§ 6 — Idylles

Δαμοίτας χὡ Δάφνις ὁ βουκόλος εἰς ἕνα χῶρον

Damoitas chho Daphnis ho boukolos eis hena choron

τὰν ἀγέλαν πόκ’ Ἄρατε συνάγαγον· ἦς δ’ ὁ μὲν αὐτῶν

tan agelan pok’ Arate synagagon; es d’ ho men auton

πυρρός, ὁ δ’ ἡμιγένειος· ἐπὶ κράναν δέ τιν’ ἄμφω

pyrros, ho d’ hemigeneios; epi kranan de tin’ ampho

ἑζόμενοι θέρεος μέσῳ ἄματι τοιάδ’ ἄειδον.

hezomenoi thereos meso amati toiad’ aeidon.

πρᾶτος δ’ ἄρξατο Δάφνις, ἐπεὶ καὶ πρᾶτος ἔρισδε.

pratos d’ arxato Daphnis, epei kai pratos erisde.

βάλλει τοι Πολύφαμε τὸ ποίμνιον ἁ Γαλάτεια

ballei toi Polyphame to poimnion ha Galateia

μάλοισιν, δυσέρωτα τὸν αἰπόλον ἄνδρα καλεῦσα·

maloisin, dyserota ton aipolon andra kaleusa;

καὶ τύ νιν οὐ ποθόρησθα τάλαν τάλαν, ἀλλὰ κάθησαι

kai ty nin ou pothorestha talan talan, alla kathesai

ἁδέα συρίσδων. πάλιν ἅδ’ ἴδε τὰν κύνα βάλλει,

hadea syrisdon. palin had’ ide tan kyna ballei,

ἅ τοι τᾶν ὀίων ἕπεται σκοπός· ἁ δὲ βαΰσδει

ha toi tan oion hepetai skopos; ha de baysdei

εἰς ἅλα δερκομένα, τὰ δέ νιν καλὰ κύματα φαίνει

eis hala derkomena, ta de nin kala kymata phainei

ἅσυχα καχλάζοντα ἐπ’ αἰγιαλοῖο θέοισαν.

hasycha kachlazonta ep’ aigialoio theoisan.

φράζεο μὴ τᾶς παιδὸς ἐπὶ κνάμαισιν ὀρούσῃ

phrazeo me tas paidos epi knamaisin orouse

ἐξ ἁλὸς ἐρχομένας, κατὰ δὲ χρόα καλὸν ἀμύξῃ.

ex halos erchomenas, kata de chroa kalon amyxe.

ἁ δὲ καὶ αὐτόθε τοι διαθρύπτεται, ὡς ἀπ’ ἀκάνθας

ha de kai autothe toi diathryptetai, hos ap’ akanthas

ταὶ καπυραὶ χαῖται, τὸ καλὸν θέρος ἁνίκα φρύγει·

tai kapyrai chaitai, to kalon theros hanika phrygei;

καὶ φεύγει φιλέοντα καὶ οὐ φιλέοντα διώκει,

kai pheugei phileonta kai ou phileonta diokei,

καὶ τὸν ἀπὸ γραμμᾶς κινεῖ λίθον· ἦ γὰρ ἔρωτι

kai ton apo grammas kinei lithon; e gar eroti

πολλάκις ὦ Πολύφαμε τὰ μὴ καλὰ καλὰ πέφανται.

pollakis o Polyphame ta me kala kala pephantai.

τῷ δ’ ἐπὶ Δαμοίτας ἀνεβάλλετο καὶ τάδ’ ἄειδεν.

to d’ epi Damoitas aneballeto kai tad’ aeiden.

εἶδον ναὶ τὸν Πᾶνα, τὸ ποίμνιον ἁνίκ’ ἔβαλλε,

eidon nai ton Pana, to poimnion hanik’ eballe,

κοὔ μ’ ἔλαθ’, οὔ, τὸν ἐμὸν ἕνα τὸν γλυκύν, ᾧπερ ὅρημι

kou m’ elath’, ou, ton emon hena ton glykyn, hoper horemi

ἐς τέλος· αὐτὰρ ὁ μάντις ὁ Τήλεμος ἔχθρ’ ἀγορεύων

es telos; autar ho mantis ho Telemos echthr’ agoreuon

ἐχθρὰ φέροι ποτὶ οἶκον, ὅπως τεκέεσσι φυλάσσοι.

echthra pheroi poti oikon, hopos tekeessi phylassoi.

ἀλλὰ καὶ αὐτὸς ἐγὼ κνίζων πάλιν οὐ ποθόρημι,

alla kai autos ego knizon palin ou pothoremi,

ἀλλ’ ἄλλαν τινὰ φαμὶ γυναῖκ’ ἔχεν· ἁ δ’ ἀίοισα

all’ allan tina phami gynaik’ echen; ha d’ aioisa

ζαλοῖ μ’ ὦ Παιὰν καὶ τάκεται, ἐκ δὲ θαλάσσας

zaloi m’ o Paian kai taketai, ek de thalassas

οἰστρεῖ παπταίνοισα ποτ’ ἄντρά τε καὶ ποτὶ ποίμνας.

oistrei paptainoisa pot’ antra te kai poti poimnas.

σίξα δ’ ὑλακτεῖν νιν καὶ τᾷ κυνί· καὶ γὰρ ὅκ’ ἤρων

sixa d’ hylaktein nin kai ta kyni; kai gar hok’ eron

αὐτᾶς, ἐκνυζεῖτο ποτ’ ἰσχία ῥύγχος ἔχοισα.

autas, eknyzeito pot’ ischia rhynchos echoisa.

ταῦτα δ’ ἴσως ἐσορεῦσα ποεῦντά με πολλάκι πεμψεῖ

tauta d’ isos esoreusa poeunta me pollaki pempsei

ἄγγελον. αὐτὰρ ἐγὼ κλᾳξῶ θύρας, ἕστέ κ’ ὀμόσσῃ

angelon. autar ego klaxo thyras, heste k’ omosse

αὐτά μοι στορεσεῖν καλὰ δέμνια τᾶσδ’ ἐπὶ νάσω.

auta moi storesein kala demnia tasd’ epi naso.

καὶ γάρ θην οὐδ’ εἶδος ἔχω κακόν, ὥς με λέγοντι.

kai gar then oud’ eidos echo kakon, hos me legonti.

ἦ γὰρ πρᾶν ἐς πόντον ἐσέβλεπον, ἦς δὲ γαλάνα,

e gar pran es ponton eseblepon, es de galana,

καὶ καλὰ μὲν τὰ γένεια, καλὰ δέ μευ ἁ μία κώρα,

kai kala men ta geneia, kala de meu ha mia kora,

ὡς παρ’ ἐμὶν κέκριται, κατεφαίνετο, τῶν δέ τ’ ὀδόντων

hos par’ emin kekritai, katephaineto, ton de t’ odonton

λευκοτέραν αὐγὰν Παρίας ὑπέφαινε λίθοιο.

leukoteran augan Parias hypephaine lithoio.

ὡς μὴ βασκανθῶ δέ, τρὶς εἰς ἐμὸν ἔπτυσα κόλπον·

hos me baskantho de, tris eis emon eptysa kolpon;

ταῦτα γὰρ ἁ γραία με Κοτυταρὶς ἐξεδίδαξε.

tauta gar ha graia me Kotytaris exedidaxe.

[ἃ πρᾶν ἀμάντεσσι παρ’ Ἱπποκίωνι ποταύλει.]

[ha pran amantessi par’ Hippokioni potaulei.]

τόσσ’ εἰπὼν τὸν Δάφνιν ὁ Δαμοίτας ἐφίλησε,

toss’ eipon ton Daphnin ho Damoitas ephilese,

χὡ μὲν τῷ σύριγγ’, ὁ δὲ τῷ καλὸν αὐλὸν ἔδωκεν.

chho men to syring’, ho de to kalon aulon edoken.

αὔλει Δαμοίτας, σύρισδε δὲ Δάφνις ὁ βούτας,

aulei Damoitas, syrisde de Daphnis ho boutas,

ὠρχεῦντ’ ἐν μαλακᾷ ταὶ πόρτιες αὐτίκα ποίᾳ.

orcheunt’ en malaka tai porties autika poia.

νίκη μὰν οὐδάλλος, ἀνήσσατοι δ’ ἐγένοντο.

nike man oudallos, anessatoi d’ egenonto.