Libro 1, § 14 — Nuovo Testamento

Ἐν ἐκείνῳ τῷ καιρῷ ἤκουσεν Ἡρῴδης ὁ τετραάρχης τὴν ἀκοὴν Ἰησοῦ, καὶ εἶπεν τοῖς παισὶν αὐτοῦ· Οὗτός ἐστιν Ἰωάννης ὁ βαπτιστής· αὐτὸς ἠγέρθη ἀπὸ τῶν νεκρῶν, καὶ διὰ τοῦτο αἱ δυνάμεις ἐνεργοῦσιν ἐν αὐτῷ. Ὁ γὰρ Ἡρῴδης κρατήσας τὸν Ἰωάννην ἔδησεν αὐτὸν καὶ ἐν φυλακῇ ἀπέθετο διὰ Ἡρῳδιάδα τὴν γυναῖκα Φιλίππου τοῦ ἀδελφοῦ αὐτοῦ, ἔλεγεν γὰρ αὐτῷ ὁ Ἰωάννης· Οὐκ ἔξεστίν σοι ἔχειν αὐτήν· καὶ θέλων αὐτὸν ἀποκτεῖναι ἐφοβήθη τὸν ὄχλον, ὅτι ὡς προφήτην αὐτὸν εἶχον. γενεσίοις δὲ γενομένοις τοῦ Ἡρῴδου ὠρχήσατο ἡ θυγάτηρ τῆς Ἡρῳδιάδος ἐν τῷ μέσῳ καὶ ἤρεσεν τῷ Ἡρῴδῃ, ὅθεν μετὰ ὅρκου ὡμολόγησεν αὐτῇ δοῦναι ὃ ἐὰν αἰτήσηται. ἡ δὲ προβιβασθεῖσα ὑπὸ τῆς μητρὸς αὐτῆς· Δός μοι, φησίν, ὧδε ἐπὶ πίνακι τὴν κεφαλὴν Ἰωάννου τοῦ βαπτιστοῦ. καὶ λυπηθεὶς ὁ βασιλεὺς διὰ τοὺς ὅρκους καὶ τοὺς συνανακειμένους ἐκέλευσεν δοθῆναι, καὶ πέμψας ἀπεκεφάλισεν τὸν Ἰωάννην ἐν τῇ φυλακῇ· καὶ ἠνέχθη ἡ κεφαλὴ αὐτοῦ ἐπὶ πίνακι καὶ ἐδόθη τῷ κορασίῳ, καὶ ἤνεγκεν τῇ μητρὶ αὐτῆς. καὶ προσελθόντες οἱ μαθηταὶ αὐτοῦ ἦραν τὸ πτῶμα καὶ ἔθαψαν αὐτόν, καὶ ἐλθόντες ἀπήγγειλαν τῷ Ἰησοῦ.

En ekeino to kairo ekousen Herodes ho tetraarches ten akoen Iesou, kai eipen tois paisin autou; Houtos estin Ioannes ho baptistes; autos egerthe apo ton nekron, kai dia touto ahi dynameis energousin en auto. Ho gar Herodes kratesas ton Ioannen edesen auton kai en phylake apetheto dia Herodiada ten gynaika Philippou tou adelphou autou, elegen gar auto ho Ioannes; Ouk exestin soi echein auten; kai thelon auton apokteinai ephobethe ton ochlon, hoti hos propheten auton eichon. genesiois de genomenois tou Herodou orchesato he thygater tes Herodiados en to meso kai eresen to Herode, hothen meta horkou homologesen aute dounai ho ean aitesetai. he de probibastheisa hypo tes metros autes; Dos moi, phesin, hode epi pinaki ten kephalen Ioannou tou baptistou. kai lypetheis ho basileus dia tous horkous kai tous synanakeimenous ekeleusen dothenai, kai pempsas apekephalisen ton Ioannen en te phylake; kai enechthe he kephale autou epi pinaki kai edothe to korasio, kai enenken te metri autes. kai proselthontes ohi mathetai autou eran to ptoma kai ethapsan auton, kai elthontes apengeilan to Iesou.

Ἀκούσας δὲ ὁ Ἰησοῦς ἀνεχώρησεν ἐκεῖθεν ἐν πλοίῳ εἰς ἔρημον τόπον κατ’ ἰδίαν· καὶ ἀκούσαντες οἱ ὄχλοι ἠκολούθησαν αὐτῷ πεζῇ ἀπὸ τῶν πόλεων. καὶ ἐξελθὼν εἶδεν πολὺν ὄχλον, καὶ ἐσπλαγχνίσθη ἐπ’ αὐτοῖς καὶ ἐθεράπευσεν τοὺς ἀρρώστους αὐτῶν. ὀψίας δὲ γενομένης προσῆλθον αὐτῷ οἱ μαθηταὶ λέγοντες· Ἔρημός ἐστιν ὁ τόπος καὶ ἡ ὥρα ἤδη παρῆλθεν· ἀπόλυσον τοὺς ὄχλους, ἵνα ἀπελθόντες εἰς τὰς κώμας ἀγοράσωσιν ἑαυτοῖς βρώματα. ὁ δὲ Ἰησοῦς εἶπεν αὐτοῖς· Οὐ χρείαν ἔχουσιν ἀπελθεῖν· δότε αὐτοῖς ὑμεῖς φαγεῖν. οἱ δὲ λέγουσιν αὐτῷ· Οὐκ ἔχομεν ὧδε εἰ μὴ πέντε ἄρτους καὶ δύο ἰχθύας. ὁ δὲ εἶπεν· Φέρετέ μοι ὧδε αὐτούς. καὶ κελεύσας τοὺς ὄχλους ἀνακλιθῆναι ἐπὶ τοῦ χόρτου, λαβὼν τοὺς πέντε ἄρτους καὶ τοὺς δύο ἰχθύας, ἀναβλέψας εἰς τὸν οὐρανὸν εὐλόγησεν καὶ κλάσας ἔδωκεν τοῖς μαθηταῖς τοὺς ἄρτους οἱ δὲ μαθηταὶ τοῖς ὄχλοις. καὶ ἔφαγον πάντες καὶ ἐχορτάσθησαν, καὶ ἦραν τὸ περισσεῦον τῶν κλασμάτων δώδεκα κοφίνους πλήρεις. οἱ δὲ ἐσθίοντες ἦσαν ἄνδρες ὡσεὶ πεντακισχίλιοι χωρὶς γυναικῶν καὶ παιδίων.

Akousas de ho Iesous anechoresen ekeithen en ploio eis eremon topon kat’ idian; kai akousantes ohi ochloi ekolouthesan auto peze apo ton poleon. kai exelthon eiden polyn ochlon, kai esplanchnisthe ep’ autois kai etherapeusen tous arrostous auton. opsias de genomenes proselthon auto ohi mathetai legontes; Eremos estin ho topos kai he hora ede parelthen; apolyson tous ochlous, hina apelthontes eis tas komas agorasosin heautois bromata. ho de Iesous eipen autois; Ou chreian echousin apelthein; dote autois hymeis phagein. ohi de legousin auto; Ouk echomen hode ei me pente artous kai dyo ichthyas. ho de eipen; Pherete moi hode autous. kai keleusas tous ochlous anaklithenai epi tou chortou, labon tous pente artous kai tous dyo ichthyas, anablepsas eis ton ouranon eulogesen kai klasas edoken tois mathetais tous artous ohi de mathetai tois ochlois. kai ephagon pantes kai echortasthesan, kai eran to perisseuon ton klasmaton dodeka kophinous plereis. ohi de esthiontes esan andres hosei pentakischilioi choris gynaikon kai paidion.

Καὶ εὐθέως ἠνάγκασεν τοὺς μαθητὰς ἐμβῆναι εἰς πλοῖον καὶ προάγειν αὐτὸν εἰς τὸ πέραν, ἕως οὗ ἀπολύσῃ τοὺς ὄχλους. καὶ ἀπολύσας τοὺς ὄχλους ἀνέβη εἰς τὸ ὄρος κατ’ ἰδίαν προσεύξασθαι. ὀψίας δὲ γενομένης μόνος ἦν ἐκεῖ. τὸ δὲ πλοῖον ἤδη σταδίους πολλοὺς ἀπὸ τῆς γῆς ἀπεῖχεν, βασανιζόμενον ὑπὸ τῶν κυμάτων, ἦν γὰρ ἐναντίος ὁ ἄνεμος. τετάρτῃ δὲ φυλακῇ τῆς νυκτὸς ἦλθεν πρὸς αὐτοὺς περιπατῶν ἐπὶ τὴν θάλασσαν. οἱ δὲ μαθηταὶ ἰδόντες αὐτὸν ἐπὶ τῆς θαλάσσης περιπατοῦντα ἐταράχθησαν λέγοντες ὅτι Φάντασμά ἐστιν, καὶ ἀπὸ τοῦ φόβου ἔκραξαν. εὐθὺς δὲ ἐλάλησεν αὐτοῖς ὁ Ἰησοῦς λέγων· Θαρσεῖτε, ἐγώ εἰμι· μὴ φοβεῖσθε.

Kai eutheos enankasen tous mathetas embenai eis ploion kai proagein auton eis to peran, heos hou apolyse tous ochlous. kai apolysas tous ochlous anebe eis to oros kat’ idian proseuxasthai. opsias de genomenes monos en ekei. to de ploion ede stadious pollous apo tes ges apeichen, basanizomenon hypo ton kymaton, en gar enantios ho anemos. tetarte de phylake tes nyktos elthen pros autous peripaton epi ten thalassan. ohi de mathetai idontes auton epi tes thalasses peripatounta etarachthesan legontes hoti Phantasma estin, kai apo tou phobou ekraxan. euthys de elalesen autois ho Iesous legon; Tharseite, ego eimi; me phobeisthe.

Ἀποκριθεὶς δὲ αὐτῷ ὁ Πέτρος εἶπεν· Κύριε, εἰ σὺ εἶ, κέλευσόν με ἐλθεῖν πρὸς σὲ ἐπὶ τὰ ὕδατα· ὁ δὲ εἶπεν· Ἐλθέ. καὶ καταβὰς ἀπὸ τοῦ πλοίου Πέτρος περιεπάτησεν ἐπὶ τὰ ὕδατα καὶ ἦλθεν πρὸς τὸν Ἰησοῦν. βλέπων δὲ τὸν ἄνεμον ἰσχυρὸν ἐφοβήθη, καὶ ἀρξάμενος καταποντίζεσθαι ἔκραξεν λέγων· Κύριε, σῶσόν με. εὐθέως δὲ ὁ Ἰησοῦς ἐκτείνας τὴν χεῖρα ἐπελάβετο αὐτοῦ καὶ λέγει αὐτῷ· Ὀλιγόπιστε, εἰς τί ἐδίστασας; καὶ ἀναβάντων αὐτῶν εἰς τὸ πλοῖον ἐκόπασεν ὁ ἄνεμος. οἱ δὲ ἐν τῷ πλοίῳ προσεκύνησαν αὐτῷ λέγοντες· Ἀληθῶς θεοῦ υἱὸς εἶ.

Apokritheis de auto ho Petros eipen; Kyrie, ei sy ei, keleuson me elthein pros se epi ta hydata; ho de eipen; Elthe. kai katabas apo tou ploiou Petros periepatesen epi ta hydata kai elthen pros ton Iesoun. blepon de ton anemon ischyron ephobethe, kai arxamenos katapontizesthai ekraxen legon; Kyrie, soson me. eutheos de ho Iesous ekteinas ten cheira epelabeto autou kai legei auto; Oligopiste, eis ti edistasas? kai anabanton auton eis to ploion ekopasen ho anemos. ohi de en to ploio prosekynesan auto legontes; Alethos theou yhios ei.

Καὶ διαπεράσαντες ἦλθον ἐπὶ τὴν γῆν εἰς Γεννησαρέτ. καὶ ἐπιγνόντες αὐτὸν οἱ ἄνδρες τοῦ τόπου ἐκείνου ἀπέστειλαν εἰς ὅλην τὴν περίχωρον ἐκείνην, καὶ προσήνεγκαν αὐτῷ πάντας τοὺς κακῶς ἔχοντας, καὶ παρεκάλουν αὐτὸν ἵνα μόνον ἅψωνται τοῦ κρασπέδου τοῦ ἱματίου αὐτοῦ· καὶ ὅσοι ἥψαντο διεσώθησαν.

Kai diaperasantes elthon epi ten gen eis Gennesaret. kai epignontes auton ohi andres tou topou ekeinou apesteilan eis holen ten perichoron ekeinen, kai prosenenkan auto pantas tous kakos echontas, kai parekaloun auton hina monon hapsontai tou kraspedou tou himatiou autou; kai hosoi hepsanto diesothesan.