Libro 1, § 25 — Nuovo Testamento

Τότε ὁμοιωθήσεται ἡ βασιλεία τῶν οὐρανῶν δέκα παρθένοις, αἵτινες λαβοῦσαι τὰς λαμπάδας ἑαυτῶν ἐξῆλθον εἰς ὑπάντησιν τοῦ νυμφίου. πέντε δὲ ἐξ αὐτῶν ἦσαν μωραὶ καὶ πέντε φρόνιμοι. αἱ γὰρ μωραὶ λαβοῦσαι τὰς λαμπάδας αὐτῶν οὐκ ἔλαβον μεθ’ ἑαυτῶν ἔλαιον· αἱ δὲ φρόνιμοι ἔλαβον ἔλαιον ἐν τοῖς ἀγγείοις μετὰ τῶν λαμπάδων ἑαυτῶν. χρονίζοντος δὲ τοῦ νυμφίου ἐνύσταξαν πᾶσαι καὶ ἐκάθευδον. μέσης δὲ νυκτὸς κραυγὴ γέγονεν· Ἰδοὺ ὁ νυμφίος, ἐξέρχεσθε εἰς ἀπάντησιν αὐτοῦ. τότε ἠγέρθησαν πᾶσαι αἱ παρθένοι ἐκεῖναι καὶ ἐκόσμησαν τὰς λαμπάδας ἑαυτῶν. αἱ δὲ μωραὶ ταῖς φρονίμοις εἶπαν· Δότε ἡμῖν ἐκ τοῦ ἐλαίου ὑμῶν, ὅτι αἱ λαμπάδες ἡμῶν σβέννυνται. ἀπεκρίθησαν δὲ αἱ φρόνιμοι λέγουσαι· Μήποτε οὐ μὴ ἀρκέσῃ ἡμῖν καὶ ὑμῖν· πορεύεσθε μᾶλλον πρὸς τοὺς πωλοῦντας καὶ ἀγοράσατε ἑαυταῖς. ἀπερχομένων δὲ αὐτῶν ἀγοράσαι ἦλθεν ὁ νυμφίος, καὶ αἱ ἕτοιμοι εἰσῆλθον μετ’ αὐτοῦ εἰς τοὺς γάμους, καὶ ἐκλείσθη ἡ θύρα. ὕστερον δὲ ἔρχονται καὶ αἱ λοιπαὶ παρθένοι λέγουσαι· Κύριε κύριε, ἄνοιξον ἡμῖν· ὁ δὲ ἀποκριθεὶς εἶπεν· Ἀμὴν λέγω ὑμῖν, οὐκ οἶδα ὑμᾶς. γρηγορεῖτε οὖν, ὅτι οὐκ οἴδατε τὴν ἡμέραν οὐδὲ τὴν ὥραν.

Tote homoiothesetai he basileia ton ouranon deka parthenois, ahitines labousai tas lampadas heauton exelthon eis hypantesin tou nymphiou. pente de ex auton esan morai kai pente phronimoi. ahi gar morai labousai tas lampadas auton ouk elabon meth’ heauton elaion; ahi de phronimoi elabon elaion en tois angeiois meta ton lampadon heauton. chronizontos de tou nymphiou enystaxan pasai kai ekatheudon. meses de nyktos krauge gegonen; Idou ho nymphios, exerchesthe eis apantesin autou. tote egerthesan pasai ahi parthenoi ekeinai kai ekosmesan tas lampadas heauton. ahi de morai tais phronimois eipan; Dote hemin ek tou elaiou hymon, hoti ahi lampades hemon sbennyntai. apekrithesan de ahi phronimoi legousai; Mepote ou me arkese hemin kai hymin; poreuesthe mallon pros tous polountas kai agorasate heautais. aperchomenon de auton agorasai elthen ho nymphios, kai ahi hetoimoi eiselthon met’ autou eis tous gamous, kai ekleisthe he thyra. hysteron de erchontai kai ahi loipai parthenoi legousai; Kyrie kyrie, anoixon hemin; ho de apokritheis eipen; Amen lego hymin, ouk oida hymas. gregoreite oun, hoti ouk oidate ten hemeran oude ten horan.

Ὥσπερ γὰρ ἄνθρωπος ἀποδημῶν ἐκάλεσεν τοὺς ἰδίους δούλους καὶ παρέδωκεν αὐτοῖς τὰ ὑπάρχοντα αὐτοῦ, καὶ ᾧ μὲν ἔδωκεν πέντε τάλαντα ᾧ δὲ δύο ᾧ δὲ ἕν, ἑκάστῳ κατὰ τὴν ἰδίαν δύναμιν, καὶ ἀπεδήμησεν. εὐθέως πορευθεὶς ὁ τὰ πέντε τάλαντα λαβὼν ἠργάσατο ἐν αὐτοῖς καὶ ἐκέρδησεν ἄλλα πέντε· ὡσαύτως ὁ τὰ δύο ἐκέρδησεν ἄλλα δύο· ὁ δὲ τὸ ἓν λαβὼν ἀπελθὼν ὤρυξεν γῆν καὶ ἔκρυψεν τὸ ἀργύριον τοῦ κυρίου αὐτοῦ. μετὰ δὲ πολὺν χρόνον ἔρχεται ὁ κύριος τῶν δούλων ἐκείνων καὶ συναίρει λόγον μετ’ αὐτῶν καὶ προσελθὼν ὁ τὰ πέντε τάλαντα λαβὼν προσήνεγκεν ἄλλα πέντε τάλαντα λέγων· Κύριε, πέντε τάλαντά μοι παρέδωκας· ἴδε ἄλλα πέντε τάλαντα ἐκέρδησα. ἔφη αὐτῷ ὁ κύριος αὐτοῦ· Εὖ, δοῦλε ἀγαθὲ καὶ πιστέ, ἐπὶ ὀλίγα ἦς πιστός, ἐπὶ πολλῶν σε καταστήσω· εἴσελθε εἰς τὴν χαρὰν τοῦ κυρίου σου. προσελθὼν δὲ καὶ ὁ τὰ δύο τάλαντα εἶπεν· Κύριε, δύο τάλαντά μοι παρέδωκας· ἴδε ἄλλα δύο τάλαντα ἐκέρδησα. ἔφη αὐτῷ ὁ κύριος αὐτοῦ· Εὖ, δοῦλε ἀγαθὲ καὶ πιστέ, ἐπὶ ὀλίγα ἦς πιστός, ἐπὶ πολλῶν σε καταστήσω· εἴσελθε εἰς τὴν χαρὰν τοῦ κυρίου σου. προσελθὼν δὲ καὶ ὁ τὸ ἓν τάλαντον εἰληφὼς εἶπεν· Κύριε, ἔγνων σε ὅτι σκληρὸς εἶ ἄνθρωπος, θερίζων ὅπου οὐκ ἔσπειρας καὶ συνάγων ὅθεν οὐ διεσκόρπισας· καὶ φοβηθεὶς ἀπελθὼν ἔκρυψα τὸ τάλαντόν σου ἐν τῇ γῇ· ἴδε ἔχεις τὸ σόν. ἀποκριθεὶς δὲ ὁ κύριος αὐτοῦ εἶπεν αὐτῷ· Πονηρὲ δοῦλε καὶ ὀκνηρέ, ᾔδεις ὅτι θερίζω ὅπου οὐκ ἔσπειρα καὶ συνάγω ὅθεν οὐ διεσκόρπισα; ἔδει σε οὖν βαλεῖν τὰ ἀργύριά μου τοῖς τραπεζίταις, καὶ ἐλθὼν ἐγὼ ἐκομισάμην ἂν τὸ ἐμὸν σὺν τόκῳ. ἄρατε οὖν ἀπ’ αὐτοῦ τὸ τάλαντον καὶ δότε τῷ ἔχοντι τὰ δέκα τάλαντα· τῷ γὰρ ἔχοντι παντὶ δοθήσεται καὶ περισσευθήσεται· τοῦ δὲ μὴ ἔχοντος καὶ ὃ ἔχει ἀρθήσεται ἀπ’ αὐτοῦ. καὶ τὸν ἀχρεῖον δοῦλον ἐκβάλετε εἰς τὸ σκότος τὸ ἐξώτερον· ἐκεῖ ἔσται ὁ κλαυθμὸς καὶ ὁ βρυγμὸς τῶν ὀδόντων.

Hosper gar anthropos apodemon ekalesen tous idious doulous kai paredoken autois ta hyparchonta autou, kai ho men edoken pente talanta ho de dyo ho de hen, hekasto kata ten idian dynamin, kai apedemesen. eutheos poreutheis ho ta pente talanta labon ergasato en autois kai ekerdesen alla pente; hosautos ho ta dyo ekerdesen alla dyo; ho de to hen labon apelthon oryxen gen kai ekrypsen to argyrion tou kyriou autou. meta de polyn chronon erchetai ho kyrios ton doulon ekeinon kai synairei logon met’ auton kai proselthon ho ta pente talanta labon prosenenken alla pente talanta legon; Kyrie, pente talanta moi paredokas; ide alla pente talanta ekerdesa. ephe auto ho kyrios autou; Eu, doule agathe kai piste, epi oliga es pistos, epi pollon se katasteso; eiselthe eis ten charan tou kyriou sou. proselthon de kai ho ta dyo talanta eipen; Kyrie, dyo talanta moi paredokas; ide alla dyo talanta ekerdesa. ephe auto ho kyrios autou; Eu, doule agathe kai piste, epi oliga es pistos, epi pollon se katasteso; eiselthe eis ten charan tou kyriou sou. proselthon de kai ho to hen talanton eilephos eipen; Kyrie, egnon se hoti skleros ei anthropos, therizon hopou ouk espeiras kai synagon hothen ou dieskorpisas; kai phobetheis apelthon ekrypsa to talanton sou en te ge; ide echeis to son. apokritheis de ho kyrios autou eipen auto; Ponere doule kai oknere, edeis hoti therizo hopou ouk espeira kai synago hothen ou dieskorpisa? edei se oun balein ta argyria mou tois trapezitais, kai elthon ego ekomisamen an to emon syn toko. arate oun ap’ autou to talanton kai dote to echonti ta deka talanta; to gar echonti panti dothesetai kai perisseuthesetai; tou de me echontos kai ho echei arthesetai ap’ autou. kai ton achreion doulon ekbalete eis to skotos to exoteron; ekei estai ho klauthmos kai ho brygmos ton odonton.

Ὅταν δὲ ἔλθῃ ὁ υἱὸς τοῦ ἀνθρώπου ἐν τῇ δόξῃ αὐτοῦ καὶ πάντες οἱ ἄγγελοι μετ’ αὐτοῦ, τότε καθίσει ἐπὶ θρόνου δόξης αὐτοῦ· καὶ συναχθήσονται ἔμπροσθεν αὐτοῦ πάντα τὰ ἔθνη, καὶ ἀφορίσει αὐτοὺς ἀπ’ ἀλλήλων, ὥσπερ ὁ ποιμὴν ἀφορίζει τὰ πρόβατα ἀπὸ τῶν ἐρίφων, καὶ στήσει τὰ μὲν πρόβατα ἐκ δεξιῶν αὐτοῦ τὰ δὲ ἐρίφια ἐξ εὐωνύμων. τότε ἐρεῖ ὁ βασιλεὺς τοῖς ἐκ δεξιῶν αὐτοῦ· Δεῦτε, οἱ εὐλογημένοι τοῦ πατρός μου, κληρονομήσατε τὴν ἡτοιμασμένην ὑμῖν βασιλείαν ἀπὸ καταβολῆς κόσμου. ἐπείνασα γὰρ καὶ ἐδώκατέ μοι φαγεῖν, ἐδίψησα καὶ ἐποτίσατέ με, ξένος ἤμην καὶ συνηγάγετέ με, γυμνὸς καὶ περιεβάλετέ με, ἠσθένησα καὶ ἐπεσκέψασθέ με, ἐν φυλακῇ ἤμην καὶ ἤλθατε πρός με. τότε ἀποκριθήσονται αὐτῷ οἱ δίκαιοι λέγοντες· Κύριε, πότε σε εἴδομεν πεινῶντα καὶ ἐθρέψαμεν, ἢ διψῶντα καὶ ἐποτίσαμεν; πότε δέ σε εἴδομεν ξένον καὶ συνηγάγομεν, ἢ γυμνὸν καὶ περιεβάλομεν; πότε δέ σε εἴδομεν ἀσθενοῦντα ἢ ἐν φυλακῇ καὶ ἤλθομεν πρός σε; καὶ ἀποκριθεὶς ὁ βασιλεὺς ἐρεῖ αὐτοῖς· Ἀμὴν λέγω ὑμῖν, ἐφ’ ὅσον ἐποιήσατε ἑνὶ τούτων τῶν ἀδελφῶν μου τῶν ἐλαχίστων, ἐμοὶ ἐποιήσατε. τότε ἐρεῖ καὶ τοῖς ἐξ εὐωνύμων· Πορεύεσθε ἀπ’ ἐμοῦ οἱ κατηραμένοι εἰς τὸ πῦρ τὸ αἰώνιον τὸ ἡτοιμασμένον τῷ διαβόλῳ καὶ τοῖς ἀγγέλοις αὐτοῦ. ἐπείνασα γὰρ καὶ οὐκ ἐδώκατέ μοι φαγεῖν, ἐδίψησα καὶ οὐκ ἐποτίσατέ με, ξένος ἤμην καὶ οὐ συνηγάγετέ με, γυμνὸς καὶ οὐ περιεβάλετέ με, ἀσθενὴς καὶ ἐν φυλακῇ καὶ οὐκ ἐπεσκέψασθέ με. τότε ἀποκριθήσονται καὶ αὐτοὶ λέγοντες· Κύριε, πότε σε εἴδομεν πεινῶντα ἢ διψῶντα ἢ ξένον ἢ γυμνὸν ἢ ἀσθενῆ ἢ ἐν φυλακῇ καὶ οὐ διηκονήσαμέν σοι; τότε ἀποκριθήσεται αὐτοῖς λέγων· Ἀμὴν λέγω ὑμῖν, ἐφ’ ὅσον οὐκ ἐποιήσατε ἑνὶ τούτων τῶν ἐλαχίστων, οὐδὲ ἐμοὶ ἐποιήσατε. καὶ ἀπελεύσονται οὗτοι εἰς κόλασιν αἰώνιον, οἱ δὲ δίκαιοι εἰς ζωὴν αἰώνιον.

Hotan de elthe ho yhios tou anthropou en te doxe autou kai pantes ohi angeloi met’ autou, tote kathisei epi thronou doxes autou; kai synachthesontai emprosthen autou panta ta ethne, kai aphorisei autous ap’ allelon, hosper ho poimen aphorizei ta probata apo ton eriphon, kai stesei ta men probata ek dexion autou ta de eriphia ex euonymon. tote erei ho basileus tois ek dexion autou; Deute, ohi eulogemenoi tou patros mou, kleronomesate ten hetoimasmenen hymin basileian apo kataboles kosmou. epeinasa gar kai edokate moi phagein, edipsesa kai epotisate me, xenos emen kai synegagete me, gymnos kai periebalete me, esthenesa kai epeskepsasthe me, en phylake emen kai elthate pros me. tote apokrithesontai auto ohi dikaioi legontes; Kyrie, pote se eidomen peinonta kai ethrepsamen, e dipsonta kai epotisamen? pote de se eidomen xenon kai synegagomen, e gymnon kai periebalomen? pote de se eidomen asthenounta e en phylake kai elthomen pros se? kai apokritheis ho basileus erei autois; Amen lego hymin, eph’ hoson epoiesate heni touton ton adelphon mou ton elachiston, emoi epoiesate. tote erei kai tois ex euonymon; Poreuesthe ap’ emou ohi kateramenoi eis to pyr to aionion to hetoimasmenon to diabolo kai tois angelois autou. epeinasa gar kai ouk edokate moi phagein, edipsesa kai ouk epotisate me, xenos emen kai ou synegagete me, gymnos kai ou periebalete me, asthenes kai en phylake kai ouk epeskepsasthe me. tote apokrithesontai kai autoi legontes; Kyrie, pote se eidomen peinonta e dipsonta e xenon e gymnon e asthene e en phylake kai ou diekonesamen soi? tote apokrithesetai autois legon; Amen lego hymin, eph’ hoson ouk epoiesate heni touton ton elachiston, oude emoi epoiesate. kai apeleusontai houtoi eis kolasin aionion, ohi de dikaioi eis zoen aionion.