Libro 1, § 19 — Nuovo Testamento

Καὶ ἐγένετο ὅτε ἐτέλεσεν ὁ Ἰησοῦς τοὺς λόγους τούτους, μετῆρεν ἀπὸ τῆς Γαλιλαίας καὶ ἦλθεν εἰς τὰ ὅρια τῆς Ἰουδαίας πέραν τοῦ Ἰορδάνου. καὶ ἠκολούθησαν αὐτῷ ὄχλοι πολλοί, καὶ ἐθεράπευσεν αὐτοὺς ἐκεῖ.

Kai egeneto hote etelesen ho Iesous tous logous toutous, meteren apo tes Galilaias kai elthen eis ta horia tes Ioudaias peran tou Iordanou. kai ekolouthesan auto ochloi polloi, kai etherapeusen autous ekei.

Καὶ προσῆλθον αὐτῷ Φαρισαῖοι πειράζοντες αὐτὸν καὶ λέγοντες· Εἰ ἔξεστιν ἀνθρώπῳ ἀπολῦσαι τὴν γυναῖκα αὐτοῦ κατὰ πᾶσαν αἰτίαν; ὁ δὲ ἀποκριθεὶς εἶπεν· Οὐκ ἀνέγνωτε ὅτι ὁ κτίσας ἀπ’ ἀρχῆς ἄρσεν καὶ θῆλυ ἐποίησεν αὐτοὺς καὶ εἶπεν· Ἕνεκα τούτου καταλείψει ἄνθρωπος τὸν πατέρα καὶ τὴν μητέρα καὶ κολληθήσεται τῇ γυναικὶ αὐτοῦ, καὶ ἔσονται οἱ δύο εἰς σάρκα μίαν; ὥστε οὐκέτι εἰσὶν δύο ἀλλὰ σὰρξ μία. ὃ οὖν ὁ θεὸς συνέζευξεν ἄνθρωπος μὴ χωριζέτω. λέγουσιν αὐτῷ· Τί οὖν Μωϋσῆς ἐνετείλατο δοῦναι βιβλίον ἀποστασίου καὶ ἀπολῦσαι αὐτήν; λέγει αὐτοῖς ὅτι Μωϋσῆς πρὸς τὴν σκληροκαρδίαν ὑμῶν ἐπέτρεψεν ὑμῖν ἀπολῦσαι τὰς γυναῖκας ὑμῶν, ἀπ’ ἀρχῆς δὲ οὐ γέγονεν οὕτως. λέγω δὲ ὑμῖν ὅτι ὃς ἂν ἀπολύσῃ τὴν γυναῖκα αὐτοῦ μὴ ἐπὶ πορνείᾳ καὶ γαμήσῃ ἄλλην μοιχᾶται καὶ ὁ ἀπολελυμένην γαμήσας μοιχᾶται.

Kai proselthon auto Pharisaioi peirazontes auton kai legontes; Ei exestin anthropo apolysai ten gynaika autou kata pasan aitian? ho de apokritheis eipen; Ouk anegnote hoti ho ktisas ap’ arches arsen kai thely epoiesen autous kai eipen; Heneka toutou kataleipsei anthropos ton patera kai ten metera kai kollethesetai te gynaiki autou, kai esontai ohi dyo eis sarka mian? hoste ouketi eisin dyo alla sarx mia. ho oun ho theos synezeuxen anthropos me chorizeto. legousin auto; Ti oun Moyses eneteilato dounai biblion apostasiou kai apolysai auten? legei autois hoti Moyses pros ten sklerokardian hymon epetrepsen hymin apolysai tas gynaikas hymon, ap’ arches de ou gegonen houtos. lego de hymin hoti hos an apolyse ten gynaika autou me epi porneia kai gamese allen moichatai kai ho apolelymenen gamesas moichatai.

Λέγουσιν αὐτῷ οἱ μαθηταί· Εἰ οὕτως ἐστὶν ἡ αἰτία τοῦ ἀνθρώπου μετὰ τῆς γυναικός, οὐ συμφέρει γαμῆσαι. ὁ δὲ εἶπεν αὐτοῖς· Οὐ πάντες χωροῦσι τὸν λόγον τοῦτον ἀλλ’ οἷς δέδοται. εἰσὶν γὰρ εὐνοῦχοι οἵτινες ἐκ κοιλίας μητρὸς ἐγεννήθησαν οὕτως, καὶ εἰσὶν εὐνοῦχοι οἵτινες εὐνουχίσθησαν ὑπὸ τῶν ἀνθρώπων, καὶ εἰσὶν εὐνοῦχοι οἵτινες εὐνούχισαν ἑαυτοὺς διὰ τὴν βασιλείαν τῶν οὐρανῶν. ὁ δυνάμενος χωρεῖν χωρείτω.

Legousin auto ohi mathetai; Ei houtos estin he aitia tou anthropou meta tes gynaikos, ou sympherei gamesai. ho de eipen autois; Ou pantes chorousi ton logon touton all’ ohis dedotai. eisin gar eunouchoi ohitines ek koilias metros egennethesan houtos, kai eisin eunouchoi ohitines eunouchisthesan hypo ton anthropon, kai eisin eunouchoi ohitines eunouchisan heautous dia ten basileian ton ouranon. ho dynamenos chorein choreito.

Τότε προσηνέχθησαν αὐτῷ παιδία ἵνα τὰς χεῖρας ἐπιθῇ αὐτοῖς καὶ προσεύξηται· οἱ δὲ μαθηταὶ ἐπετίμησαν αὐτοῖς. ὁ δὲ Ἰησοῦς εἶπεν· Ἄφετε τὰ παιδία καὶ μὴ κωλύετε αὐτὰ ἐλθεῖν πρός με, τῶν γὰρ τοιούτων ἐστὶν ἡ βασιλεία τῶν οὐρανῶν. καὶ ἐπιθεὶς τὰς χεῖρας αὐτοῖς ἐπορεύθη ἐκεῖθεν.

Tote prosenechthesan auto paidia hina tas cheiras epithe autois kai proseuxetai; ohi de mathetai epetimesan autois. ho de Iesous eipen; Aphete ta paidia kai me kolyete auta elthein pros me, ton gar toiouton estin he basileia ton ouranon. kai epitheis tas cheiras autois eporeuthe ekeithen.

Καὶ ἰδοὺ εἷς προσελθὼν αὐτῷ εἶπεν· Διδάσκαλε, τί ἀγαθὸν ποιήσω ἵνα σχῶ ζωὴν αἰώνιον; ὁ δὲ εἶπεν αὐτῷ· Τί με ἐρωτᾷς περὶ τοῦ ἀγαθοῦ; εἷς ἐστιν ὁ ἀγαθός· εἰ δὲ θέλεις εἰς τὴν ζωὴν εἰσελθεῖν, τήρησον τὰς ἐντολάς. λέγει αὐτῷ· Ποίας; ὁ δὲ Ἰησοῦς εἶπεν· Τὸ Οὐ φονεύσεις, Οὐ μοιχεύσεις, Οὐ κλέψεις, Οὐ ψευδομαρτυρήσεις, Τίμα τὸν πατέρα καὶ τὴν μητέρα, καὶ Ἀγαπήσεις τὸν πλησίον σου ὡς σεαυτόν. λέγει αὐτῷ ὁ νεανίσκος· Πάντα ταῦτα ἐφύλαξα· τί ἔτι ὑστερῶ; ἔφη αὐτῷ ὁ Ἰησοῦς· Εἰ θέλεις τέλειος εἶναι, ὕπαγε πώλησόν σου τὰ ὑπάρχοντα καὶ δὸς πτωχοῖς, καὶ ἕξεις θησαυρὸν ἐν οὐρανοῖς, καὶ δεῦρο ἀκολούθει μοι. ἀκούσας δὲ ὁ νεανίσκος τὸν λόγον ἀπῆλθεν λυπούμενος, ἦν γὰρ ἔχων κτήματα πολλά.

Kai idou ehis proselthon auto eipen; Didaskale, ti agathon poieso hina scho zoen aionion? ho de eipen auto; Ti me erotas peri tou agathou? ehis estin ho agathos; ei de theleis eis ten zoen eiselthein, tereson tas entolas. legei auto; Poias? ho de Iesous eipen; To Ou phoneuseis, Ou moicheuseis, Ou klepseis, Ou pseudomartyreseis, Tima ton patera kai ten metera, kai Agapeseis ton plesion sou hos seauton. legei auto ho neaniskos; Panta tauta ephylaxa; ti eti hystero? ephe auto ho Iesous; Ei theleis teleios einai, hypage poleson sou ta hyparchonta kai dos ptochois, kai hexeis thesauron en ouranois, kai deuro akolouthei moi. akousas de ho neaniskos ton logon apelthen lypoumenos, en gar echon ktemata polla.

Ὁ δὲ Ἰησοῦς εἶπεν τοῖς μαθηταῖς αὐτοῦ· Ἀμὴν λέγω ὑμῖν ὅτι πλούσιος δυσκόλως εἰσελεύσεται εἰς τὴν βασιλείαν τῶν οὐρανῶν· πάλιν δὲ λέγω ὑμῖν, εὐκοπώτερόν ἐστιν κάμηλον διὰ τρυπήματος ῥαφίδος εἰσελθεῖν ἢ πλούσιον εἰς τὴν βασιλείαν τοῦ θεοῦ. ἀκούσαντες δὲ οἱ μαθηταὶ ἐξεπλήσσοντο σφόδρα λέγοντες· Τίς ἄρα δύναται σωθῆναι; ἐμβλέψας δὲ ὁ Ἰησοῦς εἶπεν αὐτοῖς· Παρὰ ἀνθρώποις τοῦτο ἀδύνατόν ἐστιν, παρὰ δὲ θεῷ πάντα δυνατά.

Ho de Iesous eipen tois mathetais autou; Amen lego hymin hoti plousios dyskolos eiseleusetai eis ten basileian ton ouranon; palin de lego hymin, eukopoteron estin kamelon dia trypematos rhaphidos eiselthein e plousion eis ten basileian tou theou. akousantes de ohi mathetai exeplessonto sphodra legontes; Tis ara dynatai sothenai? emblepsas de ho Iesous eipen autois; Para anthropois touto adynaton estin, para de theo panta dynata.

Τότε ἀποκριθεὶς ὁ Πέτρος εἶπεν αὐτῷ· Ἰδοὺ ἡμεῖς ἀφήκαμεν πάντα καὶ ἠκολουθήσαμέν σοι· τί ἄρα ἔσται ἡμῖν; ὁ δὲ Ἰησοῦς εἶπεν αὐτοῖς· Ἀμὴν λέγω ὑμῖν ὅτι ὑμεῖς οἱ ἀκολουθήσαντές μοι ἐν τῇ παλιγγενεσίᾳ, ὅταν καθίσῃ ὁ υἱὸς τοῦ ἀνθρώπου ἐπὶ θρόνου δόξης αὐτοῦ, καθήσεσθε καὶ ὑμεῖς ἐπὶ δώδεκα θρόνους κρίνοντες τὰς δώδεκα φυλὰς τοῦ Ἰσραήλ. καὶ πᾶς ὅστις ἀφῆκεν οἰκίας ἢ ἀδελφοὺς ἢ ἀδελφὰς ἢ πατέρα ἢ μητέρα ἢ γυναῖκα ἢ τέκνα ἢ ἀγροὺς ἕνεκεν τοῦ ὀνόματός μου, ἑκατονταπλασίονα λήμψεται καὶ ζωὴν αἰώνιον κληρονομήσει. πολλοὶ δὲ ἔσονται πρῶτοι ἔσχατοι καὶ ἔσχατοι πρῶτοι.

Tote apokritheis ho Petros eipen auto; Idou hemeis aphekamen panta kai ekolouthesamen soi; ti ara estai hemin? ho de Iesous eipen autois; Amen lego hymin hoti hymeis ohi akolouthesantes moi en te palingenesia, hotan kathise ho yhios tou anthropou epi thronou doxes autou, kathesesthe kai hymeis epi dodeka thronous krinontes tas dodeka phylas tou Israel. kai pas hostis apheken oikias e adelphous e adelphas e patera e metera e gynaika e tekna e agrous heneken tou onomatos mou, hekatontaplasiona lempsetai kai zoen aionion kleronomesei. polloi de esontai protoi eschatoi kai eschatoi protoi.