Libro 3, § 1 — Nuovo Testamento

Ἐπειδήπερ πολλοὶ ἐπεχείρησαν ἀνατάξασθαι διήγησιν περὶ τῶν πεπληροφορημένων ἐν ἡμῖν πραγμάτων, καθὼς παρέδοσαν ἡμῖν οἱ ἀπ’ ἀρχῆς αὐτόπται καὶ ὑπηρέται γενόμενοι τοῦ λόγου, ἔδοξε κἀμοὶ παρηκολουθηκότι ἄνωθεν πᾶσιν ἀκριβῶς καθεξῆς σοι γράψαι, κράτιστε Θεόφιλε, ἵνα ἐπιγνῷς περὶ ὧν κατηχήθης λόγων τὴν ἀσφάλειαν.

Epeideper polloi epecheiresan anataxasthai diegesin peri ton peplerophoremenon en hemin pragmaton, kathos paredosan hemin ohi ap’ arches autoptai kai hyperetai genomenoi tou logou, edoxe kamoi parekolouthekoti anothen pasin akribos kathexes soi grapsai, kratiste Theophile, hina epignos peri hon katechethes logon ten asphaleian.

Ἐγένετο ἐν ταῖς ἡμέραις Ἡρῴδου βασιλέως τῆς Ἰουδαίας ἱερεύς τις ὀνόματι Ζαχαρίας ἐξ ἐφημερίας Ἀβιά, καὶ γυνὴ αὐτῷ ἐκ τῶν θυγατέρων Ἀαρών, καὶ τὸ ὄνομα αὐτῆς Ἐλισάβετ. ἦσαν δὲ δίκαιοι ἀμφότεροι ἐναντίον τοῦ θεοῦ, πορευόμενοι ἐν πάσαις ταῖς ἐντολαῖς καὶ δικαιώμασιν τοῦ κυρίου ἄμεμπτοι. καὶ οὐκ ἦν αὐτοῖς τέκνον, καθότι ἦν ἡ Ἐλισάβετ στεῖρα, καὶ ἀμφότεροι προβεβηκότες ἐν ταῖς ἡμέραις αὐτῶν ἦσαν.

Egeneto en tais hemerais Herodou basileos tes Ioudaias hiereus tis onomati Zacharias ex ephemerias Abia, kai gyne auto ek ton thygateron Aaron, kai to onoma autes Elisabet. esan de dikaioi amphoteroi enantion tou theou, poreuomenoi en pasais tais entolais kai dikaiomasin tou kyriou amemptoi. kai ouk en autois teknon, kathoti en he Elisabet steira, kai amphoteroi probebekotes en tais hemerais auton esan.

Ἐγένετο δὲ ἐν τῷ ἱερατεύειν αὐτὸν ἐν τῇ τάξει τῆς ἐφημερίας αὐτοῦ ἔναντι τοῦ θεοῦ κατὰ τὸ ἔθος τῆς ἱερατείας ἔλαχε τοῦ θυμιᾶσαι εἰσελθὼν εἰς τὸν ναὸν τοῦ κυρίου, καὶ πᾶν τὸ πλῆθος ἦν τοῦ λαοῦ προσευχόμενον ἔξω τῇ ὥρᾳ τοῦ θυμιάματος· ὤφθη δὲ αὐτῷ ἄγγελος κυρίου ἑστὼς ἐκ δεξιῶν τοῦ θυσιαστηρίου τοῦ θυμιάματος. καὶ ἐταράχθη Ζαχαρίας ἰδών, καὶ φόβος ἐπέπεσεν ἐπ’ αὐτόν. εἶπεν δὲ πρὸς αὐτὸν ὁ ἄγγελος· Μὴ φοβοῦ, Ζαχαρία, διότι εἰσηκούσθη ἡ δέησίς σου, καὶ ἡ γυνή σου Ἐλισάβετ γεννήσει υἱόν σοι, καὶ καλέσεις τὸ ὄνομα αὐτοῦ Ἰωάννην· καὶ ἔσται χαρά σοι καὶ ἀγαλλίασις, καὶ πολλοὶ ἐπὶ τῇ γενέσει αὐτοῦ χαρήσονται· ἔσται γὰρ μέγας ἐνώπιον τοῦ κυρίου, καὶ οἶνον καὶ σίκερα οὐ μὴ πίῃ, καὶ πνεύματος ἁγίου πλησθήσεται ἔτι ἐκ κοιλίας μητρὸς αὐτοῦ, καὶ πολλοὺς τῶν υἱῶν Ἰσραὴλ ἐπιστρέψει ἐπὶ κύριον τὸν θεὸν αὐτῶν· καὶ αὐτὸς προελεύσεται ἐνώπιον αὐτοῦ ἐν πνεύματι καὶ δυνάμει Ἠλίου, ἐπιστρέψαι καρδίας πατέρων ἐπὶ τέκνα καὶ ἀπειθεῖς ἐν φρονήσει δικαίων, ἑτοιμάσαι κυρίῳ λαὸν κατεσκευασμένον. καὶ εἶπεν Ζαχαρίας πρὸς τὸν ἄγγελον· Κατὰ τί γνώσομαι τοῦτο; ἐγὼ γάρ εἰμι πρεσβύτης καὶ ἡ γυνή μου προβεβηκυῖα ἐν ταῖς ἡμέραις αὐτῆς. καὶ ἀποκριθεὶς ὁ ἄγγελος εἶπεν αὐτῷ· Ἐγώ εἰμι Γαβριὴλ ὁ παρεστηκὼς ἐνώπιον τοῦ θεοῦ, καὶ ἀπεστάλην λαλῆσαι πρὸς σὲ καὶ εὐαγγελίσασθαί σοι ταῦτα· καὶ ἰδοὺ ἔσῃ σιωπῶν καὶ μὴ δυνάμενος λαλῆσαι ἄχρι ἧς ἡμέρας γένηται ταῦτα, ἀνθ’ ὧν οὐκ ἐπίστευσας τοῖς λόγοις μου, οἵτινες πληρωθήσονται εἰς τὸν καιρὸν αὐτῶν.

Egeneto de en to hierateuein auton en te taxei tes ephemerias autou enanti tou theou kata to ethos tes hierateias elache tou thymiasai eiselthon eis ton naon tou kyriou, kai pan to plethos en tou laou proseuchomenon exo te hora tou thymiamatos; ophthe de auto angelos kyriou hestos ek dexion tou thysiasteriou tou thymiamatos. kai etarachthe Zacharias idon, kai phobos epepesen ep’ auton. eipen de pros auton ho angelos; Me phobou, Zacharia, dioti eisekousthe he deesis sou, kai he gyne sou Elisabet gennesei yhion soi, kai kaleseis to onoma autou Ioannen; kai estai chara soi kai agalliasis, kai polloi epi te genesei autou charesontai; estai gar megas enopion tou kyriou, kai oinon kai sikera ou me pie, kai pneumatos hagiou plesthesetai eti ek koilias metros autou, kai pollous ton yhion Israel epistrepsei epi kyrion ton theon auton; kai autos proeleusetai enopion autou en pneumati kai dynamei Eliou, epistrepsai kardias pateron epi tekna kai apeitheis en phronesei dikaion, hetoimasai kyrio laon kateskeuasmenon. kai eipen Zacharias pros ton angelon; Kata ti gnosomai touto? ego gar eimi presbytes kai he gyne mou probebekyia en tais hemerais autes. kai apokritheis ho angelos eipen auto; Ego eimi Gabriel ho parestekos enopion tou theou, kai apestalen lalesai pros se kai euangelisasthai soi tauta; kai idou ese siopon kai me dynamenos lalesai achri hes hemeras genetai tauta, anth’ hon ouk episteusas tois logois mou, ohitines plerothesontai eis ton kairon auton.

Καὶ ἦν ὁ λαὸς προσδοκῶν τὸν Ζαχαρίαν, καὶ ἐθαύμαζον ἐν τῷ χρονίζειν ἐν τῷ ναῷ αὐτόν. ἐξελθὼν δὲ οὐκ ἐδύνατο λαλῆσαι αὐτοῖς, καὶ ἐπέγνωσαν ὅτι ὀπτασίαν ἑώρακεν ἐν τῷ ναῷ· καὶ αὐτὸς ἦν διανεύων αὐτοῖς, καὶ διέμενεν κωφός. καὶ ἐγένετο ὡς ἐπλήσθησαν αἱ ἡμέραι τῆς λειτουργίας αὐτοῦ, ἀπῆλθεν εἰς τὸν οἶκον αὐτοῦ.

Kai en ho laos prosdokon ton Zacharian, kai ethaumazon en to chronizein en to nao auton. exelthon de ouk edynato lalesai autois, kai epegnosan hoti optasian heoraken en to nao; kai autos en dianeuon autois, kai diemenen kophos. kai egeneto hos eplesthesan ahi hemerai tes leitourgias autou, apelthen eis ton oikon autou.

Μετὰ δὲ ταύτας τὰς ἡμέρας συνέλαβεν Ἐλισάβετ ἡ γυνὴ αὐτοῦ· καὶ περιέκρυβεν ἑαυτὴν μῆνας πέντε, λέγουσα ὅτι Οὕτως μοι πεποίηκεν κύριος ἐν ἡμέραις αἷς ἐπεῖδεν ἀφελεῖν ὄνειδός μου ἐν ἀνθρώποις.

Meta de tautas tas hemeras synelaben Elisabet he gyne autou; kai periekryben heauten menas pente, legousa hoti Houtos moi pepoieken kyrios en hemerais ahis epeiden aphelein oneidos mou en anthropois.

Ἐν δὲ τῷ μηνὶ τῷ ἕκτῳ ἀπεστάλη ὁ ἄγγελος Γαβριὴλ ἀπὸ τοῦ θεοῦ εἰς πόλιν τῆς Γαλιλαίας ᾗ ὄνομα Ναζαρὲθ πρὸς παρθένον ἐμνηστευμένην ἀνδρὶ ᾧ ὄνομα Ἰωσὴφ ἐξ οἴκου Δαυὶδ, καὶ τὸ ὄνομα τῆς παρθένου Μαριάμ. καὶ εἰσελθὼν πρὸς αὐτὴν εἶπεν· Χαῖρε, κεχαριτωμένη, ὁ κύριος μετὰ σοῦ. ἡ δὲ ἐπὶ τῷ λόγῳ διεταράχθη καὶ διελογίζετο ποταπὸς εἴη ὁ ἀσπασμὸς οὗτος. καὶ εἶπεν ὁ ἄγγελος αὐτῇ· Μὴ φοβοῦ, Μαριάμ, εὗρες γὰρ χάριν παρὰ τῷ θεῷ· καὶ ἰδοὺ συλλήμψῃ ἐν γαστρὶ καὶ τέξῃ υἱόν, καὶ καλέσεις τὸ ὄνομα αὐτοῦ Ἰησοῦν. οὗτος ἔσται μέγας καὶ υἱὸς Ὑψίστου κληθήσεται, καὶ δώσει αὐτῷ κύριος ὁ θεὸς τὸν θρόνον Δαυὶδ τοῦ πατρὸς αὐτοῦ, καὶ βασιλεύσει ἐπὶ τὸν οἶκον Ἰακὼβ εἰς τοὺς αἰῶνας, καὶ τῆς βασιλείας αὐτοῦ οὐκ ἔσται τέλος. εἶπεν δὲ Μαριὰμ πρὸς τὸν ἄγγελον· Πῶς ἔσται τοῦτο, ἐπεὶ ἄνδρα οὐ γινώσκω; καὶ ἀποκριθεὶς ὁ ἄγγελος εἶπεν αὐτῇ· Πνεῦμα ἅγιον ἐπελεύσεται ἐπὶ σέ, καὶ δύναμις Ὑψίστου ἐπισκιάσει σοι· διὸ καὶ τὸ γεννώμενον ἅγιον κληθήσεται, υἱὸς θεοῦ· καὶ ἰδοὺ Ἐλισάβετ ἡ συγγενίς σου καὶ αὐτὴ συνείληφεν υἱὸν ἐν γήρει αὐτῆς, καὶ οὗτος μὴν ἕκτος ἐστὶν αὐτῇ τῇ καλουμένῃ στείρᾳ· ὅτι οὐκ ἀδυνατήσει παρὰ τοῦ θεοῦ πᾶν ῥῆμα. εἶπεν δὲ Μαριάμ· Ἰδοὺ ἡ δούλη κυρίου· γένοιτό μοι κατὰ τὸ ῥῆμά σου. καὶ ἀπῆλθεν ἀπ’ αὐτῆς ὁ ἄγγελος.

En de to meni to hekto apestale ho angelos Gabriel apo tou theou eis polin tes Galilaias he onoma Nazareth pros parthenon emnesteumenen andri ho onoma Ioseph ex oikou Dauid, kai to onoma tes parthenou Mariam. kai eiselthon pros auten eipen; Chaire, kecharitomene, ho kyrios meta sou. he de epi to logo dietarachthe kai dielogizeto potapos eie ho aspasmos houtos. kai eipen ho angelos aute; Me phobou, Mariam, heures gar charin para to theo; kai idou syllempse en gastri kai texe yhion, kai kaleseis to onoma autou Iesoun. houtos estai megas kai yhios Hypsistou klethesetai, kai dosei auto kyrios ho theos ton thronon Dauid tou patros autou, kai basileusei epi ton oikon Iakob eis tous aionas, kai tes basileias autou ouk estai telos. eipen de Mariam pros ton angelon; Pos estai touto, epei andra ou ginosko? kai apokritheis ho angelos eipen aute; Pneuma hagion epeleusetai epi se, kai dynamis Hypsistou episkiasei soi; dio kai to gennomenon hagion klethesetai, yhios theou; kai idou Elisabet he syngenis sou kai aute syneilephen yhion en gerei autes, kai houtos men hektos estin aute te kaloumene steira; hoti ouk adynatesei para tou theou pan rhema. eipen de Mariam; Idou he doule kyriou; genoito moi kata to rhema sou. kai apelthen ap’ autes ho angelos.

Ἀναστᾶσα δὲ Μαριὰμ ἐν ταῖς ἡμέραις ταύταις ἐπορεύθη εἰς τὴν ὀρεινὴν μετὰ σπουδῆς εἰς πόλιν Ἰούδα, καὶ εἰσῆλθεν εἰς τὸν οἶκον Ζαχαρίου καὶ ἠσπάσατο τὴν Ἐλισάβετ. καὶ ἐγένετο ὡς ἤκουσεν τὸν ἀσπασμὸν τῆς Μαρίας ἡ Ἐλισάβετ, ἐσκίρτησεν τὸ βρέφος ἐν τῇ κοιλίᾳ αὐτῆς, καὶ ἐπλήσθη πνεύματος ἁγίου ἡ Ἐλισάβετ, καὶ ἀνεφώνησεν κραυγῇ μεγάλῃ καὶ εἶπεν· Εὐλογημένη σὺ ἐν γυναιξίν, καὶ εὐλογημένος ὁ καρπὸς τῆς κοιλίας σου. καὶ πόθεν μοι τοῦτο ἵνα ἔλθῃ ἡ μήτηρ τοῦ κυρίου μου πρὸς ἐμέ; ἰδοὺ γὰρ ὡς ἐγένετο ἡ φωνὴ τοῦ ἀσπασμοῦ σου εἰς τὰ ὦτά μου, ἐσκίρτησεν ἐν ἀγαλλιάσει τὸ βρέφος ἐν τῇ κοιλίᾳ μου. καὶ μακαρία ἡ πιστεύσασα ὅτι ἔσται τελείωσις τοῖς λελαλημένοις αὐτῇ παρὰ κυρίου.

Anastasa de Mariam en tais hemerais tautais eporeuthe eis ten oreinen meta spoudes eis polin Iouda, kai eiselthen eis ton oikon Zachariou kai espasato ten Elisabet. kai egeneto hos ekousen ton aspasmon tes Marias he Elisabet, eskirtesen to brephos en te koilia autes, kai eplesthe pneumatos hagiou he Elisabet, kai anephonesen krauge megale kai eipen; Eulogemene sy en gynaixin, kai eulogemenos ho karpos tes koilias sou. kai pothen moi touto hina elthe he meter tou kyriou mou pros eme? idou gar hos egeneto he phone tou aspasmou sou eis ta ota mou, eskirtesen en agalliasei to brephos en te koilia mou. kai makaria he pisteusasa hoti estai teleiosis tois lelalemenois aute para kyriou.

Καὶ εἶπεν Μαριάμ· Μεγαλύνει ἡ ψυχή μου τὸν κύριον, καὶ ἠγαλλίασεν τὸ πνεῦμά μου ἐπὶ τῷ θεῷ τῷ σωτῆρί μου· ὅτι ἐπέβλεψεν ἐπὶ τὴν ταπείνωσιν τῆς δούλης αὐτοῦ, ἰδοὺ γὰρ ἀπὸ τοῦ νῦν μακαριοῦσίν με πᾶσαι αἱ γενεαί· ὅτι ἐποίησέν μοι μεγάλα ὁ δυνατός, καὶ ἅγιον τὸ ὄνομα αὐτοῦ, καὶ τὸ ἔλεος αὐτοῦ εἰς γενεὰς καὶ γενεὰς τοῖς φοβουμένοις αὐτόν. Ἐποίησεν κράτος ἐν βραχίονι αὐτοῦ, διεσκόρπισεν ὑπερηφάνους διανοίᾳ καρδίας αὐτῶν· καθεῖλεν δυνάστας ἀπὸ θρόνων καὶ ὕψωσεν ταπεινούς, πεινῶντας ἐνέπλησεν ἀγαθῶν καὶ πλουτοῦντας ἐξαπέστειλεν κενούς. ἀντελάβετο Ἰσραὴλ παιδὸς αὐτοῦ, μνησθῆναι ἐλέους, καθὼς ἐλάλησεν πρὸς τοὺς πατέρας ἡμῶν, τῷ Ἀβραὰμ καὶ τῷ σπέρματι αὐτοῦ εἰς τὸν αἰῶνα. Ἔμεινεν δὲ Μαριὰμ σὺν αὐτῇ ὡς μῆνας τρεῖς, καὶ ὑπέστρεψεν εἰς τὸν οἶκον αὐτῆς.

Kai eipen Mariam; Megalynei he psyche mou ton kyrion, kai egalliasen to pneuma mou epi to theo to soteri mou; hoti epeblepsen epi ten tapeinosin tes doules autou, idou gar apo tou nyn makariousin me pasai ahi geneai; hoti epoiesen moi megala ho dynatos, kai hagion to onoma autou, kai to eleos autou eis geneas kai geneas tois phoboumenois auton. Epoiesen kratos en brachioni autou, dieskorpisen hyperephanous dianoia kardias auton; katheilen dynastas apo thronon kai hypsosen tapeinous, peinontas eneplesen agathon kai ploutountas exapesteilen kenous. antelabeto Israel paidos autou, mnesthenai eleous, kathos elalesen pros tous pateras hemon, to Abraam kai to spermati autou eis ton aiona. Emeinen de Mariam syn aute hos menas treis, kai hypestrepsen eis ton oikon autes.

Τῇ δὲ Ἐλισάβετ ἐπλήσθη ὁ χρόνος τοῦ τεκεῖν αὐτήν, καὶ ἐγέννησεν υἱόν. καὶ ἤκουσαν οἱ περίοικοι καὶ οἱ συγγενεῖς αὐτῆς ὅτι ἐμεγάλυνεν κύριος τὸ ἔλεος αὐτοῦ μετ’ αὐτῆς, καὶ συνέχαιρον αὐτῇ. Καὶ ἐγένετο ἐν τῇ ἡμέρᾳ τῇ ὀγδόῃ ἦλθον περιτεμεῖν τὸ παιδίον, καὶ ἐκάλουν αὐτὸ ἐπὶ τῷ ὀνόματι τοῦ πατρὸς αὐτοῦ Ζαχαρίαν. καὶ ἀποκριθεῖσα ἡ μήτηρ αὐτοῦ εἶπεν· Οὐχί, ἀλλὰ κληθήσεται Ἰωάννης. καὶ εἶπαν πρὸς αὐτὴν ὅτι Οὐδείς ἐστιν ἐκ τῆς συγγενείας σου ὃς καλεῖται τῷ ὀνόματι τούτῳ. ἐνένευον δὲ τῷ πατρὶ αὐτοῦ τὸ τί ἂν θέλοι καλεῖσθαι αὐτό. καὶ αἰτήσας πινακίδιον ἔγραψεν λέγων· Ἰωάννης ἐστὶν ὄνομα αὐτοῦ. καὶ ἐθαύμασαν πάντες. ἀνεῴχθη δὲ τὸ στόμα αὐτοῦ παραχρῆμα καὶ ἡ γλῶσσα αὐτοῦ, καὶ ἐλάλει εὐλογῶν τὸν θεόν. καὶ ἐγένετο ἐπὶ πάντας φόβος τοὺς περιοικοῦντας αὐτούς, καὶ ἐν ὅλῃ τῇ ὀρεινῇ τῆς Ἰουδαίας διελαλεῖτο πάντα τὰ ῥήματα ταῦτα, καὶ ἔθεντο πάντες οἱ ἀκούσαντες ἐν τῇ καρδίᾳ αὐτῶν, λέγοντες· Τί ἄρα τὸ παιδίον τοῦτο ἔσται; καὶ γὰρ χεὶρ κυρίου ἦν μετ’ αὐτοῦ.

Te de Elisabet eplesthe ho chronos tou tekein auten, kai egennesen yhion. kai ekousan ohi perioikoi kai ohi syngeneis autes hoti emegalynen kyrios to eleos autou met’ autes, kai synechairon aute. Kai egeneto en te hemera te ogdoe elthon peritemein to paidion, kai ekaloun auto epi to onomati tou patros autou Zacharian. kai apokritheisa he meter autou eipen; Ouchi, alla klethesetai Ioannes. kai eipan pros auten hoti Oudeis estin ek tes syngeneias sou hos kaleitai to onomati touto. eneneuon de to patri autou to ti an theloi kaleisthai auto. kai aitesas pinakidion egrapsen legon; Ioannes estin onoma autou. kai ethaumasan pantes. aneochthe de to stoma autou parachrema kai he glossa autou, kai elalei eulogon ton theon. kai egeneto epi pantas phobos tous perioikountas autous, kai en hole te oreine tes Ioudaias dielaleito panta ta rhemata tauta, kai ethento pantes ohi akousantes en te kardia auton, legontes; Ti ara to paidion touto estai? kai gar cheir kyriou en met’ autou.

Καὶ Ζαχαρίας ὁ πατὴρ αὐτοῦ ἐπλήσθη πνεύματος ἁγίου καὶ ἐπροφήτευσεν λέγων· Εὐλογητὸς κύριος ὁ θεὸς τοῦ Ἰσραήλ, ὅτι ἐπεσκέψατο καὶ ἐποίησεν λύτρωσιν τῷ λαῷ αὐτοῦ, καὶ ἤγειρεν κέρας σωτηρίας ἡμῖν ἐν οἴκῳ Δαυὶδ παιδὸς αὐτοῦ, καθὼς ἐλάλησεν διὰ στόματος τῶν ἁγίων ἀπ’ αἰῶνος προφητῶν αὐτοῦ, σωτηρίαν ἐξ ἐχθρῶν ἡμῶν καὶ ἐκ χειρὸς πάντων τῶν μισούντων ἡμᾶς, ποιῆσαι ἔλεος μετὰ τῶν πατέρων ἡμῶν καὶ μνησθῆναι διαθήκης ἁγίας αὐτοῦ, ὅρκον ὃν ὤμοσεν πρὸς Ἀβραὰμ τὸν πατέρα ἡμῶν, τοῦ δοῦναι ἡμῖν ἀφόβως ἐκ χειρὸς ἐχθρῶν ῥυσθέντας λατρεύειν αὐτῷ ἐν ὁσιότητι καὶ δικαιοσύνῃ ἐνώπιον αὐτοῦ πάσαις ταῖς ἡμέραις ἡμῶν. καὶ σὺ δέ, παιδίον, προφήτης Ὑψίστου κληθήσῃ, προπορεύσῃ γὰρ ἐνώπιον κυρίου ἑτοιμάσαι ὁδοὺς αὐτοῦ, τοῦ δοῦναι γνῶσιν σωτηρίας τῷ λαῷ αὐτοῦ ἐν ἀφέσει ἁμαρτιῶν αὐτῶν, διὰ σπλάγχνα ἐλέους θεοῦ ἡμῶν, ἐν οἷς ἐπισκέψεται ἡμᾶς ἀνατολὴ ἐξ ὕψους, ἐπιφᾶναι τοῖς ἐν σκότει καὶ σκιᾷ θανάτου καθημένοις, τοῦ κατευθῦναι τοὺς πόδας ἡμῶν εἰς ὁδὸν εἰρήνης.

Kai Zacharias ho pater autou eplesthe pneumatos hagiou kai epropheteusen legon; Eulogetos kyrios ho theos tou Israel, hoti epeskepsato kai epoiesen lytrosin to lao autou, kai egeiren keras soterias hemin en oiko Dauid paidos autou, kathos elalesen dia stomatos ton hagion ap’ aionos propheton autou, soterian ex echthron hemon kai ek cheiros panton ton misounton hemas, poiesai eleos meta ton pateron hemon kai mnesthenai diathekes hagias autou, horkon hon omosen pros Abraam ton patera hemon, tou dounai hemin aphobos ek cheiros echthron rhysthentas latreuein auto en hosioteti kai dikaiosyne enopion autou pasais tais hemerais hemon. kai sy de, paidion, prophetes Hypsistou klethese, proporeuse gar enopion kyriou hetoimasai hodous autou, tou dounai gnosin soterias to lao autou en aphesei hamartion auton, dia splanchna eleous theou hemon, en ohis episkepsetai hemas anatole ex hypsous, epiphanai tois en skotei kai skia thanatou kathemenois, tou kateuthynai tous podas hemon eis hodon eirenes.

Τὸ δὲ παιδίον ηὔξανε καὶ ἐκραταιοῦτο πνεύματι, καὶ ἦν ἐν ταῖς ἐρήμοις ἕως ἡμέρας ἀναδείξεως αὐτοῦ πρὸς τὸν Ἰσραήλ.

To de paidion euxane kai ekrataiouto pneumati, kai en en tais eremois heos hemeras anadeixeos autou pros ton Israel.