Φοβηθῶμεν οὖν μήποτε καταλειπομένης ἐπαγγελίας εἰσελθεῖν εἰς τὴν κατάπαυσιν αὐτοῦ δοκῇ τις ἐξ ὑμῶν ὑστερηκέναι· καὶ γάρ ἐσμεν εὐηγγελισμένοι καθάπερ κἀκεῖνοι, ἀλλ’ οὐκ ὠφέλησεν ὁ λόγος τῆς ἀκοῆς ἐκείνους, μὴ συγκεκερασμένους τῇ πίστει τοῖς ἀκούσασιν. εἰσερχόμεθα γὰρ εἰς κατάπαυσιν οἱ πιστεύσαντες, καθὼς εἴρηκεν· Ὡς ὤμοσα ἐν τῇ ὀργῇ μου, Εἰ εἰσελεύσονται εἰς τὴν κατάπαυσίν μου, καίτοι τῶν ἔργων ἀπὸ καταβολῆς κόσμου γενηθέντων, εἴρηκεν γάρ που περὶ τῆς ἑβδόμης οὕτως· Καὶ κατέπαυσεν ὁ θεὸς ἐν τῇ ἡμέρᾳ τῇ ἑβδόμῃ ἀπὸ πάντων τῶν ἔργων αὐτοῦ, καὶ ἐν τούτῳ πάλιν· Εἰ εἰσελεύσονται εἰς τὴν κατάπαυσίν μου. ἐπεὶ οὖν ἀπολείπεται τινὰς εἰσελθεῖν εἰς αὐτήν, καὶ οἱ πρότερον εὐαγγελισθέντες οὐκ εἰσῆλθον δι’ ἀπείθειαν, πάλιν τινὰ ὁρίζει ἡμέραν, Σήμερον, ἐν Δαυὶδ λέγων μετὰ τοσοῦτον χρόνον, καθὼς προείρηται, Σήμερον ἐὰν τῆς φωνῆς αὐτοῦ ἀκούσητε, μὴ σκληρύνητε τὰς καρδίας ὑμῶν· εἰ γὰρ αὐτοὺς Ἰησοῦς κατέπαυσεν, οὐκ ἂν περὶ ἄλλης ἐλάλει μετὰ ταῦτα ἡμέρας. ἄρα ἀπολείπεται σαββατισμὸς τῷ λαῷ τοῦ θεοῦ· ὁ γὰρ εἰσελθὼν εἰς τὴν κατάπαυσιν αὐτοῦ καὶ αὐτὸς κατέπαυσεν ἀπὸ τῶν ἔργων αὐτοῦ ὥσπερ ἀπὸ τῶν ἰδίων ὁ θεός. σπουδάσωμεν οὖν εἰσελθεῖν εἰς ἐκείνην τὴν κατάπαυσιν, ἵνα μὴ ἐν τῷ αὐτῷ τις ὑποδείγματι πέσῃ τῆς ἀπειθείας.
Phobethomen oun mepote kataleipomenes epangelias eiselthein eis ten katapausin autou doke tis ex hymon hysterekenai; kai gar esmen euengelismenoi kathaper kakeinoi, all’ ouk ophelesen ho logos tes akoes ekeinous, me synkekerasmenous te pistei tois akousasin. eiserchometha gar eis katapausin ohi pisteusantes, kathos eireken; Hos omosa en te orge mou, Ei eiseleusontai eis ten katapausin mou, kaitoi ton ergon apo kataboles kosmou genethenton, eireken gar pou peri tes hebdomes houtos; Kai katepausen ho theos en te hemera te hebdome apo panton ton ergon autou, kai en touto palin; Ei eiseleusontai eis ten katapausin mou. epei oun apoleipetai tinas eiselthein eis auten, kai ohi proteron euangelisthentes ouk eiselthon di’ apeitheian, palin tina horizei hemeran, Semeron, en Dauid legon meta tosouton chronon, kathos proeiretai, Semeron ean tes phones autou akousete, me sklerynete tas kardias hymon; ei gar autous Iesous katepausen, ouk an peri alles elalei meta tauta hemeras. ara apoleipetai sabbatismos to lao tou theou; ho gar eiselthon eis ten katapausin autou kai autos katepausen apo ton ergon autou hosper apo ton idion ho theos. spoudasomen oun eiselthein eis ekeinen ten katapausin, hina me en to auto tis hypodeigmati pese tes apeitheias.
Ζῶν γὰρ ὁ λόγος τοῦ θεοῦ καὶ ἐνεργὴς καὶ τομώτερος ὑπὲρ πᾶσαν μάχαιραν δίστομον καὶ διϊκνούμενος ἄχρι μερισμοῦ ψυχῆς καὶ πνεύματος, ἁρμῶν τε καὶ μυελῶν, καὶ κριτικὸς ἐνθυμήσεων καὶ ἐννοιῶν καρδίας· καὶ οὐκ ἔστιν κτίσις ἀφανὴς ἐνώπιον αὐτοῦ, πάντα δὲ γυμνὰ καὶ τετραχηλισμένα τοῖς ὀφθαλμοῖς αὐτοῦ, πρὸς ὃν ἡμῖν ὁ λόγος.
Zon gar ho logos tou theou kai energes kai tomoteros hyper pasan machairan distomon kai diiknoumenos achri merismou psyches kai pneumatos, harmon te kai myelon, kai kritikos enthymeseon kai ennoion kardias; kai ouk estin ktisis aphanes enopion autou, panta de gymna kai tetrachelismena tois ophthalmois autou, pros hon hemin ho logos.
Ἔχοντες οὖν ἀρχιερέα μέγαν διεληλυθότα τοὺς οὐρανούς, Ἰησοῦν τὸν υἱὸν τοῦ θεοῦ, κρατῶμεν τῆς ὁμολογίας· οὐ γὰρ ἔχομεν ἀρχιερέα μὴ δυνάμενον συμπαθῆσαι ταῖς ἀσθενείαις ἡμῶν, πεπειρασμένον δὲ κατὰ πάντα καθ’ ὁμοιότητα χωρὶς ἁμαρτίας. προσερχώμεθα οὖν μετὰ παρρησίας τῷ θρόνῳ τῆς χάριτος, ἵνα λάβωμεν ἔλεος καὶ χάριν εὕρωμεν εἰς εὔκαιρον βοήθειαν.
Echontes oun archierea megan dielelythota tous ouranous, Iesoun ton yhion tou theou, kratomen tes homologias; ou gar echomen archierea me dynamenon sympathesai tais astheneiais hemon, pepeirasmenon de kata panta kath’ homoioteta choris hamartias. proserchometha oun meta parresias to throno tes charitos, hina labomen eleos kai charin heuromen eis eukairon boetheian.