Libro 27, § 3 — Nuovo Testamento

Καὶ τῷ ἀγγέλῳ τῆς ἐν Σάρδεσιν ἐκκλησίας γράψον· Τάδε λέγει ὁ ἔχων τὰ ἑπτὰ πνεύματα τοῦ θεοῦ καὶ τοὺς ἑπτὰ ἀστέρας·

Kai to angelo tes en Sardesin ekklesias grapson; Tade legei ho echon ta hepta pneumata tou theou kai tous hepta asteras;

Οἶδά σου τὰ ἔργα, ὅτι ὄνομα ἔχεις ὅτι ζῇς, καὶ νεκρὸς εἶ. γίνου γρηγορῶν, καὶ στήρισον τὰ λοιπὰ ἃ ἔμελλον ἀποθανεῖν, οὐ γὰρ εὕρηκά σου τὰ ἔργα πεπληρωμένα ἐνώπιον τοῦ θεοῦ μου· μνημόνευε οὖν πῶς εἴληφας καὶ ἤκουσας καὶ τήρει, καὶ μετανόησον· ἐὰν οὖν μὴ γρηγορήσῃς, ἥξω ὡς κλέπτης, καὶ οὐ μὴ γνῷς ποίαν ὥραν ἥξω ἐπὶ σέ· ἀλλὰ ἔχεις ὀλίγα ὀνόματα ἐν Σάρδεσιν ἃ οὐκ ἐμόλυναν τὰ ἱμάτια αὐτῶν, καὶ περιπατήσουσιν μετ’ ἐμοῦ ἐν λευκοῖς, ὅτι ἄξιοί εἰσιν. ὁ νικῶν οὕτως περιβαλεῖται ἐν ἱματίοις λευκοῖς, καὶ οὐ μὴ ἐξαλείψω τὸ ὄνομα αὐτοῦ ἐκ τῆς βίβλου τῆς ζωῆς, καὶ ὁμολογήσω τὸ ὄνομα αὐτοῦ ἐνώπιον τοῦ πατρός μου καὶ ἐνώπιον τῶν ἀγγέλων αὐτοῦ. ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις.

Oida sou ta erga, hoti onoma echeis hoti zes, kai nekros ei. ginou gregoron, kai sterison ta loipa ha emellon apothanein, ou gar heureka sou ta erga pepleromena enopion tou theou mou; mnemoneue oun pos eilephas kai ekousas kai terei, kai metanoeson; ean oun me gregoreses, hexo hos kleptes, kai ou me gnos poian horan hexo epi se; alla echeis oliga onomata en Sardesin ha ouk emolynan ta himatia auton, kai peripatesousin met’ emou en leukois, hoti axioi eisin. ho nikon houtos peribaleitai en himatiois leukois, kai ou me exaleipso to onoma autou ek tes biblou tes zoes, kai homologeso to onoma autou enopion tou patros mou kai enopion ton angelon autou. ho echon ous akousato ti to pneuma legei tais ekklesiais.

Καὶ τῷ ἀγγέλῳ τῆς ἐν Φιλαδελφείᾳ ἐκκλησίας γράψον· Τάδε λέγει ὁ ἅγιος, ὁ ἀληθινός, ὁ ἔχων τὴν κλεῖν Δαυίδ, ὁ ἀνοίγων καὶ οὐδεὶς κλείσει, καὶ κλείων καὶ οὐδεὶς ἀνοίγει·

Kai to angelo tes en Philadelpheia ekklesias grapson; Tade legei ho hagios, ho alethinos, ho echon ten klein Dauid, ho anoigon kai oudeis kleisei, kai kleion kai oudeis anoigei;

Οἶδά σου τὰ ἔργα ἰδοὺ δέδωκα ἐνώπιόν σου θύραν ἠνεῳγμένην, ἣν οὐδεὶς δύναται κλεῖσαι αὐτήν ὅτι μικρὰν ἔχεις δύναμιν, καὶ ἐτήρησάς μου τὸν λόγον, καὶ οὐκ ἠρνήσω τὸ ὄνομά μου. ἰδοὺ διδῶ ἐκ τῆς συναγωγῆς τοῦ Σατανᾶ, τῶν λεγόντων ἑαυτοὺς Ἰουδαίους εἶναι, καὶ οὐκ εἰσὶν ἀλλὰ ψεύδονται ἰδοὺ ποιήσω αὐτοὺς ἵνα ἥξουσιν καὶ προσκυνήσουσιν ἐνώπιον τῶν ποδῶν σου, καὶ γνῶσιν ὅτι ἐγὼ ἠγάπησά σε. ὅτι ἐτήρησας τὸν λόγον τῆς ὑπομονῆς μου, κἀγώ σε τηρήσω ἐκ τῆς ὥρας τοῦ πειρασμοῦ τῆς μελλούσης ἔρχεσθαι ἐπὶ τῆς οἰκουμένης ὅλης, πειράσαι τοὺς κατοικοῦντας ἐπὶ τῆς γῆς. ἔρχομαι ταχύ· κράτει ὃ ἔχεις, ἵνα μηδεὶς λάβῃ τὸν στέφανόν σου. ὁ νικῶν ποιήσω αὐτὸν στῦλον ἐν τῷ ναῷ τοῦ θεοῦ μου, καὶ ἔξω οὐ μὴ ἐξέλθῃ ἔτι, καὶ γράψω ἐπ’ αὐτὸν τὸ ὄνομα τοῦ θεοῦ μου καὶ τὸ ὄνομα τῆς πόλεως τοῦ θεοῦ μου, τῆς καινῆς Ἰερουσαλήμ, ἡ καταβαίνουσα ἐκ τοῦ οὐρανοῦ ἀπὸ τοῦ θεοῦ μου, καὶ τὸ ὄνομά μου τὸ καινόν. ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις.

Oida sou ta erga idou dedoka enopion sou thyran eneogmenen, hen oudeis dynatai kleisai auten hoti mikran echeis dynamin, kai eteresas mou ton logon, kai ouk erneso to onoma mou. idou dido ek tes synagoges tou Satana, ton legonton heautous Ioudaious einai, kai ouk eisin alla pseudontai idou poieso autous hina hexousin kai proskynesousin enopion ton podon sou, kai gnosin hoti ego egapesa se. hoti eteresas ton logon tes hypomones mou, kago se tereso ek tes horas tou peirasmou tes mellouses erchesthai epi tes oikoumenes holes, peirasai tous katoikountas epi tes ges. erchomai tachy; kratei ho echeis, hina medeis labe ton stephanon sou. ho nikon poieso auton stylon en to nao tou theou mou, kai exo ou me exelthe eti, kai grapso ep’ auton to onoma tou theou mou kai to onoma tes poleos tou theou mou, tes kaines Ierousalem, he katabainousa ek tou ouranou apo tou theou mou, kai to onoma mou to kainon. ho echon ous akousato ti to pneuma legei tais ekklesiais.

Καὶ τῷ ἀγγέλῳ τῆς ἐν Λαοδικείᾳ ἐκκλησίας γράψον· Τάδε λέγει ὁ Ἀμήν, ὁ μάρτυς ὁ πιστὸς καὶ ἀληθινός, ἡ ἀρχὴ τῆς κτίσεως τοῦ θεοῦ·

Kai to angelo tes en Laodikeia ekklesias grapson; Tade legei ho Amen, ho martys ho pistos kai alethinos, he arche tes ktiseos tou theou;

Οἶδά σου τὰ ἔργα, ὅτι οὔτε ψυχρὸς εἶ οὔτε ζεστός. ὄφελον ψυχρὸς ἦς ἢ ζεστός. οὕτως, ὅτι χλιαρὸς εἶ καὶ οὔτε ζεστὸς οὔτε ψυχρός, μέλλω σε ἐμέσαι ἐκ τοῦ στόματός μου. ὅτι λέγεις ὅτι Πλούσιός εἰμι καὶ πεπλούτηκα καὶ οὐδὲν χρείαν ἔχω, καὶ οὐκ οἶδας ὅτι σὺ εἶ ὁ ταλαίπωρος καὶ ἐλεεινὸς καὶ πτωχὸς καὶ τυφλὸς καὶ γυμνός, συμβουλεύω σοι ἀγοράσαι παρ’ ἐμοῦ χρυσίον πεπυρωμένον ἐκ πυρὸς ἵνα πλουτήσῃς, καὶ ἱμάτια λευκὰ ἵνα περιβάλῃ καὶ μὴ φανερωθῇ ἡ αἰσχύνη τῆς γυμνότητός σου, καὶ κολλούριον ἐγχρῖσαι τοὺς ὀφθαλμούς σου ἵνα βλέπῃς. ἐγὼ ὅσους ἐὰν φιλῶ ἐλέγχω καὶ παιδεύω· ζήλευε οὖν καὶ μετανόησον. ἰδοὺ ἕστηκα ἐπὶ τὴν θύραν καὶ κρούω· ἐάν τις ἀκούσῃ τῆς φωνῆς μου καὶ ἀνοίξῃ τὴν θύραν, καὶ εἰσελεύσομαι πρὸς αὐτὸν καὶ δειπνήσω μετ’ αὐτοῦ καὶ αὐτὸς μετ’ ἐμοῦ. ὁ νικῶν δώσω αὐτῷ καθίσαι μετ’ ἐμοῦ ἐν τῷ θρόνῳ μου, ὡς κἀγὼ ἐνίκησα καὶ ἐκάθισα μετὰ τοῦ πατρός μου ἐν τῷ θρόνῳ αὐτοῦ. ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις.

Oida sou ta erga, hoti oute psychros ei oute zestos. ophelon psychros es e zestos. houtos, hoti chliaros ei kai oute zestos oute psychros, mello se emesai ek tou stomatos mou. hoti legeis hoti Plousios eimi kai peplouteka kai ouden chreian echo, kai ouk oidas hoti sy ei ho talaiporos kai eleeinos kai ptochos kai typhlos kai gymnos, symbouleuo soi agorasai par’ emou chrysion pepyromenon ek pyros hina plouteses, kai himatia leuka hina peribale kai me phanerothe he aischyne tes gymnotetos sou, kai kollourion enchrisai tous ophthalmous sou hina blepes. ego hosous ean philo elencho kai paideuo; zeleue oun kai metanoeson. idou hesteka epi ten thyran kai krouo; ean tis akouse tes phones mou kai anoixe ten thyran, kai eiseleusomai pros auton kai deipneso met’ autou kai autos met’ emou. ho nikon doso auto kathisai met’ emou en to throno mou, hos kago enikesa kai ekathisa meta tou patros mou en to throno autou. ho echon ous akousato ti to pneuma legei tais ekklesiais.