Libro 3, § 10 — Nuovo Testamento

Μετὰ δὲ ταῦτα ἀνέδειξεν ὁ κύριος καὶ ἑτέρους ἑβδομήκοντα δύο καὶ ἀπέστειλεν αὐτοὺς ἀνὰ δύο δύο πρὸ προσώπου αὐτοῦ εἰς πᾶσαν πόλιν καὶ τόπον οὗ ἤμελλεν αὐτὸς ἔρχεσθαι. ἔλεγεν δὲ πρὸς αὐτούς· Ὁ μὲν θερισμὸς πολύς, οἱ δὲ ἐργάται ὀλίγοι· δεήθητε οὖν τοῦ κυρίου τοῦ θερισμοῦ ὅπως ἐργάτας ἐκβάλῃ εἰς τὸν θερισμὸν αὐτοῦ. ὑπάγετε· ἰδοὺ ἀποστέλλω ὑμᾶς ὡς ἄρνας ἐν μέσῳ λύκων. μὴ βαστάζετε βαλλάντιον, μὴ πήραν, μὴ ὑποδήματα, καὶ μηδένα κατὰ τὴν ὁδὸν ἀσπάσησθε. εἰς ἣν δ’ ἂν εἰσέλθητε οἰκίαν πρῶτον λέγετε· Εἰρήνη τῷ οἴκῳ τούτῳ. καὶ ἐὰν ᾖ ἐκεῖ υἱὸς εἰρήνης, ἐπαναπαήσεται ἐπ’ αὐτὸν ἡ εἰρήνη ὑμῶν· εἰ δὲ μήγε, ἐφ’ ὑμᾶς ἀνακάμψει. ἐν αὐτῇ δὲ τῇ οἰκίᾳ μένετε, ἐσθίοντες καὶ πίνοντες τὰ παρ’ αὐτῶν, ἄξιος γὰρ ὁ ἐργάτης τοῦ μισθοῦ αὐτοῦ. μὴ μεταβαίνετε ἐξ οἰκίας εἰς οἰκίαν. καὶ εἰς ἣν ἂν πόλιν εἰσέρχησθε καὶ δέχωνται ὑμᾶς, ἐσθίετε τὰ παρατιθέμενα ὑμῖν, καὶ θεραπεύετε τοὺς ἐν αὐτῇ ἀσθενεῖς, καὶ λέγετε αὐτοῖς· Ἤγγικεν ἐφ’ ὑμᾶς ἡ βασιλεία τοῦ θεοῦ. εἰς ἣν δ’ ἂν πόλιν εἰσέλθητε καὶ μὴ δέχωνται ὑμᾶς, ἐξελθόντες εἰς τὰς πλατείας αὐτῆς εἴπατε· Καὶ τὸν κονιορτὸν τὸν κολληθέντα ἡμῖν ἐκ τῆς πόλεως ὑμῶν εἰς τοὺς πόδας ἀπομασσόμεθα ὑμῖν· πλὴν τοῦτο γινώσκετε ὅτι ἤγγικεν ἡ βασιλεία τοῦ θεοῦ. λέγω ὑμῖν ὅτι Σοδόμοις ἐν τῇ ἡμέρᾳ ἐκείνῃ ἀνεκτότερον ἔσται ἢ τῇ πόλει ἐκείνῃ.

Meta de tauta anedeixen ho kyrios kai heterous hebdomekonta dyo kai apesteilen autous ana dyo dyo pro prosopou autou eis pasan polin kai topon hou emellen autos erchesthai. elegen de pros autous; Ho men therismos polys, ohi de ergatai oligoi; deethete oun tou kyriou tou therismou hopos ergatas ekbale eis ton therismon autou. hypagete; idou apostello hymas hos arnas en meso lykon. me bastazete ballantion, me peran, me hypodemata, kai medena kata ten hodon aspasesthe. eis hen d’ an eiselthete oikian proton legete; Eirene to oiko touto. kai ean e ekei yhios eirenes, epanapaesetai ep’ auton he eirene hymon; ei de mege, eph’ hymas anakampsei. en aute de te oikia menete, esthiontes kai pinontes ta par’ auton, axios gar ho ergates tou misthou autou. me metabainete ex oikias eis oikian. kai eis hen an polin eiserchesthe kai dechontai hymas, esthiete ta paratithemena hymin, kai therapeuete tous en aute astheneis, kai legete autois; Engiken eph’ hymas he basileia tou theou. eis hen d’ an polin eiselthete kai me dechontai hymas, exelthontes eis tas plateias autes eipate; Kai ton koniorton ton kollethenta hemin ek tes poleos hymon eis tous podas apomassometha hymin; plen touto ginoskete hoti engiken he basileia tou theou. lego hymin hoti Sodomois en te hemera ekeine anektoteron estai e te polei ekeine.

Οὐαί σοι, Χοραζίν· οὐαί σοι, Βηθσαϊδά· ὅτι εἰ ἐν Τύρῳ καὶ Σιδῶνι ἐγενήθησαν αἱ δυνάμεις αἱ γενόμεναι ἐν ὑμῖν, πάλαι ἂν ἐν σάκκῳ καὶ σποδῷ καθήμενοι μετενόησαν. πλὴν Τύρῳ καὶ Σιδῶνι ἀνεκτότερον ἔσται ἐν τῇ κρίσει ἢ ὑμῖν. καὶ σύ, Καφαρναούμ, μὴ ἕως οὐρανοῦ ὑψωθήσῃ; ἕως τοῦ ᾅδου καταβιβασθήσῃ.

Ouai soi, Chorazin; ouai soi, Bethsaida; hoti ei en Tyro kai Sidoni egenethesan ahi dynameis ahi genomenai en hymin, palai an en sakko kai spodo kathemenoi metenoesan. plen Tyro kai Sidoni anektoteron estai en te krisei e hymin. kai sy, Kapharnaoum, me heos ouranou hypsothese? heos tou hadou katabibasthese.

Ὁ ἀκούων ὑμῶν ἐμοῦ ἀκούει, καὶ ὁ ἀθετῶν ὑμᾶς ἐμὲ ἀθετεῖ· ὁ δὲ ἐμὲ ἀθετῶν ἀθετεῖ τὸν ἀποστείλαντά με.

Ho akouon hymon emou akouei, kai ho atheton hymas eme athetei; ho de eme atheton athetei ton aposteilanta me.

Ὑπέστρεψαν δὲ οἱ ἑβδομήκοντα δύο μετὰ χαρᾶς λέγοντες· Κύριε, καὶ τὰ δαιμόνια ὑποτάσσεται ἡμῖν ἐν τῷ ὀνόματί σου. εἶπεν δὲ αὐτοῖς· Ἐθεώρουν τὸν Σατανᾶν ὡς ἀστραπὴν ἐκ τοῦ οὐρανοῦ πεσόντα. ἰδοὺ δέδωκα ὑμῖν τὴν ἐξουσίαν τοῦ πατεῖν ἐπάνω ὄφεων καὶ σκορπίων, καὶ ἐπὶ πᾶσαν τὴν δύναμιν τοῦ ἐχθροῦ, καὶ οὐδὲν ὑμᾶς οὐ μὴ ἀδικήσῃ. πλὴν ἐν τούτῳ μὴ χαίρετε ὅτι τὰ πνεύματα ὑμῖν ὑποτάσσεται, χαίρετε δὲ ὅτι τὰ ὀνόματα ὑμῶν ἐγγέγραπται ἐν τοῖς οὐρανοῖς.

Hypestrepsan de ohi hebdomekonta dyo meta charas legontes; Kyrie, kai ta daimonia hypotassetai hemin en to onomati sou. eipen de autois; Etheoroun ton Satanan hos astrapen ek tou ouranou pesonta. idou dedoka hymin ten exousian tou patein epano opheon kai skorpion, kai epi pasan ten dynamin tou echthrou, kai ouden hymas ou me adikese. plen en touto me chairete hoti ta pneumata hymin hypotassetai, chairete de hoti ta onomata hymon engegraptai en tois ouranois.

Ἐν αὐτῇ τῇ ὥρᾳ ἠγαλλιάσατο τῷ πνεύματι τῷ ἁγίῳ καὶ εἶπεν· Ἐξομολογοῦμαί σοι, πάτερ κύριε τοῦ οὐρανοῦ καὶ τῆς γῆς, ὅτι ἀπέκρυψας ταῦτα ἀπὸ σοφῶν καὶ συνετῶν, καὶ ἀπεκάλυψας αὐτὰ νηπίοις· ναί, ὁ πατήρ, ὅτι οὕτως εὐδοκία ἐγένετο ἔμπροσθέν σου. πάντα μοι παρεδόθη ὑπὸ τοῦ πατρός μου, καὶ οὐδεὶς γινώσκει τίς ἐστιν ὁ υἱὸς εἰ μὴ ὁ πατήρ, καὶ τίς ἐστιν ὁ πατὴρ εἰ μὴ ὁ υἱὸς καὶ ᾧ ἐὰν βούληται ὁ υἱὸς ἀποκαλύψαι.

En aute te hora egalliasato to pneumati to hagio kai eipen; Exomologoumai soi, pater kyrie tou ouranou kai tes ges, hoti apekrypsas tauta apo sophon kai syneton, kai apekalypsas auta nepiois; nai, ho pater, hoti houtos eudokia egeneto emprosthen sou. panta moi paredothe hypo tou patros mou, kai oudeis ginoskei tis estin ho yhios ei me ho pater, kai tis estin ho pater ei me ho yhios kai ho ean bouletai ho yhios apokalypsai.

Καὶ στραφεὶς πρὸς τοὺς μαθητὰς κατ’ ἰδίαν εἶπεν· Μακάριοι οἱ ὀφθαλμοὶ οἱ βλέποντες ἃ βλέπετε. λέγω γὰρ ὑμῖν ὅτι πολλοὶ προφῆται καὶ βασιλεῖς ἠθέλησαν ἰδεῖν ἃ ὑμεῖς βλέπετε καὶ οὐκ εἶδαν, καὶ ἀκοῦσαι ἃ ἀκούετε καὶ οὐκ ἤκουσαν.

Kai strapheis pros tous mathetas kat’ idian eipen; Makarioi ohi ophthalmoi ohi blepontes ha blepete. lego gar hymin hoti polloi prophetai kai basileis ethelesan idein ha hymeis blepete kai ouk eidan, kai akousai ha akouete kai ouk ekousan.

Καὶ ἰδοὺ νομικός τις ἀνέστη ἐκπειράζων αὐτὸν λέγων· Διδάσκαλε, τί ποιήσας ζωὴν αἰώνιον κληρονομήσω; ὁ δὲ εἶπεν πρὸς αὐτόν· Ἐν τῷ νόμῳ τί γέγραπται; πῶς ἀναγινώσκεις; ὁ δὲ ἀποκριθεὶς εἶπεν· Ἀγαπήσεις κύριον τὸν θεόν σου ἐξ ὅλης τῆς καρδίας σου καὶ ἐν ὅλῃ τῇ ψυχῇ σου καὶ ἐν ὅλῃ τῇ ἰσχύϊ σου καὶ ἐν ὅλῃ τῇ διανοίᾳ σου, καὶ τὸν πλησίον σου ὡς σεαυτόν. εἶπεν δὲ αὐτῷ· Ὀρθῶς ἀπεκρίθης· τοῦτο ποίει καὶ ζήσῃ.

Kai idou nomikos tis aneste ekpeirazon auton legon; Didaskale, ti poiesas zoen aionion kleronomeso? ho de eipen pros auton; En to nomo ti gegraptai? pos anaginoskeis? ho de apokritheis eipen; Agapeseis kyrion ton theon sou ex holes tes kardias sou kai en hole te psyche sou kai en hole te ischyi sou kai en hole te dianoia sou, kai ton plesion sou hos seauton. eipen de auto; Orthos apekrithes; touto poiei kai zese.

Ὁ δὲ θέλων δικαιῶσαι ἑαυτὸν εἶπεν πρὸς τὸν Ἰησοῦν· Καὶ τίς ἐστίν μου πλησίον; ὑπολαβὼν δὲ ὁ Ἰησοῦς εἶπεν· Ἄνθρωπός τις κατέβαινεν ἀπὸ Ἰερουσαλὴμ εἰς Ἰεριχὼ καὶ λῃσταῖς περιέπεσεν, οἳ καὶ ἐκδύσαντες αὐτὸν καὶ πληγὰς ἐπιθέντες ἀπῆλθον ἀφέντες ἡμιθανῆ. κατὰ συγκυρίαν δὲ ἱερεύς τις κατέβαινεν ἐν τῇ ὁδῷ ἐκείνῃ, καὶ ἰδὼν αὐτὸν ἀντιπαρῆλθεν· ὁμοίως δὲ καὶ Λευίτης κατὰ τὸν τόπον ἐλθὼν καὶ ἰδὼν ἀντιπαρῆλθεν. Σαμαρίτης δέ τις ὁδεύων ἦλθεν κατ’ αὐτὸν καὶ ἰδὼν ἐσπλαγχνίσθη, καὶ προσελθὼν κατέδησεν τὰ τραύματα αὐτοῦ ἐπιχέων ἔλαιον καὶ οἶνον, ἐπιβιβάσας δὲ αὐτὸν ἐπὶ τὸ ἴδιον κτῆνος ἤγαγεν αὐτὸν εἰς πανδοχεῖον καὶ ἐπεμελήθη αὐτοῦ. καὶ ἐπὶ τὴν αὔριον ἐκβαλὼν δύο δηνάρια ἔδωκεν τῷ πανδοχεῖ καὶ εἶπεν· Ἐπιμελήθητι αὐτοῦ, καὶ ὅ τι ἂν προσδαπανήσῃς ἐγὼ ἐν τῷ ἐπανέρχεσθαί με ἀποδώσω σοι. τίς τούτων τῶν τριῶν πλησίον δοκεῖ σοι γεγονέναι τοῦ ἐμπεσόντος εἰς τοὺς λῃστάς; ὁ δὲ εἶπεν· Ὁ ποιήσας τὸ ἔλεος μετ’ αὐτοῦ. εἶπεν δὲ αὐτῷ ὁ Ἰησοῦς· Πορεύου καὶ σὺ ποίει ὁμοίως.

Ho de thelon dikaiosai heauton eipen pros ton Iesoun; Kai tis estin mou plesion? hypolabon de ho Iesous eipen; Anthropos tis katebainen apo Ierousalem eis Iericho kai lestais periepesen, ohi kai ekdysantes auton kai plegas epithentes apelthon aphentes hemithane. kata synkyrian de hiereus tis katebainen en te hodo ekeine, kai idon auton antiparelthen; homoios de kai Leuites kata ton topon elthon kai idon antiparelthen. Samarites de tis hodeuon elthen kat’ auton kai idon esplanchnisthe, kai proselthon katedesen ta traumata autou epicheon elaion kai oinon, epibibasas de auton epi to idion ktenos egagen auton eis pandocheion kai epemelethe autou. kai epi ten aurion ekbalon dyo denaria edoken to pandochei kai eipen; Epimeletheti autou, kai ho ti an prosdapaneses ego en to epanerchesthai me apodoso soi. tis touton ton trion plesion dokei soi gegonenai tou empesontos eis tous lestas? ho de eipen; Ho poiesas to eleos met’ autou. eipen de auto ho Iesous; Poreuou kai sy poiei homoios.

Ἐν δὲ τῷ πορεύεσθαι αὐτοὺς αὐτὸς εἰσῆλθεν εἰς κώμην τινά· γυνὴ δέ τις ὀνόματι Μάρθα ὑπεδέξατο αὐτὸν. καὶ τῇδε ἦν ἀδελφὴ καλουμένη Μαριάμ, ἣ καὶ παρακαθεσθεῖσα πρὸς τοὺς πόδας τοῦ Ἰησοῦ ἤκουεν τὸν λόγον αὐτοῦ. ἡ δὲ Μάρθα περιεσπᾶτο περὶ πολλὴν διακονίαν· ἐπιστᾶσα δὲ εἶπεν· Κύριε, οὐ μέλει σοι ὅτι ἡ ἀδελφή μου μόνην με κατέλειπεν διακονεῖν; εἰπὲ οὖν αὐτῇ ἵνα μοι συναντιλάβηται. ἀποκριθεὶς δὲ εἶπεν αὐτῇ ὁ κύριος· Μάρθα Μάρθα, μεριμνᾷς καὶ θορυβάζῃ περὶ πολλά, ὀλίγων δέ ἐστιν χρεία ἢ ἑνός· Μαριὰμ γὰρ τὴν ἀγαθὴν μερίδα ἐξελέξατο ἥτις οὐκ ἀφαιρεθήσεται αὐτῆς.

En de to poreuesthai autous autos eiselthen eis komen tina; gyne de tis onomati Martha hypedexato auton. kai tede en adelphe kaloumene Mariam, he kai parakathestheisa pros tous podas tou Iesou ekouen ton logon autou. he de Martha periespato peri pollen diakonian; epistasa de eipen; Kyrie, ou melei soi hoti he adelphe mou monen me kateleipen diakonein? eipe oun aute hina moi synantilabetai. apokritheis de eipen aute ho kyrios; Martha Martha, merimnas kai thorybaze peri polla, oligon de estin chreia e henos; Mariam gar ten agathen merida exelexato hetis ouk aphairethesetai autes.