Libro 14, § 2 — Nuovo Testamento

Ἐρωτῶμεν δὲ ὑμᾶς, ἀδελφοί, ὑπὲρ τῆς παρουσίας τοῦ κυρίου ἡμῶν Ἰησοῦ Χριστοῦ καὶ ἡμῶν ἐπισυναγωγῆς ἐπ’ αὐτόν, εἰς τὸ μὴ ταχέως σαλευθῆναι ὑμᾶς ἀπὸ τοῦ νοὸς μηδὲ θροεῖσθαι μήτε διὰ πνεύματος μήτε διὰ λόγου μήτε δι’ ἐπιστολῆς ὡς δι’ ἡμῶν, ὡς ὅτι ἐνέστηκεν ἡ ἡμέρα τοῦ κυρίου. μή τις ὑμᾶς ἐξαπατήσῃ κατὰ μηδένα τρόπον· ὅτι ἐὰν μὴ ἔλθῃ ἡ ἀποστασία πρῶτον καὶ ἀποκαλυφθῇ ὁ ἄνθρωπος τῆς ἀνομίας, ὁ υἱὸς τῆς ἀπωλείας, ὁ ἀντικείμενος καὶ ὑπεραιρόμενος ἐπὶ πάντα λεγόμενον θεὸν ἢ σέβασμα, ὥστε αὐτὸν εἰς τὸν ναὸν τοῦ θεοῦ καθίσαι ἀποδεικνύντα ἑαυτὸν ὅτι ἔστιν θεός. οὐ μνημονεύετε ὅτι ἔτι ὢν πρὸς ὑμᾶς ταῦτα ἔλεγον ὑμῖν; καὶ νῦν τὸ κατέχον οἴδατε, εἰς τὸ ἀποκαλυφθῆναι αὐτὸν ἐν τῷ ἑαυτοῦ καιρῷ· τὸ γὰρ μυστήριον ἤδη ἐνεργεῖται τῆς ἀνομίας· μόνον ὁ κατέχων ἄρτι ἕως ἐκ μέσου γένηται. καὶ τότε ἀποκαλυφθήσεται ὁ ἄνομος, ὃν ὁ κύριος Ἰησοῦς ἀνελεῖ τῷ πνεύματι τοῦ στόματος αὐτοῦ καὶ καταργήσει τῇ ἐπιφανείᾳ τῆς παρουσίας αὐτοῦ, οὗ ἐστιν ἡ παρουσία κατ’ ἐνέργειαν τοῦ Σατανᾶ ἐν πάσῃ δυνάμει καὶ σημείοις καὶ τέρασιν ψεύδους καὶ ἐν πάσῃ ἀπάτῃ ἀδικίας τοῖς ἀπολλυμένοις, ἀνθ’ ὧν τὴν ἀγάπην τῆς ἀληθείας οὐκ ἐδέξαντο εἰς τὸ σωθῆναι αὐτούς· καὶ διὰ τοῦτο πέμπει αὐτοῖς ὁ θεὸς ἐνέργειαν πλάνης εἰς τὸ πιστεῦσαι αὐτοὺς τῷ ψεύδει, ἵνα κριθῶσιν πάντες οἱ μὴ πιστεύσαντες τῇ ἀληθείᾳ ἀλλὰ εὐδοκήσαντες τῇ ἀδικίᾳ.

Erotomen de hymas, adelphoi, hyper tes parousias tou kyriou hemon Iesou Christou kai hemon episynagoges ep’ auton, eis to me tacheos saleuthenai hymas apo tou noos mede throeisthai mete dia pneumatos mete dia logou mete di’ epistoles hos di’ hemon, hos hoti enesteken he hemera tou kyriou. me tis hymas exapatese kata medena tropon; hoti ean me elthe he apostasia proton kai apokalyphthe ho anthropos tes anomias, ho yhios tes apoleias, ho antikeimenos kai hyperairomenos epi panta legomenon theon e sebasma, hoste auton eis ton naon tou theou kathisai apodeiknynta heauton hoti estin theos. ou mnemoneuete hoti eti on pros hymas tauta elegon hymin? kai nyn to katechon oidate, eis to apokalyphthenai auton en to heautou kairo; to gar mysterion ede energeitai tes anomias; monon ho katechon arti heos ek mesou genetai. kai tote apokalyphthesetai ho anomos, hon ho kyrios Iesous anelei to pneumati tou stomatos autou kai katargesei te epiphaneia tes parousias autou, hou estin he parousia kat’ energeian tou Satana en pase dynamei kai semeiois kai terasin pseudous kai en pase apate adikias tois apollymenois, anth’ hon ten agapen tes aletheias ouk edexanto eis to sothenai autous; kai dia touto pempei autois ho theos energeian planes eis to pisteusai autous to pseudei, hina krithosin pantes ohi me pisteusantes te aletheia alla eudokesantes te adikia.

Ἡμεῖς δὲ ὀφείλομεν εὐχαριστεῖν τῷ θεῷ πάντοτε περὶ ὑμῶν, ἀδελφοὶ ἠγαπημένοι ὑπὸ κυρίου, ὅτι εἵλατο ὑμᾶς ὁ θεὸς ἀπαρχὴν εἰς σωτηρίαν ἐν ἁγιασμῷ πνεύματος καὶ πίστει ἀληθείας, εἰς ὃ ἐκάλεσεν ὑμᾶς διὰ τοῦ εὐαγγελίου ἡμῶν, εἰς περιποίησιν δόξης τοῦ κυρίου ἡμῶν Ἰησοῦ Χριστοῦ. ἄρα οὖν, ἀδελφοί, στήκετε, καὶ κρατεῖτε τὰς παραδόσεις ἃς ἐδιδάχθητε εἴτε διὰ λόγου εἴτε δι’ ἐπιστολῆς ἡμῶν.

Hemeis de opheilomen eucharistein to theo pantote peri hymon, adelphoi egapemenoi hypo kyriou, hoti ehilato hymas ho theos aparchen eis soterian en hagiasmo pneumatos kai pistei aletheias, eis ho ekalesen hymas dia tou euangeliou hemon, eis peripoiesin doxes tou kyriou hemon Iesou Christou. ara oun, adelphoi, stekete, kai krateite tas paradoseis has edidachthete eite dia logou eite di’ epistoles hemon.

Αὐτὸς δὲ ὁ κύριος ἡμῶν Ἰησοῦς Χριστὸς καὶ θεὸς ὁ πατὴρ ἡμῶν, ὁ ἀγαπήσας ἡμᾶς καὶ δοὺς παράκλησιν αἰωνίαν καὶ ἐλπίδα ἀγαθὴν ἐν χάριτι, παρακαλέσαι ὑμῶν τὰς καρδίας καὶ στηρίξαι ἐν παντὶ ἔργῳ καὶ λόγῳ ἀγαθῷ.

Autos de ho kyrios hemon Iesous Christos kai theos ho pater hemon, ho agapesas hemas kai dous paraklesin aionian kai elpida agathen en chariti, parakalesai hymon tas kardias kai sterixai en panti ergo kai logo agatho.