§ 1 — Idylles

ἁδύ τι τὸ ψιθύρισμα καὶ ἁ πίτυς αἰπόλε τήνα,

hady ti to psithyrisma kai ha pitys aipole tena,

ἃ ποτὶ ταῖς παγαῖσι μελίσδεται, ἁδὺ δὲ καὶ τὺ

ha poti tais pagaisi melisdetai, hady de kai ty

συρίσδες· μετὰ Πᾶνα τὸ δεύτερον ἆθλον ἀποισῇ.

syrisdes; meta Pana to deuteron athlon apoise.

αἴκα τῆνος ἕλῃ κεραὸν τράγον, αἶγα τὺ λαψῇ.

aika tenos hele keraon tragon, aiga ty lapse.

αἴκα δ’ αἶγα λάβῃ τῆνος γέρας, ἐς τὲ καταρρεῖ

aika d’ aiga labe tenos geras, es te katarrei

ἁ χίμαρος· χιμάρῳ δὲ καλὸν κρέας, ἕστέ κ’ ἀμέλξῃς.

ha chimaros; chimaro de kalon kreas, heste k’ amelxes.

ἅδιον ὦ ποιμὴν τὸ τεὸν μέλος ἢ τὸ καταχὲς

hadion o poimen to teon melos e to kataches

τῆν’ ἀπὸ τᾶς πέτρας καταλείβεται ὑψόθεν ὕδωρ.

ten’ apo tas petras kataleibetai hypsothen hydor.

αἴκα ταὶ Μοῖσαι τὰν οἰίδα δῶρον ἄγωνται,

aika tai Moisai tan oiida doron agontai,

ἄρνα τὺ σακίταν λαψῇ γέρας· αἰ δέ κ’ ἀρέσκῃ

arna ty sakitan lapse geras; ai de k’ areske

τήναις ἄρνα λαβεῖν, τὺ δὲ τὰν ὄιν ὕστερον ἀξῇ.

tenais arna labein, ty de tan oin hysteron axe.

λῇς ποτὶ τᾶν Νυμφᾶν, λῇς αἰπόλε τεῖδε καθίξας,

les poti tan Nymphan, les aipole teide kathixas,

ὡς τὸ κάταντες τοῦτο γεώλοφον αἵ τε μυρῖκαι,

hos to katantes touto geolophon ahi te myrikai,

συρίσδεν; τὰς δ’ αἶγας ἐγὼν ἐν τῷδε νομευσῶ.

syrisden? tas d’ aigas egon en tode nomeuso.

οὐ θέμις ὦ ποιμὴν τὸ μεσαμβρινόν, οὐ θέμις ἄμμιν

ou themis o poimen to mesambrinon, ou themis ammin

συρίσδεν. τὸν Πᾶνα δεδοίκαμες· ἦ γὰρ ἀπ’ ἄγρας

syrisden. ton Pana dedoikames; e gar ap’ agras

τανίκα κεκμακὼς ἀμπαύεται· ἔστι δὲ πικρός,

tanika kekmakos ampauetai; esti de pikros,

καί οἱ ἀεὶ δριμεῖα χολὰ ποτὶ ῥινὶ κάθηται.

kai ohi aei drimeia chola poti rhini kathetai.

ἀλλὰ τὺ γὰρ δὴ Θύρσι τὰ Δάφνιδος ἄλγε’ ἀείδες

alla ty gar de Thyrsi ta Daphnidos alge’ aeides

καὶ τᾶς βουκολικᾶς ἐπὶ τὸ πλέον ἵκεο μοίσας,

kai tas boukolikas epi to pleon hikeo moisas,

δεῦρ’ ὑπὸ τὰν πτελέαν ἑσδώμεθα, τῶ τε Πριήπω

deur’ hypo tan ptelean hesdometha, to te Priepo

καὶ τᾶν Κραναιᾶν κατεναντίον, ᾇπερ ὁ θῶκος

kai tan Kranaian katenantion, haper ho thokos

τῆνος ὁ ποιμενικὸς καὶ ταὶ δρύες. αἰ δέ κ’ ἀείσῃς

tenos ho poimenikos kai tai dryes. ai de k’ aeises

ὡς ὅκα τὸν Λιβύαθε ποτὶ Χρόμιν ᾆσας ἐρίσδων,

hos hoka ton Libyathe poti Chromin asas erisdon,

αἶγα δέ τοι δωσῶ διδυματόκον ἐς τρὶς ἀμέλξαι,

aiga de toi doso didymatokon es tris amelxai,

ἃ δύ’ ἔχοισ’ ἐρίφως ποταμέλγεται ἐς δύο πέλλας,

ha dy’ echois’ eriphos potamelgetai es dyo pellas,

καὶ βαθὺ κισσύβιον κεκλυσμένον ἁδέι κηρῷ,

kai bathy kissybion keklysmenon hadei kero,

ἀμφῶες, νεοτευχές, ἔτι γλυφάνοιο ποτόσδον.

amphoes, neoteuches, eti glyphanoio potosdon.

τῶ περὶ μὲν χείλη μαρύεται ὑψόθι κισσός,

to peri men cheile maryetai hypsothi kissos,

κισσὸς ἑλιχρύσῳ κεκονιμένος· ἁ δὲ κατ’ αὐτὸν

kissos helichryso kekonimenos; ha de kat’ auton

καρπῷ ἕλιξ εἱλεῖται ἀγαλλομένα κροκόεντι.

karpo helix ehileitai agallomena krokoenti.

ἔντοσθεν δὲ γυνά, τί θεῶν δαίδαλμα τέτυκται,

entosthen de gyna, ti theon daidalma tetyktai,

ἀσκητὰ πέπλῳ τε καὶ ἄμπυκι. πὰρ δέ οἱ ἄνδρες

asketa peplo te kai ampyki. par de ohi andres

καλὸν ἐθειράζοντες ἀμοιβαδὶς ἄλλοθεν ἄλλος

kalon etheirazontes amoibadis allothen allos

νεικείουσ’ ἐπέεσσι. τὰ δ’ οὐ φρενὸς ἅπτεται αὐτᾶς·

neikeious’ epeessi. ta d’ ou phrenos haptetai autas;

ἀλλ’ ὁκὰ μὲν τῆνον ποτιδέρκεται ἄνδρα γελᾶσα,

all’ hoka men tenon potiderketai andra gelasa,

ἄλλοκα δ’ αὖ ποτὶ τὸν ῥιπτεῖ νόον. οἱ δ’ ὑπ’ ἔρωτος

alloka d’ au poti ton rhiptei noon. ohi d’ hyp’ erotos

δηθὰ κυλοιδιόωντες ἐτώσια μοχθίζοντι.

detha kyloidioontes etosia mochthizonti.

τοῖς δὲ μετὰ γριπεύς τε γέρων πέτρα τε τέτυκται

tois de meta gripeus te geron petra te tetyktai

λεπράς, ἐφ’ ᾇ σπεύδων μέγα δίκτυον ἐς βόλον ἕλκει

lepras, eph’ ha speudon mega diktyon es bolon helkei

ὁ πρέσβυς, κάμνοντι τὸ καρτερὸν ἀνδρὶ ἐοικώς.

ho presbys, kamnonti to karteron andri eoikos.

φαίης κεν γυίων νιν ὅσον σθένος ἐλλοπιεύειν·

phaies ken gyion nin hoson sthenos ellopieuein;

ὧδέ οἱ ᾠδήκαντι κατ’ αὐχένα πάντοθεν ἶνες

hode ohi odekanti kat’ auchena pantothen ines

καὶ πολιῷ περ ἐόντι, τὸ δὲ σθένος ἄξιον ἅβας.

kai polio per eonti, to de sthenos axion habas.

τυτθὸν δ’ ὅσσον ἄπωθεν ἁλιτρύτοιο γέροντος

tytthon d’ hosson apothen halitrytoio gerontos

πυρναίαις σταφυλαῖσι καλὸν βέβριθεν ἀλωά,

pyrnaiais staphylaisi kalon bebrithen aloa,

τὰν ὀλίγος τις κῶρος ἐφ’ αἱμασιαῖσι φυλάσσει

tan oligos tis koros eph’ ahimasiaisi phylassei

ἥμενος· ἀμφὶ δέ νιν δύ’ ἀλώπεκες ἁ μὲν ἀν’ ὄρχως

hemenos; amphi de nin dy’ alopekes ha men an’ orchos

φοιτῇ σινομένα τὰν τρώξιμον, ἁ δ’ ἐπὶ πήρᾳ

phoite sinomena tan troximon, ha d’ epi pera

πάντα δόλον κεύθοισα τὸ παιδίον οὐ πρὶν ἀνησεῖν

panta dolon keuthoisa to paidion ou prin anesein

φατὶ πρὶν ἢ ἀκράτιστον ἐπὶ ξηροῖσι καθίξῃ.

phati prin e akratiston epi xeroisi kathixe.

αὐτὰρ ὅγ’ ἀνθερίκοισι καλὰν πλέκει ἀκριδοθήραν

autar hog’ antherikoisi kalan plekei akridotheran

σχοίνῳ ἐφαρμόσδων· μέλεται δέ οἱ οὔτέ τι πήρας

schoino epharmosdon; meletai de ohi oute ti peras

οὔτε φυτῶν τοσσῆνον, ὅσον περὶ πλέγματι γαθεῖ.

oute phyton tossenon, hoson peri plegmati gathei.

παντᾷ δ’ ἀμφὶ δέπας περιπέπταται ὑγρὸς ἄκανθος·

panta d’ amphi depas peripeptatai hygros akanthos;

αἰολικόν τι θέαμα, τέρας κέ τυ θυμὸν ἀτύξαι.

aiolikon ti theama, teras ke ty thymon atyxai.

τῶ μὲν ἐγὼ πορθμεῖ Καλυδωνίῳ αἶγά τ’ ἔδωκα

to men ego porthmei Kalydonio aiga t’ edoka

ὦνον καὶ τυρόεντα μέγαν λευκοῖο γάλακτος·

onon kai tyroenta megan leukoio galaktos;

οὐδέ τί πω ποτὶ χεῖλος ἐμὸν θίγεν, ἀλλ’ ἔτι κεῖται

oude ti po poti cheilos emon thigen, all’ eti keitai

ἄχραντον. τῷ καί τυ μάλα πρόφρων ἀρεσαίμαν,

achranton. to kai ty mala prophron aresaiman,

αἴκά μοι τὺ φίλος τὸν ἐφίμερον ὕμνον ἀείσῃς.

aika moi ty philos ton ephimeron hymnon aeises.

κοὔτί τυ κερτομέω. πόταγ’ ὦγαθέ· τὰν γὰρ ἀοιδὰν

kouti ty kertomeo. potag’ ogathe; tan gar aoidan

οὔτί πᾳ εἰς Ἀίδαν γε τὸν ἐκλελάθοντα φυλαξεῖς.

outi pa eis Aidan ge ton eklelathonta phylaxeis.

ἄρχετε βουκολικᾶς Μοῖσαι φίλαι ἄρχετ’ ἀοιδᾶς.

archete boukolikas Moisai philai archet’ aoidas.

Θύρσις ὅδ’ ὡξ Αἴτνας, καὶ Θύρσιδος ἁδέα φωνά.

Thyrsis hod’ hox Aitnas, kai Thyrsidos hadea phona.

πᾷ ποκ’ ἄρ’ ἦσθ’, ὅκα Δάφνις ἐτάκετο, πᾷ ποκα Νύμφαι;

pa pok’ ar’ esth’, hoka Daphnis etaketo, pa poka Nymphai?

ἢ κατὰ Πηνειῶ καλὰ τέμπεα; ἢ κατὰ Πίνδω;

e kata Peneio kala tempea? e kata Pindo?

οὐ γὰρ δὴ ποταμοῖο μέγαν ῥόον εἴχετ’ Ἀνάπω,

ou gar de potamoio megan rhoon eichet’ Anapo,

οὐδ’ Αἴτνας σκοπιάν, οὐδ’ Ἄκιδος ἱερὸν ὕδωρ.

oud’ Aitnas skopian, oud’ Akidos hieron hydor.

ἄρχετε βουκολικᾶς Μοῖσαι φίλαι ἄρχετ’ ἀοιδᾶς.

archete boukolikas Moisai philai archet’ aoidas.

τῆνον μὰν θῶες, τῆνον λύκοι ὠρύσαντο,

tenon man thoes, tenon lykoi orysanto,

τῆνον χὡκ δρυμοῖο λέων ἔκλαυσε θανόντα.

tenon chhok drymoio leon eklause thanonta.

ἄρχετε βουκολικᾶς Μοῖσαι φίλαι ἄρχετ’ ἀοιδᾶς.

archete boukolikas Moisai philai archet’ aoidas.

πολλαί οἱ πὰρ ποσσὶ βόες, πολλοὶ δέ τε ταῦροι,

pollai ohi par possi boes, polloi de te tauroi,

πολλαὶ δ’ αὖ δαμάλαι καὶ πόρτιες ὠδύραντο.

pollai d’ au damalai kai porties odyranto.

ἄρχετε βουκολικᾶς Μοῖσαι φίλαι ἄρχετ’ ἀοιδᾶς.

archete boukolikas Moisai philai archet’ aoidas.

ἦνθ’ Ἑρμῆς πράτιστος ἀπ’ ὤρεος, εἶπε δέ·" Δάφνι,

enth’ Hermes pratistos ap’ oreos, eipe de;" Daphni,

τίς τυ κατατρύχει; τίνος ὦγαθὲ τόσσον ἐρᾶσαι";

tis ty katatrychei? tinos ogathe tosson erasai"?

ἄρχετε βουκολικᾶς Μοῖσαι φίλαι ἄρχετ’ ἀοιδᾶς.

archete boukolikas Moisai philai archet’ aoidas.

ἦνθον τοὶ βοῦται, τοὶ ποιμένες, ᾡπόλοι ἦνθον·

enthon toi boutai, toi poimenes, hopoloi enthon;

πάντες ἀνηρώτευν, τί πάθοι κακόν. ἦνθ’ ὁ Πρίηπος

pantes aneroteun, ti pathoi kakon. enth’ ho Priepos

κἤφα·" Δάφνι τάλαν, τί τὺ τάκεαι, ἁ δέ τε κώρα

kepha;" Daphni talan, ti ty takeai, ha de te kora

πάσας ἀνὰ κράνας, πάντ’ ἄλσεα ποσσὶ φορεῖται—

pasas ana kranas, pant’ alsea possi phoreitai—

ἄρχετε βουκολικᾶς Μοῖσαι φίλαι ἄρχετ’ ἀοιδᾶς—

archete boukolikas Moisai philai archet’ aoidas—

ζάτεισ’; ἆ δύσερώς τις ἄγαν καὶ ἀμήχανος ἐσσί.

zateis’? a dyseros tis agan kai amechanos essi.

βούτας μὰν ἐλέγευ, νῦν δ’ αἰπόλῳ ἀνδρὶ ἔοικας.

boutas man elegeu, nyn d’ aipolo andri eoikas.

ᾡπόλος ὅκκ’ ἐσορῇ τὰς μηκάδας οἷα βατεῦνται,

hopolos hokk’ esore tas mekadas ohia bateuntai,

τάκεται ὀφθαλμώς, ὅτι οὐ τράγος αὐτὸς ἔγεντο.

taketai ophthalmos, hoti ou tragos autos egento.

ἄρχετε βουκολικᾶς Μοῖσαι φίλαι ἄρχετ’ ἀοιδᾶς.

archete boukolikas Moisai philai archet’ aoidas.

καὶ τὺ δ’ ἐπεί κ’ ἐσορῇς τὰς παρθένος οἷα γελᾶντι,

kai ty d’ epei k’ esores tas parthenos ohia gelanti,

τάκεαι ὀφθαλμώς, ὅτι οὐ μετὰ ταῖσι χορεύεις".

takeai ophthalmos, hoti ou meta taisi choreueis".

τὼς δ’ οὐδὲν ποτελέξαθ’ ὁ βουκόλος, ἀλλὰ τὸν αὐτῶ

tos d’ ouden potelexath’ ho boukolos, alla ton auto

ἄνυε πικρὸν ἔρωτα, καὶ ἐς τέλος ἄνυε μοίρας·

anye pikron erota, kai es telos anye moiras;

ἄρχετε βουκολικᾶς Μοῖσαι πάλιν ἄρχετ’ ἀοιδᾶς.

archete boukolikas Moisai palin archet’ aoidas.

ἦνθέ γε μὰν ἁδεῖα καὶ ἁ Κύπρις γελάοισα,

enthe ge man hadeia kai ha Kypris gelaoisa,

λάθρια μὲν γελάοισα, βαρὺν δ’ ἀνὰ θυμὸν ἔχοισα,

lathria men gelaoisa, baryn d’ ana thymon echoisa,

κεἶπε·" τύ θην τὸν Ἔρωτα κατεύχεο Δάφνι λυγιξεῖν·

keipe;" ty then ton Erota kateucheo Daphni lygixein;

ἦ ῥ’ οὐκ αὐτὸς Ἔρωτος ὑπ’ ἀργαλέω ἐλυγίχθης";

e rh’ ouk autos Erotos hyp’ argaleo elygichthes"?

ἄρχετε βουκολικᾶς Μοῖσαι πάλιν ἄρχετ’ ἀοιδᾶς.

archete boukolikas Moisai palin archet’ aoidas.

τὰν δ’ ἄρα χὡ Δάφνις ποταμείβετο·" Κύπρι βαρεῖα,

tan d’ ara chho Daphnis potameibeto;" Kypri bareia,

Κύπρι νεμεσσατά, Κύπρι θνατοῖσιν ἀπεχθής·

Kypri nemessata, Kypri thnatoisin apechthes;

ἤδη γὰρ φράσδῃ πάνθ’ ἅλιον ἄμμι δεδύκειν·

ede gar phrasde panth’ halion ammi dedykein;

Δάφνις κἠν Ἀίδα κακὸν ἔσσεται ἄλγος Ἔρωτι.

Daphnis ken Aida kakon essetai algos Eroti.

ἄρχετε βουκολικᾶς Μοῖσαι πάλιν ἄρχετ’ ἀοιδᾶς.

archete boukolikas Moisai palin archet’ aoidas.

ὧ λέγεται τὰν Κύπριν ὁ βουκόλος— ἕρπε ποτ’ Ἴδαν,

ho legetai tan Kyprin ho boukolos— herpe pot’ Idan,

ἕρπε ποτ’ Ἀγχίσην. τηνεῖ δρύες, ἔνθα κύπειρος·

herpe pot’ Anchisen. tenei dryes, entha kypeiros;

ἄρχετε βουκολικᾶς Μοῖσαι φίλαι ἄρχετ’ ἀοιδᾶς.

archete boukolikas Moisai philai archet’ aoidas.

ὡραῖος χὥδωνις, ἐπεὶ καὶ μᾶλα νομεύει.

horaios chhodonis, epei kai mala nomeuei.

καὶ πτῶκας βάλλει καὶ θηρία πάντα διώκει.

kai ptokas ballei kai theria panta diokei.

ἄρχετε βουκολικᾶς Μοῖσαι φίλαι ἄρχετ’ ἀοιδᾶς.

archete boukolikas Moisai philai archet’ aoidas.

αὖθις ὅπως στασῇ Διομήδεος ἆσσον ἰοῖσα,

authis hopos stase Diomedeos asson ioisa,

καὶ λέγε· τὸν βούταν νικῶ Δάφνιν, ἀλλὰ μάχευ μοι".

kai lege; ton boutan niko Daphnin, alla macheu moi".

ἄρχετε βουκολικᾶς Μοῖσαι πάλιν ἄρχετ’ ἀοιδᾶς.

archete boukolikas Moisai palin archet’ aoidas.

ὦ λύκοι, ὦ θῶες, ὦ ἀν’ ὤρεα φωλάδες ἄρκτοι,

o lykoi, o thoes, o an’ orea pholades arktoi,

χαίρεθ’. ὁ βουκόλος ὔμμιν ἐγὼ Δάφνις οὐκέτ’ ἀν’ ὕλαν,

chaireth’. ho boukolos ymmin ego Daphnis ouket’ an’ hylan,

οὐκέτ’ ἀνὰ δρυμώς, οὐκ ἄλσεα. χαῖρ’ Ἀρέθοισα,

ouket’ ana drymos, ouk alsea. chair’ Arethoisa,

καὶ ποταμοί, τοὶ χεῖτε καλὸν κατὰ Θύμβριδος ὕδωρ.

kai potamoi, toi cheite kalon kata Thymbridos hydor.

ἄρχετε βουκολικᾶς Μοῖσαι πάλιν ἄρχετ’ ἀοιδᾶς.

archete boukolikas Moisai palin archet’ aoidas.

Δάφνις ἐγὼν ὅδε τῆνος ὁ τὰς βόας ὧδε νομεύων,

Daphnis egon hode tenos ho tas boas hode nomeuon,

Δάφνις ὁ τὼς ταύρως καὶ πόρτιας ὧδε ποτίσδων.

Daphnis ho tos tauros kai portias hode potisdon.

ἄρχετε βουκολικᾶς Μοῖσαι πάλιν ἄρχετ’ ἀοιδᾶς.

archete boukolikas Moisai palin archet’ aoidas.

ὦ Πὰν Πάν, εἴτ’ ἐσσὶ κατ’ ὤρεα μακρὰ Λυκαίω,

o Pan Pan, eit’ essi kat’ orea makra Lykaio,

εἴτε τύ γ’ ἀμφιπολεῖς μέγα Μαίναλον, ἔνθ’ ἐπὶ νᾶσον

eite ty g’ amphipoleis mega Mainalon, enth’ epi nason

τὰν Σικελάν, Ἑλίκας δὲ λίπ’ ἠρίον αἰπύ τε σᾶμα

tan Sikelan, Helikas de lip’ erion aipy te sama

τῆνο Λυκαονίδαο, τὸ καὶ μακάρεσσιν ἀγητόν.

teno Lykaonidao, to kai makaressin ageton.

λήγετε βουκολικᾶς Μοῖσαι ἴτε λήγετ’ ἀοιδᾶς.

legete boukolikas Moisai ite leget’ aoidas.

ἔνθ’ ὦναξ καὶ τάνδε φέρευ πακτοῖο μελίπνουν

enth’ onax kai tande phereu paktoio melipnoun

ἐκ κηρῶ σύριγγα καλάν, περὶ χεῖλος ἑλικτάν.

ek kero syringa kalan, peri cheilos heliktan.

ἦ γὰρ ἐγὼν ὑπ’ ἔρωτος ἐς Ἅιδαν ἕλκομαι ἤδη.

e gar egon hyp’ erotos es Haidan helkomai ede.

λήγετε βουκολικᾶς Μοῖσαι ἴτε λήγετ’ ἀοιδᾶς.

legete boukolikas Moisai ite leget’ aoidas.

νῦν δ’ ἴα μὲν φορέοιτε βάτοι, φορέοιτε δ’ ἄκανθαι,

nyn d’ ia men phoreoite batoi, phoreoite d’ akanthai,

ἁ δὲ καλὰ νάρκισσος ἐπ’ ἀρκεύθοισι κομάσαι·

ha de kala narkissos ep’ arkeuthoisi komasai;

[πάντα δ’ ἔναλλα γένοιτο, καὶ ἁ πίτυς ὄχνας ἐνείκαι.]

[panta d’ enalla genoito, kai ha pitys ochnas eneikai.]

Δάφνις ἐπεὶ θνάσκει· καὶ τὼς κύνας ὥλαφος ἕλκοι,

Daphnis epei thnaskei; kai tos kynas holaphos helkoi,

κἠξ ὀρέων τοὶ σκῶπες ἀηδόσι γαρύσαιντο.

kex oreon toi skopes aedosi garysainto.

λήγετε βουκολικᾶς Μοῖσαι ἴτε λήγετ’ ἀοιδᾶς.

legete boukolikas Moisai ite leget’ aoidas.

χὡ μὲν τόσσ’ εἰπὼν ἀπεπαύσατο· τὸν δ’ Ἀφροδίτα

chho men toss’ eipon apepausato; ton d’ Aphrodita

ἤθελ’ ἀνορθῶσαι· τά γε μὰν λίνα πάντα λελοίπει

ethel’ anorthosai; ta ge man lina panta leloipei

ἐκ Μοιρᾶν, χὡ Δάφνις ἔβα ῥόον. ἔκλυσε δίνα

ek Moiran, chho Daphnis eba rhoon. eklyse dina

τὸν Μοίσαις φίλον ἄνδρα, τὸν οὐ Νύμφαισιν ἀπεχθῆ.

ton Moisais philon andra, ton ou Nymphaisin apechthe.

λήγετε βουκολικᾶς Μοῖσαι ἴτε λήγετ’ ἀοιδᾶς.

legete boukolikas Moisai ite leget’ aoidas.

καὶ τὺ δίδου τὰν αἶγα τό τε σκύφος, ὥς κεν ἀμέλξας

kai ty didou tan aiga to te skyphos, hos ken amelxas

σπείσω ταῖς Μοίσαις. ὦ χαίρετε πολλάκι Μοῖσαι,

speiso tais Moisais. o chairete pollaki Moisai,

χαίρετ’· ἐγὼ δ’ ὔμμιν καὶ ἐς ὕστερον ἅδιον ᾀσῶ.

chairet’; ego d’ ymmin kai es hysteron hadion aso.

πλῆρές τοι μέλιτος τὸ καλὸν στόμα Θύρσι γένοιτο,

pleres toi melitos to kalon stoma Thyrsi genoito,

πλῆρές τοι σχαδόνων, καὶ ἀπ’ Αἰγίλω ἰσχάδα τρώγοις

pleres toi schadonon, kai ap’ Aigilo ischada trogois

ἁδεῖαν, τέττιγος ἐπεὶ τύγα φέρτερον ᾄδεις.

hadeian, tettigos epei tyga pherteron adeis.

ἠνίδε τοι τὸ δέπας· θᾶσαι φίλος, ὡς καλὸν ὄσδει·

enide toi to depas; thasai philos, hos kalon osdei;

Ὡρᾶν πεπλύσθαί νιν ἐπὶ κράναισι δοκησεῖς.

Horan peplysthai nin epi kranaisi dokeseis.

ὧδ’ ἴθι Κισσαίθα, τὺ δ’ ἄμελγέ νιν. αἱ δὲ χίμαιραι,

hod’ ithi Kissaitha, ty d’ amelge nin. ahi de chimairai,

οὐ μὴ σκιρτασεῖτε, μὴ ὁ τράγος ὔμμιν ἀναστῇ.

ou me skirtaseite, me ho tragos ymmin anaste.