, ἑαυτῷ δὲ λαλείτω καὶ τῷ θεῷ. προφῆται δὲ δύο ἢ τρεῖς λαλείτωσαν, καὶ οἱ ἄλλοι διακρινέτωσαν· ἐὰν δὲ ἄλλῳ ἀποκαλυφθῇ καθημένῳ, ὁ πρῶτος σιγάτω. δύνασθε γὰρ καθ’ ἕνα πάντες προφητεύειν, ἵνα πάντες μανθάνωσιν καὶ πάντες παρακαλῶνται καὶ πνεύματα προφητῶν προφήταις ὑποτάσσεται, οὐ γάρ ἐστιν ἀκαταστασίας ὁ θεὸς ἀλλὰ εἰρήνης, ὡς ἐν πάσαις ταῖς ἐκκλησίαις τῶν ἁγίων.

Ti oun estin, adelphoi? hotan synerchesthe, hekastos psalmon echei, didachen echei, apokalypsin echei, glossan echei, hermeneian echei; panta pros oikodomen ginestho. eite glosse tis lalei, kata dyo e to pleiston treis, kai ana meros, kai ehis diermeneueto; ean de me e diermeneutes, sigato en ekklesia, heauto de laleito kai to theo. prophetai de dyo e treis laleitosan, kai ohi alloi diakrinetosan; ean de allo apokalyphthe kathemeno, ho protos sigato. dynasthe gar kath’ hena pantes propheteuein, hina pantes manthanosin kai pantes parakalontai kai pneumata propheton prophetais hypotassetai, ou gar estin akatastasias ho theos alla eirenes, hos en pasais tais ekklesiais ton hagion.

Αἱ γυναῖκες ἐν ταῖς ἐκκλησίαις σιγάτωσαν, οὐ γὰρ ἐπιτρέπεται αὐταῖς λαλεῖν· ἀλλὰ ὑποτασσέσθωσαν, καθὼς καὶ ὁ νόμος λέγει. εἰ δέ τι μαθεῖν θέλουσιν, ἐν οἴκῳ τοὺς ἰδίους ἄνδρας ἐπερωτάτωσαν, αἰσχρὸν γάρ ἐστιν γυναικὶ λαλεῖν ἐν ἐκκλησίᾳ. ἢ ἀφ’ ὑμῶν ὁ λόγος τοῦ θεοῦ ἐξῆλθεν, ἢ εἰς ὑμᾶς μόνους κατήντησεν;

Ahi gynaikes en tais ekklesiais sigatosan, ou gar epitrepetai autais lalein; alla hypotassesthosan, kathos kai ho nomos legei. ei de ti mathein thelousin, en oiko tous idious andras eperotatosan, aischron gar estin gynaiki lalein en ekklesia. e aph’ hymon ho logos tou theou exelthen, e eis hymas monous katentesen?

Εἴ τις δοκεῖ προφήτης εἶναι ἢ πνευματικός, ἐπιγινωσκέτω ἃ γράφω ὑμῖν ὅτι κυρίου ἐστὶν· εἰ δέ τις ἀγνοεῖ, ἀγνοεῖται. ὥστε, ἀδελφοί μου, ζηλοῦτε τὸ προφητεύειν, καὶ τὸ λαλεῖν μὴ κωλύετε γλώσσαις· πάντα δὲ εὐσχημόνως καὶ κατὰ τάξιν γινέσθω.

Ei tis dokei prophetes einai e pneumatikos, epiginosketo ha grapho hymin hoti kyriou estin; ei de tis agnoei, agnoeitai. hoste, adelphoi mou, zeloute to propheteuein, kai to lalein me kolyete glossais; panta de euschemonos kai kata taxin ginestho.