Libro 27, § 20 — Nuovo Testamento

Καὶ εἶδον ἄγγελον καταβαίνοντα ἐκ τοῦ οὐρανοῦ, ἔχοντα τὴν κλεῖν τῆς ἀβύσσου καὶ ἅλυσιν μεγάλην ἐπὶ τὴν χεῖρα αὐτοῦ. καὶ ἐκράτησεν τὸν δράκοντα, ὁ ὄφις ὁ ἀρχαῖος, ὅς ἐστιν Διάβολος καὶ ὁ Σατανᾶς, καὶ ἔδησεν αὐτὸν χίλια ἔτη, καὶ ἔβαλεν αὐτὸν εἰς τὴν ἄβυσσον, καὶ ἔκλεισεν καὶ ἐσφράγισεν ἐπάνω αὐτοῦ, ἵνα μὴ πλανήσῃ ἔτι τὰ ἔθνη, ἄχρι τελεσθῇ τὰ χίλια ἔτη· μετὰ ταῦτα δεῖ λυθῆναι αὐτὸν μικρὸν χρόνον.

Kai eidon angelon katabainonta ek tou ouranou, echonta ten klein tes abyssou kai halysin megalen epi ten cheira autou. kai ekratesen ton drakonta, ho ophis ho archaios, hos estin Diabolos kai ho Satanas, kai edesen auton chilia ete, kai ebalen auton eis ten abysson, kai ekleisen kai esphragisen epano autou, hina me planese eti ta ethne, achri telesthe ta chilia ete; meta tauta dei lythenai auton mikron chronon.

Καὶ εἶδον θρόνους, καὶ ἐκάθισαν ἐπ’ αὐτούς, καὶ κρίμα ἐδόθη αὐτοῖς, καὶ τὰς ψυχὰς τῶν πεπελεκισμένων διὰ τὴν μαρτυρίαν Ἰησοῦ καὶ διὰ τὸν λόγον τοῦ θεοῦ, καὶ οἵτινες οὐ προσεκύνησαν τὸ θηρίον οὐδὲ τὴν εἰκόνα αὐτοῦ καὶ οὐκ ἔλαβον τὸ χάραγμα ἐπὶ τὸ μέτωπον καὶ ἐπὶ τὴν χεῖρα αὐτῶν· καὶ ἔζησαν καὶ ἐβασίλευσαν μετὰ τοῦ χριστοῦ χίλια ἔτη. οἱ λοιποὶ τῶν νεκρῶν οὐκ ἔζησαν ἄχρι τελεσθῇ τὰ χίλια ἔτη. αὕτη ἡ ἀνάστασις ἡ πρώτη. μακάριος καὶ ἅγιος ὁ ἔχων μέρος ἐν τῇ ἀναστάσει τῇ πρώτῃ· ἐπὶ τούτων ὁ δεύτερος θάνατος οὐκ ἔχει ἐξουσίαν, ἀλλ’ ἔσονται ἱερεῖς τοῦ θεοῦ καὶ τοῦ χριστοῦ, καὶ βασιλεύσουσιν μετ’ αὐτοῦ χίλια ἔτη.

Kai eidon thronous, kai ekathisan ep’ autous, kai krima edothe autois, kai tas psychas ton pepelekismenon dia ten martyrian Iesou kai dia ton logon tou theou, kai ohitines ou prosekynesan to therion oude ten eikona autou kai ouk elabon to charagma epi to metopon kai epi ten cheira auton; kai ezesan kai ebasileusan meta tou christou chilia ete. ohi loipoi ton nekron ouk ezesan achri telesthe ta chilia ete. haute he anastasis he prote. makarios kai hagios ho echon meros en te anastasei te prote; epi touton ho deuteros thanatos ouk echei exousian, all’ esontai hiereis tou theou kai tou christou, kai basileusousin met’ autou chilia ete.

Καὶ ὅταν τελεσθῇ τὰ χίλια ἔτη, λυθήσεται ὁ Σατανᾶς ἐκ τῆς φυλακῆς αὐτοῦ, καὶ ἐξελεύσεται πλανῆσαι τὰ ἔθνη τὰ ἐν ταῖς τέσσαρσι γωνίαις τῆς γῆς, τὸν Γὼγ καὶ Μαγώγ, συναγαγεῖν αὐτοὺς εἰς τὸν πόλεμον, ὧν ὁ ἀριθμὸς αὐτῶν ὡς ἡ ἄμμος τῆς θαλάσσης. καὶ ἀνέβησαν ἐπὶ τὸ πλάτος τῆς γῆς, καὶ ἐκύκλευσαν τὴν παρεμβολὴν τῶν ἁγίων καὶ τὴν πόλιν τὴν ἠγαπημένην. καὶ κατέβη πῦρ ἐκ τοῦ οὐρανοῦ καὶ κατέφαγεν αὐτούς· καὶ ὁ διάβολος ὁ πλανῶν αὐτοὺς ἐβλήθη εἰς τὴν λίμνην τοῦ πυρὸς καὶ θείου, ὅπου καὶ τὸ θηρίον καὶ ὁ ψευδοπροφήτης, καὶ βασανισθήσονται ἡμέρας καὶ νυκτὸς εἰς τοὺς αἰῶνας τῶν αἰώνων.

Kai hotan telesthe ta chilia ete, lythesetai ho Satanas ek tes phylakes autou, kai exeleusetai planesai ta ethne ta en tais tessarsi goniais tes ges, ton Gog kai Magog, synagagein autous eis ton polemon, hon ho arithmos auton hos he ammos tes thalasses. kai anebesan epi to platos tes ges, kai ekykleusan ten parembolen ton hagion kai ten polin ten egapemenen. kai katebe pyr ek tou ouranou kai katephagen autous; kai ho diabolos ho planon autous eblethe eis ten limnen tou pyros kai theiou, hopou kai to therion kai ho pseudoprophetes, kai basanisthesontai hemeras kai nyktos eis tous aionas ton aionon.

Καὶ εἶδον θρόνον μέγαν λευκὸν καὶ τὸν καθήμενον ἐπ’ αὐτοῦ, οὗ ἀπὸ τοῦ προσώπου ἔφυγεν ἡ γῆ καὶ ὁ οὐρανός, καὶ τόπος οὐχ εὑρέθη αὐτοῖς. καὶ εἶδον τοὺς νεκρούς, τοὺς μεγάλους καὶ τοὺς μικρούς, ἑστῶτας ἐνώπιον τοῦ θρόνου, καὶ βιβλία ἠνοίχθησαν· καὶ ἄλλο βιβλίον ἠνοίχθη, ὅ ἐστιν τῆς ζωῆς· καὶ ἐκρίθησαν οἱ νεκροὶ ἐκ τῶν γεγραμμένων ἐν τοῖς βιβλίοις κατὰ τὰ ἔργα αὐτῶν. καὶ ἔδωκεν ἡ θάλασσα τοὺς νεκροὺς τοὺς ἐν αὐτῇ, καὶ ὁ θάνατος καὶ ὁ ᾅδης ἔδωκαν τοὺς νεκροὺς τοὺς ἐν αὐτοῖς, καὶ ἐκρίθησαν ἕκαστος κατὰ τὰ ἔργα αὐτῶν. καὶ ὁ θάνατος καὶ ὁ ᾅδης ἐβλήθησαν εἰς τὴν λίμνην τοῦ πυρός. οὗτος ὁ θάνατος ὁ δεύτερός ἐστιν, ἡ λίμνη τοῦ πυρός. καὶ εἴ τις οὐχ εὑρέθη ἐν τῇ βίβλῳ τῆς ζωῆς γεγραμμένος, ἐβλήθη εἰς τὴν λίμνην τοῦ πυρός.

Kai eidon thronon megan leukon kai ton kathemenon ep’ autou, hou apo tou prosopou ephygen he ge kai ho ouranos, kai topos ouch heurethe autois. kai eidon tous nekrous, tous megalous kai tous mikrous, hestotas enopion tou thronou, kai biblia enoichthesan; kai allo biblion enoichthe, ho estin tes zoes; kai ekrithesan ohi nekroi ek ton gegrammenon en tois bibliois kata ta erga auton. kai edoken he thalassa tous nekrous tous en aute, kai ho thanatos kai ho hades edokan tous nekrous tous en autois, kai ekrithesan hekastos kata ta erga auton. kai ho thanatos kai ho hades eblethesan eis ten limnen tou pyros. houtos ho thanatos ho deuteros estin, he limne tou pyros. kai ei tis ouch heurethe en te biblo tes zoes gegrammenos, eblethe eis ten limnen tou pyros.